огнен здравковски – Вистина.мк

„Те сакам најмногу и засекогаш“: Огнен Здравковски се потсети на неговиот починат вујко, музичарот Зоран Џорлев

Слаѓана Атанасова — Wed, 10 Jan 2024 08:13:15 +0000

Пејачот Огнен Здравковски на неговиот Инстаграм профил на кратките приказни низ фотографии долови колку е тажен поради загубата на неговиот починат вујко, музичарот Зоран Џорлев. Тој секоја година на денот на неговиот роденден споделува колку му недостига, а така беше и сега. Зоран Џорлев почина на почетот на 2021 како последица од коронавирусот, а Огнен најпрво покажа колку таа година го „скршила“. Сега во моментите исполнети со тага тој седнал и составил една емотивна порака која јавно ја сподели. - Среќен роденден вујче мој... Мирно и со светол пат патувај кон вечноста и имај вечен спомен! Те сакам најногу и засекогаш!!! Фалиш најмногу... Потоа го отвори албумот со спомени и објави заедничка стара фотографија од нив двајцата додека свират виолина. За потсетување, Џорлев беше еден од најпознатите виолинисти. Најпознат е по обработките на македонските народни и забавни композиции, обработки на филмски, џез, етно теми. Џорлев беше професор по виолина и директор на ДМБУЦ „Илија Николовски - Луј“ во Скопје. Во јануари 2011 тој беше назначен за директор на ансамблот за народни игри и песни „Танец“, каде остана до август 2017 година. Почина на 53 годишна возраст откако ја изгуби битката со короната. Фото: PrintskrinInstagram/ognenzdravkovski

Огнен Здравковски стопен од среќа: Пејачот на заучување за татковство- глетка што му носи љубов до секоја клетка (фото)

Слободанка Илиева — Wed, 22 Nov 2023 08:20:57 +0000

Популарноста на младиот пејач Огнен Здравковски дополнително се активираше по учеството во „Ѕвездите на Гранд“ и тоа што беше меѓу финалистите, редовно вади нови песни, активен е со настапи или едноставно кажано секогаш е во акција кога е музичката кариера во прашање. Оттука, новитетите по однос на музика очекувано се дел од објавитена неговите профили од социјалните мрежи, па секогаш има нешто ново да каже и покаже. Но, пред два месеци му се случи и нешто големо на приватен план – стана вујко. Неговата сестра Оле Здравковска или по ново Шундиќ му го роди првото внуче кое сега е фокусот на целото семејство, а вујче Огнец е стопен од радост, среќа и неизмерна љубов која ја спознале само искусните. На вујче очигледно му оди со бебиња, па малиот Алекса ја чувствува енергијата која му е пратена и кротко си заспива на градните кај вујко. Преку неколу фотографии гордиот Огнен сакаше да покаже колку е близок со наследникот, но и тоа дека наполнил два месеци. Внуците се одлична прилика за заучување пред родителството за тетките, чичковците, вујковците, стрините, а Оги ја има токму таа привилегија која очигледно го топи од убаво. фото:Фејсбук/огнен Здравковски

Огнен Здравковски има нов љубовен – „Порок“ (ВИДЕО)

Антонио Димитриевски — Tue, 31 Oct 2023 06:54:48 +0000

Огнен Здравковски учествуваше на 38. издание на фестивалот „Макфест 2023“ во Штип, каде настапи со својата најнова песна која носи наслов „Порок. Огнен настапи во ревијалната вечер и со својата изведба во живо ја воодушеви многубројната публика во културниот дом „Ацо Шопов, како и гледачите пред ТВ екраните... Автори на оваа песна се потпишуваат веќе докажаните музички имиња, Елвир Мекиќ како автор на текстот, додека музиката и аранжманот се дело на Дамјан Лазаров. „Јас сум прездоволен од мојот настап на Макфест, добивам само позитивни коментари. Најважно од се ми беше песната да и се допадне на публиката, а според тоа што го слушам и читам на социјалните мрежи, им се допаѓа „Порок“ - вели Здравковски. Инаку за потребите на оваа негова најнова песна, Огнен сними и видеоспот во српската престолнин, каде соработуваше со екипата на „Sneak Media“, кои снимаат и со најпознатите тамошни ѕвезди. Покрај Огнен, во спотот се појавува и познатиот српски модел Андреа Милутиновиќ, која одлично ја заврши својата задача. Она што е важно да се спомене, е тоа што Огнен не застанува тука, тој веќе со својата екипа од соработници размислуваат и за новата песна и новите проекти, а до тогаш него ќе може да го видите и слушнете на настапите ширум нашата земја. Како звучи и изгледа неговиот музички „Порок“, проследете во продолжение:

