охрид колинг – Вистина.мк

„Ohrid Calling“ се одложува за следната година

Антонио Димитриевски — Fri, 03 Jul 2020 10:00:22 +0000

Иако Комисијата за заразни болести во земјава дозволи да се одржуваат јавни open-air настани со 50% намалени капацитети, земајќи ја предвид масовноста на публиката, фестивалот и воопшто, неговиот концепт, одлучивме OHRID CALLING да го одложиме за следната година, истакнуваат од Авалон Продукција. „Сепак, периодов интензивно работевме на тоа истите артисти да ги префлиме за следната година, па така, јубилејното издание на OHRID CALLING ќе биде ТРИ дена и ќе се одржи од 30-ти јули до 01-ви август 2021 година на истата локација, во касарната во Охрид. Поминавме заедно четири незаборавни фестивалски изданија, проследени со многу магични моменти, насмевки, емоции и незаборавни забави. Ќе ја надминеме и оваа кризна и тажна година- обединети! Дотогаш, подготвувајте се за OHRID CALLING 2021 и заедно да ги надоместиме сите пропуштени забави на следното издание на вашиот омилен фестивал! А, кога зборуваме за културата и музиката во Македонија… ние сме секогаш тука да го пронајдеме лекот“-велат од продукцијата!

Одржувањето на „Охрид колинг“ зависи од состојбата со коронавирусот

Антонио Димитриевски — Thu, 14 May 2020 09:29:29 +0000

Организаторите на „Охрид колинг“, го најавуваат петтиот јубилеен роденден на фестивалот, за кој, изразуваат надеж дека како и секоја година ќе се одржи од 31 јули до 3 август. Во Охрид оваа година би требало да присуствуваат 20 артисти, помеѓу кои и оние кои до сега присуствувале како и музичари кои прв пат ќе присуствуваат. Се очекува спектакуларно шоу на светските број еден диџеи за 2019 година, Dimitri Vegas & Like Mike, но листата на најавени ѕвезди е всушност многу поголема. „Колку и да звучи сето ова во моментов како невозможна мисија, земајќи ја предвид моменталната ситуација со коронавирусот, одлучивме дека е добро сите заедно да фантазираме и да шириме оптимизам, кога веќе ништо друго не ни останува, стремејќи се и подготвувајќи се истиот оптимизам да стане реалност! Ние сме полни надеж и нема да влеземе во процес на откажување на фестивалот или пак префрлување на истиот за 2021 година сè до 01 јули оваа година“ - велат организаторите.