оперски пејач – Вистина.мк

Сашо Спасовски беше тинејџерски музички идол, а потоа преку ноќ исчезна: „Слаткиот живот“ на несудениот оперски пејач (ФОТО+ВИДЕО)

Антонио Димитриевски — Mon, 08 Nov 2021 10:15:17 +0000

Македонија отсекогаш имала свои тинејџерски музички идоли... Денес ги има новите како Антониа Гиговска, Мартија Станојковиќ, Таско, 2 Бона... а кон крајот на 90-ите и почетокот на новиот милениум едно младо момче, средношколецот со бебешко лице и широка насмевка преку ноќ ги освои симпатиите и срцата на неговата генерација. Се појави речиси од нигде- никаде и веќе со својата прва песна, баладата „Не ги гаси свеќите“ ги обори на колена тинјџерите, особено тинејџерките кои паднаа многу повеќ на неговиот сладок изглед, шарм, харизма... отколку на којзнае каквите вокални способности. Но и песните кои најпрвин му ги пишуваше Роберт Саздов (Ластовица/Куку Леле) беа такви: едноставни, лесни, наивни, невини, со стихови полни со „прва љубов и тинејџерска страст“, на што покрај изгледот на пејачот паднаа девојките. Сашо Спасовски веќе по првата песна стана „новото дете“ кое ги заскокотка нивните срца, а по следните кои стануваа една по една хитови како: „Пијан и млад“ или „Животе сладок си“, секаде каде што ќе се појавеше публиката воглавно составена од млади девојчиња „кубеше коси“, туркајќи се да го види одблизу, да го допре, да се запознае со него, да му земе автограм... Во неговите видеа тогаш се појавуваа најубавите македонски девојки, манекенки, мисици, модели... Менаџерскиот дел од кариерата миу го презедесега покојниот Ацо - Конга од групата „Нокаут“, а композиторското место на Саздов го замени со клавијатуристот Дејан Миновски, еден од оснивачите на групата „Меморија“ уште во нејзините зачетоци, во фазата кога правеа музика за театарски проекти. Албумот „Што носи иднината“ по се изгледа беше преголем залак да се направи вториот чекор, па иако на него имаше и по некој хит како „Не ми глуми женска“. и покрај големата помпа не помина онака како што се очекуваше, а младиот шармантен и насмеан убавец Сашо, како што се појави, така преку ноќ како да исчезна од естрадата. Престана да снима песни и спотови, престана со настапите, ја батали естрадната кариера и реши да оди чекор погоре, заминувајќи да студира на музичката акаемија во Софија - соло пеење. По студиите и враќањето дома, Сашо сепак никогаш не и се врати на музиката, не баре во онаа форма во која јавноста го запозна - како поп ѕвезда. НО зажал, никогаш пак ниту застана на оперската сцена во некоја улога, во професијата за која се едуцираше и студираше. Денес иако формално се води како вработен во семејната фирма за изработка, монтажа и одржување на големи разладни уреди, тој има свое студио во кое компонира музика за филм. По малкуте фотографии што можат да се најдат за него тинејџерот кој денес е зрел човек не е многу променет. Можеби за нишка посериозен во изразот, со некое вакно помалку коса, но Сашо Спасовски се' уште е со истата онаа шармантна насмевка на неговиот „бејбифејс“ лик со која ја освои својата генерација девојчиња, кои денес се зрели жени, повеќето однив сопруги и мајки на своите дечиња. А Сашо...? Се ' уште „пијан од сопсвените соништа“ и „млад“ во духот и понатаму води своевиден „сладок живот“... ергенски!

Оперскиот пејач Давид Миладинов со обработка и моќна изведба на легендарната македонска патриотска песна – „Послушајте патриоти“ (ВИДЕО)

Антонио Димитриевски — Thu, 16 Jul 2020 08:05:49 +0000

Оперскиот пејач Давид Миладинов го промовираше спотот за неговата најнова преработка на легендарната македонска народна патриотска песна „Послушајте патриоти”, во која се пее за големиот јунак Александар Караѓуле Охридски,кој бил мачен и убиен од Бугарите во софискиот затвор во 1892 година. https://denesen.mk/video-junak-od-poznatata-makedonska-pesna-poslushajte-patrioti-e-ispeana-za-karagjule-koj-bil-machen-i-ubien-od-bugarite-vo-sofija/ Видеото е снимано на неколку убави локации во стариот дел на Охрид, како и во неговата околина, поточно во атарот на селото Куратица. Спотот го изработи ИН Продукција, а истиот беше премиерно претставен на сателитската ИН Телевизија. „Сметам дека македонското национално чувство треба да се разбуди малку кај нас. Ние потекнуваме од Република Македонија и треба да ја негуваме македонската песна, имаме доста убава музика. Треба да правиме нови песни, доста гледам на социјалните мрежи препејувани песни од соседството или странски песни. Ние најпрвин треба да гледаме нашите песни да ги промовираме. Послушајте Патриоти' доби нов израз, односно модерен аранжман и повторно во моја оригинална изведба, во стил на претходната претходната песна која ја препеав „Кога падна на Пирина” - истакна Миладинов во неодамнешното интерјву за ИН ТВ. Погледнете го видеото и слушнете ја неговата емотивно, но моќна изведба на оваа македонска патриотска песна, која никого нема да остави рамнодушен.

Пласидо Доминго призна дека сексуално вознемирувал жени

Христина Ѓоргиевска — Fri, 28 Feb 2020 09:54:18 +0000

Пласидо Доминго во август претходната година беше во центарот на вниманието поради обивинувања на сексулано вознимирување на 9 жени, а во септември уште 11 жени призна дека биле сексуално вознимирувани од Пласидо. Тие го обвинија пејачот дека им барам интимни односи во земана за улога во театарска претстава. Некои од нив истакнаа дека секојдневно се чувствувале непријатно додека соработувале со него. „Сакам да знаат дека ми е жал поради маките кои им ги нанесов. Ја прифаќам одговорноста за своите дела. Последните месеци размислував за обвинувањата и сега сфаќам дека некои жени можеби се плашеле искрено да се изјаснат поради страв за својата кариера“ вели Пласидо. Доминго претходно ги негираше сите тврдења, нарекувајќи ги „неточни“ и рече дека сите интеракции и меѓусебни односи „секогаш биле добредојдени и консензуални“.

Шокиран: Македонскиот пејач го послужи среќата тој ден да не помине низ мостот во Џенова!

Христина Ѓоргиевска — Thu, 16 Aug 2018 08:08:16 +0000

Деновиве голема трагедија се случи во Италија кога се сруши мост во близина на градот Џенова. Новинската агенција АНСА информира дека најмалку 11 луѓе се загинати и еден преживеан е извлечен од урнатините. Во извештајот се вели дека најмалку 10 автомобили биле на делот од мостот кој се урна. Македонскиот оперски пејач Благој Нацоски кој живее во Џенова истакна дека тој требало да помине низ мостот кој се срушил.

Ви благодарам на сите за пораките... јас сум добро, дома сум шокиран... имам пројдено на тој мост илјадници пати а и денеска требаше да поминам на истиот, напиша Благој на својот Фејсбук профил.

Како причина за урнивање на мостот се наведува застарената инфраструктура. фото: Фејсбук