оштета – Вистина.мк

Најпосле дојде и крајот на војната: Џони Деп и Амбер Херд се спогодија – еве колку пари ќе добие актерот од бившата сопруга

Слободанка Илиева — Tue, 20 Dec 2022 09:51:32 +0000

Холивудскиот актер Џони Деп и неговата поранешна сопруга Амбер Херд конечно се спогодиле. Имено, најгледаниот холивудски развод конечно заврши по долг процес пред судот во Вирџинија за тужба за клевета која ја покренаа еден против друг. Адвокатите на популарната актерска двојка успеале да постигнат договор според кој осигурителната компанија на Амбер Херд ќе му плати еден милион долари на Џони Деп, за да стави крај на овој случај, дознава „Дејли мејл“. Но, случајот конечно го доби својот епилог, а според оваа спогодба Џони Деп ќе добие значително помалку пари за обештетување во однос на сумата што ја одреди судот, но веќе нема да има спор со поранешната сопруга. Да потсетиме дека нивната правна битка трае во последните шест години, а Деп поднесе тужба против Херд поради написот што таа го напиша за „Вашингтон пост“ во декември 2018 година. Во него таа се опишала како „јавна личност која е жртва на семејно насилство“, а иако во текстот конкретно не се споменува името на Деп, тој ја тужел и барал отштета од 50 милиони долари. А потоа таа возврати, барајќи 100 милиони долари затоа што „трпела неконтролирано физичко насилство и малтретирање“. Судијата на крајот одлучи дека таа треба да му плати на поранешниот сопруг 10 милиони долари отштета во тужбата за клевета, а Деп да и плати 2 милиони долари. Амбер во неколку наврати се пожали, и најавуваше жалби и јавно изјави дека нема пари да му плати на поранешниот сопруг. фото:Принтскрин Јутјуб/AP

Оштета од неколку стотици илјади евра: Милица Павловиќ освен Ана Николиќ ќе тужи уште неколкумина

Слободанка Илиева — Fri, 01 Jul 2022 11:12:48 +0000

Младата музичка ѕвезда Милица Павловиќ реши да ја тужи колешката Ана Николиќ за песната „Проверено“ која ја изведуваше на настапи и ја претставуваше како своја. Тужбата се уште е во адвокатската канцеларија и официјално не е доставена до Обвинителството, но се очекува тоа да се случи секој момент. Но, покрај Ана, тужбата ќе биде насочена и кон неколку лица, почнувајќи од лицето кое незаконски го објави демото на песната „Провероно“ на социјалната платформа Јутјуб. Како што понатаму наведуваат медиумите, Милица ќе поднесе тужба против сите инволвирани во оваа афера од причина што и штети на нејзиниот бизнис. Во краен случај, ако Ана почне да ја изведува верзијата на Милила, таа може законски да ја забрани. Исто така, тужби можат да поднесат и авторите на песната „Проверено“, и тоа Драган Брајовиќ Браја и Дејан Костиќ. Кога станува збор за отштетата што може да ја добие Милица, таа варира, вели изворот. Ако се земе предвид дека Ана Николиќ добива повеќе ангажмани (настапи), и профитира изведувајќи ја својата верзија на песната, а Милица, пак, поради ова губи деловни понуди, може да добие многу поголем надомест. Бројката што може да ја добие Павловиќ оди и до 200.000 евра. фото:Илустрација/Ало.рс/Инстаграм Милица Павловиќ

Прва отштета за смрт предизвикана од вакцина против Ковид-19

Слободанка Илиева — Fri, 24 Jun 2022 12:35:27 +0000

Вики Спит од Велика Британија, чиј партнер почина по вакцинација со АстраЗенека, е првото лице што доби отштета поради смрт предизвикана од вакцинирање. Спит доби максимална отштета во износ од 120.000 фунти, околу 140.000 евра. Но, за неа тоа не е доволно и надоместокот не е соодветен, јави Би-би-си. Таа повикала брза помош на 13 мај минатата година, кога на нејзиниот партнер му се влошила здравствената состојба поради „мачни“ главоболки. Шест дена подоцна, тој починал во болница во Њукасл. Во неговата посмртница е наведено дека пациентот „починал по компликации од вакцина“. Спит, која има 38 години, тврди дека влегла во долгови откако ја снемало заработката на нејзиниот партнер. Според неа, таа требало да добие околу 180.000 фунти или близу 210.000 евра. Како што таа посочува, Зајон бил здрав, во добра физичка форма и би имал шанси да преживее, доколку лекувањето започнело порано. Таа нагласи дека по неговата смрт, црниот дроб и бубрезите на Зајон се донирани и со тоа се спасени животите на три лица. Џејмс Бел, партнер во специјализирана адвокатска канцеларија за спорови настанати поради медицинска негрижа, исто така смета дека британскиот систем за компензација не е доволно усогласен. извор:kurir.mk

