осуден – Вистина.мк

Човекот кој го застрела шетачот на кучињата на Лејди Гага е осуден на 21 година затвор

Слаѓана Атанасова — Tue, 06 Dec 2022 12:41:55 +0000

Човекот кој пукаше во шетачот на кучињата на Лејди Гага и ги киднапираше двете миленици на пејачката во февруари 2021 година, е осуден на 21 година затвор за „ладнокрвен и насилен напад“. Џејмс Хауард Џексон е еден од тројцата мажи вклучени во нападот во февруари 2021 година. За време на инцидентот тој го застрелал Рајан Фишер со пиштол калибар 40 додека се шетал по француските булдози на поп-ѕвездата во Лос Анџелес. Фишер е тешко ранет во градите, а по пукањето напаѓачите и ги киднапирале двете миленици на Гага. Џексон пред судот рече дека не оспорил ниту една точка од обвинението за обид за убиство, објави во понеделникот Окружното обвинителство на Лос Анџелес. „Денеска беше постигната спогодба во случајот против Џејмс Хауард Џексон“, изјави портпаролот на обвинителството. „Г-дин Џексон рече дека не оспорува ниту една од обвиненијата за обид за убиство и го призна обвинението за нанесување тешка телесна повреда. Осуден е на 21 година затвор“, рече тој. „Џексон одговара за извршување на ладнокрвен чин на насилство, што значи правда за нашата жртва. Окружното правобранителство се стреми да ги повика на одговорност секој што ќе изврши насилни дејствија во нашата заедница“. Џексон беше ослободен од притвор на 6 април 2022 година, по административна грешка, но повторно беше уапсен во август. Обвинителството соопшти дека соучесникот во инцидентот, Харолд Вајт, во понеделникот изјавил дека не го оспорува обвинението што го товари за поседување оружје, поради што следната година ќе биде осуден. Полицијата претходно соопшти дека врската со Лејди Гага била случајна, а мотивот за грабежот била вредноста на француските булдози, раса вредна неколку илјади долари. Гага понудила награда во износ од 500.000 долари на тој што ќе и ги врати милениците. Неповредените киднапирани булдози беа предадени на полициската станица во Лос Анџелес неколку дена по инцидентот од Џенифер Мекбриџ, која исто така е обвинета за учество во злосторството. Фото:Пинтскрин/Профимедиа

Раста осуден на една година домашен притвор поради поседување на наркотици

Христина Ѓоргиевска — Fri, 12 Mar 2021 11:32:58 +0000

Познатиот рапер Стефан Ѓуриќ Раста денеска во Првиот основен суд во Белград потпиша договор за признавање на вина за нелегално поседување дрога, која, како што рече, ја имал со себе за лична употреба. „Конечно сè заврши. Ми пресудија една година домашен притвор“, изјави кратко раперот по напуштањето на судот. Тој исто така за „Ало“ изјави дека потпишувањето на договорот поминало во најдобар ред, дека немало проблеми во судницата и дека станува збор само за формално официјализирање на крајот на судењето иницирано поради кривично дело недозволено поседување наркотици . Потсетуваме, пред скоро половина година раперот беше уапсен кога полицијата кај него пронајде 5 грама спакувана марихуана, а потоа при претрес во станот, уште еден килограм од споменатата наркотична дрога.

Џими Мицевски лидерот на групата „Молика“ и сопруг на пејачката Анета Мицевска осуден на 2 години и 6 месеци затвор (ФОТО)

Антонио Димитриевски — Tue, 31 Mar 2020 13:10:04 +0000

Музичарот и лидер на групата “Молика“, Џими Мицевски кој воедно е сопруг на пејачката Анета Мицевска, осуден е денес на казна затвор од 2 години и 6 месеци. Основниот суд – Скопје 1 ја донесе првостепената и неправосилна пресуда за предметот на поранешното СЈО под кодно име “Транспортер“ во кај првообвинетиот екс градоначалник на Битола, Владимир Талески доби затворска казна од 8 години. Мицевски беше обвинет во овој предмет за наводна злоупотреби во ученичкиот превоз во Битола. Со пресудата Мицевски е должен да исплати дел од противправно стекнатата имотна корист од околу 1.000.000 денари. Мицевски има право на жалба до Апелационот суд – Скопје, пресудата ќе биде извршена после правосилната одлука на Апелација.

Лука Лазукиќ осуден поради физичкото насилство врз пејачката Наташа Беквалац

Христина Ѓоргиевска — Thu, 25 Apr 2019 12:30:28 +0000

Лука Лазукиќ е осуден на осум месеци затвор и три години условна казна поради физичкото насилство врз Наташа Беквалац. „На Лука Лазукиќ му е дадена казна од осум месеци затвор, односно условна казна на три години. Тоа значи дека такво кривично дело не смее да се повтори во следните три години. Доколку во следните три години го повтори делото, тогаш ќе се примени осудата за казна затвор од осум месеци“ вели за „Блиц“ адвокатот на пејачката.

Тој е задоволен од пресудатa. „Јас сум задоволен од пресудата. Тоа докажува дека мојата странка пред судот ја зборуваше вистината и дека е направено кривично дело“ додава адвокатот на Беквалац. Во попладневните часови во основиот суд во Белград е одржено судење на кое било донесено оваа одлука. Судењето траело неколку часа, а Лука останал при својот исказ дека не ја нападнал Наташа.

Исто така на Лазукиќ му е продолжена мерката забрана за приближување на пејачката. За потсетување, Лука претходната година во април физички ја напдна пејачката во нивниот дом во Белград.

Синот на Цеца осуден за тепачка: Вељко Ражнатовиќ ќе лежи ако не плати (ФОТО)

Антонио Димитриевски — Mon, 10 Dec 2018 11:57:14 +0000

Синот на Цеца, Вељко Ражнатовиќ и тројца негови другари беа осудени денеска, 10 декември, со парични казни од Основниот суд во бања Лука за насилничко однесување и предизвикување тепачка. Тие беа обвинети за тепачка во која бил повреден Петар Золак во април 2017 година на паркингот пред хотелот "Сан" во Лакташи.

Ражнатовиќ, кој до денес не беше никогаш осудуван, е осуден на парична казна од 800 конвертабилни марки. Ако осуденото лице не ја плати потребната сума во следните три месеци, ќе биде осуден на казна затвор и тоа во замена за 100 марки - еден ден затвор. Казната беше проследена и со признавање на вината на обвинитиот во договор со обвинителството во Бања Лука.

Покрај Ражнатовиќ, заради тепачката осудени се и Милош Еќим (22), исто така со казна од 800 марки, и Немања Ѓуриќ (23) кој исто така ја заработи истата парична казна. Најсуровната казна од 1.000 марки ја заработи обвинетиот Јован Марјановиќ (22) вработен во Народното собрание на Република Српска. Обвинителот Татјана Нинковиќ изјави дека Марјановиќ е осуден во согласност со неговата улога во кривичното дело. Сите обвинети се согласија со договорно признавање на вината со Окружниот јавен обвинител во Бања Лука.