Радост најголема во домот на Огнен Здравковски: „Денес ми е еден од најубавите и најсреќните денови“ (фото)

Слободанка Илиева — Wed, 20 Sep 2023 06:04:26 +0000

Младиот пејач Огнен Здравковски сподели убава и радосна вест со своите пријатели, следбеници и обожаватели, а за која сакаше да слушнат и да разберат сите. Имено, неговата постара сестра, виолинистката Оле Здравковска Шундиќ и сопругот Богдан станаа родители своето прво дете. Оле и Богдан добија здраво и живо машко бебе за кое вујче Огнен гордо се пофали: -Денес ми е еден од најубавите и најсреќните денови во мојот живот. Добив внук, станав вујко!Добро ни дојде Алекса, душа на вујче! – напиша Огнен заблагодарувајќи му се на докторот кој ја породил Оле. За потсетување, веста дека семеството ќе се прошири младите ја споделија во месец мај, кога преку балони со конфети открија кој е полот на бебето и тоа уште во рана бременост, а се тоа благодарение на напредната медицина и технологија. Оле и Богдан беа во врска повеќе од две години, а нивната љубов ја крунисаа со брак на Денот на виното и вљубените, 14-ти февруари 2021 година кога официјално стана мажена жена, односно госпоѓа Шундиќ. Да е здрав и жив Алекса! фото: Фјсбук/ Огнен Здравковски/ Оле Здравковска Шундиќ

„Километрима“ се до Египет на Огнен Здравковски (видео)

Слободанка Илиева — Mon, 18 Sep 2023 10:31:04 +0000

„Километрима“ е насловот на најновата песна на младиот и познат пејач Огнен Здравковски, која вчера беше објавена на сите музички и социјални платформи, а за помалку од 24 часа таа има скоро 40.000 прегледи. Ова е одличен показател дека песната има потенцијал да стане голем хит... Познатиот пејач и за оваа песна како и за претходната, соработуваше со познатиот српски хит-мејкер Саша Николиќ, кој соработува со најголемите музички имиња од српската естада. Тој ја направи музиката, додека пак текстот е дело на одличната Мира Мијатовиќ, а аранжманот е на Аца Крсмановиќ. Се разбира, песната има и видеоспот и тоа снимен во далечниот и преубав Египет. Покрај Огнен, во видеото се појавува и преубавиот модел Верица Донев, која само дополнително ги разубави кадрите во него... Спотот е инаку дело на одличните момци од „Урбан Рекордс“, на чело со Гордан Божиновски... „Доста луѓе вложивме многу љубов, труд и посветеност во овој проект. Кога ќе пресметам, за да звучи и да изгледа вака, сигурно работевме дваесетина луѓе. Почнувајќи од музичките соработници, па потоа и луѓето кои го работеа спотот, мои пријатели кои несебично како секогаш ми помагаат. Огромно благодарам до „Фибула травел“ која овозможи да го снимиме спотот во Египет. Сепак, не сакам јас да го фалам проектот, оставам на публиката да го каже тоа. Ако утре песната ја пеат на моите настапи, тоа е доказ дека сме направиле нешто одлично. Искрено, верувам дека ќе се случи тоа“ – истакна Огнен. Видеоспотот инаку беше објавен на каналот на „Гранд“ продукција, со оглед на тоа дека Огнен е нивни ексклузивец веќе неколку години. Промоција на песната ќе има и во соседна Србија, каде тој е одлично прифатен од тамошната публика. Инаку до тогаш, Огнен ќе може да го видите и слушнете во живо на неговите настапи во нашата престолнина, како и дургите градови ширум Македонија... Уживајте во „Километрима“, а доколку ви се допадне, споделете на вашите социјални мрежи...

