освојува – Вистина.мк

Мартија ќе го освојува регионот, а регионот ја препозна(ва) и пред целосно да му се претстави: На убавата кумановка Македонија и е „тесна“? (ФОТО)

Антонио Димитриевски — Tue, 29 Jun 2021 07:10:21 +0000

За младата македонска пејачка Мартија Станојковиќ веќе пишувавме дека наскоро се подготвува да ги израдува своите обожаватели со нова песна. Антониа и Мартија подготвени за жешко лето: Младите убавици се на добар пат да им го „украдат шоуто“ на поискусните колешки (ФОТО) – Вистина.мк (vistina.com.mk) Младата убавица всушност веќе визуелно тоа и го стори со последните објави на социјалните мрежи на кои е многу активна. Особено ги „загреа“ следбениците на својот Инстаграм, со последните објави, на кои „малата сирена“ во прилично провокативни фото-пози ја заскокотка машката фантазија, покажувајќи не само вокално, туку и визуелно дека македонската естрада има надежна иднина. Имено Мартија, со две секси фотографии ја најави својата нова песна и видео, а позите се веројатно дел од кадрите за темата која носи наслов „Не волиш“ (Не сакаш), што укажува дека на убавата кумановка Македонија и е „тесна“? Мартија наумила да го освојува регионот, и тоа со влез на голема врата, па затоа веројатно во старт е ангажиран нашиот композитор и продуцент кого токму регионот најдобро го познава и почитува, Дарко Димитров, кој „ги замешал своите прсти“, преку својата музичка креација, умеење и знаење во новиот проект на младата пејачка. Каков ќе биде финалниот производ наскоро ќе дознаеме, зашто по фотографиите дали е песната хит не може да се препознае, но затоа пак може нешто друго да се дознае. Имено, регионот младата македонска музичка ѕвезд(ичк)а веќе ја препозна(ва) и пред таа целосно да му се претстави. Регионалните портали веќе во најава пишуваат за новата песна на Мартија, но и за нејзната провокативна најава, која не остана не забележана во поедини медиуми и надвор од Македонија! Најавите уште во старт ветуваат, а обожавателите едвај чекаат на најавениот новитет да му се израдуваат... Уште ако и(м) се погоди песната... Кој среќен и задоволен не би бил, особено кога Мартија во старт покажа ваков сексапил! Фото: Инстаграм принтскрин/martijastanojkovic/nema zabranjenih

Како да го освоите мажот кој ви се допаѓа?

Христина Ѓоргиевска — Tue, 07 May 2019 12:45:13 +0000

Ако сакате да научите како да го заведете и освоите мажот кој ви се допаѓа, тогаш овие едноставни совети на Рори Реј, жената која ги учи жените како да привлечат мажи, ќе ви бидат од голема корист. Кога сакате да наведете некој маж да се вљуби во вас, природно е дека тоа ќе го правите покажувајќи му колку сте забавни, интересни, љубезни, паметни. „Фокусирањето на тоа што тој го сака можеби делува како природен чекор, но тоа е најлошиот начин да заведете некого“, вели Рори. Таа истакнува дека ако вие правите планови, му давате некакви совети, подароци и слично тој веројатно тоа ќе го цени, но по некое време ќе се повлече и ќе ве гледа како пријателка. Треба да ги разбудите неговите романтични чувства, но не и да го притискате. Еве неколку нејзини совети: 1. Не му давајте повеќе од тоа што тој ви го дава вам За да мотивирате романтични чувства кај некој маж мора да му покажете дека умеете да примите љубов. „Мажите ги одбива тоа кога добиваат повеќе отколку што даваат. Ако го опсипувате со подароци, вечери, внимание, ќе го поттикнете во вас да гледа пријателка, мајка, наместо да развие романтични чувства и желба за вас“, вели Рори. 2. Не брзајте за врска Не брзајте веднаш да започнете врска, запознајте се првин. Логично е да се прашувате во кој правец ќе се движи вашиот однос, но немојте да му го поставувате тоа прашање на почетокот при запознавање, советува Рори.

Наместо тоа уживајте во запознавањето, забавувајте се и почекајте да видите како работите ќе се довиваат. 3. Не планирајте состаноци Можеби мислите дека е најдобро вие да ги планирате состаноците, отколку да дозволите тој да ве однесе на некое место. „Нема да знаете за што сè е способен еден маж ако не го пуштите тоа да ви го покаже, дури и ако не направи ништо“, вели Рори. Оставете го да биде свој, тоа што е, а вие одлучете дали сакате да бидете со него наместо да му ги наметнувате вашите желби и планови. Според Рори, овие мали промени во размислувањето и однесувањето можат да го променат ставот на мажот кон вас и тој едноставно нема да може да ви одолее. Извор: кајгана

„Хало“… Белград: Во паника „Гранд“ и останатата фолк тарапаана – доаѓа Сузана! (ФОТО)

Антонио Димитриевски — Thu, 08 Nov 2018 08:39:34 +0000

Долго размислуваше и реши да тргне во музички поход. Домашниот веќе оддамна е покорен, па на ред да се освои е пазарот на северниот сосед. За овој свој нов музички подвиг таа одбра екипа од најдобрите. Затоа и Белград е во паника. Сека, Рада, Дара... исплашени... заедно со се' останатата „Гранд“ тарапаана, зашто од југот доаѓа Сузана... Гавазова!

Со ново видео за првата песна на српски насловена „Хало“, сексапилната струмичанка одовде носи „експлозивна комбинација“ со најдоброто од себе.

Својот сугестивен вокал, извајаното тело со сето она што мајката природа ја надарила, а таа го надградила, преку бујните и раскошни атрибути однапред и одзади, до долгите нозе... Пакет за успех кој гледачите ги лепи за ТВ екранот!

Тимот кој работи за неа, како и пејачката - врвен. Драган Брајовиќ - Браја - „трејд марк“ име кое ги потпишува хитовите и текстовите на најголемите музички ѕвезди како Марија Шерифовиќ, Драгана Мирковиќ, Лепа Брена... Тука е и Харис Дубица, „швајцарскиот балканец“ кој ги режирал спотовите и филмот за Лепа Брена. Музиката и аранжманот - дело на уште едно квалитетно име: Дениал Исламчевиќ. Се на се' - „ол стар“ екипа во естрадниот шоу бизнис.

А во видеото за „Хало“, Гавазова како и обично, дава се' од себе... И вокално и визуелно!

Како што и самата вели, за остварувањето на својот сон! Ќе го претвори ли преку ноќ во јаве? Едвај чекаме да видиме!

Дотогаш, „Хало“ , Белграде... Порака до сите твои фолк ѕвезди: Која може нека се „спасува“, доаѓа Гавазова!

View this post on Instagram

A post shared by Suzana (@suzanagavazova) on Nov 6, 2018 at 1:13pm PST