општина – Вистина.мк

Дегустации и музичка програма за Свети Трифун во Неготино: „Наздрави со вино, за љубов и среќа“

Антонио Димитриевски — Mon, 06 Feb 2023 10:30:52 +0000

Општина Неготино традиционално го одбележува празникот на Свети Трифун – заштитник на лозарите. По тој повод во Салата на Општина Неготино, Музејот на Неготино и Градскиот плоштад ќе се одржат неколку настани во чест на празникот. Програмата започнува во петок (10.02) а главното одбележување е на 14-ти февруари на Градскиот плоштад. Покрај локални фолклорни групи и бендови ќе настапи и познатиот музички состав „Љубојна“.

„Избор на летен фолк хит 2021“ во Новаци

Антонио Димитриевски — Tue, 17 Aug 2021 12:50:25 +0000

Општина Новаци е покровител на изборот за Летен фолк-хит, а завршниот настан од манифестацијата Културно-забавно лето, сите заинтересирани можат да го проследат вечерва, вторник, 17-ти август 2021, на кој во општинскиот двор од 20.30 часот ќе настапат околу 20 познати музички имиња од домашната фолк сцена. “Да бидеме одговорни и совесни и да се заштитиме. Новите мерки за заштита ќе важат при одржувањето на фестивалот, а на редарската контрола ќе треба да и приложите задолжителна потврда за извршена имунизација, најмалку прва доза, или потврда за прележан Ковид-19, првите 45 дена по прележувањето”, објави организаторот на својата страница.

Бизарен фекален скандал: Познат српски моден дизајнер извршил голема нужда среде ходникот во зградата на хрватската општина Илок!

Антонио Димитриевски — Fri, 18 Sep 2020 10:54:28 +0000

Познат моден креатор од Србија, вчера, четврток 17.09.2020 год. извршил голема нужда и предизвика скандал во општина Илок, пренесуваат хрватските медиуми. Веднаш потоа биле ангажирани работниците за јавни работи, кои со помош на разни хемикалии и средства за дезинфекција успеале да го чистат „фекалниот неред“ што дизајнерот го оставил зад себе. Бил многу обичен работен ден до 11.30 часот. Некаде околу тоа време, познатиот дизајнер и неговата сопруга влегле во зградата. Како што изјавија вработените за медиумите, станува збор за добро познат моден дизајнер од Србија, С.В., кој е по потекло од Хрватска, и кој дошол во Илок со скап автомобил за да заврши некоја работа. И додека неговата сопруга влегла во една од во канцелариите, овој познат дизајнер наводно клекнал и извршил голема нужда во ходникот, непосредно пред вратата на секретаријатот. „Тоа беше одвратно. Потоа отиде во тоалетот, кој исто така го унередил, каде што се пресоблече и се упати кон поштата по своја работа. Колку што знам, никој не го пријави, иако некои од вработените жени го виделе. Има и видео снимено од надзорните камери“ - изјавил еден од вработените. Извор: Курир.рс/Вечерњи.хр Фото: Профимедиа

Преку проектот „Мој Општинар“, Општина Кавадарци поблиску до граѓаните

Христина Ѓоргиевска — Fri, 20 Jul 2018 13:06:14 +0000

Проектот Мој Општинар во Општина Кавадарци, функционира веќе 8 месеци, преку 9 одделни реони каде секој реон има свој општинар кој континуирано последните 8 месеци е излезен на терен. Овој проект има за главна задача лично од граѓаните да ги прими забелешките за проблемите кои може да се решат, а се во надлежност на локалната самоуправа. Преку проектот Мој Општинар, Општина Кавадарци ја доближи општината поблиску до граѓаните. Хортикултурно се озелени над 30 000 м2, поставени се 1100 метални столбови за побезбедно движење на пешаците, 20 детски игралишта, се реновирани и поставени се детски реквизити на 5 нови локации, поставена е нова урбана опрема во сите реони во Општина Кавадарци, исчистени се над 20 диви депонии, со ангажирање на волонтери отстранети се над 300 бесправно поставени лимени гаражи и на истите локации извршено е хортикултурно уредување, поплочени се повеќе улици и реновирани се неколку објкети во селата на Општина Кавадарци. Овие изминати 8 месеци сведочат за функционалноста на проектот Мој Општинар које прв ваков проект во Р. Македонија. Преку проектот Мој Општинар континуирано се одвива акцијата за чисто и убаво Кавадарци. https://youtu.be/oCO57S2qzSw