омлет – Вистина.мк

Полн со протеини: Рецепт за омлет што не содржи јајца и млеко

Христина Ѓоргиевска — Tue, 20 Jul 2021 13:00:28 +0000

Ако не смеете да јадете јајца или не консумирате храна од животинско потекло – постои и веганска верзија на омлетот.

Потребни состојки:

200 мл соино млеко
100 гр брашно од наут
2 лажици прехранбен квасец
1 лажичка јаболков оцет
½ лажичка сода бикарбона
½ лажичка куркума во прав
½ лажичка лук во прав
1/8 лажичка црна сол по желба
сол и бибер по желба
растително масло

Начин на подготовка

1. Измешајте го брашното од наут со соиното млеко за да добиете мазна хомогена смеса. 2. Додајте ги сода бикарбоната и јаболковиот оцет. Добро промешајте. 3. Зачинете ја смесата со прехранбениот квасец, солта и биберот, лукот во прав и куркумата. 4. Загрејте малку растително масло во тава и истурете околу половина од смесата. 5. Печете го омлетот околу пет минути на тивок оган додека не почнете да забележувате меурчиња по работ. 6. Додајте состојки по желба на средината на омлетот и преклопете го на половина. 7. Покријте ја тавата и оставете го да се обработи термички уште пет минути. 8. Повторете ја постапката со преостанатата смеса. извор: кафепауза

3 грешки кои ги правиме кога пржиме омлет! Славниот готвач откри како да го направите совршен!

Слободанка Илиева — Mon, 02 Mar 2020 13:45:28 +0000

За среќа, познатиот професионален готвач Маркус Вераинг открил како може да ги поправиме грешките кои ги правиме при подготовка на омлет. Во неговата нова книга, готвачот нагласува колку е важно омлетот да се направи со вистинските состојки. Во продолжение дознајте кои грешки често ги правиме кај пржењето омлет и како да ги поправиме. Го пржиме омлетот на силен оган Иако звучи примамливо брзо да го испржиме омлетот на што е можно повисока температура, Маркус советува сепак тоа да го направиме на тивок оган. Ставете го садот на плочата која е загреана со средна температура. „Ако тавата е премногу загреана, омлетот ќе стане кафен“, предупредува готвачот и препорачува во тавата да ставиме лажица путер и да го оставиме да се растопи и да прими боја пред да ги додадеме јајцата. Користење на погрешен прибор „За совршен омлет потребни се четири клучни работи - свежи јајца, путер, тава на која ништо не се лепи и шпатула“, пишува Маркус во својата книга. Верувале или не, тавата и шпатулата се еднакво важни како и самата смеса. Наместо јајцата да ги ставиме во било која тава и да направиме омлет со вилушка, шпатулата е поедноставна за употреба, бидејќи спречува распаѓање на омлетот, а исправно тавче значи и да е рамномерно за печење. „Смесата за јајца нежно поместете ја со шпатула, немојте да мешате. Потоа, тавчето со нелепливо дно исто така ќе го олесни правењето на омлет кога ќе го вртите на другата страна, бидејќи на тој начин спречувате распаѓање на омлетот на парчиња“, советува тој. Прерано го превртуваме омлетот Готвачот инсистира на тоа да се спротиставите на искушението да го свртите омлетот само кога од едната страна речиси во целост е испржен. „Вистински момент за превртување на омлетот е кога смесата ќе стане едно, но уште е по малку течна. Ако не го свртите омлетот во оваа клучна фаза, тогаш омлетот ќе почне да се пече одоздола, ќе стане гумен и ќе пукне кога ќе го преклопите. Дополнителни совети - колку се јајцата и маслото посвежи, тоа е подобро - употребете тавче со нелепливо дно за да бидете сигурни дека омлетот еднакво се пржи - превртување на омлетот со шпатула ќе спрчи негово распаѓање - омлетот пржете го на среден оган за да спречите создавање на кафена боја - свртете го само кога омлетот од едната страна речиси во целост е испржен, но уште е малку течен - извадете го омлетот од тавата штом го преклопите извор:кармин/точка.ком.мк

Омлет “Торнадо” – гурмански хит по кој полуде целиот свет

Христина Ѓоргиевска — Mon, 17 Feb 2020 14:10:02 +0000

Корејскиот начин на припрема на омлет го воодушеви интернетот. А трикот не е во состојките, туку во начинот на припрема и послужување. Станува збор за едноставен рецепт кој ќе ги претвори јајцата во вашето омилено јадење, дури и доколку не ги консумирате често. Омлетот кој Корејците го нарекуваат “Торнадо” не се припрема на некој особено комплициран начин, но бара вежбање на техниката. Изматените јајца се пржат во многу жешка тава, а потоа кога ќе почнат да се лепат за тавата односно кога ќе се создаде првиот слој од омлетот, тој се врти со помош на стапчиња на начин на којшто јадете шпагети. Тоа се прави исклучително бавно за да можат да се испржат и течните делови. Ваквиот омлет е готов кога повеќе нема течни делови. Корејците го послужуваат омлетот врз купче варен и зачинет ориз, а околу него ставаат сос од печурки или зеленчук.