октомври – Вистина.мк

Од 19 до 22 октомври 42. Скопски џез фестивал

Слободанка Илиева — Tue, 17 Oct 2023 06:10:08 +0000

Единаесет светски етаблирани состави од САД, Европа, Бразил и Македонија ќе ја претстават својата музика во Националната опера и балет и во МКЦ во рамки на 42. издание на Скопскиот џез фестивал, кој ќе се одржи од 19 до 22 октомври. Годинава публиката ќе може да ги следи концертни настани во согластност со мотото на Гард Нилсен Суперсоник Оркестра: „Ако слушаш внимателно, музиката ќе биде твоја!“. – Програмата, распоредена во четири вечери, е исклучително силна, разновидна и исполнета со низа ексклузивни настапи на некои од најголемите имиња на современиот џез и креативната музика денес, соопштија од Фестивалот. Фестивалот годинава ќе го отвори ексклузивната премиерна изведба на делото „After the Wildfire“, специјално за оваа прилика компонирано од норвешките џез ѕвезди Арве Хенриксен и Јан Банг како солисти, заедно со перкусионистот Ингар Зак. Музиката е аранжирана и под диригентство на Џијан Емин за Fame’s Institute Orchestra, а во изведбата ќе бидат вклучени и неколку познати македонски пејачки и кавалџии. Истата вечер во МКЦ ќе настапи култниот композитор, корнетист, пејач, поет и еклектичен ерудит Бен Ламар Геј со неговиот ансамбл. Станува збор за еден од најоригиналните џез-уметници денес, претставник на инспиративната чикашка музичка сцена и потписник на водечката издавачка етикета во светот кога е во прашање современата креативна музика – International Anthem. Звукот на Геј поседува уникатен, препознатлив стил што тој го нарекува „Pan-American“, со широк спектар на влијанија: од џез до фанк, од R&B до тропикалија и од хип хоп до електро и современа класика. Во рамки на втората фестивалска вечер ќе има два различни концертни настапи. Ќе настапи италијанскиот саксофонист Роберто Отавијано со својот актуелен проект „Eternal Love“, посветен на Африка, нејзината култура, музика и луѓе. – Заедно со својот блескав квинтет, Отавијано нè води на возбудливо патување, во потрагата по звук и јазик што ќе ги обедини слободната импровизација, славната традиција на џезот и културните корени, наведуват од Фестивалот. На фестивалска вечер ќе настапат и Силви Курвоазие и Мери Халворсон, современи импровизаторки кои на апстракцијата ѝ пристапуваат од две различни перспективи. Курвоазие како пијанистка што ги премостува фри џезот и европската класична музика, и Халворсон како деконструктивна гитарска импровизаторка, силно поврзана со бруклинската авангардна џез сцена. Полноќниот концерт на домашниот џез состав „Cobalt Code Unit“ ќе ја заокружи првата половина од годинашната фестивалска понуда. Се работи за четири млади музичари кои, низ призмата на авангардниот израз, ги контемплираат хоризонтите на современиот џез, слободната импровизација, психоделичните импресии на африканските ритмички јазици и бучавата на индустрискиот метеж. Дел од овој состав се Драган Теодосиев – тапани, Симеон Ангеловски – бас гитара, синтисајзер, хармоника, Стефан Миладинов – гитара и Благојче Томевски – кларинет. Саботната вечер на претстојното издание на фестивалот ќе помине во знакот на