оперска певица – Вистина.мк

Тамара Ангеловска го испрати летото со стил: Убавата македонска оперска певица и актерка не поседува само талент, туку и неодолив сексапил (ФОТО)

Антонио Димитриевски — Wed, 20 Sep 2023 08:14:24 +0000

Некогаш важеше за талентирана македонска поп пејачка, која потоа ги заврши студиите по музика во Бугарија, а класичната наобразба како дипломирана оперска певица на „Новиот бугарски универзитет“ и овозможи на Тамара Ангеловска полека да почне да станува позната кај источниот сосед но и кај оној северниот, во Србија. И тоа не само по оперските изведби и пејачкото умеење, туку и по актерската игра која е еден вид нејзина втора љубов или втора професија. Имено, симпатичната оперска певица се опроба и како глумица во мегапопуларната бугарска ТВ серија „Украден живот“ која се прикажуваше и кај нас на ТВ Алфа, во која таа ја доби улогата на бремената Тања. По не следуваше улога и во уште едно ново ТВ остварување во Бугарија, ТВ серијата„Браќа“! Театарските штици што живот значат исто така нема да и останат непозати, зашто тамара уште акко студент ќе игра во неколку претстави како: „12 разгневени жени“, „Се' за инспирација“, а подоцна на театраската сцена и во претставата „Проблем“. Театарски и оперски настапи во Софија, низ неколку други градови во Бугарија, а потоа и во Србија, во Белград, но и низ Европа... Од Италија до Чешка! „Ги живеам моите соништа, но сето тоа е резултат на многу љубов и напорна работа“ - ќе изјави Тамара во интервјуто за програмата „Ноќен хоризонт“ на бугарското национално радио . Креативно „растргната“ помеѓу театарот и операта, помеѓу глумата и оперското пеење, Тамара полека ја гради паралелно својата кариера кон врвна оперска певица и позната актерка, наоѓајќи време да одговори на бројните обврски во двете професии. Она што деновиве ја носи дома, во родната Македонија се нејзините два настапи во Скопје (22.09.2023) и ден подоцна (23.о9.2023) во Тетово. Приватниот живот младата уметница љубоморно го чува за себе, умешно криејќи го од јавноста. дали има време за љубов и сериозна врска не открила, но со оглед на бројните обврски, ангажмани и патувања, шармантната Тамара едвај наоѓа време и за себе. Еден од ретките нејзини постови споделени на социјалните мрежи кој не е поврзан со нејзината работа и професија, Тамара објави за крај на летото. Седната на песочната плажа, во костим во дуксер на риги и сончеви очила, Тамара се сликала на зајдисонце. Ловејќи ги последните сончеви зраци, убавата македонска оперска певица и актерка која ретко ја гледаме во вакво издание, на себе го сврте сето внимание, па испраќајќи го летото со стил, покажа дека не поседува само талент, туку и неодолив сексапил! Фото: Инстаграм/tamaraangelovska

Оперската певица Тамара Ангеловска ќе има концерт во КИЦ – „Салон 19-19“

Слаѓана Атанасова — Mon, 18 Sep 2023 11:28:41 +0000

Оперската певица и актерка Тамара Ангеловска, ќе одржи концерт во Скопје на 22-ри септември во КИЦ - „Салон 19-19“ насловен „Balcanto nella tradizione italiana“. На концертот освен сопран Тамара Ангеловска, ќе настапи и светски признаениот диригент и пијанист Паоло Шибилија. Проектот е премиерно изведен во Соренто, Италија 13- ти мај 2023 и Рим, 28- ми мај 2023. Скопската публика ќе има можност да чуе дел од творчештвот на Тости, Верди, Пучини и македонскиот композитор Зографски.

Оперската певица и актерка Тамара Ангеловска гради кариера во Бугарија: „Сакам да играм на филм со Сашко Коцев и Никола Ристановски“ (ВИДЕО)

