општина илинден – Вистина.мк

Општина Илинден ќе го прослави патрониот празник 2-ри Август со Ламбе Алабакоски и Ибуш Ибраимовски

Антонио Димитриевски — Fri, 29 Jul 2022 12:41:30 +0000

Општина Илинден ќе го одбележи патрониот празник – Илинден (2-ри Август) со настап на Ибуш Ибраимовски и Ламбе Алабаковски

На ден 28.07.2022 година (четврток) со почеток во 20:00 часот, во амфитеатарот во комплексот на Домот на култура „Илинден“, во населба Илинден на свечен начин ќе биде одбележан патрониот празник на Општина Илинден и националниот празник на македонскиот народ.Манифестацијата по повод одбележувањето на Денот на Општината ќе ја отвори оперскиот пејач Никола Стојчески со интонирање на државната химна, а подоцна ќе настапат добро познатите македонски музички изведувачи, Ибуш Ибраимовски и Ламбе Алабаковски.

„Ја излези Ѓурѓо“ и „Нешто ќе те питам бабо“ ја сплотија општина Илинден: „Некст Тајм“ со одличен настап за националниот празник

Слободанка Илиева — Mon, 29 Jul 2019 12:33:27 +0000

Со прекрасен концерт на групата „Некст Тајм“, општина Илинден на свечен начин го одбележа патрониот празник Илинден 2-ри Август и националниот празник на македонскиот народ. Централната манифестација од одбележувањето на Денот на општината се одржа во прекрасниот амбиент во амфитеатарот на паркот „Галерија на отворено“, пред Домот на култура „Илинден“, каде голем број граѓани уживаа во преработките на старите македонски песни „Слушам кај шумат шумите“, „Ја излези Ѓурѓо“, „Нешто ќе те питам бабо…. На почетокот на свеченоста најнапред со честитки за Денот на Општината и националниот празник на македонскиот народ, на присутните им се обрати градоначалникот Жика Стојановски, кој најави многу нови проекти во насока на подобрување на квалитетот на живот на граѓаните на Општина Илинден. Во конференциската сала на Домот на култура „Илинден“ пред почетокот на манифестацијата се одржа и свечена седница на Советот на Општина Илинден. Во рамките на одбележувањето на Денот на Општината и националниот празник на македонскиот народ и годинава се одржа традиционалниот Спортски викенд „Илинден 2019“, на кој учествуваа над 700 спортисти, кои се натпреваруваа во повеќе спортски дисциплини: велосипедизам, шах, атлетика-трчање, баскет, тенис и фудбал. Централен настан беше традиционалната професионална велосипедска трка во должина од 100 километри „Трофеј Илинден 2019”, која што е влезена во календарот на велосипедски трки на Велосипедската федерација на Македонија и се бодува за купот на нашата земја. На трката настапија 70-на велосипедисти од земјата и од странство кои се натпреваруваа во повеќе категории: сениори, мастерс, кадети, јуниори, жени, У15 и У13. Како вовед во професионалната трка се одржа велосипедска трка за рекреативци во должина од 5 километри, на која учествуваа голем број граѓани од сите возрасти. На натпреварите во атлетика-трчање настапија околу 300 ученици и младинци во трките на 50, 150, 300, 600, 800 и 1500 метри, кои се одржаа на пешачко-велосипедската патека Марино-Кадино. На турнирот во шах што се реализираше во соработка со Шаховската федерација на Македонија учествуваа 35 шахисти. На тенискиот турнир настапија 16 тенисери, додека на натпреварите во баскет во Спортскиот центар „Марино“ учествуваа 8 екипи. Во рамките на Спортскиот викенд „Илинден 2019“ на фудбалското игралиште во Марино се одигра фудбалски натпревар меѓу екипите на новиот второлигаш Кадино и Пелистер од Битола. Покровителот на оваа традиционална манифестација, градоначалникот на Општина Илинден, Жика Стојановски, на најдобрите екипи и поединци им додели соодветни награди, маици, пехари и медали. Дел од одбележувањето на патрониот празник беше и традиционалната крводарителска акција во која 45 крводарители ја даруваа драгоцената течност што живот значи, како и отворањето на изложба на Снежана Колевска. извор:курир.мк

Патронатот на општина „Илинден“ со концерт на „Некст тајм“ и спортски викенд

Антонио Димитриевски — Tue, 23 Jul 2019 12:33:41 +0000

На 28.07.2019 година (недела) со почеток во 20:30 часот, во амфитеатарот на паркот „Галерија на отворено“, пред Домот на култура „Илинден“, во населба Илинден, под мотото „Со Илинден традицијата продолжува“, на свечен начин ќе биде одбележан патрониот празник на општината „Илинден“, 2-ри Август и националниот празник на македонскиот народ. Одбележувањето на Денот на општината ќе биде збогатено со настап на групата „Некст Тајм“. Во рамките на одбележувањето на патрониот празник на Општина Илинден „Илинден 2-ри Август“ и националниот празник на македонскиот народ, на 27 јули (сабота) и 28 јули (недела) 2019 година, ќе се одржи и Спортски викенд „Илинден 2019“. На оваа традиционална спортска манифестација која што се реализира по 11-ти пат се очекува да учествуваат над 700 спортисти кои ќе се натпреваруваат во повеќе спортови: велосипедизам, шах, атлетика-трчање, тенис, баскет и голем фудбал. Централен настан ќе биде традиционалната професионална велосипедска трка во должина од 100 километри „Трофеј Илинден 2019”, која што е влезена во календарот на велосипедски трки на Велосипедската федерација на Македонија и се бодува за купот на нашата земја. И оваа година „Трофеј Илинден 2019” ќе има интернационален карактер бидејќи се очекува да учествуваат над 70-на велосипедисти од неколку држави, кои ќе се натпреваруваат во повеќе категории: сениори, мастерс, кадети, јуниори, жени, У15 и У13.

Стартот на трката е закажан за 27 јули (сабота) во 16:00 часот пред Спортската сала „Гоце Делчев“, каде што ќе биде и целта. Патеката е кружна, ќе се возат 4 круга низ населените места на Општина Илинден: Илинден, Марино, Ајватовци, Мршевци, Дељадровци, Текија, Миладиновци и Кадино, при што должината на еден круг е 25 километри. Покровителот на оваа традиционална манифестација, градоначалникот на Општина Илинден, Жика Стојановски, на најдобрите екипи и поединци ќе им додели соодветни награди, маици, пехари и медали.