две значајни имиња на американскиот џез. Големиот џез пијанист Џејсон Моран ќе одржи соло рецитал. Последното гостување на овој брилијантен уметник на Скопскиот џез фестивал беше во 2008 година, кога се претстави со своето оригинално трио „Bandwagon“. Во сабота во Националната опера и балет ќе настапи Џоел Рос, кој е најавен како еден од клучните протагонисти на новата генерација американски џез музичари, градејќи сè побројна и попосветена публика. Иако млад, го сметаат за најдобар џез-вибрафонист во светот во моментов, наследник на легендарните Милт Џексон и Гери Бартон. Познат е по своите извонредни технички вештини и виртуозност, но и по искрениот и автентичен пристап кон музиката. Ова е неговиот прв настап во Скопје, со својот квартет „Good Vibes“. Во полноќната саботна програма публиката ќе има можност да го проследи уникатниот перформанс на тандемот „Rite“, составен од Зое Пиа и Матс Густафсон. Зое Пиа е италијанска кларинетистка, композиторка, музички ентузијаст и истражувач од Сардинија, а Матс Густафсон е познат шведски саксофонист, импровизатор, композитор и херој на скандинавската фри-џез сцена. Последната вечер на 42. Скопски џез фестивал ќе ја отвори триото Златко Каучич/Бери Гај/Агусти Фернандез. Каучич е неприкосновена словенечка џез и импро легенда, плоден композитор, тапанар и уметник во слободен стил. Бери Гај е иновативен басист и композитор чијашто креативна разновидност во областа на џез импровизацијата, камерната и оркестарската изведба, како и соло рециталите, е резултат на страста за експериментирање и идеалот за музичка комуникација. Агусти Фернандез е еден од ретките шпански музичари со висок интернационален рејтинг и светска референца во областа на импровизираната музика. Во Националната опера и балет во 22 часот ќе настапи скандинавска екипа која во последниве три години го освои светот и е „привилегија“ на најквалитетните и најелитните европски џез фестивaли – Gard Nilssen Supersonic Orchestra. Тоа се 18 големи имиња на скандинавскиот џез, сите поединечно лидери на бендови и импровизатори од светска класа. Музиката е енергична, сугестивна, динамична, креативна и експлозивна, инспирирана од Орнет Колман, Фела Кути, Сан Ра, Алис Колтрејн, Дјук Елингтон, Луис Мохоло и Кертис Мејфилд. Годинешното фестивалско издание ќе го затвори еден од најпознатите, највозбудливите и највлијателните експоненти на современиот афро-бразилски звук денес – „Bixiga 70“. Тие умешно ги вткајуваат бразилските влијанија во својот звук, создавајќи уникатно и моќно музичко искуство. На завршниот концерт на 42. Скопски џез фестивал, експлозивните Бразилци ќе го претстават својот најнов, штотуку објавен, петти албум „Vapor“ (Glitterbeat Records). Во рамките на фестивалот ќе биде доделена традиционалната Награда за најдобар млад џез-музичар во 2023 година, а ќе биде организирана и Џез работилница за деца „Jazz for Kids“. Скопскиот џез фестивал и годинава, во соработка со УНХЦР, продолжува да го негува проектот Џез за солидарност со бегалците, упатувајќи уште еден гласен апел за емпатија, сочувство со неправедно и насилно раселените, обездомените, обезнадежените… извор:курир.мк

