Две познати фолк ѕвезди пред Лепа Лукиќ ја одбиле песната која пејачката ја претвори во фолк кралица: Како ќе ја пееш, ако не умееш да ја препознаеш?!

Антонио Димитриевски — Thu, 03 Aug 2023 11:09:59 +0000

Во народот постои една изрека: „Не кому му е пишано, туку кому му е судено“, која очигледно важи и кога е естрадата во прашање. Во одреден момент од својата кариера, многу пејачи одбиле песни кои им биле понудени, а кои подоцна станале големи хитови. Песната „Срце је моје виолина“ ја прослави кралицата на народната музика Лепа Лукиќ. Оваа песна и денес се слуша како и првиот ден, а малкумина знаат дека била наменета за друга пејачка. Песната првично била напишана за нишката фолкерка Билјана Јевтиќ, но таа одбила да го сними овој хит. Подоцна песната и била понудена и на Весна Змијанац, која исто така категорички ја одбила. Сепак во третиот обид, песната стигнала на вистинската адреса, откако Лепа ја прифатила и ја снимила. Веднаш по објавувањето песната станува голем, мегахит. Да потсетиме, ова не е единствениот ваков случај на естрадата, зашто на пример Нада Топчагиќ е една од пејачките кои одбиле најмногу песни кои подоцна станале големи хитови. Фото: Инстаграм/lepa_lukic_official

Кралот Чарлс во неволја: Музичарите кои лично ги предложил одбиле да пеат на неговото крунисување (фото)

Слаѓана Атанасова — Mon, 20 Feb 2023 10:46:28 +0000

Крунисувањето на кралот Чарлс III е закажано за 6 мај. Сепак, сѐ уште не се знае кој ќе настапи во музичкиот дел од програмата. Имено, иако веќе се испратени првите покани за музичарите кои треба да настапат во чест на кралот ден по официјалната церемонија на крунисување, поточно во замокот Виндзор, пристигнаа и првите одбивања. Како што открива британскиот „Sunday Mail“, на листата на музичари кои ги бара кралот Чарлс Трети имало многу познати имиња, меѓу кои и Адел и Ед Ширан, кои веќе ги одбиле поканите. „Кралот предложи неколку луѓе кои би сакал да настапат, а Адел и Ед беа на таа листа. Многу сакаше да бидат на концертот. Во организацијата има тим кој е одговорен за контактирање со ѕвездите, но тие одговориле дека се зафатени, што било големо разочарување за сите. Тие се титани на шоубиз-индустријата, а се и Британци, но и познати низ целиот свет. Срамота е“, изјави извор за „А Меил во неделата“. Ед Ширан има концерт на 6 мај во Тексас, кој оправдано го спречи да дојде во Виндзор. Иако тоа би му отежнало да стигне до настанот во Виндзор, упатените велат дека би било можно да се направи деветчасовното патување со приватен авион. Сепак, Адел официјално нема ништо закажано за тие денови, бидејќи нејзините концерти во Лас Вегас завршуваат на 25 март. Досега своите настапи ги потврдија Лајонел Ричи и Spice Girls, но не се знае дали со нив ќе настапи и Викторија Бекам. Концертот ќе го пренесува Би-би-си. Неколку илјади билети ќе и бидат поделени на јавноста преку гласачко ливче. Чарлс лично ја избрал музичката програма за церемонијата на 6 мај во Вестминстерската опатија, која е дизајнирана да прикаже низа музички таленти и стилови од ОК и од Комонвелтот. Фото: Принтскрин/Нова Тв/ Профимедиа / Ројтерс

одбиле – Вистина.мк

Две познати фолк ѕвезди пред Лепа Лукиќ ја одбиле песната која пејачката ја претвори во фолк кралица: Како ќе ја пееш, ако не умееш да ја препознаеш?!

Кралот Чарлс во неволја: Музичарите кои лично ги предложил одбиле да пеат на неговото крунисување (фото)