оригинал – Вистина.мк

Лиде-Лиде, виде дека работата стои “тенко“, па реши да не биде само Лиде на Венко: Реши поинаку „да вози“, па почна да ги имитира познатите во нивните карактеристични пози? (ФОТО)

Антонио Димитриевски — Sat, 11 Mar 2023 09:14:33 +0000

Можеби името Лидија Гиновска на пошироката јавност не и значи ништо, но ако кажете Лиде - Лиде како што се претставува на социјалните мрежи преку кои и стана популарна со своите коментари и објави за екс-министерот за здравство Венко Филипче, по што се претвори во Лиде на Венко, на многумина им е јасно за кого се работи. Таа не испушташе прилика не само да коментира, туку дури и јавно го повика и покани Филипче на кафе, со желба за лична средба со него. Во меѓувреме, Лиде пропеа, а направи и свој подкаст на Јутјуб, насловен „На кафе со Лиде“, па вети дека во една од првите гостин ќе и биде токму Др. Венко Филипче! Средбата се случи, ама не во емисија, туку случајно и на недоговорено, па затоа и беше само блиц средба на која кафето со Филипче изостана, а Лиде тоа не ја задоволи, па на министерот му напиша стихови и песна. Можеби пеењето не и е посилна страна и и' е „малку тенко“, ама затоа надежта која последна умира преточена во ваквата идеја мислеше дека и е полн погодок, па така Лиде стана – „Лиде на Венко“ и во песна. А, Венко? Венко стана член на Централниот одбор на СДС. Ништо ниту од „тета - те“ средба меѓу нив двајца, ниту пак се случи „поствакцинална“ хемија! Но, инфлуенсерската кариера и понатаму мора да се тера, па Лиде, виде - не виде, сврте нова страница. По се' изгледа Лиде-Лиде, виде дека работата стои “тенко“, па Лиде реши да го батали Венко... Се откажа од екс-министерот, па Лиде одлучи поинаку „да вози“ и почна да ги имитира познатите во нивните карактеристични пози! Имено, таа на својот Инстаграм профил тргна да објавува колажи од познати личности кои позираат, па и самата да се фотографира себе си во слични пози и ситуации. Од фографиите се гледа дека не само што одлично се внесува во улогите на познатите фаци од Македонија и регионот, туку на сликите нивната верна копија им додава и свои комични и довитливи коментари и кореографија. Слободно отворете го нејзиниот Инстаграм и погледнете ја и во вакво издание, за да стекнете ново сознание за Лиде-Лиде, која ветува... дека ќе ја биде! Лиде - Лиде крај плочките во купатило како Ведрана Ѓорѓевиќ... ...Или утрински поза „бејби - фејс“ како Сара Мејс... ... Или како фитнес инструкторка ала Ана Стојанова... ...А може и како мисица на пица, ала Кристина Димитриевска... ...Секако и како водителката и пилатес инструкторка налик на Снеже Велков... ...Па зошто да не и разголена топлес, како модната креаторка Ивана Кнез... ...или моделот и ТВ водителка Вера Мештеровиќ... ... со прекрстено нозе мини фустанче и чизми над колена како задругарката, инфлуенсерка и екс- „Ред ТВ“ презнтерка на временска прогноза, Елеонора Миљковиќ... ...со мачкта и мобилниот враце божем тие и се „се', а не само нешто“, како нашата најпозната водителка Лила Филиповска.... ...или со пасошот в раце за кидавела, како беровчанката Јелена Спенџарска, на пат да стане грчка снаа... ... Па потоа со раширени нозе баеги раскомотена, само Лиде седната на клозетска даска, за разлика од проѕирното пластично столче на фолкерката Татијана Стефановска... ...И уште еден куп домашни и регионални пејачки, водителки, манекенки, старлети... Списокот е долг, не ги собира сите на порталот, а „копиите“ на Лиде, како што се гледа, се „верни на оригиналот“! Фото: Инстаграм принтскрин/lide_na_venko

Хит снимка: Реинкарнација на Тома!? (ВИДЕО)

Антонио Димитриевски — Wed, 23 Mar 2022 13:46:09 +0000

На социјалната мрежа Твитер кружи снимка на која може да се види момче кое неверојатно личи на легендарниот пејач Тома Здравковиќ. Имено, на снимката која е направена во некое кафуле, корисникот прво снима фотографија на покојниот Тома, а потоа и момчето кое седи на маста преку пат, кое премногу личи на легендарниот пејач. „Оригинал“ – пишува во описот на видеото. Со оглед на тоа дека момчето навистина многу личи на Тома Здравковиќ, снимката е вистински хит социјалните мрежи, особено на „Твитер“, а многумина за младичот рекоа дека е негова реинкарнација!

