остануваат – Вистина.мк

Колку парови навистина остануваат заедно по изневерување – резултатите од една студија ќе ве изненадат

Слаѓана Атанасова — Mon, 09 Oct 2023 13:00:06 +0000

Колку пати сте слушнале – можам да простам само измама за која не знам. Но, колку парови всушност преживуваат по неверството? Овој и други интересни податоци ги покажа едно истражување. Истражувајќи ги важните фактори кои придонесуваат за подолготрајна љубовна врска, истражувачите од британскиот сервис ITVX анкетирале 2.000 парови во долги и среќни врски и меѓу другото провериле колку е важен нивниот сексуален живот и колку често имаат односи. Откриле дека паровите кои биле заедно 10 или повеќе години имале секс во просек седум пати месечно. Пресуден фактор за среќна врска И иако повеќето од нив го спомнаа сексот како еден од важните фактори за долга и среќна врска, истражувањето исто така покажа дека многумина не го сметаат за најважен фактор. Апсолутно клучната работа за успехот на врската и она што ги одржува паровите заедно повеќе од 10 години беше – заедничкото забавување. Освен тоа, многу луѓе изјавиле дека клучот за успешна врска е тоа што можат заедно да дојдат до компромис, дека немаат тајни од партнерот и дека имаат иста или слична смисла за хумор… Иако сите испитаници рекле дека редовниот секс во голема мера придонесува за задоволство и среќа во врската, приближно пет проценти од анкетираните парови признале дека нивниот партнер спие во посебна просторија, додека 20 проценти рекле дека го изневерувале партнерот во некоја фаза од врската. Од нив, 58 отсто биле фатени во неверство, но односите се опоравиле по голема криза поради неверство. Изненадувачки податоци за измама Изненадувачки е што дури 85 отсто од анкетираните парови успеале да ја поправат врската и да останат заедно и по неверството. Таа информација е голем шок за многумина ако знаеме како луѓето вообичаено зборуваат за измама и ја доживуваат како една од ретките работи во врската што никогаш не би можеле да ја преболат поради скршената доверба. Сега се чини дека водењето љубов со некој друг не мора да биде фатално за врската дури и ако се открие. А има уште една бројка што доволно зборува – 38 отсто од анкетираните дури рекле дека аферата ја зајакнала нивната примарна врска. Инаку, споменатата анкета е само еден од истражувачките проекти во кои неодамна се бараа различни важни фактори во љубовта меѓу мажите и жените. Извор: Попара

Пет причини зошто луѓето остануваат во токсична врска

Христина Ѓоргиевска — Mon, 26 Jul 2021 13:30:20 +0000

Многу луѓе остануваат во нездрави врски, но за да ги препознаеме знаците на таквиот однос, треба длабоко да нурнеме во психологијата што стои зад секоја причина поради која луѓето остануваат во токсични и нездрави врски. Според психотерапевтот Џини Лав Томпсон, секоја врска има одредено ниво на токсичност. Иако е нормално да има подеми и падови во врската, корисно е да се знае кога е време за крај. Но, тоа е полесно да се каже отколку да се направи. 1. Луѓето се плашат од самотија Според истражувањата, стравот од самотија може да ги натера луѓето да останат во деструктивни врски од едноставна причина, подобро е да имаш несовршен партнер отколку да бидеш сам. Општеството понекогаш може да ги натера луѓето да мислат дека да бидеш сам е негативна работа, но во реалноста нема ништо лошо во тоа. 2. Ниско ниво на самодоверба Луѓето кои имаат ниско ниво на самодоверба имаат тенденција да останат во нездрави врски. Откако долго време доживувале малтретирање и токсично однесување, луѓето лесно можат да паднат во замка верувајќи дека тие се виновни за токсичното однесување на партнерот. Ниската самодоверба исто така може да ги натера луѓето да ја преиспитуваат сопствената вредност. 3. Чувство на одговорност за партнерот и неговите постапки По непријатна ситуација или конфликт, се развива чувство на вина кај оној кој трпи малтретирање. Ова однесување се развива постепено, па отежнува личноста да сфати што се случува. Чувството на нервоза, збунетост и неможност да верува во себе и своите постапки се дел од сигналите. 4. Верува дека работите може да се променат Многу луѓе кои се во нездрави врски понекогаш остануваат во неа бидејќи го сакаат партнерот и веруваат дека еден ден тој ќе се поправи или дека врската ќе закрепне. Претпоставуваат дека нездравото однесување на партнерот е како резултат од тешки околности и слично. Но во реалноста, ништо не може да промени некој кој не сака да се промени. За жал, ситуацијата со текот на времето само се влошува. 5. Страв од одбивање Една од причините зошто остануваат во нездрава врска е затоа што некои луѓе се плашат од одбивање, па се врзуваат за моменталниот партнер. Овие луѓе тешко се изразуваат и тешко ги искажуваат своите мисли. извор: Кајгана

