Калиопи и Олгица – двете македонски легенди прошетаа низ Широк Сокак: Повеќе од пријателки, речиси семејство, иако не се… ама како да се! (ФОТО)

Антонио Димитриевски — Tue, 20 Jul 2021 07:25:37 +0000

Битола ги има најубавите девојки велат... Битолчанки, најдотерани, настокмени, најсредени кога ќе излезат дапрошетаат по Широк Сокак, очите да ти се наполнат од убавина. леЛегендарната улица, или пешачка зона, денес е срцето на градот на конзулите низ кое парадираат битолските убавици покрај низата од безброј кафулиња додека со погледи ги следат и меркаат од глава до петици „влажните машки погледи“, изнудувајќи им воздишки... Токму на ова локација се сретнаа па се впуштија во ноќна проетка две дами познати македонски дами... Две уметнички легенди кои Македонија ја задолжиле со она што зад себе го оствариле, оставиле и се' уште го правата... И во музиката и во театарот. Едната родена битолчана, другата по потекло од Кичево, обете со скопски адреси на живеење. Двете бисер грла, гласишта, вокали за медал, итерпретаторки какви се раѓаат еднаш во сто години... Олгица Христовска и Калиопи Букле двете врвни, вонсериски македонски музички ѕвезди и повеќе од тоа. Олгица и актерка, Калиопи и автор и над сето тоа, двете одлични пријателки. И додека месечината таа вечер на Широк Сокак „тивко, полека заоѓаше“ зад облаците и одново се појавуваше да блесне и осветли небото над хоризонтот, двете ѕвезди блескаа во муабетот при својата битолска средба. Ѕвездите можеби секогаш немаш прилика, не можеш да ги видиш, но тие сепак, секогаш се тука околу тебе... Така е и со вистинските пријатели. Или како што и самата Калиопи напишала покрај фотографијата со која ја овековечила нивната средба: „Битола ноќе со мојата Олгица... Луѓето секогаш доаѓаат во нашиот живот поради некоја причина, но од нив засекогаш остануваат само оние, кои доаѓаат со вистинската причина и кои ја кажуваат дури и најсуровата искреност, за која ризикуваат да ве изгубат... Јас таквите ги нарекувам ријатели ... пардон - семејство“! И навистина во изминативе повеќе од три децении колку што трае нивната дружба, двете македонски ѕвезди се' повеќе од пријателки, речиси семејство, иако не се... Ама како да се! Како сонце и месечина! Затоа и во таа битолска ноќ, нивната средба, дружба и прошетка по „месечина под ова небо што ги покрива“, беше толку пријатна и емотивна... Се' додека двете „тивко, полека, не зајдоа“ во ноќта од муабети, насмевки и добро расположение, за уште поубави спомени!

Последен поздрав за Драган Вучиќ: „Свирете ја зајди, зајди“ во нова изведба на Олгица Христовска и триесетина музичари (ВИДЕО)

Антонио Димитриевски — Sat, 09 May 2020 11:27:20 +0000

Триесетина музичари под водство на диригентот Љупчо Мирковски, ја отсвиреа одново, а Олгица Христовска ја испеаја песната „Свирете ја зајди, зајди“ како последен поздрав за Драган Вучиќ, кој почина пред пет дена. Покрај Мирковски и Олгица, во реализацијата на ова хоум издание учествуваа и членовите на групата „Арија“ во чија прва постава на тапани свиреше и неговиот син Мартин, а и самите беа учесници и домаќини во музичкиот дел на некои од шоу емисииите на Вучиќ. Тука е уште и познатиот пијанист и аранжер, Дамир Имери и многу други млади инструменталисти. https://arhiva.vistina.com.mk/radio-mileva/koj-beshe-dragan-vuchikj-i-shto-se-ostavi-zad-sebe-foto-video/ Вучиќ ја компонираше песната во далечната 1992, за Олгица Христовска, со која пејаката победи на фестивалот на забавна музика „Макфест“ во Штип, а баладата со текот на годините стана евергрин. Аранжманот е на Љупчо и Бобан Мирковски, стиховите на исто така покојниот Владимир Бато Нејашмиќ, аудио продукцијата на Љупчо Соколовски, додека сето ова во вид на домашен видеозапис го спакувал Никола Автовски. „Твојата музика никогаш нема да зајде“ - гласи мотото под кое во чест на неговиот прерано починат автор, музичарите го реализираа овој негов безвремеснки евергрин. https://www.youtube.com/watch?v=I2Ogi_j7ATs&feature=share&fbclid=IwAR0TpDrb_u1nE151OuRLK_r5ZD2_cvIFIliuG-4grT_FA7H0nNRbX6qJkWE

олгица христовска – Вистина.мк

Калиопи и Олгица – двете македонски легенди прошетаа низ Широк Сокак: Повеќе од пријателки, речиси семејство, иако не се… ама како да се! (ФОТО)

Последен поздрав за Драган Вучиќ: „Свирете ја зајди, зајди“ во нова изведба на Олгица Христовска и триесетина музичари (ВИДЕО)