3 причини поради кои вашата врска не може да опстане

Слободанка Илиева — Thu, 17 Mar 2022 14:41:27 +0000

Раскинувањата секогаш се непријатна ситуација и шок, а многу често значат и доаѓање на лош период за едната страна. Токму расправиите се поводот, но позади нив се крие главната причина, за која често не сме ниту свесни или избираме да не ја прифатиме. Главните три причини кои доведуваат до емотивен крах се всушност многу јасни и едноставни. 1. Не сме научиле да се носиме со нашите различности На почетокот, нашите разлики не доаѓаат до израз и воглавно сè е идилично и убаво. Како што поминува времето и се запознаваме, доаѓа до тоа секој од нас да има некоја мана, лоша навика или едноставно се разликува од останатите, бидејќи не постојат двајца идентични луѓе. Кога ќе сфатиме дека не сакаме баш сè кај партнерот, се разочаруваме и доаѓа до конфликт. Не сакаме да се соочиме со проблемот и бараме префрлање на вината на другата страна. Ова е најчест вовед во раскинување или развод. 2. Не посветуваме доволно време и внимание на врската Велат дека времето е важен фактор во сè, а во врската уште поважно е вниманието. Некои парови со текот на времето престануваат да одвојуваат време за себе и со тоа го нарушуваат односот, доаѓа до разделување и оддалечување. Повеќе не ги прават работите што ги правеле претходно, а она што било вообичаено да го прават заедно, сега е минато. 3. Недостаток на баланс, бараме премногу промени од едната страна Компромисот е основа за секој однос. Никако не можеме да бараме, ниту да очекуваме дека е во ред само едната страна да се труди и менува. Тоа можеби може кратко да функционира, но во еден момент ќе дојде до заситување и раскинување, бидејќи никој не се чувствува убаво додека се труди залудно. Во некои случаи, едната страна губи надеж дека нешто може да се промени, додека другата страна верува дека врската може да биде сочувана. извор:точка.ком.мк

„Водич за опстанок“ за новопечените татковци

Наташа Тасевска — Tue, 08 May 2018 11:18:21 +0000

Кога во вашиот живот ќе дојде еден мал пакет радост, сè се менува. Воглавно на подобро, но ќе биде потребно извесно време да се навикнете на новите околности. Еве што имаат да ви кажат мажите кои веќе поминале низ ова искуство, ви предложуваме неколку совети кои ќе ви олеснат во првите неколку недели:

Вие сте во истиот тим Вашиот партнер, вашето бебе и вие сте во истиот тим. Сетете се на тоа следниот пат кога сте на работ со мајката на детето да се судрите околу тоа чиј „ред“ е да станр кога бебето ќе заплаче. Колку и да сте уморни, вие и жената што ја сакате заедно пловите во оваа нова, прекрасна фаза во животот. Лесно е да се заборави кога сте ненаспани и исплашени, а притисокот само расте, земете длабок здив и насмевнете се - станавте татко. Длабоко во себе знаете дека би го поместиле светот за тоа бебе што само вика гласно како да е три пати поголемо од онаа мала трошка која сте ја донеле од болница. Штом е така, тогаш, станете и земете ја таа трошка во вашите раце. Никој не бара од вас да го да го поместите светот. Само земете го бебето и пејте му. И не заборавајте ја во сето ова мајката на бебето. Неа и требаат пет минути во текот на денот со вас, за да собере сила и да се чувствува дека во таа цела гужва и возбуда ја сакате најмногу на светот, повеќе отколку што некогаш мислевте дека можете да ја сакате. Останете мирни Ова е важно не само поради мајката на вашето бебе, бидејќи ќе и биде многу полесно ако види дека сте смирени и не паничите затоа што вашето бебе има грчеви, туку и затоа што бебето ја апсорбира емоционалната состојба на нивните родители, а во согласност со тоа така се однесува. Ако сте нервозни и бебето ќе биде нервозно, ако сте во ред, и бебето ќе биде. Мали чекори Треба да го прифатите фактот дека сте зачекориле со доаѓањето на бебето на свет сте зачекориле во непознатото. Се разбира дека не секогаш ќе можете да се снајдете во секунда. И, се разбира, тоа ќе биде тешко во некои моменти. Но верувајте во себе. На бебињата обично им е доволно да ги сакате со сета своја сила. А ако пелената не е совршено наместена, ништо страшно. Исто така ќе го увежбате и тоа. Трпението е доблест. Научете да слушате Ако слушате внимателно, ќе разберете дека бебето ви кажува што му треба. Во првите недели, не се обидувајте да воспоставите некоја рутина. Слушајте ги потребите на вашето бебе. По некое време, ќе воспоставите заедничка рутина, па ќе научите да препознаете кога вашето бебе сака да спие, кога е гладно, а кога само сака да го земете во раце. Кафето е најдобриот пријател на човекот Дури и ако не сте биле обожаватели додека не станете татко, наскоро ќе сфатите дека понекогаш ви треба чаша кафе за да се подигнете. Несоните ноќи ви се загарантирани, барем на почетокот, па сето она што го покренува вашето ниво на будност и енергија е добредојдено. Вклучувајќи кафе, секако. И не грижете се, нема да го „расипете“ бебето. Само слушајте го своето срце. И радувајте се на секој нов ден, во иднина ќе ве чекаат прекрасни работи.

опстанок – Вистина.мк

3 причини поради кои вашата врска не може да опстане

„Водич за опстанок“ за новопечените татковци