Антонио Димитриевски — Fri, 16 Sep 2022 06:12:23 +0000

Младата и талентирана Тамара Ангеловска (23), веќе пет години живее и работи во Бугарија како оперска певица и актерка. Почетоците со музиката ги направи во Македонија. Заврши нижо и вишо музичко училиште како флејтист, а во истовреме се занимаваше со пеење. Образованието го продолжи на студии на Новиот Бугарски Универзитет како оперска певица, мастер на актерска глума и драмски уметности. „Мојата мајка е голем љубител на уметноста, иако не се занимава со тоа. Благодарение на неа, уште од седумгодишна возраст посетувам опера и ми остави впечаток начинот на актерската игра, истовремено и музиката. Со помош на врвните професори сфатив дека имам талент и решив да си го насочам патот кон операта“, раскажа Тамара за Репортер. Покрај талентот за пеење и глума, таа се пронаоѓа во операта како нејзина примарна професија. Тамара има и филмско искуство. Се појави во две телевизиски бугарски серии кои ѝ донеле поразлично искуство од театарското. „Многу вредно искуство затоа што првпат се сретнав со кинематографијата. Во тој момент немав никаква идеја како е на сет, затоа што е многу поразлично од тоа што го нуди театарот. Добив понуда за кастинг, го поминав успешно и се најдов во улогата на бремената Тања во телевизиската серија 'Украден живот' која се прикажуваше и кај нас во Македонија. Потоа имав улога како агент во телевизиската серија 'Браќа'“, вели Тамара. Со воодушевување зборува за Софија каде сега живее , бидејќи таму одблизу се запознала со оперското мајсторство и инструменталната музика. Кога е таму најмногу ѝ недостасуваат семејството и пријателите. „И таму стекнав круг на пријатели, но ништо не може да го замени домот“, рече Тамара. Како Македонка која живее среде главниот град на Бугарија вели дека пријателите со кои комуницира секојдневно се однесуваат прекрасно со неа и засега не се соочила со некаков политички проблем. Во Макединија немала понуди за да глуми во филм или театар, но смета дека тоа се должи затоа што ретко доаѓа во тука и ретко се движи во тие кругови. За македонската оперска певица и актерка која гради кариера во Бугарија, гледајте го интервјуто со Тамара Ангеловска.

Тамара ќе глуми во уште една нова, бугарска серија: Македонската пејачка со нова улога (ФОТО)

Антонио Димитриевски — Thu, 07 Apr 2022 07:14:59 +0000

Некогашната македонска поп пејачка, сега дипломирана оперска певица Тамара Ангеловска, ќе глуми во уште една нова бугарска серија. Тааа доби нова улога во новото ТВ остварување во серијата „Браќа“! Тамара стана позната откако се пробиваше на домашните и меѓународните фестивали од каде носеше и награди. Подоцна се пресели во Софија - Бугарија, каде и се посвети на класичната музичка наобразба и минатата година стана дипломирана оперска певица на „Новиот бугарски универзитет“! Но, пошироката јавност во Бугарија, а и во Македонија, ја запозна и како актерка. Имено, нејзиниот харизматичен лик и талент за уметност го препознаа продуцентите на познатата, на популарната бугарска ТВ серија – „Украден живот“ која се емитуваше и кај нас на ТВ „Алфа“, во која дипломираната оперска певица, заврши како глумица и ја доби улогата на бремената Тања. Во меѓувреме или нешто малку пред тоа, младата македонска оперска уметница својот актерски талент ќе го покаже и на „штиците што живот значат“, откако же заигра во неколку претстави на универзитетскиот театар на „Новиот бугарски универзитет“. Сето ова ќе придонесе младата поп-пејачка, оперска певица и актерка да добие нова улога во нјновото ТВ остварување во Бугарија, серијата „Браќа“.

View this post on Instagram

A post shared by Tamara Angelovska (@tamaraangelovska)

„За мене е вистинско задоволство да бидам мало парче од овој прекрасен и голем мозаик "Братя". Македонијо, гледајте и вие „Браќа“ Многу се јаки!“ - напиша Тамара на својот Фејсбук и Инстаграм профил, промовирајќи го почетокот на серијата и себе си во една од улогите во истата. Дали новата улога и евентуалниот успех на асеријата ќе придонесе Тамара конечно да ја детерминира во професионална актерка, а таа да се определи само за една професија, допрва ќе видиме. Сепак, во која професија ќе биде најуспешна и дали ќе стане запаметена како актерка, флејтистка или оперска певица, времето ќе покаже!? Во меѓувреме, оние кои имаат можност нека ја погледнат бугарската серија „Браќа“ и Тамара Ангеловска во една од улогите во неа! Фото: Фејсбук и Инстарам принтскрин/tamaraangelovska

Тамара Ангеловска стана оперска певица „со тапија“: Пејачката дипломираше во Бугарија, ама прашање е дали ќе се врати во Македонија или со уште еден наш уметнички кадар ќе го засилиме источниот сосед? (ФОТО)

Антонио Димитриевски — Thu, 24 Jun 2021 07:13:13 +0000

Некогаш талентираната македонска поп пејачка Тамара Ангеловска полека станува позната и во Бугарија, каде тукушто ги заврши студиите по музика. Имено шармантната убавица стана дипломирана оперска певица на Новиот бугарски универзитет, па така сега Тамара е уметница „со тапија“, која останува на неа како и каде ќе ја искористи.

