Карлеуша во еротска долна облека, како секси бабамразица во Новата година си посака желба, која долго и недостасува: „Го сакам она што оддамна го немама, а тоа е љубов“! (ФОТО)

Антонио Димитриевски — Fri, 06 Jan 2023 08:35:05 +0000

Српската и регонална поп-фолк дива Јелена Карлеуша уште еднаш не пропушти прилика за Нова Година да биде максимално екстравагантна... И во изгледот и во имиџот, и со настапите и со изјавите и желбите, кои и покрај се' , некако не успева да си ги оствари сиве овие години наназад. Колку и да изгледа имуќна, среќна, задоволна, доминантна дама која може да си приушти се' што ќе посака, по се' изгледа дека и не баш така. Зашто длабоко во себе, во нејзината ранлива душа, очигледно постои и некоја друга Карлеуша. Сосема поинаква од онаа што секојдневн0 ја гледаме, доживуваме, по неа мечтаеме... Токму затоа и нејзините новогодишни желби и посакувања ниту оддалеку не се сведуваат на материјални луксузи, скапи подароци и егзотични патувања, туку на нешто што како што самата вели, оддамна и недостасува, зашто до тоа и покрај сета слава, популарност и заработувачка, многу тешко се доаѓа... Затоа и му седна на Дедо Мраз в скут, па онака свиена, целата емотивна, си посака најубава желба... Впрочем, познато е дека среќата со пари не се купува, па така неа да си дозволи да ја „купи“ не може ни една Карлеуша. Затоа пејачката онака разголена, во свој стил максимално провокативна во соодветна новогодишно-еротска долна облека, покажа дека и на ваква расна бабамразица разголена на студов и треба да ја згрее... љубов.

View this post on Instagram

A post shared by Jelena Karleuša (@karleusastar)

СРЕЌНА НОВА ГОДИНА! „Време е да си посакам желба... иако одамна немам желби... посакувам волја и сила, посакувам мотивација и фокусираност, посакувам силно и здраво тело и уште посилна психа... да ја издржам бурата што доаѓа... Посакувам да најдам толку многу добрина во себе за да им простам на луѓето кога ми прават лоши работи, за да не им возвратам со лошо на добрите... Сакам за себе нешто што не сум го имала оддамна, а тоа е љубов... Си посакувам детска среќа и радост во малите нешта, но сакам и големи концерти ширум планетата затоа што ЈАС сум ЈАС, само кога сум на сцена пред мојата публика... Посакувам албум на мојот живот оваа година.... Си посакувам мир и спокојство во душата... затоа што тоа го заслужувам... Среќна Нова Година... затоа што ќе ми треба сета среќа“в - сподели во своето обраќање белградската мала од скандала, со текст покрај својата најнова новогодишна еротска фото- сесија. Карлеуша каква што сите очекуваат да ја гледаат на фотографиите и видеата и онаа другата во неа, каква што само таа самата очекува да биде во новата 2023-та година!

View this post on Instagram

A post shared by Jelena Karleuša (@karleusastar)

Фото: Инстаграм принтскрин/karleusastar

оддамна и недостасува – Вистина.мк