Октомвриска полна месечина: Доаѓа во недела, а еве што ќе донесе за секој

Слободанка Илиева — Fri, 07 Oct 2022 11:40:53 +0000

Октомвриската полна месечина, од 9 октомври, има неколку различни имиња – месечина за лов, месечина во движење, ледена месечина, а најпозната е крвавата месечина. Како и секоја лунарна енергија во својата целосна фаза, таа го симболизира почетокот и крајот и означува важен период за промени во нашиот живот. Хороскопот посочува дека е од особена важност да се фокусирате на врските, емотивните односи во кои ве очекуваат најмногу промени. За време на полна месечина, Сонцето е во емотивна Вага, па ќе се посветиме на партнерски, платонски врски. Исто така, Месечината ќе биде во тесна врска со Венера, планетата на љубовта и романтиката. Задачата што планетите ја носат на сите е да создадат совршена рамнотежа помеѓу партнерските и вашите емотивни потреби и желби. Препуштете се на сите важни лекции и убавини на животот и не заборавајте, секој крај е шанса за нешто ново и величествено. Овен Потрудете се да ги разберете и поддржите потребите на вашиот партнер овој месец. Отворениот ум и око ќе ви послужат како инспирација овој месец. Бик За разлика од вас, вашите пријатели и семејството многу повеќе ќе го чувствуваат влијанието на оваа крвава месечина. Молчете, поправете ги односите и бидете тука за другите како поддршка. Близнаци Во периодот на крвавата полна месечина ги очекува тежок месец. Совет е да избегнувате конфликти и несогласувања кои можат да се решат по мирен пат. Рак Доколку не сте во врска, ова не е период да започнете нешто. Месецот ќе биде доста полн за вас, па нема да има можност да започнете нешто ново. Лав Ова е совршен период за зачувување на внатрешниот мир. Легнете, обновете ја вашата енергија и размислете што сакате од вашиот живот сега. Девица Посветете се во оваа месечна фаза, слушајте го вашиот внатрешен глас и моќната интуиција. Вага Во текот на овој месец, може да се чувствувате како да сте паднале од колосек, но и тоа ќе помине. Шкорпија За Шкорпиите ова ќе биде месец на ослободување. Искористете го вашиот креативен набој. Стрелец Избегнувајте можни конфликти кои се на хоризонтот и во овој период искористете ја креативната енергија на полната месечина за можностите кои ви се нудат. Јарец Компромисот е клучен за вас овој месец. Слушајте ги другите и избегнувајте бранувања. Водолија Доколку сте во врска, ова ќе биде идеален период за зајакнување на врската. Енергијата на полната месечина ви помага да го разберете партнерот и да ја зајакнете врската. Риби Октомвриската крвава месечина е сигнал за крај на одредени проекти кои успешно ќе ги завршите. Искористете го овој период за да прославите и да се подготвите за многу добар период што следи. извор:курир.мк

Сара Мејс и Лепа Брена славеа на ист ден: Македонската пејачка ја доби најубавата роденденска честитка – „Не постои нешто што повеќе сакам од нив“

Христина Ѓоргиевска — Thu, 21 Oct 2021 07:04:24 +0000

Месец октомври дефинитивно е во знак на македонската пејачка Сара Костадиновска или позната како Сара Мејс. Пејачката секој година во 10иот месец од годината има убав повод за славење. Имено, вчера 20.10.2021 година го прослави својот роденден. Мејс славеше во друштво на своето семејство, односно нејзиниот сопруг, водителот Димитар Атанасовски и нивната ќерка Илина. Таа на „Инстаграм“ објави неколку фотографии и покажа во чие друштво го поминала роденденот. Сара позираше заедно со сопругот и Илина во еден ресторан, а имаше и роденденско колаче на кое има и свеќичка со „Среќен роденден“. Сара ја доби и најслатката и најубава честитка за роденден од нејзината ќеркичка Илина. Додека гореше свеќичката, малата Илина и отпеја песничка на Мејс. „Хепи брдеј деар мамо, хепи брдеј“, пее ќерката на пејачката. Мејс во описот покрај објавата на фотографиите откри што посакува за роденден. „Не постои нешто што повеќе сакам од нив. ❤️👨‍👩‍👧 Нив си ги посакувам за роденден. Да ми се здрави“, напиша покрај постот, а под истиот се нижеа честитки од корисниците на социјалните мрежи. Инаку, она што им е заедничко на Сара Мејс и балкаснакта ѕвезда Лепа Брена е тоа што се родедени на ист датум – 20.10. И српската пејачка Лепа Брена вчера исто така славеше роденден. Брена роденденот го славеше надвор од Србија заедно со нејзините пријатели и роднини. Брена својот 61 роденден го прослави и на највообичаено место односно во обикола на фарма за крокодили. Среќен роденден на двете пејачки. фото: принтскрин/сара мејс/ лепа брена

Зошто паровите најчесто одат на терапија во текот на октомври?

