орце зафировски – Вистина.мк

Татјана Лазаревска е – „Жена хероина“ (ВИДЕО)

Антонио Димитриевски — Mon, 11 Sep 2023 12:58:52 +0000

Татјана Лазаревска и Новица Вассилевски како во добрите стари времиња во четвртокот вечерта ( 7-ми септември 2023) ги собраа колегите, пријателите, најблиските и новинарите на дружба во познатата „Камин Кама„ меана на нивниот колега Трајче „Мајка“ Толевски, на задничка дружба, која беа промовирани две нови песни. Како што ветија така и направија, Тања и Новица ја исполнија мисијата во престојот во татковината, и на публиката им подарија две нови нумери, кои и тоа како ќе допрат до публиката. Песната „Љубов ни е име“ сите имаа можност да ја слушнат на последното издание на „Охрид фест“, каде ја добија новинарската награда, а ја отпејаа во дует, кој претставува нивен втор заеднички проект. Втората песна е насловена „Жена хероина“, поп фолк балада, која ја изведува Тања, песна во која нема жена која нема да се пронајде. „Кога ја добив песната на прва се воодушевив, се расплакав. Песната е моќна балада, со многу силна порака и сигурна сум дека во неа нема жена која нема да се пронајде“, рече Тања. „Ние си заминуваме следната недела и се надеваме дека наскоро повторно ќе се видиме заедно во нашата мила татковина Македонија и ќе се дружиме сите заедно и ќе ја промовираме нашата фолк музика секаде каде ќе одиме: Америка, Канада Австралија и ќе бидеме добри амбасадори на нашата музика и земја“ порача Тања. Спотот за песната го изработи Ване Петковски, а истиот е снимен на неколку атрактивни локации во нашот македонски езерски бисер Охрид, во продукција на „ИН ТВ“. Инаку Автори на „Жена хероина“ се Борче Димитров, кој ја направи музиката, додека стиховите ги напиша Орце Зафировски, а истата снимена е во студиото на Горан Милошевски, кој го направил аранжманот. Се работи за една исклучително емотивна фолк балада, во која веројатно ќе се пронајде секоја жена... Опишувајќи ги чувствата, мислите и внатрешната борба и кога е најубаво и кога не и оди, кога тагата надолу ја влече, а секоја солза како жар ја пече, таа одново наоѓа сила како Феникс да се крене на нога... како вистинска хероина која отсекогаш тоа и била. Мелодија ко0а длабоко допира во душата и стихови со кои многу припаднички на понежниот пол ќе се соживеат и ќе речат како да се автобиографски... Како да се токму за нив напишани! Затоа внимателно преслушајте ја оваа фолк балада на Татјана Лазаревска и проследете го видеото... Можеби токму некоја од вас ќе ја препознае во себе нејзината „Жена хероина“.

Во бујните гради на Сања – Барбика чука – „Срце Балканско“ (ВИДЕО)

Антонио Димитриевски — Fri, 23 Jun 2023 06:56:28 +0000

Познатата фолк-пејачка Сања Цинцева или попозната како Сања Барбика вчера, четврток, 22 јуни 2023 година, на социјалните мрежи ја објави нејзината најнова песна со наслов „Срце Балканско“. Барби, која важи за една од нашите најпознати музички имиња на фолк-сцената, со овој нејзин најнов музички проект покажува како треба да звучи, но и да изгледа новосоздадениот македонски фолк. Покрај одличната песна, Барби со својот тим од соработници се потруди да сними и доста интересен видеоспот, во кој покрај неа и згодните танчерки, се појавуваат и триесетина дечиња кои танцуваа на ритамот на „Срце Балканско“. „Јас сум презадоволна од целиот проект. Можеби еден од најдобрите за мене досега. Одбрав одлична екипа за да го сработиме ова и крајниот производ мислам дека ќе и се допадне на публиката. Едноставно уживав и во процесот на снимање на песната во студио, а уште повеќе и за време на снимањето на спотот. Мислам дека ваков спот досега немало кај нас и поради тоа сум пресреќна“ - вели Цинцева. Како автор на музиката се потпишува Бернат Демирали, текстот е дело на Орце Зафировски, а за трубата во песната беше задолжен познатиот Енис Папазов. Довербата да го сними видеоспотот, Барби му ја довери на режисерот Зати, со кого таа има соработувано и во минатото. Инаку оваа нова песна на Сања е само најава за тоа што допрва следува, таа ветува нова музика, нови проекти во иднина, а во меѓувреме ја очекува и доста напорно лето, со оглед на тоа дека таа важи за една од нашите најбарани фолк-пејачки. Слушнете ја и погледнете го спотот за новата песна на барби во чии гради чука - „Срце Балканско“.

