ореви – Вистина.мк

Спас за дамите Оваа смеса ги отстранува несаканите влакна, а рецептот не може да биде поедноставен

Слаѓана Атанасова — Wed, 08 Nov 2023 13:26:21 +0000

Нема ништо поубаво од негувана и мека кожа, но патот до таков резултат не е лесен. Уште повеќе, често е болно, особено кога станува збор за депилација. Сепак, постои рецепт со кој вашата кожа ќе биде мазна, а влакната полека ќе ви растат. Тајната е во смесата со лушпи од орев! Рецепт: Она што треба да направите е да испечете лушпи од ореви и да ги сомелете во прав. Добиената количина треба да одговара на една лажица. Потоа, тој прав измешајте го со еден литар вода и оставете го да отстои 24 часа. Кога ќе помине тој период, промешајте ја течноста, земете памук, натопете го и премачкајте ги деловите од телото од кои сакате да ги отстраните влакната. Оваа постапка треба да се применува 3 пати на ден, додека не ги добиете посакуваните резултати. Во зависност од дебелината на влакната, некои жени ќе доживеат драстично проретчување, додека на други ќе им биде целосно отстранета. Забелешка: Пред да се одлучите за овој тип на отстранување на влакна на телото, консултирајте се со вашиот дерматолог за да дознаете дали вашиот тип кожа може да се справи со тоа. Извор: Курир

Под стрес сте? Треба да јадете ореви!

Слаѓана Атанасова — Mon, 10 Apr 2023 10:19:28 +0000

Нервниот систем може да се одржува стабилен, меѓу другото, и со помош на ореви, изјавила диетологот Маргарита Корољова за списанието „Нејшн њуз”. Според неа, оревите помагаат за поздрав нервен систем, благодарение на витаминот А, Е и К и на масните киселини што се содржат во нив. Тоа е зашто главниот мозок, во повеќе од една третина се состои од масти. За поцврст нервен систем може да послужат производи што содржат и поголема количина витамини од групата Б. Тоа може да биде зеленчук, зрнеста храна, зелена салата и мешунки. Сѐ тоа е здраво за целото човеково тело, па и за нервниот систем. Извор: Курир.мк

Пита со јаболка и ореви: Омиленото задоволство од нашето детство

Слободанка Илиева — Tue, 31 Jan 2023 13:55:20 +0000

Ако ja направите оваа старинска пита со јаболка и ореви, ќе имате одличен десерт што можете да го јадете со кафе или чај. Состојки: 6-7 јаболка 200 гр ореви 500 гр кори за пита 250 гр шеќер 1 лажичка цимет 30 гр презла 1 лимон 80 гр путер шеќер во прав за посипување Подготовка: извор:курир.мк

Прсти да излижеш: Намаз од ореви (рецепт)

Слаѓана Атанасова — Mon, 09 Jan 2023 11:25:52 +0000

Мора да го пробате Состојки: 300 гр ореви сол и бибер по вкус гранулиран лук по вкус 1 кафена лажичка сенф малку топла вода Подготовка: Сомелете ги оревите. Во оревите додадете сол, бибер, лук и сè измешајте. Додадете сенф и малку топла вода, па измешајте. Доколку е потребно, додадете вода, но внимавајте намазот да не е премногу редок.

Науката потврди: Оревите го продолжуваат животот

Слаѓана Атанасова — Mon, 26 Sep 2022 12:25:49 +0000

За долг, здрав и активен живот, во кујната или при рака, секогаш треба да се има – ореви. Ново истражување на Факултетот за јавно здравје при американскиот Универзитет на Минесота, коешто опфаќа повеќегодишни испитувања, посочува дека луѓето кои редовно јадат јаткасти плодови, имаат поголема веројатност да бидат физички поактивни, како и помала опасност од срцеви заболувања во подоцнежната возраст. – Изгледа дека оние што јадат јаткасти плодови имаат уникатен телесен фенотип што носи со себе други позитивни здравствено делотворни влијанија, како што е подобар квалитет на исхраната. Особено ако јадат јаткасти плодови уште од детството до средина на зрелоста, вели проф. д-р Лин М. Стивен. Научниците веруваат дека тоа е поради хранливите состојки во јаткастите плодови и нивното влијание врз целокупното здравје. Тие следеле 3.023 мажи и жени, во распон од 20 години и го споредувале нивното здравје со начинот на исхрана. Оревите се единствениот растителен извор на омега-3 алфа-линоленска киселина, за којашто е докажано дека го поддржува здравјето на срцето и мозокот, како и здравите процеси на стареење. Само една порција ореви (околу грст), има доволна низа хранливи материи корисни за целокупното човеково здравје. Тука, имено, се содржат четири грама протеини, два грама влакна и 45 милиграми магнезиум. Оревите исто така обезбедуваат бројни антиоксиданси, како што се и полифенолите. Јадењето ореви е исто така поврзано и со губење на тежината – луѓето кои јадат ореви покажале значително пониски концентрации на гликоза во крвта од оние коишто не јадат такви јаткасти плодови.

Посен домашен пудинг

Слаѓана Атанасова — Fri, 01 Apr 2022 12:23:56 +0000

1. Просото го ставаме во вода да стои во текот на ноќта. Следниот ден го цедиме, го миеме со ладна вода и повторно процедуваме. 2. Во сад на оган ги ставаме јаболката, претходно излупени, исчистени и исецкани на мали коцки. Ја додаваме водата , покриваме со капак и оставаме на средна температура да се загрее. Го додаваме просото, вариме со повремено мешање. Вариме околу 25 минути, додека не испари поголем дел од водата и просото да е сварено. Садот го тргаме од оган. 3. Со рачен блендер ја блендираме смесата, додека не се добие хомогена смеса. Откако малку ќе се излади го додаваме медот, промешуваме. Сервираме во сад, одозгора ставаме мелени ореви.