Toma? pic.twitter.com/9ypLqHeLm4
— Kalabaster (@KalabasterJak) March 21, 2022

Сани Гроздановска си го бараше, па си го доби… своето второ јас: Копија со тапија, подобра и од оригиналот! (ВИДЕО)

Антонио Димитриевски — Mon, 15 Jun 2020 07:22:25 +0000

Кога по сила на нештата си долго време затворен дома, кога со месеци ќе останеш без работа, ќе ги пробаш сите можни и неможни работи што никогаш претходно не си имал време да ги правиш, па за да ти мине времето на памет ти паѓаат невозмозможни нешта. Особено ако си естраден уметник, кого ем околностите, ем аматеризмот на властите безмалку од естраден, ќе го претворат во страден уметник! Така е со речиси целата естрада која со месеци живее „грицкајќи ја“ заштедата од минатиот труд или на туѓ грб на некој од останатите членови на семејството. Но, бидејќи духот не смее да клоне, оптимизмот не смее да не напушти, а надежта последна умира, фолк пејачката Сања Сани Гроздановска и нејзиниот колега и постојан партнер за шеги, музичарот и скопски угостител Трајче Толевски, решија во овие тмурни времиња уште еднаш „да не умрат“ од смеење. Познати како меѓусебна мета за шеговити прпукувања на сметка на другиот, фолкерите одново најдоа начин како да ја разбијат сопствената монотонија, а при тоа да ги забавуваат и себе си и другите. Ако не од полна кафеана со гости, тогаш онлајн, преку социјалните мрежи со нова шега! Имено, Сани прва ја започна „закачката“ со нова „јадачка“ кон колегата, со тоа што на Трајче му постави нов предизвик: Да ја имитира пејачката, со „скромен“ изговор дека „не е прв што сака да биде како неа“!? Арно ама, бидејќи како него мајка веќе не раѓа, на „скопскиот боем“ не треба двапати да му се каже, па како проверен и искусен трагач по возбуди, не чекаше предизвикот сам да му дојде, туку тој му тргна во пресрет. Соодветна гардероба од проѕирна црна тантела, налик на онаа што Сани често ја носи, перика со долги коси, кармин на усните, сончеви очила и копијата за миг се преточила во оригиналот! Како засилување повикана екипата од неговата група „Скопски боеми“, за впечатокот да биде што посилен, а имитацијата да собере што повеќе поени, во очите на оние што ќе ја видат! Предизвикот прифатен, перформансот прекрасен, па музичарот за миг се преобрази во пејачката... Сани Гроздановска си го бараше, па си го доби... своето второ јас: Копија со тапија, подобра и од оригиналот! „Од малечок сум сакал да сум како тебе... Го прифатив предизвикот , но тоа не е се'...“ - напишал Трајче покрај споделеното шеговито видео. А Сани? Откако на фолкерката верно „и ја земаа мерката“, виде - невиде, мораше тоа и самата јавно да го признае: „Не е прв што сака да биде како мене, ама најуспешен е!“ Чесно и поштено, зашто знаете како велат: „Кој признава, половина му се... додава“!!!

6 сигурни начини да утврдите дали вашиот парфем е навистина оригинален

Христина Ѓоргиевска — Thu, 17 Oct 2019 12:30:22 +0000

Добриот парфем ја исполнува истата функција како и убавата облека. Истиот ја прави една дама привлечна, шармантна и интересна. Затоа, важно е да научите како правилно да изберете оригинален, наместо лажен парфем. На овој начин, мирисот ќе биде долготраен и впечатлив, а вашите пари нема да бидат залудно потрошени. Како да го разликувате лажниот парфем? Како да утврдите дали парфемот кој ќе го купите е навистина оригинален? Како да го разликувате лажниот од вистинскиот парфем? 1. Опаковка Обратете внимание на самата опаковка. Вообичаено е покриена со целофан. Брендираниот парфем се одликува со квалитетна обвивка која ја покрива кутијата на парфемот совршено, без нерамномерности или делови со подуеност. Самите линии на рабовите на целофанот не се извиткани или пак нерамномерни. Произведувачите на лажните парфеми не се интересираат за овој детаљ, бидејќи значи повеќе трошоци. 2. Кутија Следно обратете внимание на кутијата на парфемот. Брендираните компании никогаш нема да ги завиткуваат своите производи во неквалитетни или тврди кутии. Хартијата треба да биде бела и дебела, а внатре, кутијата треба да биде дизајнирана така што ќе ја одржува стабилноста на парфемот и ќе го заштити од можни повреди. Лажниот парфем најчесто е завиткан во кутија со сива внатрешност, бидејќи сивата хартија е поевтина. 3. Дизајнот на шишето Разгледајте го дизајнот на шишето. Произведувачите на лажни парфеми го копираат дизајнот на оригиналните, притоа благо го изменуваат истиот, за да избегнат правна одговорност. Ова е најчесто застапената манипулација со парфемите. Дизајнот лесно може да го споредите со проверување на тоа како изгледа дизајнот на оригиналниот парфем, преку официјалните Интернет страници на брендовите. 4. Сериски број Бидете повнимателни и проверете го и серискиот број на пакувањето. Истиот треба да биде нанесен врз шишето, да не е залепен и да е отпечатен и на пакувањето, притоа и да се совпаѓа. Доколку не се совпаѓаат сериските броеви на шишето и пакувањето, тогаш парфемот е лажен. 5. Боја на парфемот Погледнете ја подобро бојата на парфемот. Произведувачите на оригинални парфеми ретко целосно употребуваат боја. Впечатлива жолта, сина и розова течност се индикатор дека парфемот најверојатно не е оргинален. Оригиналниот парфем најчесто е речиси проѕирен. 6. Трајност на парфемот Пред да го купите, нанесете го парфемот на лист хартија, не на вашата кожа. Доколку не почувствувате присуство на алкохолни ноти, тогаш нанесете го парфемот на вашата кожа и излезете од продавницата, поминувајќи цел ден со парфемот на вашата кожа. На овој начин ќе утврдите колку истиот е навистина траен. извор: Нане