Огнен Здравковски рака за рака со ќерката на македонската водителка (фото)

Слободанка Илиева — Mon, 04 Sep 2023 07:00:32 +0000

Хуманоста е одлика на големите луѓе, а такви имаше доста кои вчеравечер го дадоа својот придонес за помош и поддршка преку хуманитарниот концерт за Лео. На настанот кој се случуваше пред еден трговски центар во Скопје, настапуваа неколку домашни пејачи кои ја покажаа токму таа своја одлика, дека се големи со емпатија и се подготвени да помогнат кога е најтешко, а можеа преку песна. Младиот пејач Огнен Здравковски беше еден од учесниците кој пееше пред насобраната публика каде пак се најде и еден мал, но негов голем фан. Станува збор за ќеркичката на водителката Милена Антовска – Станковска, Лана Марија, која мама ја донесе на работа. А работата беше на сцена, па каде е мама, таму е и Лана Марија, овој пат рака за рака со Огнен. Превозбудена, пресреќна за тоа што и се случува, еуфорија најголема во детските очи. Токму Огнен како и Лана Марија некогаш покажуваше афиниети кон музиката, а неговиот најголем идол, беше, а веруваме и денес остана – Тоше. Можеби и Лана веќе ги праќа првите сигнали дека сцената можеби ќе биде најзиното место за да се покаже и докаже. Е сега, дали како мама во новинарските и водителските води, или пак како вујче во музичките, останува времето да покаже. фото:Инстаграм принтскрин/Фејбук

Огнен Здравковски сними спот во Египет: Наскоро промоција на „Километрима“!

Антонио Димитриевски — Mon, 17 Jul 2023 10:40:16 +0000

Наскоро ќе имате можност да го погледнете спотот за најновата песна на младиот веќе етаблиран пејач Огнен Здравковски, кој го снимаше во далечниот Египет. Песната е на српски јазик и носи наслов „Километрима“. За овој најнов музички проект, Огнен реши да соработува со едни од најдобрите музички имиња од Србија, кои стојат како автори на можеби најголемите хитови на овие простори... Тоа е познатиот композитор Сашко Николиќ кој се потпишува како автор на музиката, текстот го напиша Мира Мијатовиќ, додека пак аранжманот е дело на Аца Крсмановиќ. За видеоспотот, Огнен ги избра момците од „Урбан Рекордс“, односно како режисер се потпишува Гордан Божиновиски... Инаку ова не е прва соработка на Огнен и Сашко, тие предходно соработуваа и за песната „Душа“, а по се изгледа ќе продолжат и во иднина... Овој најнов музички проект ќе биде промовиран во Скопје, но и во Белград, а телевизиска премиера ќе има и на телевизите на „Гранд“, каде Огнен е ексклузивец. Во меѓувреме спејачот со вас сподели дел од кадрите од спотот за „Километрима“...

„Земјо македонска” во изведба на Огнен Здравковски е втората нумера од проектот „Македонијо во срце те носиме”

Слободанка Илиева — Tue, 20 Jun 2023 06:52:54 +0000

„Земјо македонска”, чиј комплетен автор е легендарната Васка Илиева, според многумина, е неофицијална химна со која се идентификуваат илјадници Македонци. Верзијата на Огнен, односно аранжманот, како и на целиот проект зад кој стои „Скендеровски продукција“, е со потписот на Николче Мицевски. -Се радувам што Скендеровски продукција се сети на нешто вакво, затоа што само така ќе ги научиме сите претставници на младата генерација да ги сакаат и негуваат овие песни. Чест и задоволство ми е да пеам македонски песни, особено патриотски, за нашата Македонија. Растен сум со музика и со убавата македонска песна. Дедо ми Наско Џорлев има напишано многу македнски рефрени од кои би сакал да одвојам неколку – „Не кажувај либе добра ноќ”, „Фато мори душманке”, „Во Струмица на улица”, „Кажи ле облаче бело”… Ја одбрав „Земјо македонска” бидејќи ми е една од омилените патриотски песни, а имам и поврзаност со истата. Вујко ми Зоран Џорлев ја преработи по повод одбележувањето на 20-годишнината од независноста во 2011 година кога и ја изведе на централната прослава. Пресреќен сум што имав можност да учам од него да ја негувам, сакам и творам македонска музика. Ме учеше да си ја сакам, чувам и бранам татковината, тој, за жал, повеќе не е со нас, но пресреќен и горд сум што продолжувам по неговиот пат и ветувам дека гордо и со многу љубов и труд ќе го правам тоа, вели Здравковски.

