одбивање – Вистина.мк

Како да го надминете стравот од одбивање?

Христина Ѓоргиевска — Wed, 13 Nov 2019 13:45:29 +0000

Дали чувствувате страв и срам кога треба да се запознаете со некого? Треба да заминете на состанок и имате трема? Како да го надминете ова? Потребно е да направите проценка за тоа со кој може да се запознаете и да разговарате. Без разлика дали присуствувате на нечија забава, дали сте на љубовен состанок, дали сте излезени во некој клуб, или пак станува збор за деловен состанок- правилата се исти. Доколку забележите личност која стои сама до ѕидот и гледа во мобилниот телефон, веројатно се чувствува исто како вас и ѝ е непријатно што стои сам/а. Како да постапите во таков случај? Бидејќи вие сте свесни за вашиот проблем, направете го првиот чекор. Приближете се до таа личност и претставете се. Обидете се да не бидете нападни и разговарајте за едноставни работи. Потоа, разговорот ќе продолжи да тече. Доколку забележите дека некоја личност ве погледнува неколку пати во краток временски период, тоа значи дека сте го привлекле вниманието и сте ѝ интересни. Покажете ги вашите добри карактерни особини отворено и на пријателски начин. Но, бидете она што сте. Без маски и преправања. Кога некому вистински му се допаѓате, ве сака со вашите маани и недостатоци. Запомнете, анксиозноста ќе се појави само доколку очекувате да бидете одбиени. Во случај да бидете одбиени, едноставно и самоуверено продолжете понатаму. Проблемот не е во вас. Заборавете на стравот. Во економијата важи едно правило: „најмногу ризикува оној кој не ризикува“. Тогаш, што може да изгубите? Ништо. Добивате добар пријател и партнер или не си го губите времето залудно на некој кој не го заслужува тоа. извор: Кајгана

Шест ситуации во кои тој ќе одбие секс

Моника Манасиевска — Thu, 25 Oct 2018 10:46:45 +0000

Не е вистина дека мажите никогаш не одбиваат секс… Во овие ситуации ќе одбие секс со вас без оглед на тоа колку го привлекувате. Премногу зборување во текот на предиграта Притоа не мислиме на „валкани“ зборови кои мажите ги сакаат, туку на зборување за се и за сешто. што нема врска со она што се случува во моментот – за вашите родители, за работата, за колешката која ве нервирала и слично. Предигра е она што води до вистинската акција, а брборењето ја уништува што значи дека никогаш нема да дојде до главниот дел, барем не ако ја прашате машката популација. Зборување за „бившиот“ Тој е потполно свесен дека имате минато, но последното што сака да го слуша пред сексот се приказните за неговиот претходник. Ако веќе имате потреба да зборувате на таа тема, тогаш не го правете тоа пред сексот. Изгледате незаинтересирано Му дадовте зелено светло за акција но само за да не ви приговара. Со други зборови, не ви е до секс, но знаете дека не можете да го одбивате секоја вечер. Ако веќе сте рекле „да“, тогаш навистина не е во ред на сите можни начини да му покажувате дека повеќе би сакале да спиете отколку да водите љубов. Верувајте, тој тоа го забележува. Вие сте пијани, а тој е трезен Кога сте двајцата под дејство на алкохол, ништо не изгледа чудно, но кога е тој трезен а вие не, некои работи кои вам нема да ви изгледаат чудни, нему би можеле да му бидат многу чудни. Подобро почекајте некоја следна пригода. Не ги сфатил вашите секси сигнали Ако е тоа случај, мажите едногласно порачуваат- кажете ни јасно и гласно што сакате, без срам, затоа што понекогаш не можеме да забележиме дури и очигледни нешта. Не се повлекувајте за да размислувате зошто не сме сакале секс. Тој е под голем стрес Не е дека не ве посакува, но моментално има во главата 100 поважни работи и едноставно не е расположен за секс.

Три знаци со кои несвесно ги одбивате момците од вас

Моника Манасиевска — Mon, 08 Oct 2018 14:53:51 +0000

Иако за вас можеби привлекувањето на момци не е проблем, сепак на крајот секој ве остава. Ова навистина може да ве повреди, бидејќи и тоа е некој вид на одбивање, а кој сака да биде одбиен?

На сите им е добро познато тоа дека не можат да ги привлечат сите момци, но истовремено, сите потајно сакаме да се увериме дека не правиме нешто за да бидеме одбиени. Но, затоа погледнете ги знаците во продолжение, кои укажуваат дека токму тоа го правите.

1. Ја превземате неговата улога

Живееме во општество во кое жените навистина ја променија својата традиционална улога. Тоа е одлично, но резултатот од тоа е дека сè поголем број мажи, се чувствуваат помалку „мажествено“. Меѓутоа, мажите секогаш ќе имаат различни улоги во светот, а и во односите, а кога ќе се обидете да ја превземете таа улога, на односот му се гледа крајот

2. Вие сте ваш најголем непријател

Дали тоа е траума од детството или од претходна врска е сосема неважно, бидејќи не можете да очекувате од некој да остане покрај вас, доколку вие сами себе се саботирате. Добриот човек нема да ве остави без причина. Иако тешко е да си признаете дека понекогаш вие сте проблемот, важно е да научите да се соочите со тоа.

3. Вашите реакции ја запечатиле вашата судбина

Дали некогаш ви кажале дека сте несигурни, дека барате премногу и слични работи? Навистина е болно да ги слушнете овие зборови, воглавно затоа што најверојатно мислите дека не сте такви. Но, сите ние можеме да си дозволиме да нè надвладеат емоциите. Мажите често ги разбираат реакциите на жените. Дури и кога не мислите така, вашиот партнер веројатно ќе го промени мислењето за вас. Обидете се да ги контролирате своите реакции и размислете добро пред да кажете нешто. Добриот маж ќе биде подготвен да ве направи среќна, но не можете тоа да го очекувате доколку не му возвратите со иста мера.