Христина Ѓоргиевска — Thu, 07 Oct 2021 13:30:21 +0000

Една од клучните причини зошто паровите се одлучуваат на есенска терапија е секако да се вратат од одмор и повторно да се соочат со секојдневните обврски. Според Луси Бересфорд, психотерапевт и експерт за секс и партнерски односи и автор на „Happy Relationships at Home, Work and Play“, летниот одмор, колку и да е прекрасен, честопати води до точка на „пукање“. Причината е едноставна, а тоа е дека поминуваме многу моменти заедно. Ова води кон соочување со проблеми што инаку би ги потиснале и ќе ги пренесеме во наредните месеци. Затоа, треба да се решат сите сомнежи и да се најде сила за понатамошни потези, со цел одржување на врската. Кога ќе помине малку време и дојде октомври, интересот за советување и брачна терапија расте. Таа додаде дека е потребно да се тргне од себе и целата вина да не се префрла на партнерот, бидејќи тоа е единствениот начин да се реши секој предизвик. Совет за сите парови е искрено да размислуваат за причината за конфликтот, а промената на животната средина и присуството на трето лице може да ја олесни фрустрацијата и разочарувањето. На овој начин може да се слушне нивниот глас и важно е да се истакне дека новата перспектива е одличен начин за продолжиме заедно или не. извор: Кафепауза.мк

Интересни факти за луѓето родени во октомври

Христина Ѓоргиевска — Fri, 01 Oct 2021 12:00:12 +0000

Луѓето родени во октомври се многу романтични, но и многу одговорни и вредни луѓе. Еве интересни факти за луѓето родени овој месец.

Тие имаат спортски дух

Како луѓето родени во септември, така и луѓето родени во октомври, имаат спортски дух. Ова е поради фактот дека нивните мајки за време на својата бременост биле изложени на летните сончеви зраци, со што витамин D влијаел на неродените деца.

Тие се романтични

Луѓето родени во октомври се шармантни и романтични партнери. Венера управува со нив, така што тие се познати и како „ мировници “.

Тие се силни и издржливи

Луѓето родени пред 24 октомври, се карпи во хороскопот – стабилни и цврсти. Оние кои се родени на крајот на месецот се Шкорпиони и поради тоа се многу страсни, верни, но и тврдоглави.

Нивниот цвет е невен

Невенот е растение кое може да порасне до 60 сантиметри, а е ценето благодарение на неговите лековити својства. Овој цвет се користи за да се избришат изгореници, рани и разни лузни од инсекти.

Работно ориентирани

Родените во овој месец се грижат за своите работни обврски и задачи. Кога ќе започнат нешто, мора да го завршат.

Нивниот среќен камен е опал или турмалин

Опалот честопати се поврзува со среќата. Но, според легендата, оние кои носат опал и не се родени во октомври, ќе имаат инциденти. Турмалинот се смета за бранител од лоша енергија и негативни мисли.

Тие имаат долг живот

Луѓето родени помеѓу септември и ноември, често живеат до 100 години. Но, оние што се родени во октомври имаат најголема шанса да доживеат длабока старост. извор: Курир.мк

Ајварот не треба да се прави во октомври – еве зошто…

Слободанка Илиева — Wed, 16 Sep 2020 12:20:14 +0000

Aко не сте направиле ајвар во септември, во октомври немојте ни да го правите – барем така велат старите народни обичаи и календари. Според обичајниот народен календар, деновите по 15 септември се вистинско време за почеток на правење на ајвар, но и друга зимница, вели обичајниот народен календар. Најдобро е да се здружите со соседите или членовите на поширокото семејство, бидејќи правењето на ајвар и други традиционални зимници има и широко општествено значење. Така во првата половина на ХХ век беше обичај во селата и градовите да се соберат жени во големи дворови каде со размена на искуствата и дружење подготвувале храна за зимските месеци. Заеднички ќе купите пиперки, ќе ги испечете, олупите, сомелете и со муабет и смеа ајварот е готов. Ајварот правете го кај некој кој има двор или куќа на село, пишува покрај останатото во обичајниот народен календар. извор:скопје24

Зошто луѓето родени во октомври живеат подолго?

