Со гала оперски концерт отоворање на 21-то издание на фестивалот “Есенски музички свечености”

Антонио Димитриевски — Wed, 04 Nov 2020 13:11:20 +0000

„Дирекцијата за култура и уметност на Скопје“, ви го најавува отворањето на 21-то издание на фестивалот “Есенски музички свечености”, со Гала оперски концерт на Националната опера и балет на 4-ти ноември (среда) со почеток во 19:00 часот. Диригент е Иван Еминовиќ. Настапуваат оперските солисти: Марјан Николовски, Марјан Јованоски, Елена Голомеова, Драган Ампов, Ристе Велков, Билјана Јосифов, Десанка Глигоријевиќ, Наде Талевска Спасовска, Ирена Кавкалевска, Зоран Сотиров, хорот и оркестарот на Националната опера и балет. Режисер е Дејан Прошев, концерт-мајстор е Јане Бакевски, хор-мајстори се Јасмина Ѓоргеска, Ѓургица Дашиќ. ПРОГРАМА: Џ. Росини – Увертира од операта „Севилскиот бербер“ Г. Ф. Хендел – Арија на Ксеркс од операта „Ксеркс“ Исполнува: Марјан Николовски Џ. Росини – Арија на Фигаро од операта „Севилскиот бербер“ Исполнува: Марјан Јованоски Ж. Бизе – Арија на Микаела од операта „Кармен“ Исполнува: Елена Голомеова В. А. Моцарт – Арија на Гуљелмо од операта „Така прават сите“ Исполнува: Драган Ампов Џ. Верди – Арија на Магбет од операта „Магбет“ Исполнува: Ристе Велков Ш. Гуно – Арија на Џулиета од операта „Ромео и Јулија“ Исполнува: Билјана Јосифов И. Калман – Арија на Силва од операта „Војвотката на чардашот“ Исполнува: Десанка Глигоријевиќ Џ. Верди – Хор на циганите од операта „Трубадур“ Исполнува: Хорот на Македонската опера и балет Џ. Верди – Арија на Виолета од операта „Травијата“ Исполнува: Наде Талевска Спасовска Џ. Верди – Хор на евреите од операта „Набуко“ Исполнува: Хорот на Македонската опера и балет Ж. Бизе – Арија на Кармен од операта „Кармен“ Исполнува: Ирена Кавкалевска Џ. Росини – Дует на Розина и Фигаро од операта „Севилскиот бербер“ Исполнуваат: Билјана Јосифов и Марјан Јованоски Ф. Чилеа – Арија на Федерико од операта „Арлезијана“ Исполнува: Зоран Сотиров Настанот ќе се одржи според протоколите предвидени со моменталната состојба предизвикана од пандемијата на Ковид-19 за одржување настани, одобрени од Комисијата за заразни болести. Незаборавајте, задолжително е носење заштитна маска. Влезот за публика ќе биде отворен еден час пред почетокот на настанот. Проектот е поддржан од Град Скопје и Министерството за култура

Оперски гала-концерт по повод Св. Валентин во Битола

Антонио Димитриевски — Tue, 05 Feb 2019 13:46:12 +0000

Здружението на оперски уметници „ОпераТи“ најавува гала-концерт по повод Св. Валентин, кој ќе се одржи на 9 февруари (сабота) во Народниот театар во Битола, со почеток од 19.00 часот. Здружението е основано во јуни 2018 год. со цел остварување на своите и државните интереси преку развој и унапредување на оперската уметност, поголема афирмација на оперските уметници, како и за подобра промоција и пласман на македонското и светското оперско творештво и култура во земјата и странство. Иако станува збор за новоформирано здружение, истото веќе може да се пофали со голем број на покани за учество на фестивали во земјава и во странство, меѓу кои: Покана за учество на летен оперски фестивал „Емил Чакаров“во Бургас, Р. Бугарија, покана за учество на есенскиот оперски фестивал во Стара Загора, Р. Бугарија, покана за Оперски гала-концерт во Сандански, Р. Бугарија со Македонски изворни песни, преработени во оперски варијант каде што ќе земат учество наши млади оперски уметници, како и низа други регионални успеси.

оперски концерт – Вистина.мк

Со гала оперски концерт отоворање на 21-то издание на фестивалот “Есенски музички свечености”

Оперски гала-концерт по повод Св. Валентин во Битола