Радост најголема: Огнен Здравковски се пофали дека семејството наскоро ќе стане поголемо за еден член (видео)

Слободанка Илиева — Wed, 03 May 2023 06:55:48 +0000

Младиот пејач Огнен Здравковски сподели убава и радосна вест со своите пријатели,следбеници и обожаватели, а за која сакаше да слушнат и да разберат сите. Имено, неговата постара сестра, виолинистката Оле Здравковска Шундиќ е бремена и со сопругот Богдан го очекуваат своето прво дете. За идните родители сега е ултра модерно преку палони со конфети да откриваат кој е полот на бебето и тоа уште во рана бременост, а се тоа благодарение на напредната медицина и технологија. Оле и Богдан не пропуштија да го направат овој тест и да откриват дека ќе станат родители на здраво машко бебе. Видеото кое се најде на нивниот Фејсбук го сподели и Огнен кој гордо се пофали дека ќе стане вујко и им честиташе на идните родители. За потсетување, Оле и Богдан беа во врска повеќе од две години, а нивната љубов ја крунисаа со брак на Денот на виното и вљубените, 14-ти февруари 2021 година кога официјално стана мажена жена, односно госпоѓа Шундиќ. Честитки и нека е со лесно! фото:Фејсбук/Огнен Здравсковски

Македонската „Гранд Ѕвезда“ направи гламурозна свадба со 500 гости, пееја колегите на младоженецот, а луксузот не изостана од секој детаљ (фото)

Слободанка Илиева — Tue, 02 May 2023 06:17:44 +0000

Поранешната ѕвезда на Гранд, прилепчанецот Ален Хасановиќ, на крајот на минатата година, по шеријатски обичаи во кругот на семејството се ожени со својата избраничка Аида Чако, а сега организираше гала свадбена веселба на која присуствуваа неколку стотици гости. Пејачот и неговата избраничка приредија модерна свадба во луксузен ресторан во Тетово уреден со детали што го одземаат здивот. Ресторанот налик на замок, полн со цвеќиња и кристали ги воодушеви сите присутни, но и нововенчаниот пар кој се погрижи се' да изгледа како од бајките. За гала свадбената веселба пишуваа и српските медиуми кои не го запоравија Хасановиќ од неговото учество во “Ѕвездите на Гранд“. Невестата блескаше во магична бајковита венчаница, додека младоженецот се одлучи за класично елегантен костум. Влегувањето на младенците во луксузниот ресторан било проследено со громогласен аплауз и звуците на виолина. За време на првиот танц на младите имало и огномет. По првиот танц следел уште еден, при што младоженецот го земал микрофонот и на својата поубава половина ја пеел песната „Bring the wild scents“, а невестата не ја симнала насмевката од лицето. Следуваше луда забава, а Ален и Аида цела вечер ја поминале незаборавно. Меѓу гостите беа и екс-ѕвездите на Гранд, Филип Божиновски и Огнен Здравковски кои не можеа, а да не запеат за Ален и Аида. Забавата ја прекина огромната бела свадбена торта на седум ката украсена со нежни цвеќиња и светилки. Како што налага обичајот, парот ја пресече тортата, а Хасановиќ ја искористи таа прилика да и отпее уште една песна на сопругата „Лудујем“ од Џенан Лончаревиќ. За сечењето на тортата, невестата решила да ја смени венчаницата и да блесне во долг корсет фустан кој одлично и прилега. Да потсетиме, по долгогодишна врска и романтична свршувачка, поранешниот финалист на „Ѕвезда Гранда“ Ален Хасановиќ го кажа судбоносното „да“, а венчавка со Аида Чако се одржа во Скопје изминатиот месец сепрември. фото:Инстаграм принтскрин/