Ана Марија – мисица, манекенка, модел и најзгодната и најсекси моторџика во Македонија: „Половинаа живот го поминав на две тркала“ (ФОТО)

Антонио Димитриевски — Sat, 17 Sep 2022 07:20:50 +0000

Ретки се девојките кои уживаат во брзините и адреналинот што можe да гo понуди возењето на две тркала, а уште поретки манекенки и мисици кои модната пистата ја менуваат за онаа тркачката, на жешкиот асфалт. Во Македонија, таа можеби и е единствениот пример, за тоа како една убавица може за миг да се престори во „ѕверка“, низ чиии вени течат бензинските октани. Ана Марија Таневска, убавицата од скопската општина Кисела Вода, го живее животот со полни гради и со нетрпение го очекува секој следен предизвик, сеедно дали тој бил на две нозе или две тркала, на модната или мото пистата. Со освоени титули за мис, бројни фотосесии, појавувања во музички спотови, настап на модна ревија на FashionTV, до семеен бизнис и „активен“ скопски живот, адреналинот што го носи возењето бесна машина е предизвикот што ја поттикнува возбудата во неа. „Манекенството и фотомоделството кај нас не доволно платена работа, затоа сега за сега, мене ми е подобро да работам во приватниот семеен бизнис. Можам да се пофалам дека сум самостојна девојка, но, ќе видиме што носи иднината“ - ќе изјави скопската убавица. „Прва љубов ми се моторите. Ја наследив од татко ми, уште на 6 години кога прв пат се качив на мотор, а веќе на 10 години учествував на трката во Кичево во категорија до 80 кубни сантиметри. Следеа и други трки, на кои често бев единствената девојка. И денеска ми е многу интересно кога ќе качам на моторот, ќе ја ставам кацигата и коа ќе застанам на семафор, ги посматрам луѓето како имаат различни реакции. Свират, довикуваат, дофрлаат, побудалуваат, врескаат... Се случува да излезе некоја вест или слика на социјалните мрежи од мене, со прашањето која е девојкава?“ - раскажува најсексапилната моторџика во Македонија и додава: „Половинаа живот го поминав на две тркала и уживам во секој таков момент. Досега имав 11 мотори почнувајки од скутери па Аprilia rs 125, Honda 250, Kawasaki 636 и мојот најнов мотор - Suzuki gsxr 1000rr “ - вели жешката убавица од уште пожешкиот асфалт кој го минува на двете „врели тркала“ со најновата „бесна макина“. Што се однесува до изгледот, таа тврди дека нема правено никакви естетски корекции и дека нема ништо силиконско на себе. „Потполно сум природна, а вежбам само последниве неколку месеци, иако луѓето мислат дека вежбам со години. Вежбањето е сега многу голем тренд, но јас го правам за себе и за мојата фигура, а најмногу за моето здравје. Освен теретана, посетувам и кик-бокс часови, а редовно трчам и возам ролерки“ - ја раскажува својата приказна жешката 23. годишна скопјанка која ги обожува адреналинските предизвици. Извор: за се'.мк

октани – Вистина.мк

Ана Марија – мисица, манекенка, модел и најзгодната и најсекси моторџика во Македонија: „Половинаа живот го поминав на две тркала“ (ФОТО)