Ирена Петрова – Лола дава се’ од себе, за да биде – „Недостижна за тебе“ (ВИДЕО)

Антонио Димитриевски — Fri, 11 Nov 2022 07:16:06 +0000

Атрактивната македонска фолк пејачка Ирена Петрова Лола недамна снимаше видеозапис за нејзината авторска песна „Недостижна за тебе“. Песната за прв пат русокосата ја отпеја на фестивалот „Тумба фест“ во Куманово, фестивал на новосоздадена македонска шегобијна песна, традиционална меѓународна манифестација, која на широко е прифатена од голем број на автори и изведувачи на народна музика. Фестивал на кој се пее на Кумановскиот дијалект, но и на други дијалекти. Текстот на песната на Лола го напишал Орце Зафировски, додека музика и аражманот ги потпишува Цане Петров. Спотот е снимен на неколку локации во Охрид, но дел од видеото е снимено и во Австралија. Него го изработи ИН продукција ,а својата премиера истиот ја имаше на сателитската ИНТВ. Како тоа звучи и изгледа кога Ирена Петрова - Лола дава се' од себе, за да биде - „Недостижна за тебе“, проследете од видеото во продолжение (КЛИКНИ ТУКА):

Елена Велевска низ песна ќе ви раскаже дека – „Овој живот убав е“ (ВИДЕО)

Антонио Димитриевски — Tue, 07 Sep 2021 08:19:16 +0000

Македонската фолк пејачката Елена Велевска на крајот на летото реши себе си, а и својата публика да ја почести со нова песна и видеспот. И тоа необична, поразлична од се' што досега фолкерката испеала, зашто новата песна е далеку од чист фолклор, насловена „Овој живот убав е“. Артан Кастрати го направи аранжманот, Орце Зафировски текстот, а за инструменталниот дел се погрижија Мишел Трајковски и Ферчо Мустафов. „Долго време размислував што да и подарам на мојата публика, преслушав многу песни, но ништо не ми се допадна“ - вели Велевска и додава: „Овој живот убав е” ме освои на прва, неизмерно сум му благодарна на Орце Зафировски кој ја пренесе пораката на вистински начин. И покрај се кое што го живееме, преживуваме колку и да е црно, постои сепак нешто кое ни дава надеж дека утре ќе биде подобро. Со оглед на тоа дека сум мајка, пред се' не смеам да си дозволам деструктивни мисли. На сите ни е тешко, но секој од нас мора најде нешто, што ќе му го направи овој живот убав. Насмевката на моите деца, публиката, сцената, музиката, семејството се само дел од работите кои мојот живот го прават поубав. Се надевам дека на мојата публика ќе и се допадне и песната и пораката што таа ја носи и дека ќе им биде мотивација, досека ја слушаат” - ќе изјави Велевска. Видео спотот е работен под авторско -режисерка палка на Александар Ристовски - Принц. Како звучи и изглледа кога Елена Велевска низ песна и видео тврди дека „Овој живот убав е“, проследетте во продолжение: https://www.youtube.com/watch?v=Lf9mhC9awqw&t=101s

Сузана Гавазова и среде пандемија сними спот па порача – „Апсолутно мој“ (ВИДЕО)

Антонио Димитриевски — Tue, 26 May 2020 12:44:24 +0000

Откако со “Бум, бум” постигна невообичаено голем успех, а среде пандемијата на коронавирусот беше една од ретките која редовно, секој викенд, онлајн на Интернет и ИН ТВ музицираше правејќи концерти од дома во живо, македонска фолк пејачка Сузана Гавазова најде време и можности да сними и нова песна и видео за неа. Во текот на нејзиното последно саботно вклучување со концерт во живо (23 мај 2020), освен веќе познатиот музички репертоар и гостите кои беа најавени како изненадување, Гавазова сите нејзини фанови ги изненади и со промоција на видеоспот за најновата песна насловена „Апсолутно мој”. Како што и самата нагласи, видеоспотот е снимен во рекордно време за само два дена, а веднаш потоа ставен на постпродукција за да може во текот на онлајн концертот да го промовира и претстави на своите обожаватели и публиката воопшто. „Стиховите за новата песна „Апсолутно мој” се дело на текстописецот Орце Зафировски, музиката ја компонирал познатиот пејач од Романија Богдан Де Ла Плоиешти, а аранжманот го подготвил Минтаз Мемедов од Струмица. Песната е миксана во Белград во студиото на Саша Диниќ, а на неа свират едни од најдобрите музичари Сандрито Даниелов од Бугарија и Амза Таиров од Виница. Снимавме на повеќе локации Ќустендил, Виница, Скопје, во Струмица…” - кажа во премиернота најава за видеото Гавазова, во кое покрај пејачката главната женска рплја ја има и бившата сопруга на Даниел Кајмакоски, Мис Глоуб и Мис Балкан за 2019 и актуелна Мис Карантин 2020, тетовката Кристина Димитриевска. Меѓудругото пејачката спомена дека песната не е украдена или позјамена, како што многумина знаат да кажат, туку како и секогаш кога се нејзините песни во прашање и овој пат песната е откупена со сите авторски права. Во продолжение, погледнете го видеоспотот на новата песна „Апсолутно мој”, која исто така претендира биде голем фолк хит. https://www.youtube.com/watch?feature=youtu.be&v=5HnOZkV9x_c&fbclid=IwAR3h37iOFuAQlbcGUy7MiAEt-0zXEgRFdmK1jKwC81_fEXGy0WgIqEV9jPY&app=desktop