Слободанка Илиева — Wed, 09 Oct 2019 12:15:27 +0000

Октомври ни ги пожолти улиците и дворовите, принудувајќи нѐ да се облечеме потопло и да започнеме да се подготвуваме за студените денови. За бебињата кои се родени и ќе се родат во текот на овој месец, октомври може да значи и долговечност – барем тоа го покажуваат резултатите на едно истражување. Научници од Универзитетот во Чикаго ги споредиле податоците за луѓе родени помеѓу 1880 и 1895 година кои живееле 100 години или повеќе со податоците на нивните браќа и сестри или партнери. Истражувањето открило дека луѓето родени во октомври најчесто доживувале да го прослават 100-от роденден. Луѓето родени во септември или ноември, исто така, имале повисоки шанси за подолг живот. Од друга страна пак, имало 40% помалку стогодишници кои биле родени во март, мај или јули во споредба со останатите месеци. Оваа теорија е потврдена и од друго истражување спроведено на луѓе родени на северната хемисфера од Земјата кое вели дека бебињата родени наесен живеат подолго од пролетните бебиња. Зошто бебињата родени во октомври живеат подолго? Според една теорија, овие бебиња се поотпорни на сезонски болести бидејќи не биле родени на екстремно високи, ниту екстремно ниски температури. Оваа отпорност може да влијае на здравјето, а со тоа и на долговечноста на личноста. Што влијае на долговечноста? Постојат многу фактори кои може да влијаат на должината на животот. Навиките во исхраната, нивото на физичката активност и одбегнувањето штетни навики, како пушењето, се само некои работи кои придонесуваат за долговечноста. Па, доколку не сте родени во октомври, можеби е време да започнете да живеете поздраво. извор:кафепауза.мк

Овие 3 хороскопски знаци најмногу ќе се збогатат во текот на Октомври

Христина Ѓоргиевска — Mon, 30 Sep 2019 11:20:30 +0000

Најдоброто е тоа што, подобрувањето ќе се случи само од себе, без да биде потребен многу труд, а еве за кои претставници станува збор: 1. Близнаци Близнаците ќе се чувствуваат како цел Октомври да им е празник, бидејќи во текот на овој месец ќе им се исполнат многу повеќе желби, отколку што самите тие замислиле. Астролозите им препорачуваат да не прават неразумни финансиски зделки и повеќе да инвестираат во себе. Може е дел од преставниците да ја сменат својата професија, а токму таа промена ќе им донесе многу пари. 2. Стрелец Стрелецот не е навикнат да добива подароци од судбината, бидејќи сè што постигнал, го направил сам. Токму и неговото материјално богатство е резултат на големиот труд што го вложува овој хороскопски знак. Затоа во текот на Октомври, за Стрелецот ќе биде вистинско изненадување кога ќе добие подарок и тоа на најнеочекувано место. Астролозите препорачуваат добиениот подарок да се користи и распореди рационално. 3. Риби За Риби, Октомври им носи значително подобрена финансиска состојба. Среќата ќе биде на нивна страна, без разлика што и да започнат да прават. А токму во овој месец, овој хороскопски знак има и неверојатно големи шанси за добивка при игрите на среќа, како лотарија. Покрај ѕвездите, финансиските добивки ќе случат благодарение и на силната интуиција со која располагаат Рибите, која ќе им помогне да донесат правилни парични одлуки. извор: нане

Октомври ќе биде екстремно топол

Ивана Стојанова — Wed, 10 Oct 2018 13:15:38 +0000

Ако се остварат долгорочните прогнози на метеоролозите, просечната температура до крајот на 2018 година, како и средната температура за целата година ќе биде највисока во историјата Натпросечно топло според метеоролозите ќе биде во текот на целиот месец октомври и подолго. Средната температура повторно ќе биде меѓу највисоките во историјата на мерењата во овој период од годината. Според „Време Европа“ многу топло ќе биде насекаде низ стариот Континент. До средината на октомври температурата ќе биде за седум до 10 степени Целзиусови поголема од просекот за овој период од годината. Во Франција и Шпанија температурата на воздухот би можела да се искачи и до 30 степени Целзиусови. Екстремно топло ќе биде и на Скандинавскиот полуостров, со температура од 15 степени Целзиусови над просекот, што значи дека температурата ќе се биде до 20 степен.

