омар џаферовски – Вистина.мк

Не очекуваше ваков резултат: Омар Џаферовски се огласи откако испадна од „Ѕвездите на Гранд“

Христина Ѓоргиевска — Thu, 10 Mar 2022 08:48:00 +0000

Омар Џаферовски испадна од музичкото шоу „Ѕвездите на Гранд“. Тој настапуваше во последната емисија и се претстави со песните „Етида“ и „Ове ноче једна жена“. Џаферовски доби три гласа, а Саша Поповиќ без размислување му го даде четвртиот глас и го пушти во бараж. Снежана и Ана истакнаа дека Омар имал претешка задача, но и дека не вежбал доволно. Со нив се согласи и Драган Стојковиќ Босанац. -Беше амбициозен, песната „Етида“ е направена за изведба во живо. Да отпееш точно 99 тонови, а еден да згрешиш, тоа е како од камион со 100 тона песок, еден да испустиш. Ја поздравувам твојата амбиција, но е невидена опасност, изјави Стојковиќ. =Многу си шармантен и имаш нешто во себе. Но, пееше две песни од ист период, наместо втората малку да биде брза, изјави Мили. Ѓорѓе Давид кој е ментор на Македонецот застана во негова одбрана и сакаше да го заштити од негативни коментари. -Ако еден тон е проблем да ти се даде глас, алал да му е на оној кој не ти го даде гласот. Има пејачи кои добија шест гласа, а не се ни за забележување, јас ова ти го кажувам како твој ментор. Не се обратувам на никој посебно, но јас овде имам најмалку авторитет. Мое мислење дека ова беше за повеќе гласови, и мислам дека ќе згрешат ако не одиш во следниот круг, изјави Ѓоле. За жал, Македонецот не помина понатаму и го напушти натпреварувањето. Тој се огласи по овој повод. -Епа, драги мои, овде завршува моето натпреварување на „Ѕвездите на Гранд“. Сакам да се заблогодарам на моето семејство, пријатели и на сите што бевте покрај мене и останевте тука да ме поддржувате. Едно големо БЛАГОДАРАМ на мојот ментор Ѓорѓе Давид. Ви благодарам што се трудевте сите да бидеме максимално добри на оваа сцена и ви благодарам за сите совети. Не застанувам овде, следната година ќе одиме посилно, а отогаш од мене очекувајте многу музички изненадувања. Ве сакам и ви благодарам, напиша Македонецот на Фејсбук. Дали продукцијата ќе го врати Омер оваа сезона останува да видиме. фото: Муња/Лука/Ели/фејсбук/омар џаферовски

Од другата страна на сцената: Македонскиот кандидат во друштво на овие учесници во „Ѕвездите на Гранд“ (фото)

Христина Ѓоргиевска — Wed, 03 Nov 2021 08:05:36 +0000

Во новата, 15-та сезона на регионалното музичко шоу „Ѕвездите на Гранд“ во првите неколку кругови учествуваат потполни нови кандидати кои не се појавиле досега во музичкото шоу. Оваа година има и нови македонски претставници кои уште во првиот круг се покажаа во одлично светло. Еден од нив е Омар Џаферовски кој уште на првото појавување во музичкото шоу ги освои симпатиите, а од жирито доби пет гласа. Џаферовски за свој ментор го одбра Ѓорѓе Давид кој исто така е ментор на уште неколку наши учесници. [embed]https://arhiva.vistina.com.mk/omar-dzaferovski-se-pojavi-vo-dzvezdite-na-grand-i-napravi-haos-a-ovoj-makedonski-pejach-i-milenik-na-marija-sherifovikj-mu-beshe-poddrshka-vo-bekstejdz-foto-video/[/embed] Тие започнаа со подготовките за второто претставување на Џаферовски. Имено, тој на својот „Инстаграм“ објави фотографија со својот ментор од студиото каде заедно работеле, бирале песни, вежбале, се подготвувале..... „Се работеше“ стои покрај описот на фотографијата на која Ѓорѓе го прегрнал нашиот Македонец. Во текот на вчерашниот ден (02.11.2021) се снимаше емисијата од вториот круг во која ќе учествува и Омар. Тој во кусите приказни на „Инстаграм“ сподели неколку фотографии со своите колеги, пријатели и кандидати кои се конкуренција. Имено, македонскиот пејач позираше покрај Јулија Петровиќ, Бојан Лазин и Мухамер Хадар. Освен со колегите од регионот, Џаферовски објави и стори со македонската кандидатка Андријана Петрушевска која со својот глас и стас го освои и жирито и публиката. Очигледно дека учесниците во ова годинешната сезона се дружат и зад сцената на музичкото шоу. Како Омар ќе се претстави и дали ќе оди во третиот круг, останува да видиме.

