охрид – Вистина.мк

Нема лабаво: Саканиот не ја испушта Тамара од вид, а кога таа е на сцена тој има посебно место (фото)

Слободанка Илиева — Sat, 13 Jan 2024 08:10:23 +0000

Празничен период, љубовни искри, викенд во Охрид, совршена комбинација за љубовна двојка која е во период на почеток кога им е особено најслатко. Тамара Тодевска и нејзината нова љубов, архитектот и дизајнер на ентериери, Лука Радовиќ, изминатиот викенд имаа едно такво љубовно уживање, додуша и работно за Тамара. Охриѓани минатата сабота имаа прилика да уживаат во настапот на Тодевска, а пак таа и Лука да уживаат во Охрид и се’ она што им го нуди природата и домаќините. Хотелска соба со панорамски поглед кон езерото, планински воздух, сами тие двајцата и секако љубов. А кога дојде време да се пее, ѕвездата се качи на сцена и застана пред публиката, а тој веднаш до неа, речиси на сцена, во прв ред за да улови се’ во својот мобилен и секако да биде поддршка, инспирација... А таа и пееше на публиката, ама му пееше и на саканиот кој беше близу за да и биде уште поубаво, попријатно, а таа предадена на сцена, особено нему. Евидентно е дека Тамара и Лука уживаат заедно, па и кога работата ќе ги однесе на вака убаво место, магијата едноставно нема крај, а љубовта и страста до облаците! фото:Instagram printscreen/ radovic_lukaa/ tamaratodevska

ДНК, Нино Величковски и Драган Мијалковски… главни ѕвезди за дочекот на Нова Година и денот по неа во Охрид

Антонио Димитриевски — Tue, 19 Dec 2023 13:49:57 +0000

Охриѓани подготвуваат богата и интересна новогодшна програма која ќе ги забавува граѓаните на Охрид, туристите и сите оние кои Новата година планираат да ја дочекаат во ова наше познато туристичко место. Новогодишната програма ќе започне на 28-ми декември со програма наменета за најмладите, односно, на градскиот плоштад “Св. Климент Охридски“ во Охрид присутната публика ќе ги забавуваат Биби и Боби и „Светот на Биби“. Следниот ден пак, на 29-ти декември на плоштадот ќе се одржи театарската претстава „Ракавиците на Дедо Мраз“, а на 30-ти декември детската претстава „Далматино и Дедо Мраз“. На 31 декември на плоштадот ќе биде одржан музичко – театарскиот спектакл за деца и млади „Новогодишна детска бајка“. Сите случувања кои се дел од новогодишната програма, а се посветени за најмладите ќе започнуваат во 12:30 часот. Што се однесува до забавниот дел за новогодишната ноќ и дочекот на Новата 2024-та година, на 31 декември, на градскиот плоштад во Охрид ќе се погрижат диџеите Јана Слеј и Багзи, групата DNK, Нино Величкоски и групата „Фортуна“. Почетокот е закажан за 21 часот. На 1-ви јануари 2024 година точно на пладне ќе настапат групата „Балкан џем“ и Драган Мијалкоски. Организаторите очекуваат одлична забава и задоволни граѓани и посетители од земјава и странство.

Музички Охрид е во сигурни раце: 31. година „Супер радио“

Антонио Димитриевски — Tue, 07 Nov 2023 11:33:19 +0000

Полни 31. година, охридското Супер радио, еден од најстарите приватни електронски медиуми во Република Македонија е со сериозна музичка мисија пред себе, затоа што работи во градот каде секогаш се слушала и пуштала најдобрата музика. Својата приказна ја започна во ноември 1992 година, веднаш по осамостојувањето на Република Македонија, а денес го прославува 31. роденден. „Повеќе од три децении ја пополнуваме тишината во преубавиот Охрид. Се будиме, се радуваме и плачеме, заедно, ги прославуваме сите успеси и ги регистрираме неуспесите, добрите ги поддржуваме, лошите ги менуваме… Заедно ги живееме нашите мигови во милениумскиот пат на местото кое е повеќе од град и многу повеќе од она што може да се помисли на прв поглед. Успеавме да изградиме свој сопствен и препознатлив стил и став кон случувањата и животот во Охрид. Безбројни акции за помош на сограѓани, Гинис, „изборот“ на градоначалник од рипката Желба, поддршка на спортски и културни манифестации… Во исто време забавувавме и информиравме, секогаш Брзо, Точно и Проверено… Работевме се’ и добивме се’. Веќе 30 години Охрид е СУПЕР и СУПЕР е Охрид. Сакаме да испратиме ОГРОМНА благодарност до целиот град, до сите наши слушатели, поддржувачи, деловни партнери и пријатели, до сите кои годиниве наназад веруваа во нас и ни овозможија да ја одржиме приказната во живот, порачуваат од Супер радио. Медиумот има активна програма со комплетна информативна забавна спортска и културно образовна програма. Супер радио веќе подолго време е препознатливо во регионот и во маркетиншкиот и продукцискиот дел“ - се вели во роденднското соопштение. Според сите анкети на АВМУ, Супер радио е убедливо најдобрата, најслушана и највлијателната локална радио станица во овој регион на Република Македонија. Потврда за успешната работа на радио станицата дојде и од локалната заедница, со доделувањето на Св. Климентовата повелба во 2017 година за досегашната успешна работа и придонес за градот.

