Од изворот на изборот – Вистина.мк

Јас сум тука, Тони Зен – „Сум“ (ВИДЕО)

Антонио Димитриевски — Wed, 12 Jun 2019 11:44:42 +0000

Тони Зен неодамна го објави својот шести соло-албум „Од изворот на изборот“, од кој веќе имавме можност да слушнеме две песни: „Коан“ и „Градот липа“, а сега на ред дојде и можеби најсуштинската тема која одлично го опишува музичарот и сите негови „лица“. Токму тоа го сугерира и самиот наслов „СУМ“, чии стихови, секако, се дело на Тони, а музиката му е заедничка со Кирил Бабамов.

Сето тоа визуелно го долови екипата на продукцијата „Мелем“, а во видеото се појавуваат голем дел од неговите колеги и соработници од целата досегашна кариера, вклучувајќи ја екипата на „Токсикологија“.

„Сум дромец, сум другарот Македонец, сум тука, дворски шут у мојот дворец, сум флека, цела екипа сосе тонец“, рапува Тони, алудирајќи и на бендот „Флека“, а во рефренот сумира: „И кога ритамот те движи, јас тој сум – рап и фанк и џез и блуз – овој сум! Јас сум постојано низ ритам, во ритам!“

Сè на сè, „СУМ“ е одличен спој на сето она што изминативе години го слушавме од Тони Зен, но во мошне позрело издание, како што и доликува и се очекува од музичар што се менува и созрева, но останува верен на својата суштина. https://www.youtube.com/watch?v=ep4cYpUmRu8 Извор:РадиоМК

Тони Зен – „Градот липа“ му ја посвети на своето Скопје (АУДИО)

Антонио Димитриевски — Sat, 25 May 2019 12:39:01 +0000

Тони Зен неодамна го најави својот нов, шести по ред студиски албум „Од изворот на изборот“, а како прв сингл беше објавена темата „Коан“. Новото издание веќе е пуштено во продажба од вчера, па по тој повод музичарот објави уште една нова песна, која му ја посвети на својот роден град Скопје. Како и на останатите седум песни, автор на стиховите е самиот Тони Зен, додека на музиката и аранжманот работеше самиот тој заедно со Кирил Бабамов и Ратко Даутовски. Придружните вокали ги пее Весна Малинова Бабамов, саунд инжињер на материјалот е Бојан Филиповски - "Gloomie", истиот е сниман во "Knobs Keys 'n Stuff" студио - Скопје, а миксан и мастериран од страна на Мите Димовски во неговото „Тра-ла-ла“ студио во скопско Бардовци.

„Град липа, премногу те сакам, колку и да смрдиш, јас нема да те оставам! Град липа, премногу сме блиски, иако повеќе не можам да те препознаам. Град липа, од година во година сите искуства низ тебе јас ги поминав. Град липа, премногу те сакам и кај да одам, пак се враќам“, пее Тони во новата песна, која можете да ја слушнете во продолжение. https://www.youtube.com/watch?v=oYeJnp9YM8U&list=RDoYeJnp9YM8U&start_radio=1&t=0