Кога сме веќе кај можностите, додека беше дома, во Македонија, младата македонска поп пејачка најчесто настапуваше на домашните и меѓународните фестивали од каде носеше и награди... Уште како средношколка во во средното музичко училиште „Илија Николовски – Луј“ во Скопје, се определи музиката да и биде животна професија. Класиката или естрадата, флејтата која учеше да ја свири како инструмент во средношколските денови или оперскиот глас, кој го школуваше во Бугарија?

Или можеби нешто сосема петто, за кое не одела на училиште, но нејзиниот харизматичен лик и талент за уметност го препознале и продуцентите на познатата, па и кај нас популарна бугарска ТВ серија - „Украден живот“ која се емитува(ше) на ТВ „Алфа“, во која сега тукушто дипломираната оперска певица, заврши како глумица и ја добила улогата на бремената Тања.

Дали Тамара на музиката која толку ја сака дефинитивно ќе и го посвети животот или глумата ќе и го „украде животот“ на музиката, која цел живот ја учеше и усовршуваше, останува на определбата на младата македонска уметница. Како и уште една, можеби поважна работа и лично за неа, ама и за Република Македонија: Пејачката дипломираше во Бугарија, ама прашање е дали ќе се врати во дома и ќе го најде „своето место под сонцето“ во Македонската опера и балет или со уште еден наш уметнички кадар ќе го засилиме источниот сосед? „Б'лгарите, њама дилеми“ дека со раширени раце ќе пририфатат уште еден македонски „украден уметнички живот“ да го претстават како... нивен успех!

View this post on Instagram

A post shared by Tamara Angelovska (@tamaraangelovska)

Фото: Фејсбук и Инстаграм принтскрин/

Некогаш талентираната македонска поп пејачка станува позната во Бугарија: Дел од украден живот или со нов живот во себе? (ФОТО)

Антонио Димитриевски — Mon, 01 Mar 2021 08:36:58 +0000

Се сеќавате ли на младата македонска поп пејачка Тамара Ангеловска, која најчесто настапуваше на домашните и меѓународните фестивали од каде носеше и награди? Пееше и на македонски и на англиски јазик, сними и неколку свои и обработки на туѓи песни и кога сите очекуваа својот талент конечно да го лансира кон ѕвездената музичка елита, Тамара наеднаш ја снема. Таа беше ученичка во средното музичко училиште „Илија Николовски – Луј“ во Скопје, отсек флејта и се најавуваше дека откако ќе матурира, своето високо образование ќе го продолжи на еден од најпрестижните факултети за музика во Букурешт, Романија. И навистина Тамара го одржа ветувањето и замина од Македонија... Но, не во Романија, туку кај нашиот источен сосед. Имено, таа се запиша на „Новиот Бугарски универзитет“ во Софија, каде Тамара продолжи на студиите по опера, на кои им се посвети по матурирањето. Оттогаш ретко е во Македонија, уште поретко, или речиси воопшто и не снимаше популарна музика, па остана нејасно дали својата кариера на поп пејачка ја стави во мирување или сосема ја прекина, посветувајќи и се на својата нова љубов и идна професија - класичната музика и оперското пеење!?

View this post on Instagram

A post shared by Tamara Angelovska (@tamaraangelovska)

И кога сите помислија дека Тамара можеби ќе ја видиме да дебитира на оперската сцена, на штиците што живот значат и за актерите и за музичко-балетските уметници, следуваше шок фотографија која Тамара самата ја сподели на своите профили на социјалните мрежи, а во прв момент сите ги изненади: Пејачката - бремена!!! Трудна, со „стомак до заби“ на фотографијата! И таман ониие кои ја познаваат, а оддамна не ја виделе почнаа да се прашуваат: Од каде сега пак тоа, кога побргу стигна, кој е среќниот татко и слично, „трудната“ пејачка брзо ја појасни ситуацијата во текстот покрај фотографијата, со тоа што и со појаснувањето одново изненади! Имено, не е ништо како што изгледа на прва и Тамара во себе не носи нов живот, туку е дел од еден друг „Украден живот“! Или поточно идната оперска певица, заврши како глумица во истоимената мегапопуларна бугарска ТВ серија која се прикажува и кај нас на ТВ Алфа, во која таа ја добила улогата на бремената Тања. Љубопитните душегрижници и загрижените пријатели можеа да здивнат, а останатите се израдуваа на новиот успех на младата Македонка, која полека почна да си го трасира патот и гради кариерата... Во која професија и колку ќе биде успешна: како актерка, флејтистка или оперска певица, времето ќе покаже!? Како и тоа, дали Тамара воопшто ќе се врати во Македонија и дали можеби ќе и се врати и на првата љубов - поп музиката, како нејзино хоби? Фото: Инстаграм принтскрин/tamaraangelovska