Четкар промовираше спот за новиот сингл – „A New Day“ (ВИДЕО)

Антонио Димитриевски — Wed, 20 Sep 2023 11:13:46 +0000

Светски познатиот џез и фанк музичар од Охрид, Владимир Василевски - Четкар, деновиве го промовираше новиот музички спот за новиот сингл „A New Day“.

Видеото се снимаше на повеќе локации во Охрид и е во режија на Бојан Симјаноски. ‘A New Day ‘ или ‘Нов Ден’ е комплетно авторско дело на Четкар на кое тој е потпишан како композитор, аранжер, текстописец, диригент и изведувач (вокал и гитара). Песната е снимена со жива инструментација во Чикаго во студиото ‘Electrical Audio’ на познатиот Американски продуцент Стив Албини (познат по соработките со Нирвана, Лед Зепелин и т.н. ) и во ‘Hi Fi Studios’ во Милвоки.

Татјана Лазаревска е – „Жена хероина“ (ВИДЕО)

Антонио Димитриевски — Mon, 11 Sep 2023 12:58:52 +0000

Татјана Лазаревска и Новица Вассилевски како во добрите стари времиња во четвртокот вечерта ( 7-ми септември 2023) ги собраа колегите, пријателите, најблиските и новинарите на дружба во познатата „Камин Кама„ меана на нивниот колега Трајче „Мајка“ Толевски, на задничка дружба, која беа промовирани две нови песни. Како што ветија така и направија, Тања и Новица ја исполнија мисијата во престојот во татковината, и на публиката им подарија две нови нумери, кои и тоа како ќе допрат до публиката. Песната „Љубов ни е име“ сите имаа можност да ја слушнат на последното издание на „Охрид фест“, каде ја добија новинарската награда, а ја отпејаа во дует, кој претставува нивен втор заеднички проект. Втората песна е насловена „Жена хероина“, поп фолк балада, која ја изведува Тања, песна во која нема жена која нема да се пронајде. „Кога ја добив песната на прва се воодушевив, се расплакав. Песната е моќна балада, со многу силна порака и сигурна сум дека во неа нема жена која нема да се пронајде“, рече Тања. „Ние си заминуваме следната недела и се надеваме дека наскоро повторно ќе се видиме заедно во нашата мила татковина Македонија и ќе се дружиме сите заедно и ќе ја промовираме нашата фолк музика секаде каде ќе одиме: Америка, Канада Австралија и ќе бидеме добри амбасадори на нашата музика и земја“ порача Тања. Спотот за песната го изработи Ване Петковски, а истиот е снимен на неколку атрактивни локации во нашот македонски езерски бисер Охрид, во продукција на „ИН ТВ“. Инаку Автори на „Жена хероина“ се Борче Димитров, кој ја направи музиката, додека стиховите ги напиша Орце Зафировски, а истата снимена е во студиото на Горан Милошевски, кој го направил аранжманот. Се работи за една исклучително емотивна фолк балада, во која веројатно ќе се пронајде секоја жена... Опишувајќи ги чувствата, мислите и внатрешната борба и кога е најубаво и кога не и оди, кога тагата надолу ја влече, а секоја солза како жар ја пече, таа одново наоѓа сила како Феникс да се крене на нога... како вистинска хероина која отсекогаш тоа и била. Мелодија ко0а длабоко допира во душата и стихови со кои многу припаднички на понежниот пол ќе се соживеат и ќе речат како да се автобиографски... Како да се токму за нив напишани! Затоа внимателно преслушајте ја оваа фолк балада на Татјана Лазаревска и проследете го видеото... Можеби токму некоја од вас ќе ја препознае во себе нејзината „Жена хероина“.