Џони Деп ќе и го прости долгот на Амбер Херт од 8 милиони?! Адвокатите на актерот навестија целосен пресврт (Видео)

Слаѓана Атанасова — Thu, 09 Jun 2022 09:39:56 +0000

Адвокатите на Џони Деп сугерираа дека актерот би можел да се откаже од отштета од 8 милиони долари што требаше да му ја плати неговата поранешна сопруга Амбер Херд, по поразот во судењето - сега кога неговата репутација е вратена. Адвокатите на Деп се појавија во неколку емисии за да ги негираат тврдењата на Амбер Херд дека судењето било нефер. Камила Васкез и Бенџамин Чу се појавија во шоуто „Денес“, „Добро утро Америка“, а потоа и на мрежата „Право и Криминал“ која го следеше судењето без прекин.

EXCLUSIVE: Johnny Depp’s attorneys, Camille Vasquez and Benjamin Chew, tell @savannahguthrie Johnny Depp felt “relief” after the verdict in his trial against Amber Heard.
“He's got his life back." pic.twitter.com/gtYozShSZw — TODAY (@TODAYshow) June 8, 2022

Тие рекоа дека Џони е среќен што победил и дека „вака не се смеел шест години“ - од кога почнале неговите проблеми со Херд. Тие, исто така, го осудија тврдењето на актерката дека го изгубила судењето затоа што е помоќен и попопуларен од неа, велејќи дека е целосно невистина дека социјалните мрежи играле улога и тврделе дека поротата едноставно не ја сакала затоа што таа - за разлика од Џони - „не презеде одговорност за ништо“. Адвокатите сугерираа дека актерот може дури и да се откаже од отштетата од 8 милиони долари што судот и нареди на Амбер да му ја плати. Нејзините адвокати рекоа дека таа не може да си го дозволи тоа и ги открија плановите за жалба. На прашањето дали ќе се откаже од пресудата или не, адвокатите на Деп рекоа: „ За г-дин Деп ова никогаш не беше за пари. Се работеше за враќање на неговиот углед и тој го направи тоа“. „Моето чувство е дека сето ова имаше многу врска со одговорноста. Џони имаше свои проблеми, беше многу искрен за проблемите со алкохолот и дрогата, беше искрен за некои несреќни текстови што ги напиша и мислам дека тоа беше остар контраст со Амбер Херд, која не изгледаше така, или барем жирито можеби ќе сфати дека таа не е одговорна за ништо“ -рече Чу. „Таа имаше одговор за се и не презеде одговорност за ништо. Мислам дека тоа направи разлика“- додаде тој. Васкез објасни дека „клучот за победата беше да се фокусираме на фактите и доказите и можноста Џони да ја каже вистината за прв пат“. „Пресудата зборува сама за себе“- заклучил Васкез за „Добро утро Америка“. Фото:Принтскрин/Профимедиа/Твитер

Северина повторно обвинета за кражба: Пејачката треба да плати оштета на сликар поради повреда на авторски права

