од дома – Вистина.мк

Џокси и академскиот хор „Мирче Ацев“ од дома го преработија неговиот евергрин – „На Велигден“ (ВИДЕО)

Антонио Димитриевски — Sun, 19 Apr 2020 08:52:50 +0000

Откако е создадена, Велигден не би можел да помине без да ја слушнеме легендарната песна која ја одбележа кариерата на легендарниот македонски пејач Џина Папас Џокси. И додека сите се шегуваа дека оваа година поради состојбата која владее во светот и кај нас, Џокси „нема да може да се заљуби“ бидејќи ќе мора да остане дома, тој не изненади со фантастично видео кое ќе ви го разубави денот и празникот. Имено, пејачот заедно со академскиот хор „Мирче Ацев“ од дома ја преработија и снимија легендарната песна и на сите им пренесоа моќна видеопорака. Болеста не може да не скрши, музиката се' уште не соединува. Кој вели дека и од дома не можеме да го прославиме најголемиот христијански празник Велигден? Џокси и целиот тим кој стои позади ова прекрасно видео е доказ дека и во вакви тешки времиња духот не може и не смее да клоне! Инаку, ова е втор пат Џокси да ја пее оваа песна со хорот „Мирче Ацев“. Тие годинава заедно ја испејаа и на манифестацијата „Златна Буба Мара“. Слушнете ја, погледнете го видеото и... празнично останете дома! https://www.youtube.com/watch?v=uj0LG4BdEyI&feature=emb_logo

За оние кои работат од дома: Овие 5 вежби ќе ви помогнат да ги спречите болките во вратот и грбот

Христина Ѓоргиевска — Wed, 15 Apr 2020 13:00:05 +0000

Без оглед на причините зошто работите од дома, без разлика дали сте хонорарни преведувачи или сте принудени на работа од дома поради коронавирусот, бидете свесни дека тоа може да биде многу болно искуство. Затоа, се препорачува да се оддалечувате од вашиот компјутер на секој 1 час и повремено да се раздвижите одејќи барем до кујната или бањата. Како и да е, за да ги избегнете долгорочните ефекти од прекумерното седење пред вашиот компјутер или да ја избегнете вкочанетоста во вратот и грбот, добра идеја е да се протегате неколкупати на ден. Фитнес експертите предлагаат неколку ефективни вежби кои ќе помогнат вашите часови во изолација да бидат помалку стресни.

Кружење со главата

Целодневното гледање во компјутерскиот екран, особено ако компјутерот не е поставен во рамнината на очите, може да биде болно искуство, особено кога станува збор за вратот. Покрај тоа, може да предизвика долгорочни проблеми, дури и главоболки. Покрај тоа што компјутерот треба да го ставите во позиција што најмногу му одговара на вашиот врат, треба да бидете сигурни дека таа позиција е што е можно пофлексибилна и нема да ви наштети. Наведнете ја главата нанапред колку што можете и поместете ја за да направите целосен круг со неа. Направете го ова од 3 до 5 пати.

Истегнување на натколениците

На многу луѓе им е тешко да си ги допрат прстите на нозете, а токму преку тоа се тестира нечија флексибилност. Со овие вежби ќе можете полесно да го сторите тоа. И не само тоа. Ќе спиете подобро, ќе имате добро држење на телото и помалку болки во грбот. Најдобар начин да ги истегнете натколениците е да легнете на простирка за јога, да го подигнете едното стапало и да ја истегнете ногата. Потоа ставете еластична лента за вежбање околу ногата и држете ги двата краја на лентата со рацете. Прво, вдишете, држејќи ја ногата во позиција на повлекување, а потоа при издишување, повлечете ја лентата кон вас за да ја истегнете натколеницата. Не влечете ја ногата премногу, туку само онолку колку што можете. За ова време колковите треба да бидат залепени за подот. Ја движите само ногата што ја истегнувате. Направете 2-3 влечења на едната нога, па повторете ја вежбата со другата.

Вртење на ‘рбетот

Не игнорирајте ја неподвижноста на ‘рбетот! Ако седите на стол, ротирајте ги рамената, фатете го горниот дел од столот со рацете и „туркајте ги“ рамената од грбот колку што можете без да ги придвижувате колковите. Останете во оваа позиција пет секунди, а потоа вратете се на првичната позиција. Повторете ја вежбата и на другата страна.

Поместување на рамената напред-назад

По вратот, фокусирајте се и на рамената. Ако постојано се свиткуваат додека седите на компјутер, наскоро ќе почнете да чувствувате болка во горниот дел од телото. Затоа, подигнете ги колку што е можно повеќе, како кога не го знаете одговорот на некое прашање. Потоа, нежно движете ги напред и назад од секоја страна, кружејќи ги во секоја позиција. Кога ќе направите од 3 до 5 круга, променете ја насоката и повторете ја вежбата од 3 до 5 пати.

Отворање на градите

Ова ќе ја подобри флексибилноста на рамената. Ставете ги рацете зад долниот дел од грбот и зграпчете ги. Ова ќе ги отвори градите и рамената. Без да ги свиткате лактите, обидете се да ги кренете рацете колку што можете повеќе. Ако стоите, држете ги нозете во ширина на рамената, па свиткајте ги колковите нанапред додека ги кревате рацете. На овој начин ќе го истегнете и долниот дел на грбот. извор: Кафепауза

Анастасија се пресели од дома, па сега би (можела) да се мажи, ама Цеца вели: „Не важи“!

Антонио Димитриевски — Tue, 16 Jul 2019 10:48:36 +0000

Анастасија Ражнатовиќ неодамна го напушти семејниот дом и се преселила во својот стан во Врачар, а сега дури размислува да се венча, иако мама Цеца смета дека е рано за тоа. Искрена да бидам, единствен проблем ми е готвењето, бидејќи јас сум тотален антиталент за во кујна. Не знам како да готвам и никогаш нема да научам“ - рече Анастасија.

Имајќи предвид дека е во долга врска со бизнисменот Ѓорѓе Куљиќ, Анастасија вели дека би сакала да застане на лудиот камен, но не брза.

"Мајка ми ќе ја поддржи мојата одлука да решам да се омажам, но таа мисли дека сум млада за таков голем чекор. Искрена да бидам и јас го мислам истото“ - рече Анастасија, и призна дека откако се преселила, се поретко престојува во куќата на Цеца.