Еве што ги чека сите хороскопски знаци во октомври

Ивана Стојанова — Fri, 28 Sep 2018 11:17:21 +0000

Оваа недела завршува месецот септември и веќе од почетокот на наредната не` очекува нов месец, нови работни и љубовни предизвици. Еве што ги чека припадниците на сите знаци во октомври. ОВЕН (21.03 – 20.04) Други луѓе и многу обврски поврзани со нив ве очекуваат во текот на овој месец. Оние со деца, ќе се занимаваат со нивните потреби. За останатите со знак или подзнак во Овен, ова е месец на љубов и романтични, ама и конкретни љубовни настани. Посебно во деновите околу 10 октомври, како и на 24 и/или 25 октомври. Ќе се појават и некои непредвидливи ситуации, а поврзани со учење или странство. Ќе вложувате дополнителна енергија на тоа поле, за да расчистите некакви лаги или недоразбирања, загубени документи, и слично. БИК (21.04 – 21.05) Активно ви е полето на партнерство и љубов, па искористете ги позитивните вибрации на ѕвездите. Сепак, внимателно во деновите околу 9 и 13 октомври, кога е можно некаква кавга која ќе искрсне од недоразбирање, или пак поради лага искажана без намера да навреди, и слично. Посебно убав ден ќе ви е 21 октомври, кога е можно да се случи некакво зацврстување на односите со партнерот/ партнерката. Во најмала рака, ако односот бил избувлив, ќе се среди. Крајот на месецот ќе ве дочека во зголемени обврски на работа или по дома. БЛИЗНАЦИ (22.05 – 22.06) На 13 октомври планетите може да донесат вложување на поголема енергија да ги задржите односите хармонични, или пак едноставно нервозни ситуации поради други луѓе. Се препорачува внимателност во сите контакти, бидејќи несакајќи ќе ги провоцирате другите на кавга, и посебно во деновите околу 13 и 22 октомври. Лесно до пари овој месец, или поинаку кажано – парите ќе ги заработите на пријатен начин, со работа која ќе ви претставува задоволство да ја завршите. Нагласени се и обврски по дома, посебно во првата половина од месецот. РАК (22.06 – 22.07) Пари, љубов, забава, контакти со многумина, за работа или за дружење – тоа ќе се клучните интереси за вас во текот на месец септември. Кон крајот на месецот ќе се чувствувате заморени од сите обврски, кои можно е дури и да се зголемат. Како и да е, ќе се чувствувате како притиснати или „заробени“ од сè она што треба да се стори во текот на денот, па ќе се обидете да избегате или да ги заборавите обврските преку зачестена комуникација со пријателите и роднините на некои весели теми. ЛАВ (23.07 – 22.08) Заработување или како да се дојде до поголема сума пари е вашиот интерес овој месец. На неколку наврати ќе добиете поголема или непланирана сума, можеби хонорар. Како и да е, некои трошоци, планирани или не, ќе ви однесат и добар дел од тие пари. Во деновите околу 13 октомври ве очекуваат некакви дополнителни обврски со деца: од трошење пари до разрешување на некакви недоразбирања. Крајот на месецот ќе ве дочека во движење, на пат, на улица, во зачестена комуникација, излегувања но не само заради забава, туку и заради завршување на потреби. Љубовта ви е стабилна во овој период. ДЕВИЦА (23.08 – 22.09) Планетите шетаат низ вашиот знак, и ќе направат неколку убави аспекти. Тоа за вас драги Девици значи исполнување, стабилизација, добри односи со околината и слично. Со парите ќе ви оди лесно, неколкупати ќе имате можност за дополнителна заработувачка, но ќе доживеете и спротивставување за некоја сума: некој ќе си го побара својот дел од сето тоа, посебно во деновите околу 9 и 13 октомври. За љубов, 10 октомври е ден кога ќе треба да се справите со некоја лага, или