орео торта – Вистина.мк

Најлесниот рецепт за превкусен десерт со популарните колачиња

Слободанка Илиева — Wed, 25 May 2022 12:41:18 +0000

Орео колачињата можат да бидат одличен додаток на многу десерти. Овие популарни бисквити можете да ги сомелете во прав и да ги претворите во вкусна основа за чизкејк, но можете да ги додадете и во разни ледени десерти. Не треба ни да ја запалите рерната за да ја подготвите оваа вкусна торта со бисквити Орео. Состојките измешајте ги во блендер, наредете ги во калап за бисквити и ставете ги во фрижидер. Најтешкиот дел од подготовката е да се чека колачот да се стегне и да биде подготвен за послужување. Состојки: 1 литар шлаг 770 гр Орео бисквити 120 мл ирски ликер Бејлис 4 лажици шеќер во прав 2 лажички екстракт од ванила Подготовка: Подгответе калап за колачи со дијаметар од 23 инчи. Покријте го со пластична фолија. Во блендер изматете го кремот во шлаг заедно со шеќерот во прав и ликерот. Во калапот ставете го првиот слој од бисквитите Орео, намачкајте ги со кремот и повторете ја постапката додека не ги потрошите сите состојки. Ставете го во фрижидер да се стегне колачот најмалку 4 до 5 часа или преку ноќ. Исечете го и послужете ја добро изладената торта. Добар апетит! извор:попара.мк

Рецепт и за најголемите аматери во кујна: Орео торта која се прави од 5 состојки – без печење

Слободанка Илиева — Mon, 30 Nov 2020 13:00:48 +0000

Најтешкиот дел во подготовката на оваа торта е чекањето сите тие состојки да отстојат за да бидат подготвени за послужување. Овој прекрасен десерт можат да го направат и најголемите аматери во кујна - рецептот е едноставен затоа што колачот не треба да се пече. Состојки: - 400 грама путер од кикирики; - 200 грама темно чоколадо; - 175 грама шеќер во прав; - 175 грама путер; - 20 Орео колачи. Подготовка: Издробете ги бисквитите и помешајте ги со 75 грама растопен путер. Добиената смеса распоредете ја во сад за торта и ставете ја во фрижидер околу 30 минути. Путерот од кикирики помешајте го со шеќерот во прав додека не добиете потребна густина. Прелијте ја смесата преку изладената Орео кора, па повторно ставете во фрижидер половина час. Преостанатиот дел од обичниот путер помешајте го со темното чоколадо, па растопете го на пареа додека не добиете глазура. Прелијте ја тортата со добиената глазура и ставете ја во фрижидер околу половина час или пак неколку часа додека не се стврдне колку што е потребно. Пријатно јадење! извор:точка.ком.мк