остани – Вистина.мк

Даниел Крстески и три секси Колумбијки во спотот за – „Остани“ (ВИДЕО)

Антонио Димитриевски — Wed, 06 Sep 2023 12:15:20 +0000

За разлика од многумина други кои се обидуваат набрзина да се „вивнат“ на естрадното небо кај нас, пејачот Даниел Крстески тоа го прави полека, чекор по чекор, скромно и ненаметливо. Без многу помпа и наметнување, туку напротив, од „сенка“ што се вели, Крстески вади нови песни, спотови, настапува низ земјата и сигурно сме дека неговото време допрва доаѓа... Пред само неколку дена тој ја извади неговата најнова песна со наслов „Остани“, на која како автор се потпишува лично тој. Музиката, текстот и аранжманот се негово дело, додека мастерингот е дело на Христијан Ѓорѓиевски. За оваа нова песна, младиот пејач сними и видеоспот, во кој покрај него се појавуваат уште три други девојки, кои да бидеме искрени изгледаат фантастично... „Ова е комплетно моја песна направена во моето ново студио. Ја правев долго време, не брзав во изборот, иако имам и доста други песни веќе готови. Чекав повеќето од нив да ми „легнат“ и да одлучам која од нив прва да ја објавам. Сега само останува публиката да „пресуди“ дали е ова добро или пак не. Јас искрено се надевам ќе им се допадне“ – ни изјави скромниот пејач. Инаку Даниел има и свој музички бенд составен од одлични професионалци. Тие наскоро започнуваат и со настапи низ земјата, а до тогаш уживајте во „Остани“:

Сале – Рокер ја пушти во етер баладата „Остани“ од последниот „Охрид фест 2018“ (ВИДЕО)

Антонио Димитриевски — Thu, 01 Nov 2018 09:20:14 +0000

Македонскиот пејач и музички менаџер Сашко Андриески попознат како Сале - Рокер во етер ја пушти баладата „Остани“ со која настапи на последниот „Охрид Фест - Охридски трубадури 2018“.

По досега неговата комерцијално најуспешна тема и видеото за неа насловена „Мост“ која се појави во текот на летото, оваа песна води во малку помирни води, но секако не отстапува од неговиот препознатлив стил, кој Сале - Рокер грижливо го гради и негува - базичниот, полнокрвен рок ен рол. Токму затоа и за „Остани“ може да се каже дека е рок балада, без оглед што е изведена на еден фестивал како „Охрид фест 2018“, кој Сале го искористи за медиумска промоција на своето ново остварување.

Автор на музиката и стиховите е самиот Сашко Андриески, додека аранжманот на песната го потпишува Драган Ристовски, која Сале овој пат ја изведува сам, без својата придружна група „СРВ“. Како звучи „Остани“ и како изгледаше нејзината фестивалска изведба на „Охрид фест 2018“ од нејзиниот автор и изведувач Сале - Рокер проследете во продолжение: https://www.youtube.com/watch?v=WHTmi-OyRXk&feature=share

Симона Поповска во љубов со „старата љубов“: По пет години, повторно заедно! (ФОТО)

Антонио Димитриевски — Wed, 24 Oct 2018 07:44:18 +0000

„Кога си до мене сè е добро, нема солзи, нема дождови… Држи ме за рака, покрај мене остани“, пееше Симона Поповска во својата последна нова песна насловена „Остани“, која пејачката ја изведе на годинешното издание на фестивалот „Макфест 2018“ во Штип.

Стиховите секако љубовни, а кога човек е вљубен тогаш му извираат најдлабоките емоции од дното на душата и срцето. И ништо нема необично во тоа ако се знае дека покрај тоа што неодамна стана доктор, македонската пејачка го кажа и своето судбоносно - ДА!

Но, распеаната докторка, деновиве призна дека одново е во љубов... со старата љубов! По пет години пауза повторно се заедно!

Неееее... без грижа, се' е во ред со бракот на згодната и сексапилна охриѓанка! Во прашање е една поинаква љубов... Љубов кон инструментот, во случајов виолината!

Дали заради тоа што автор токму на макфестовската тема „Остани“ е виолинистот Горјан Стојановски, па токму соработката со него кај пејачката ја поттикна желбата за „враќање на старо“, кога е инструментот во прашање...

...Или новиот порив за старата љубов е инициран од некоја друга причина, останува сексапилната докторка дополнително да објасни!

Макфестовската „Остани“ е новата песна на Симона Поповска (АУДИО)

Антонио Димитриевски — Sun, 14 Oct 2018 12:44:49 +0000

„Кога си до мене сè е добро, нема солзи, нема дождови… Држи ме за рака, покрај мене остани“, пее Симона Поповска во својата нова песна насловена „Остани“, која пејачката ја изведе на годинешното, 33. по ред издание на фестивалот „Макфест 2018“. Станува збор за авторско дело на Горјан Стојановски, кој се погрижи за музиката, а стиховите се на Елвир Мекиќ, додека аранжманот го направија Иван Јованов – Ивајо и Андреј Иваноски (Сирилик).

Макфестовската „Остани“ претендира да биде уште еден хит во кариерата на распеаната докторка, а како звучи сето тоа потсетете се уште еднаш во продолжение. Извор:РадиоМК https://www.youtube.com/watch?v=Jbn7sxRhjSU

Една и единствена, таква и остана… Јелена Розга ја промовираше „Остани“ (ВИДЕО)

Антонио Димитриевски — Tue, 02 Oct 2018 12:59:19 +0000

Хрватската поп кралица, единствената Јелена Розга денес, вторник 02 октомври 2018 ја промовираше новата песна и видеото за неа насловена: „Остани“. Со ва атрактивната сплиќанка воедно и ја промовираше новата соработка со нејзината колешка Емина Јаховиќ и нашиот композитор, аранжер и музички продуцент Дарко Димитров.

Имено, токму Емина Јаховиќ ги потпишува музиката и стиховите на новиот хит во најава на Розга, додека аранжманот за ова ново парче на сексапилната Хрватица го направил токму Дарко Димитров. Розга со нив двајца има во план и други проекти, што беше најавено при нејзините последни настапи во Македонија во август годинава (Прилеп, Валандово, Македонска Каменица), кога менаџментот на Розга оствари контакт средба токму со Димитров на кој беа разгледани деталите и плановите за идната соработка.

Инаку, темата „Остани“ покрај стандардно добрата вокална изведба на Розга, е со модерен аранжман, соодветен избор на бои и звуци кои го следатсветкиот музички тренд и продукција која го поддржува ритамот и песната ја прави слушлива и хитовски заразна за помладите генерации.

Едноставното но мошне ефектно видео е во продукција на Darstu productions & Gentilini film, а режијата ја потпишува Дарио Радусин. Во него Розга уште еднаш го потенцира сиот свој телесен раскош, играјќи на картата на природната убавина и изразениот сексапил со кои русокосата хрватска поп дива вешто кокетира со публиката.

Ако на ова му се придодадат и кадрите во кои пејачката ги презентира и своите балетски движења и чекори кои како оставштина ги носи од младоста, јасно е дека Розга е на добар пат да оствари уште еден полн погодок кај своите обожаватели, но и кај поширокиот публикум. Како изгледа сето тоа спакувано во новата песна и видео на Јелена Розга, премиерно проследете во продолжение: https://www.youtube.com/watch?time_continue=2&v=73reXUqghbc