Калиопи Букле покажа уникатен детаљ од нејзиниот дом (фото)

Христина Ѓоргиевска — Mon, 23 Sep 2019 08:11:38 +0000

Калиопи Букле важи за еден од најдобрите македонски вокали и една од најдобрите пејачки која ги полни салите во регионот. Така, во согласност со нејзината професија и нејзините ангажмани, Опи често ги пакува куферите и патува на релација Скопје кон државите од екс Југославија. Меѓутоа, кога е дома Опи ужива во своето омилено катче и омилен простор во центарот на Скопје и токму тука ги полни батериите кога не е на сцена. Бетериите ги полни и на концертите каде заедно со својата публика и фанови ги пее нејзините хитови во еден глас. Опи често е активна на социјалните мрежи и ги известува фановите како за професионални, така и за своите приватни активности. Македонската дива досега неколку пати сподели некои делови од својот дом каде што мебел е претежно во бела нијанса, но исто така посебен шмек дава винтиџ нотата од деталите. https://arhiva.vistina.com.mk/radio-mileva/foto-beli-detali-so-vintidz-nota-vaka-izgleda-vo-domot-na-kaliopi/ Изминатиот викенд Опи го помина во својот дом во Скопје, а на своите следбеници им откри детаљ од домот кој и вие ќе сакате да го имате. Имено, Опи од нејзините најмили и најблиски фанови доби подарок табуретка во вид на куфер, а овој детаљ веднаш го сподели на социјалните мрежи. Опи многу се израдува на овој уникатен подарок, а веднаш со него и го најави нејзиниот следен концерт во Сараево. За потсетување, Опи ќе има турнеја во Сараево која на крајот ќе ја круниса со концерт во Комбанк Дворана во Белград.

Подобра и од оригиналот: Анета Молика „растури“ со песна од Селин Дион! (видео)

Христина Ѓоргиевска — Wed, 09 May 2018 07:30:20 +0000

Иако на македонската сцена не многу се експонира, пејачката Анета Мицевска важи за еден од подобрите вокали на музичкото небо. Ако не може да ја видиме на македонските ТВ програми, тогаш сигурно може да ја гледате кај нашите соседи, односно на телевизија „Гранд“. Како и многу други пејачи, така и нашата Анета кариерата ја богати во големата српска музичка продукција „Гранд“. А кога ние ќе подзаборавиме дека имаме квалитетни пејачи, тука се тие да не потсетат. Анета неодамна гостуваше во една емисија каде што ја отпеја песната „Me heart will go on“ од Селин Дион. Нејзните пријатели и фанови и порачаа дека пее подобро од оригиналот, а да беше родена во Америка сега ќе беше светска ѕвезда. https://www.youtube.com/watch?v=z11rUPoWV9Y

ШОК: Жанко „З’Ш“ сега дозна дека имал брат -„близнак“ во Америка (ФОТО)

Антонио Димитриевски — Thu, 16 Nov 2017 10:46:42 +0000

Повеќето од нас барем еднаш доживеале изненадување, ама во вистинска смисла на зборот. Шок од некое сознание за кое сте биле до вчера убедени дека не е така... или не е можно! Епа можно е! Така мислеше и нашиот познат радио и ТВ водител Жанко „З’ш“ Голабоски, па кога дозна го дочека шок!

Имено, Жанко е лик кој е по многу нешта специфичен. И по физичкиот изглед и по карактер. Особено е впечатлив неговиот физикус кој толку уникатен, колку и неговиот имиџ, така што сите мислевме, а најмногу самиот тој, дека Жанко - „З’ш“ е уникат! Арно ама, дека не така се погрижи да го демантира Марк Цукенберг. Чичко Фејсбук - што би рекле. Токму оваа социјална мрежа на Жанко му ги урна сништата дека е оригинал(ен)... лик.

Имено, „копајќи“ по неа, охридкиот водител дозна дека не е „one and only“ на овој свет! Не барем во суратот, зашто во Америка се појави „копија верна на оригиналот“! Само со малку поинаку облечена, со поразличен имиџ!

Така наш Жанко „З’Ш“ сега дозна дека некаде по светов имал брат -„близнак“! Некое бате од Америка е... Или некое наше бате, одовде ќе да е, што добро го владее фотошопот, па го „фотокопирал“ Жанко и го спакувал во USA пакување. Него го фотошопира за нас да не шокира!