Годишен концерт на охридскиот „Ансамбл Билјана“: „Една песна, една приказна“

Антонио Димитриевски — Wed, 30 Aug 2023 12:34:46 +0000

Во вторник, на 5-ти септември, во предворјето на катедралната црква „Св. Софија“, по единесетти пат ќе се одржи традиционалниот годишен концерт на Ансамбл Билјана. Оваа година настанот ќе има еден малку поинаков концепт – „Една песна една пиказна“. Ќе бидат представени неколку приказни за Охрид и неговата музичка историја, а наратор ќе биде Проф. Валентина Божиновска. Гости на годинешниот концерт ќе бидат Мартина Максимовска, професор по народно пеење и член на националниот ансамбл „Танец“ и Мухамед Бајрам од групата „Цар Самоил“, професор по виолина.

Ансамблот Билјана, како четврта трубадурска генерација во нашиот град тежнее кон зачувување и продолжување, а воедно и унапредување на музичката традиција. Настанот започна како чествување на шеесет години од формирање на ансамблот од страна на Кузман Поп-Стефанија и континуирано се одржува до денес како обид за зачувување на духот на охридската староградска песна. Концертот ќе започне во 20 часот, а билетите кои се продаваат во ограничен број, можете да ги резервирате, а истите се подигнуваат на влез, еден час пред почетокот на концертот.

Ана Стојанова е сама по себе предизвик кога летува: Кога расната фитнес инструкторка ќе се соблече, колку и да звучи банално, нема да одолеете да не ја изанализирате детално (ФОТО+ВИДЕО)

Антонио Димитриевски — Sat, 26 Aug 2023 06:59:01 +0000

Секасипалната фитнес инструкторката и мотиватор за здрав живот Ана Стојанова за пет-шест години преку својот Инстаграм профил собра „армија“ следбенички кои ги следат нејзините вежби и правила. Армијата „Праскички“ како што ги нарекува нејзините следбенички па, не само што верно ја следи, туку постојано и се зголемува. Така расната велешанка како нивна предводничка последниве години е приморана да прави избор од најдобрите кои ќе заслужат да и прават друштво и да летуваат со неа во таканаречените „Летни предизвици“ и тоа на најегзотични светски дестинации.

View this post on Instagram

A post shared by ANA STOJANOVA (@annstojanova)

Така, откако ја завршија „Малдиви едицијата“, Ана и „Праскичките“ сега се подготвуваат за новата, на море во Шпанија. Во меѓувреме „уморната“ инструкторка, што од патешествијата со нејзината арнмија, што од ноќните тулуми на фестивалот „Егзит“ во Нови Сад, реши да си даде себе си малку оддишка и да се паркира некаде во ладовина.

View this post on Instagram

A post shared by ANA STOJANOVA (@annstojanova)

На Ана Охрид и се видел како најблизу и најпогодно место за полнење батерии, па расната инструкторка оттаму реш да сподели како го поминува својот „бикини престој“ во македонскиот езерски бисер. Да бидеш во тој наш бисер, а да не се качиш на глисер, по најново, како и да не си бил. Затоа Ана реши да го истакне сиот сво телесен „бикини раскош“, па онака со полн „граден кош“ направи неколку рекламно - уметнички пози и тоа од птичја перспектива. Така „подновената“ предница изгледа многу побујна и понеодолива.

View this post on Instagram

A post shared by ANA STOJANOVA (@annstojanova)

Секако, по сончевата фотосеанса, селфи проверката во огледалото е неизоставна варијанта. Подиспеченото тело, само малку дами можат да си дозволат, волку смело да го покажат. Особено во ваква бикини комбинација со танга од обете страни... И однапред и одзади! Токму затоа и покрај сите летни предизвици што ги остварува, Ана Стојанова е сама по себе предизвик кога летува. Зашто кога расната фитнес инструкторка ќе се соблече, колку и да звучи банално, нема да одолеете да не ја изанализирате детално! И тоа од раменици до петици, со посебен акцент на поедини локации од нејзината телесна убавина, на кои и да не сакаш, погледот сам застанува додека возбудата телото ви го бранува! Фото: Инстаграм/annstojanova

