осигура – Вистина.мк

„Задруга 4“ започна, а Станија се осигура со договор: Ако Кристијан Голубовиќ се обиде да ја нападне или удри, губи 150.000 евра!

Антонио Димитриевски — Mon, 07 Sep 2020 09:17:10 +0000

За Кристијан Голубовиќ и Станија Добројевиќ, реалното шоу започна неколку недели пред да се преселат во „белата куќа“, а нивната вербална војна ескалираше со жестоки навреди и закани неколку дена пред почетокот на „Задруга 4“. Затоа славната старлета реши да се обезбеди од поранешниот партнер и не остави ништо на случајот! Поради стравот за сопствената безбедност, Станија се осигурала за време на учеството во шоуто, па Кристијан ќе го изгуби целиот хонорар доколку физички се обиде да ја загрози. „Конфликтот меѓу Станија и Кристијан првично изгледаше како наместена увертира пред почетокот на новата сезона на најгледаното реално шоу, сè додека не почнаа да си задаваат ниски удари и делат навреди. За да му се одмазди затоа што ја нарекол проститутка, Станија му го спомна семејството на Кристијан, по што веќе немаше враќање. Неговите закани не беа воопшто наивни, па затоа старлетата и се обрати на продукцијата и побара специјален договор кој ќе и гарантира заштита од Кристијан. За неколку дена тој добил и хартија со која написмено го известиле дека ќе ги изгуби сите пари ако ја удри“ - вели изворот и открива дека дополнителниот договор го разбеснил Голубовиќ. „Бидејќи Станија е позната по своите провокации со кои може да го извади од такт дури и најмирниот човек, на Кристијан не му се допадна тоа што со договорот се штити од него. Особено што тој не ја удрил ниту за време на нивното учество во „Фарма“. Потпишал договор вреден 150 илјади евра однапред, и не сака да ги изгуби тие пари. Иако не е склон на насилство врз жени, тој се плаши дека Станија ќе го полуди доволно за да остане без динар. Би било многу тешко тоа да го поднесе, особено затоа што планира да купи локал и стан за да ја обезбеди својата ќерка Вера“ - наведува изворот, кој тврди дека и Кристијан за возврат побарал нешто од продукцијата. „Иако изгледа како човек кој не слуша никого, Кристијан се согласил на договорот и ветил дека нема физички да ја напаѓа Станија. Сепак, тој побарал да и биде забрането да ги споменува сопругата Ивана и ќерката Вера. Тој објаснил дека само во тој случај, тој не ќе може да се воздржи и дека ќе мора да ја замолчи. Продукцијата се согласила на неговото барање, но останува да видиме колку обајцата ќе го почитуваат договорот“ - заклучува изворот.

По теркот на светските ѕвезди: Српската пејачка ги осигура нозете на 200 илјади евра!

Слободанка Илиева — Thu, 19 Sep 2019 11:41:45 +0000

Српската пејачка Миа Борисављевиќ ги осигура нозете во Швајцарија за дури 200.000 евра, пишуваат српските медиуми. Во случај да и се случи нешто на нозете, осигурителната компанија во Цирих ќе и ’плати вртоглава сума пари. - Миа ги следи светските трендови, а во моментов многу познати дами ги осигураат градите, нозете, задникот ... Таа верува дека секоја инвестиција во животно осигурување, дури и во одредени делови од телото, е инвестиција во лична безбедност и начин да се заштити од неизвесна иднина. Затоа одлучи да ги осигура своите нозе дури за 200 000 евра - изјави извор близок на пејачката. Патем, првата Србинка што го стори ова беше Снежана Бабиќ Снеки: - Во 2009 година, таа ги осигура нозете за неверојатни милион долари. Пејачката тоа го направи во германија во една од најпознатите светски осигурителни компании. Притоа, таа официјално го заштити својот најсилен адут, кој е долг 125 см.

Рада Манојловиќ искеширала огромна сума за да го осигура најсилниот атрибут од своето тело

Слободанка Илиева — Tue, 18 Jun 2019 09:22:57 +0000

Популарната српска пејачка Рада Манојловиќ важи за една од најзгодните меѓу своите колешки, а на тоа во прилог оди и нејзината витка линија која не се менува со години. Многумина коментираат дека за Рада времето како да стои и дека секоја година изгледа се подобро и подобро.

По убедување од повеќемина, Рада како многу славни личности од светот одлучила да ги осигура долгите нозе. Тие се нејзиниот најсилен адут покрај гласот. -Сите и зборуваа да го направи тоа, па неодамна го направи во една швајцарска осигурителна куќа. Во прашање е огромна сума на пари, но не сакаше да зборува за цифрата, вели добро известен извор.

Сугестијата да ги осигура нозете веројатно е прифатена, но не и да ги зголеми градите, затоа пак е една од ретките која остана без силикони.