ќе решавате недоразбирање со партнерот/ партнерката. ВАГА (23.09 – 22.10) Од 2 до 27 октомври, ќе бидете позборлести од вообичаено. Сепак, внимавајте на договорите, преговорите или потпишувањата, бидејќи постои можност да не ви се познати сите детали. Во деновите околу 13 октомври, некој ќе ве повлече да донесете одлука или да преземете активност што не ви била планирана. Што се однесува до љубовниот живот, комуникацијата со партнерот ќе е поактивна, од било која причина. Можно е вашиот партнер/ партнерка да има потреба што треба да биде завршена со ваша помош, па време е да се вклучите. ШКОРПИЈА (23.10 – 21.11) Полека но сигурно фокусот на вашите мисли се префрла од работата на забави, дружења, пријатели и сè што е поврзано со големи здруженија. Ако барате работа, ќе најдете во голема или државна фирма, или пак во некакво здружение. Ако не барате работа, сепак може да се вклучите во активности во кои ќе сте потребни како дел од екипа. Од љубовните настани, можни се викенди крај вода, романтични вечери, или мешање на другарство и љубов. Како и да е, овој месец нема да бидете сами, ниту осамени. СТРЕЛЕЦ (22.11 – 21.12) Не откажувајте се месецов. Нека ве краси трпеливоста и позитивната мисла. Размислувајте брзо, но точно и успехот нема да изостане. Сепак, во октомври повеќе ќе сакате да се посветите на емоциите. И секако дека сакате, бидејќи ве очекува многу страст и љубов. Ако сте сами, статусот може многу бргу да се смени. Вие што веќе сте во заедница, можно е да се израдувате на вестите за проширување на семејството. Иако физичкиот нагон ќе биде доминантен, сепак тоа сосема ќе ви ја врати насмевката на лицето и вербата во живот ЈАРЕЦ (22.12 – 20.01) Она што стагнирало од август до сега, она за што не сте наоѓале доволно храброст или енергија да го завршите, а зависело од вас, сега ќе е време да го завршите. Овој пат ќе знаете како и што треба да се стори, ќе најдете и енергија, и време, и сè што треба за да ги истуркате работите кон позитивен исход. Туѓи пари ќе ви се на располагање, а тоа значи ќе наплатите заостанат долг, или ќе земете позајмица. Комуникација со некој во странство или преку интернет ќе ви донесе некакво олеснување, можеби и решение на некој ваш проблем. ВОДОЛИЈА (21.01 – 19.02) Нагласени ви се партнерските и пријателските односи, како и туѓи пари. Ќе добиете дополнителна сума пари, но ќе треба да се потрудите и сами да стигнете до неа. Посебно нагласени датуми за такво нешто се 18 и 25 октомври. Во контактот со пријателите ќе треба да покажете дипломатија, бидејќи ова ќе е период кога вашите пријатели ќе ви ги прераскажуваат своите нервозни ситуации. Ако можете да помогнете со совет, добро, но ако не можете со совет, не нудете пари за да се заврши нечија работа, бидејќи ќе останете без таа сума. Од партнерот/ партнерката ве очекува подарок, а може да е и во вид на платено патување. РИБИ (20.02 – 20.03) Месецот вклучете ги вашите одлични преговарачки способности, бидејќи ќе ви донесат успех. Ѕвездите ќе ви бидат наклонети на професионален план и доколку барате нова работа. Со самото тоа и финансиите значително ќе ви се подобрат. А октомври убави денови носи и на љубовно поле. Несогласувањата од минатиот месец конечно ќе се решат, па ќе уживате во друштвото на партнерот. Ако сте сами, тогаш ќе се забавувате речиси цел месец, ќе флертувате, од што ќе се изродат и неколку авантури. За сѐ што ве очекува месецов, ќе ве послужи и здравјето и може да се рече дека почнува новата страница од вашиот живот. А како шлаг на торта нека биде и некое ново парче.