огнен здравсковски – Вистина.мк

„Марија Шерифовиќ, доаѓаме“: Адам и Огнен тргнаа заедно на снимање за „Ѕвездите на Гранд“, а со нив имаат специјална придружба (фото)

Слободанка Илиева — Mon, 18 Mar 2019 08:11:20 +0000

Иако се конкуренти во регионалното музичко шоу „Ѕвездите на Гранд“, Огнен Здравковски и Адам Лабунски тргнаа заедно на снимањето на најновото издание од натпреварот. Огнен седна зад воланот, Адам беше на задното седиште, додека на совозачко имаа контрола од повозрасен. Имено, на снимањето како поддршка Огнен ќе ја има неговата мајка Софче Џорлева, која е пејачка и работи во Македонската опера и балет. Таткото на Адам Лабунски очигледно овој пат нема да биде зад сцената и да го поддржи својот син, откако имаше расправија со членот на жирито Ѓорѓе Давид.

Гордата мама Софче пак, објави фотографија на социјалните мрежи додека патуваа кон Белград, а во описот ја спомена Марија Шерифовиќ која е менторка на нејзиниот син. -Марија Шерифовиќ, доаѓаме“, напиша Софче. Откако стигнаа, на македонската екипа и се приклучи и Елена Миленсковска, а нема сомнеж дека здружени имаат повеќе мотив и оптимизам до победа, иако се противници еден на друг.

Како ќе поминат во наредното издание на „Ѕвездите на Гранд“ останува да видиме...

(ФОТО) Се залепија лице до лице: Македонскиот учесник во „Ѕвездите на Гранд“ стиснат до Александра Пријовиќ!

Слободанка Илиева — Thu, 08 Mar 2018 09:42:06 +0000

Како и секоја сезона, така и оваа, во регионалното музичко шоу „Ѕвездите на Гранд“ доминираат натпреварувачите од Македонија. Тоа се докажа и минатата година, кога охриѓанецот Ристе Ристески ја однесе победата. И оваа сезона имаме неколку учесници кои ги собираат сите пофалби од жирито, а еден од нив е и внукот на Зоран Џорлев, Огнен Здравковски.

Младиот талент е во борба да се издвои меѓу најдобрите, а со своите одлични изведби успева да се пласира и во наредните кругови на шоуто. Деновиве Огнен беше во Белград на снимањето на емисијата „Гранд Специјал“, од каде не пропушти да овековечи неколку моменти и секако да ги сподели со своите следбеници на социјалните мрежи кои постојано се зголемуваат. Но, со една од фотографиите тој предизвика најголемо внимание. Имено, Огнен се сретна со Александра Пријовиќ, па ја замоли да направат еден фото спомен.

Залепени еден до друг, наш Огнен и снаата на Брена ги собраа сите пофаби. Дали и Здравковски ќе се покаже така успешен како и Ристе, останува да видиме и секако да стискаме палци!