Сузана Гавазова во „Бум – бум“ порачува: „Никој ништо не ни може, само песна дај ни Боже“ (ВИДЕО)

Антонио Димитриевски — Fri, 10 Jan 2020 13:15:48 +0000

На повеќе локации во прекрасниот македонски бисер Охрид, се снимаше новиот спот на македонската фолкерка Сузана Гавазова за песната која е насловена “Бум Бум”. Снимањето се одвиваше во забавна и весела атмосфера, а видеото кое веќе е пуштено во етер, го изработи ИН продукција. „Не сум била од лани во Охрид и многу ми е убаво кога ќе дојдам тука особено во зима, а дојдов по повод снимањето на спотот за една нова песна која се вика “Бум Бум”. Снимивме со ИН Продукција, на неколку локации во Охрид: Кај црквата Св. Софија, по Охридската чаршија низ која се прошетавме со музичарите, зурлаџиите и тапанџиите од Дебар, кои дојдоа специјално за ова снимање, за што јас особено сум им благодарна. Мислам дека беше интересно и додека се снимаше луѓето гледаа, беше атракција на некој начин. Кога снимавме не поздравуваа, гледаа и се веселеа“ - истакна Гавазова, за естрадниот магазин Естрада плус. Станува збор за музика која потекнува од старо струмичко оро, од кое подоцна е направена песна на ромски јазик. „Првпат ја слушнав од Бернат и многу ми се допадна, па си реков зошто да не ја направам јас на македонски јазик и излезе дека многу убаво звучи и на македонски. Зурлите и тапаните се најпознатите македонски инструменти, па затоа и убаво се совпадна и вклопија во песната, за чија македонска верзија текстот го напиша Орце Зафировски“ - завршува Гавазова, најавувајќи ја „Бум Бум“ која можете да ја проследите во продолжение.

Сузана Гавазова за љубовна романтика, има нова – „Тактика“ (ВИДЕО)

Антонио Димитриевски — Mon, 26 Aug 2019 11:22:16 +0000

Атрактивната македонска фолкерка Сузана Гавазова која се врати од Шведска и сега на подолго остана да живее во Македонија, покрај бројните настапи летово, најде малку време и за уживање на плажа, ама и да влезе во студио, да сними нова песна, а потоа и видеоспот за истата.

Сексапилната струмичанка всушност има нова „Тактика“ - како што е насловот на песната, за љубовна романтика, како што се говори во стиховите од истата. Композитор на „Тактика“е Касо од нејзината придружна група „Газоза бенд“, кој го направил и аранжманот на песната, додека стиховите ги напишал стариот познаник, текстописецот Орце Зафировски.

Едноставниот видеозапис од сценски настап на Гавазова и „Газоза бенд“ кој ја визуелизира песната го направил уметничкиот фотографи режисер на видеоспотови Дарио „Генерал“ Јанковиќ.

За изгледот ( шминка и фризура) на разиграната Гавазова во видеото се погрижила Александра Бенет од студиото за убавина „Лотус“.

Во продолжение погледнете и слушнете каква тоа нова „Тактика“ за љубовна романтика ова лето подготвила Гавазова. https://www.youtube.com/watch?v=Xh5zVAal93A

Соња – Динамит е „Невеста накитена“ (ВИДЕО)

Антонио Димитриевски — Wed, 24 Jan 2018 12:41:50 +0000

Македонската фолк пејачката која живее во Австралија, а работи под прекарот Соња - „Динамит“ го промовираше најновиот видео запис за песната “Невеста накитена”.

Стиховите за оваа песна се авторско дело на текстописецот Орце Зафировски, музиката ја компонираше познатиот саксофонист Зоран Стефаноски од Австралија, а аранжманот е на маестро Сашко Велков.

Пејачката која допатува специјално од најјужниот континент за да ги сними новите песни и видеа во Македонија, вели дека е презадоволна пред се’ од соработката со Сашко Велков, како и со другите музички соработници, а се надева дека истата ќе продолжи и во иднина. Снимањето на овој спот се одвиваше на неколку преубави локации во Охрид, во соработка со ИН Продукција.

Во продолжение погледнете го видеозаписот за „Невеста накитена“: