Зошто мажите се одљубуваат: Ова се најчестите причини поради кои заминуваат

Слаѓана Атанасова — Thu, 15 Jun 2023 13:30:44 +0000

Кои се најчестите причини зошто мажот одлучува да ја прекине врската и да замине?

Прекумерни замерки

Замерките не се невообичаени од време на време, но тие можат да бидат крајно фрустрирачки ако се повторат. Никој не сака да слуша досадување и прекорување секој ден! Желбата да се контролира и наметне сопственото мислење може да ја избрка личноста која не сака, доколку создадеме нездрава атмосфера во која е невозможно да се живее мирно. Направете компромис или избројте до 10 пред да реагирате бурно.

Присилување брак

Жените сакаат сигурност и по некое време ќе почнат да размислуваат за брак и деца. Меѓутоа, ако почнете премногу да ја форсирате врската и да создавате притисок, тоа може да го исплаши мажот до вас. Секако, тоа не значи дека ги задушувате емоциите и желбите, туку да размислите дали премногу форсирате нешто посериозно и дали очекувате премногу од врската која не трае долго.

Нема страст во креветот

Важен аспект на врската е сексот. Ако со текот на времето тоа стане рутина без емоции и страст, може да влијае на целата врска. Разговарајте со партнерот, внесете малку освежување и бидете подготвени да ја прекинете рутината.

Простор за себе

Нема ништо поубаво на светот од тоа да поминуваме време со саканата личност. Но запомнете дека секогаш треба да одвоите време за себе. Кога сте секогаш достапни, постојано инсистирате на средби и немате ваше хоби и време за себе – многу лесно можете да ѝ досадите на саканата личност. Извор: Попара.мк

Пет јасни знаци дека вашата врска е пред крај: Ова се показатели дека се одљубувате еден од друг

Слаѓана Атанасова — Tue, 14 Jun 2022 14:00:54 +0000

Во секоја врска има добри и лоши денови, но во некои врски лошите денови се многу побројни и почести отколку во други. Ако често се замислувате дали исчезнале љубовта и страста од вашата врска и чувствувате дека со секој изминат ден вашите односи со партнерот се сè поладни, тогаш најверојатно треба сериозно да размислите дали имате заедничка иднина. Не сте сигурни каде се движи вашата врска? Еве кои знаци укажуваат на тоа дека врската ви е во неволја: Расправиите не стивнуваат, се чувствувате како да сте во војна. Никој друг не знае освен вие, но Третата светска војна веќе се води и тоа помеѓу вас и вашиот партнер. Постојано се расправатe, дури и за најмалите и најнезначајните нешта. Иницирате кавга за тоа што ќе јадете, каде ќе излезете, со кого ќе излезете… Кавгите не се секогаш лош знак, но ако се случуваат секојдневно и ако изгледа како вие или партнерот намерно да барате игла во сено само за да можете да започнете битка, тогаш време е да се запрашате што се случува во врската. Таквите мали кавги најчесто предизвикуваат насобирање на лутина, а еден ден таа лутина неизбежно ќе експлодира. Чувствувате дека седите до странец. На почетокот на врската ви се чинеше дека можете да разговарате со денови без да сопрете. Чувствувавте дека можете да си кажете сè еден на друг и помеѓу вас постоеше блискост и поврзаност. Сега, колку и да седите блиску еден до друг, се чувствувате како да има препрека меѓу вас, исто како да има цела планина која ви ја попречува комуникацијата. Неговите „исповеди“ веќе ги нема и вие знаете сè помалку за неговиот живот. Понекогаш мажите се оддалечуваат на таков начин затоа што во нивната глава врската веќе е завршена, само не нашле начин да ви кажат. Сè поретко имате секс и сè повеќе се намалува вашето задоволство. Порано тој ве опсипуваше со бакнежи и нежни допири и се обидуваше вашето задоволство в кревет да биде максимално. Сега не само што ретко имате сексуални односи, туку и исчезнува неговата грижа за тоа дали вие сте задоволени. Се разбира, може да се работи само за период во којшто тој е оптоварен со други проблеми, па стресот ви го убива сексуалниот живот. Но, ако ова трае подолго време и ако забележите дека искрата во неговите очи исчезнала, тогаш време е за сериозен разговор. Повеќе не запомнувате што му се допаѓа за да можете да го изненадите со најдобар подарок за неговиот роденден. Во текот на првите месеци од вашата врска во главата си правевте список на работи што тој ги сака и список со работи што не ги сака за да можете да му приредувате мали изненадувања. Но, ако сега веќе не обрнувате внимание кога тој кажува какви слушалки или каков паричник посакува, тоа значи дека вашите чувства оладуваат. Доаѓа неговиот роденден, а вие купувате нешто колку да не останете без подарок. Неговите телефонски повици, SMS-и или пораки на Facebook повеќе не ве прават среќни. Се сеќавате на убавите денови кога неговиот повик или порака го забрзуваше ритамот на вашето срце? Сега добивате порака со најнежните зборови што некогаш излегле од него, а вие не можете ниту да се поднасмевнете. Со текот на времето нормално е да исчезнуваат пеперутките од вашиот стомак, но ако неговите убави зборови и комплименти веќе ништо не ви значат и ако не чувствувате потреба вие понекогаш да го направите истото, тогаш и сами можете да забележите дека вашата страст и љубов останале во минатото.

одљубување – Вистина.мк

Зошто мажите се одљубуваат: Ова се најчестите причини поради кои заминуваат

Пет јасни знаци дека вашата врска е пред крај: Ова се показатели дека се одљубувате еден од друг