Омар Џаферовски се појави во „Ѕвездите на Гранд“ и направи хаос, а овој македонски пејач и миленик на Марија Шерифовиќ му беше поддршка во бекстејџ (фото + видео)

Христина Ѓоргиевска — Mon, 27 Sep 2021 07:53:33 +0000

Во саботното издание на музичкото шоу „Ѕвездите на Гранд“ настапуваше и македонскиот кандидат Омар Џаферовски од Скопје. Тој се претстави со песните „Остала си увек иста“ и „Мангупска“. По неговите изведи, Омар освои вкупно пет гласа, односно само Драгаган Стојковиќ Босанац не го даде својот глас. Омар во бекстејџ имаше и поддршка од учесникот и финалистот во „Ѕвездите на Гранд“, Огнен Здравкоски. „Малку вежбав со него и му помогнав да ги oдбере песните и го подготвив за она што чека на сцената“, изјави Огнен. Џаферовски доби пет гласа, но само Ана Бекута, Марија Шерифовиќ и Ѓорѓе Давид потврдија дека сакат да бидат негов ментор, додека Цеца и Вики Миљковиќ се исклучија, па настана хаос во студиото односно дека Миљковиќ гледа што прави нејзината кума Ражнатовиќ, па ја копира. „Ние сме компатибилни. Можеме да бидеме на два различни краја на светот, такви сме“, изјави Вики. Иако Поповиќ мислеше дека Омар за свој ментор ќе ја одбере Марија Шерифовиќ со оглед на тоа дека Огнен Здравкоски беше кај Марија, македонскиот претставник за свој професор го одбра Ѓорѓе Давид. Кога Шерифовиќ дозна дека Џаферовски го бира Здравкоски се пошегува на негова сметка. „Блокирајте го Огнен на мојот Инстаграм, Фејсбук, Вибер, Ватсап, секаде“, мислејќи на тоа што неговиот пријател не ја одбра Марија за ментор. Како Ѓорѓе Давид ќе го подготви македонскиот кандидат за следниот круг останува да видиме. фото: З. Муња/Е. Срдиќ/Л. Цветковиќ/инстагра.

Првпат ќе застане пред „музичкиот суд“ во „Гранд“: Овој Македонец е еден од учесниците во новата сезона на „Ѕвездите на Гранд“

Христина Ѓоргиевска — Thu, 16 Sep 2021 07:12:21 +0000

Неодамна започнаа снимањата на новата сезона на регионалното музичко шоу „Ѕвездите на Гранд“. Оваа година во музичкото шоу ќе има промени, како промена во жирито, така и промена во правилата. Имено, Јелена Карлеуша ги напушти „Ѕвездите на Гранд“, а на нејзино место дојде фолк ѕвездата Цеца Ражнатовиќ. Покрај тоа, во првиот круг жирито нема да може да ги види кандидатите, туку пред нив ќе има ѕид кој ќе се крева и спушта во зависност од гласовите. Исто така во првите 3,4 круга нема да има стари претставници од музичкото шоу туку ќе бидат потполно нови учесници кои досега не се појавиле на сцената на Гранд. Еден од нив и е Македонецот Омар Џаферовски. Тој на својот „Инстаграм“ објави фотографија пред постерот на „Ѕвездите на Гранд“, а во описот напиша: „Останете така“. Омер доби поддршка од нашо пејачи, кои исто така имаат учествувано во музичко шоу меѓу кои Лина Пејовска, Огнен Здравкоски.... Ова е негово прво појавување во „Ѕвездите на Гранд“, а како ќе помине останува да видиме. Инаку Омар Џафероски, роден на 26.06.2001 година во Чикаго, САД. Живее во Скопје, Завршил нижо (основно) музичко училиште во ДМБУЦ “Илија Николовски Луј” во Скопје, на инструмент пиано. Уште од најрана возраст учествува на детски фестивали “Супер Ѕвезда”, а на меѓународниот арт фестивал “Езерски Бисери” во Струга освоил “Лауреат 3 степен”. Учествувал на повеќе локални, регионални и училишни натпревари и има освоено видни резултати. Исто така ја претставуваше Македонија на интернационалниот фестивал “Каунас талент” во Каунас, Литванија. фото: принтскрин/инстаграм/омар џаферовски/звездегранда

Омар Џаферовски македонски претставник на „Каунас талент“

Антонио Димитриевски — Fri, 28 Sep 2018 11:37:56 +0000

Омар Џаферовски ќе ја претставува Македонија на интернационалниот фестивал "Каунас талент" во Каунас, Литванија. Тој ќе се натпреварува со деца од целиот свет. Инаку Омар Џафероски, роден на 26.06.2001 година во Чикаго, САД. Живее во Скопје, Основно образование завршил во ОУ "11 Октомври" во Скопје, а во моментов е 3та година во приватното средно училиште САБА во Скопје. Завршил нижо (основно) музичко училиште во ДМБУЦ "Илија Николовски Луј" во Скопје, на инструмент пиано. Уште од најрана возраст учествува на детски фестивали "Супер Ѕвезда", а на меѓународниот арт фестивал "Езерски Бисери" во Струга освоил "Лауреат 3 степен". Учествувал на повеќе локални, регионални и училишни натпревари и има освоено видни резултати. Повеќе од една година посетува часови во Академијата за естрадно пеење и е учесник на разни домашни и меѓународни фестивали.