За нив разводот никогаш не е опција: Овие луѓе остануваат засекогаш во среќен брак

Христина Ѓоргиевска — Tue, 09 Oct 2018 14:30:05 +0000

Сите би сакале да знаеме која е тајната на среќниот брак. Секој ќе ви каже понекој совет за тоа како бракот да ви биде похармоничен и подолготраен, но сепак постојат некои основни карактеристики кои ги поседуваме како индивидуи, а тие можат да допринесат да останеме засекогаш среќни со нашиот партнер.

На прво место е одговорноста, бидејќи никој не сака покрај себе неодговорна личност, на која не може да се потпре. Следната карактеристика вели дека мора да бидете позитивен човек и наместо да го одбиете партнерот за нешто, велејќи му „не, не можам“, најдете начин да му одговорите потврдно.

Трета и не помалку важна карактеристика е прифаќањето. Личноста која умее да ја прифати различноста на партнерот, нема да прави голема врева кога ќе дојде до момент партнерот да мисли поинаку.

Личноста која знае да ја негува душата, телото и духот на партнерот е личност која ќе биде покрај партнерот и во добро и во зло. И последно, личностите кои имаат авантуристички дух сигурно ќе останат секогаш среќни во бракот, бидејќи токму ова го прави бракот интересен и динамичен. извор: точка.мк

остануваат во брак – Вистина.мк

За нив разводот никогаш не е опција: Овие луѓе остануваат засекогаш во среќен брак