Христина Ѓоргиевска — Fri, 22 Nov 2019 12:58:18 +0000

Хрватската пејачка Северина Којиќ на својот албум „Здраво, Маријо“ од 2008 година без дозвола ги користела мотивите на сликарот Мијо Ковачиќ и ќе мора да плати казна поради повреда на авторските права. Во Општинскиот граѓански суд во Загреб е донесена пресуда според која Северина, издавачката куќа „Dallas Recrods“ и фирмата „Motivo d.o.o“ треба на сликарот да исплатат оштета поради повреда на авторски права во износ од 26.089 куни или 2. 3000 евра. Станува збор за обвивката на албумот на Северина „Здраво Маријо“, на кој дел од сликарскиот опус на Мијо, мотивите од делата „Селски танц“ и „Главица од зелка“, се користат без одобрување на авторот. – Да ме прашаше Северина, ќе ѝ ги дадев правата за користење. Но, не ме праша. И тоа не е во ред. Еден мој пријател ми кажа уште тогаш и јас дури и бев вознемирен. Затоа што, преведено гледано, тоа е кражба. Јас во тоа вложив труд, а Северина е популарна ѕвезда. Но, јас не ја познавам неа за да можам да судам. Не ја слушам нејзината музика, не е по мој вкус – изјавил Ковачиќ за „Јутарњи лист“. „Нека им биде на душа, ако не препознаваат дека се виновни – додава тој. Мијо посочува дека не станува збор за парите, а тој треба да ги даде авторските права, како што вели, бесплатно. Само доволно било да го праша. – Треба да се јавите и да прашате. Луѓе сме. На крајот на краиштата, до мене лесно е да дојдеш. И во живо и телефонски – вели легендарниот сликар. За потсетување, поранешниот стилист на Северина исто така ги обивини нејзините соработници за кражба на идеи за костимите за големата турнеја.

Војната продолжува: Северина го тужи својот менаџер и бара оштета од 100 000 евра

Христина Ѓоргиевска — Thu, 28 Mar 2019 09:28:53 +0000

Северина Којиќ поднела тужба против својот менаџер од кого бара да му исплати штета од 100 000 евра поради откажаните концерти, пренесува еден српски портал. Таа смета дека тој и нанел голема штета бидејќи ненајдено ја прекинал соработката со неа, па сега пејачката преку судот во Загреб бара од некогашниот соработник и менаџер се да и исплати. Наводно Северина поседува и документи за своите тврдења, па преку своите адвокати ќе ги даде на надлежните органи и правдата ќе биде задоволена. Изввор близок на пејачката тврди дека таа има доверба во нејзиниот менаџер, но дека нивниот контакт престанал пред два месеци.

„Томовиќ пред својата фирма ги водеше сите работи на Северина, сите плаќања тој ги правеше, договараше настапи, организираше концерти, наоѓаше спонзори. Додека заедно соработуваа, таа немаше потреба да се грижи за техничките работи бидејќи се беше завршено. Од него очекуваше на време да му каже каква одлука донела и така немаше да се најде во ваква ситуација. Мораше да откаже неколку концерти бидејќи Томовиќ потпиша договор, па го раскина. Исто така, на крајот на пролетта требаше да снима реклама за еден познат хрватски бренд, но и тоа е под знак ? бидејќи и тоа тој го водеше“ вели соговорникот.

Северина смета дека финасиски е оштетена и тоа ќе го докаже пред суд. „Се постои на лист хартија. Копии од договорите кои ги правеше Томиќ, а потоа ги раскина. Северина од некои луѓе откри кои идентитет го крие. Томовиќ мораше да ја праша дали сака да го раскине договорот, а тој тоа го направи на сопствена волја. Зошто Северина не би снимила реклама за 35 000 евра или да одржи закажан концерт за кој треба да добие 70 000 евра. Неа секако тоа ќе и значи бидејќи финансиски не стои добро, особено сега откако тешко и оди околу потпишувањето на договори, вели изворот.

Во случај на отказ, Сампаоли може да добие 20 милиони евра

Слободанка Илиева — Fri, 22 Jun 2018 12:45:23 +0000

Селекторот на Аргентина, Хорхе Сампаоли ќе добие оштета од 20 милиони евра, во случај да му биде предвреме раскинат договорот. Во текот на денот беше објавено дека играчите на националниот тим по пораз од Хрватска (0:3) на Светското првенство, апелираа до раководството на Федерацијата за смена на селекторот пред последниот натпревар во групата. Договорот на Сампаоли со Аргентинската федерација е потпишан на пет години, со можност да биде прекинат по Американскиот куп-2019 година. Сампаоли на селекторското место во Аргентина дојде во текот на летото на 2017 година, заменувајќи го тогаш Едгардо Бауза кој немаше добри резултати во квалификациите. Под негово водство Аргентинците успеаја да се пласираат на Мундијалот завршувајќи ги на третото место квалификациите во Јужна Америка. Аргентина со Нигерија ќе игра на 26 јуни и се уште е со шанси да обезбеди пласман во следната фаза. Останува да се види дали до тогаш ќе има промена на селекторската позиција. извор:курир.мк