„Ohrid Calling“- летен фестивал на електронска музика во Охрид

Антонио Димитриевски — Mon, 31 Jul 2023 08:33:55 +0000

Најмасовниот летен музички фестивал во Охрид е повеќе од спремен за неколкудневното исполнување на музички желби и очекувања од светот на електронската музика. „Ohrid Calling“ оваа година на менито нуди шаренолика и интригантна музичка програма која ќе ја “загрее” атмосферата во веќе востановениот бастион на добра забава и електронска музика касарната во Охрид. Оваа година нè очекува извонредно фестивалско издание со комбинација на стари фестивалски фаворити и возбудливи премиери. Од тропските dance-pop звуци на хитмејкерот Jonas Blue и неговиот прв настап на Балканот, динамичната и заразна продукција на Morten кој во моментов се наоѓа на врвот од неговата кариера, до возбудливите настапи на легендарниот Steve Aoki и лудата енергија на вашиот омилен Salvatore Ganacci кој за прв пат дојде во 2018 како анонимен а денес е премиум DJ кој настапува на сите големи светски фестивали. Покрај нив, со заслужено место на овогодинешниот лајнап се наоѓаат и Regard, Sullivan King, Wolfpack, Marten Hørger, SKIY, Cyrillic, Pessto, Divolly & Markward, Jordan John, Invictoz, Delovski, Jana Slayy и Tasev.

Мелита има нова тетоважа: На нејзините бујни гради осамна круна и уште едно значајно име (ФОТО)

Антонио Димитриевски — Mon, 31 Jul 2023 08:09:31 +0000

Поранешната ТВ водителка и позната трендсетерка Мелита Ракичевиќ својот Инстаграм не престанува обилно го користи како место на кое сите можат да го видат и разберат она што сака да го каже и покаже. Од тоа што прави, со кого е, како го поминува денот, во што ужива, па се' до тоа кога сака нешто важно да каже со своја мисла или туѓ цитат, сеедно... Важно е пораката да допре таму каде што е потребно! Ова лето расната скопска убавица го минува во Охрид. Морето го замени со езеро, но не ги смени и навиките... Распиштолена крај езерскиот брег, со коктел в рака да се густира денот темнејќи го тенот, додека така ужива во својата летна идила. Или можеби во слични пози да ужива во залезот на сонцето зад „езерската земја“. Сама или во друштво сеедно, Мелита знае што е она што е највредно. А тоа не само што го чува длабоко во себе, во своето срце, туку и го носи на себе, на својата кожа. Се разбира, се работи за најсаканите, а кога се тие во прашање, нејзината убава ќерка Барбара е онаа која е на пиедесталот. Логично и нормално за секоја грижлива и посветена мајка, детето да и биде се’ во животот… Па дури и нејзиното име да го носи на гради, како што тоа го направи Мелита лани, кога токму таму, на десната страна го истетовира името на нејзината Барабара! Годинава, ново лето, нова плажа, ама и нова тетоважа. Не оди мајка името на ќерката да го истетовира, а мајка си да ја игнорира, нели? Токму затоа Мелита реши и другата најсакана жена во нејзиниот живот, да ја овековечи на своја кожа! А мајка како мајка, секогаш за своето чедо ќе биде „жена-мајка-кралица“, па затоа и заслужува круна. Токму онаква каква што над тетоважата со името на нејзината мајка Виолета, која Мелита ја направи деновиве од другата страна, овој пат над левата града. Својот најнов „body art“ таа го споделила и на Инстаграм приказните, каде во описот ја додала причината за потегот што го направила: „За мојата мајка, моја љубов, поддршка, пријател, авторитет. Моја кралица, недостижна како личност за многумина“ - споделила Мелита. Така сега скопската трендсетерка на(д) градите ги носи имињата на двете најзначијни жени во нејзиниот живот: ќерка и Барбара и мајка и Виолета. За некое машко име тешко дека ќе има место...?! Ни сега, ни тогаш, но...? Никогаш не вели никогаш? Фото: Инстаграм/melitameli

Осмото издание на “Вино и Џез” со Четкар на 29-ти јули во с. Опеница – Охрид

Антонио Димитриевски — Fri, 28 Jul 2023 08:08:30 +0000

Оваа сабота, 29-ти јули со почеток во 20 часот, ќе се одржи осмото издание на традиционалниот музички настан “Вино и Џез” со Владимир Четкар Џез-Соул-Фанк Ансамбл во “Monastery Winery” во Село Опеница, Охридско. Посетителите на овој уникатен настан кој од година во година станува се попопуларен ќе можат да уживаат во прекрасните вина на винаријата од охридскиот и тиквешкиот регион како и во авторската музика на македонскиот кантавтор и изведувач со интернационална кариера Владимир Четкар.