Состојки

400 мл вода 100 гр просо 3 лажици мед 50 гр мелени ореви

Нутриционистите открија: Што е подобро за јадење, ореви или бадеми?

Христина Ѓоргиевска — Fri, 11 Feb 2022 14:00:11 +0000

Иако и двата јаткасти плодови се многу здрави, неспорно е дека еден од нив има повеќе здравствени придобивки. Нутриционистката Тамара Самуелс ги спореди јаткастите плодови и бадемите и откри како да го извлечете максимумот од двата јаткасти плодови, но и кој е поздрав. Покрај тоа што се богати со хранливи материи и вкус, многу сорти на ореви имаат и антиинфламаторно дејство на организмот. Бадемите, на пример, се полни со антиоксиданси кои го спречуваат воспалението. Особено, антиоксидансите не штитат од оксидативен стрес, кој ги оштетува клетките и поттикнува воспаление. Сепак, за д-р Семјуелс, оревите се најдобра опција кога е во прашање изборот на суво овошје кое има антиинфламаторно дејство на организмот. – Оревите се разликуваат од другите јаткасти плодови затоа што се најбогати со алфа – линоленска киселина, омега – 3 масна киселина, која има силно антиинфламаторно дејство. Оревите се и богат извор на антиинфламаторни витамини и антиоксиданси, како што се витаминот Е и други фитонутриенти како фенолни киселини, танини и флавоноиди – објасни таа. Иако не се направени многу истражувања за оревите и нивните воспалителни маркери, нутриционистот се потпира на студија која покажала дека секојдневното консумирање ореви може да го намали нивото на различни воспалителни биомаркери. извор: попара.мк

Баклава со плазма, ореви и бело чоколадо натопена во сочен сируп (РЕЦЕПТ)

Riste Zdravkov — Fri, 27 Aug 2021 07:49:03 +0000

Со овој рецепт баклавата ќе биде готова за помалку од еден час. Баклава е десерт што обично се подготвува за прослави како што се слви и празници, но сега не треба да чекате посебна прилика за да ја направите. Затоа, подгответе уникатна баклава што досега не сте ја пробале. Прочитајте го рецептот подолу. СОСТОЈКИ: пакување на готови кори 2 јајца 200 гр мелена плазма 100 гр мелени ореви 100 гр бело чоколадо 50 мл маслиново масло 300 гр шеќер 100 мл вода 1/2 лимон 1 ванилин шеќер ПОДГОТОВКА: Истурете вода во тенџере и додадете шеќер. Исечете го лимонот и оставете го да зоврие околу 5 минути. Изладете. Измешајте ја плазмата со оревите, потоа додадете изматени јајца и растопено чоколадо. Раширете ја кората, посипете малку масло и размачкајте. Ставете го полнењето на дното низ ширината и завиткајте го во ролни. Се редат во намастена тава. Премачкајте со масло, исечете ги на помали ролни. Печете на 200 степени околу 40 минути. Прелијте ја печената баклава да впие од сирупот. Послужете ладно и засладете.

Кифличките со ореви по рецепт на нашите баби се вистинско совршенство

Слободанка Илиева — Thu, 18 Mar 2021 14:20:17 +0000

Дали постои личност на планетава која не се „маѓепсува“ од мирисот на свежо печени, домашни кифлички? Потребни состојки: - 400 гр. брашно - 150 гр. маргарин - 2 јајца - 20 гр. свеж квасец - 1 дл. млеко - изрендана кора од лимон - 200 гр. ореви - 200 гр. шеќер - 200 гр. шеќер во прав Начин на припрема: Во млакото млеко додајте лажичка шеќер, малку брашно и издробениот квасец и оставете да нарасне. За тоа време, на даската за месење ставете го брашното, направете дупка во средината и во неа додајте го нараснатиот квасец заедно со маргаринот, 4 лажици шеќер, 1 цело јајце и 1 жолчка и изренданата лимонова кора. Замесете меко тесто и оставете половина час да одмори. Потоа, расукајте го тестото со дебелина од половина центиметар, исечете го на квадрати и наполнете го со филот. Филот се припрема на следниот начин: изматете ги белките во цврст шлаг, додајте го шеќерот и на крајот додајте ги мелените ореви. Кифличките наредете ги во подмачкан плех и печете на 180 Целзиусови степени, 15 до 20 минути. Додека се уште топли, извалкајте ги кифличките во шеќерот во прав. извор:точка.ком.мк

Торта „Тропикана“ – освежувачки десерт со ананас, кокос и ореви

Христина Ѓоргиевска — Mon, 10 Aug 2020 12:45:47 +0000

Оваа овошна торта е идеална за освежување во текот на топлите летни денови.

Потребни состојки:

За кора:

180 грама брашно
280 грама шеќер
2 лажички сода бикарбона
2 конзерви ананас
2 јајца
40 грама кокос

За фил:

250 грама маскарпоне сирење
100 грама путер
65 грама шеќер во прав
120 грама сечкани ореви
1 ванилин шеќер

Начин на подготовка:

Изматете ги јајцата, додајте малку шеќер и сокот од ананас од конзервата.
Додајте ги брашното, сода бикарбоната, сечканиот ананас, кокосот и оревите и измешајте. Поделете ја смесата во 2 подмачкани плехови и печете околу 40 минути, на температура од 170 °С до 180 °С.
Колачот ќе биде многу влажен и најдобро е да стои во фрижидер цела ноќ.
Измешајте ги состојките за фил и нанесете го на двата дела од тортата, а потоа украсете ги страните и горниот дел.
Одозгора украсете со ананас или со друго овошје по желба.

извор: Кафепауза