Шест хороскопски знаци кои имаат најголема среќа во љубовта

Христина Ѓоргиевска — Wed, 08 Jan 2020 14:30:48 +0000

Сите имаме пријатели кои бираат партнери кои воопшто не им одговараат или не се добри за нив. Од друга страна, имаме и такви чиј партнер е фин, внимателен и добар, па си помислуваме како некои луѓе имаат среќа во љубовта. Според астрологијата, тоа зависи и од хороскопскиот знак во кој сме родени, пишува Your Tango. Едноставно е, некои луѓе се родени под среќна ѕвезда и имаат среќа во љубовта. Еве за кои знаци станува збор:

Јарец

Јарците се познати по тоа што се многу внимателни, изгледа како да имаат шесто сетило кога станува збор за љубовта. Тие ги проучуваат луѓето и можат да направат разлика меѓу некој кој глуми добра личност и некој кој е навистина добар човек. Имаат малку поинаква смисла за хумор и истото го очекуваат и кај партнерот. Покрај себе сакаат личност која ќе ги поддржува во време на криза, некој со кој ќе можат да се смеат и со кого ќе минуваат квалитетно време. Кога еден Јарец бира, бира мудро.

Риби

Романтиката и љубовта се на врвот на листата со приоритети за Рибите. Тие имаат инстинкт што не греши и им кажува кој е способен да им даде љубов. Станува збор за интуитивен знак кој гледа и под површината на работите. Кога Рибите го слушаат нивниот внатрешен глас знаат да одберат совршен партнер. Од друга страна, кога ќе го занемарат тоа гласче и слушаат совети од други луѓе, најчесто прават погрешен избор.

Девица

Девиците имаат одличен вкус кога бираат партнер, но среќата нема врска со тоа. Тие работат на личните способности кои им овозможуваат да ја пронајдат најдобрата личност за нив. Девиците се сензибилни, паметни и учат од сопствените грешки. Го следат гласот на нивното срце и забележуваат работи кои другите ги занемаруваат. Оние кои почнале врска со Девица обично не се свесни дека тој почеток е само тест период бидејќи Девицата ќе се опушти дури откако ќе се увери дека во тој партнер пронашол сè што бара. Бик Биковите имаат совршен вкус за сè, па и за партнери. Тие добро знаат да ги прочитаат луѓето па од првиот состанок ги разгледуваат негативните и позитивните страни на потенцијалниот партнер за да одлучат дали ќе има втор состанок. Биковите не прават ништо површно и кога се обврзуваат треба да се сигурни дека станува збор за вистинската личност. Тие сакаат сè, но не бараат совршенство.

Рак

Љубовта и семејството се најважни за Раковите, па се многу внимателни кога бираат партнер. тие сметаат дека интуицијата ќе ги насочи кон вистинскиот. Партнерите на овој знак треба да бидат сочувствителни, креативни, внимателни бидејќи нема да трошат време на некој што не е таков. Тие сметаат дека дури и нивните бивши партнери се феноменални и затоа најчесто остануваат во контакт со нив. Кога се во врска Раковите даваат се од себе.

Водолија

Водолиите можеби не се најемотивниот знак, но се едни од најинтелигентните. Затоа често знаат да го одберат вистинскиот партнер. Некои Водолии влегуваат во сериозна врска веднаш по запознавањето. Нивниот партнер мора да биде забавен, фин, интересен, креативен и љубопитен. И секси, секако :) извор: кајгана

Паровите кои во нивните љубовни врски го прават ова најчесто се најсреќни и подолго остануваат заедно

Христина Ѓоргиевска — Wed, 22 May 2019 12:05:04 +0000

Ретко се шегувате со својот партнер и секоја негова добронамерна провокација ја сфаќате сериозно? Токму тоа може да биде главниот виновник за вашиот лош однос. Џефри Хал од универзитетот во Кансас во текот на 30 години спроведил 39 истражувања кои вклучувале повеќе од 15 илјади луѓе, а според неговите истражувања заклучил дека хуморот е клучниот дел за градење на успешен однос помеѓу паровите, пишуваат од Joyscribe. Хал потоа објаснува дека партнерите треба да делат слична смисла за хумор за да ги добијат најдобрите резултати од нивниот однос.

„Луѓето велат дека покрај себе сакаат да имаат партнер кој има добра смисла за хумор, но тоа е широк поим. Доколку мислите дека сте смешни или дека од сè можете да направите шега тоа не е причината дека вашата врска може да опстане. За хумор во оваа ситуација се смета оној заедничкиот, поврзан со задоволството на односот кој паровите заедно го развиваат“ - истакнал Хал додавајќи дека е важно партнерите да се следат еден со друг во тој контекст.

„Да кажеме дека вие и вашиот партнер делите чудна смисла за хумор, но романтичните комедии не допираат до вас. Не е работата во тоа што нечиј хумор е подобар или полош, само важно е меѓусебно да се разбирате и да доживеете заеднички чуден хумор како хистерија. Доколку делите смисла за хумор тоа ве афирмира и го потврдува вашиот однос низ насмевка“ - вели Хал. Во другите истражувања, Хал наведува дека способноста за меѓусебно засмејување гради сигурност помеѓу партнерите. „Заедничката смеа е важен показател за романтична привлечност меѓу потенцијалните партнери“ - вели тој. Сепак тоа не значи дека треба да се исмејувате со вашиот партнер или да бидете безобразни и сето тоа да го правите на шега, туку треба да имате мерка додека се шегувате на нечија сметка. извор: точка.мк