очи – Вистина.мк

Очите говорат за проблемите со срцето

Слободанка Илиева — Thu, 29 Feb 2024 12:36:31 +0000

Постојат повеќе симптоми со чија помош може да се дознае можната присутна опасност – следат три од нив. Срцевите заболувања се една од главните причини за смрт во светот, па затоа е важно навреме да се забележате предзнаците на овие болести. Постојат повеќе симптоми со чија помош може да се дознае можната присутна опасност – следат три од нив. Според офталмологот д-р Одри Тај oд Калифорнија (САД), пред сѐ, треба да се внимава на жолтите испакнатини околу очите. Оваа појава медицински се нарекува ксантелазма. Поточно, тие жолти меури обично се признак на висок холестерол, којшто ја зголемува опасноста од кардиоваскуларни болести и може да предизвика мозочен, како и срцев удар, но и други состојби. Жолтите грутки најмногу се појавуваат на и околу очните капаци, а можат да се појават и во средината на лицето. Сепак, тие не се болни и не влијаат на видот. Сепак, тие се знак дека можеби имате многу високо ниво триглицериди во крвта, па дури може да биде знак дека имате генетско нарушување кое предизвикува абнормални нивоа на липиди. Ширењето на зениците поврзано со отчукувањата на срцето, може да биде знак за протекување на срцевиот залисток. Затоа, д-р Тај вели дека ова се случува кога крвта се испумпува од срцето преку аортната валвула, којашто ако не е цврсто затворена, дел од крвта истекува назад во срцето. – Ова предизвикува поголема разлика меѓу Вашиот крвен притисок кога срцето ви се собира и крвниот притисок кога тоа се отпушта. Кога срцето се собира, зеницата се намалува, а кога се отпушта, таа се шири, појаснува докторката. Ако се забележи пулсирање на зениците, треба да се посети лекар, поточно кардиолог, а пожелно е и првично консултирање со офталмолог кој ќе утврди дали окото пулсира. – Од друга страна, и промените во мрежницата се симптом, но не можат да се видат „со голо око“. Оваа појава може да ја види само офталмолог при преглед. Многу е важно да правите редовни очни прегледи, особено ако имате над 40 години, боледувате од дијабетес или какви било фактори на ризик за или болести на срцето или крвните садови, дополни Тај. Промената на мрежницата може да биде знак за ран дијабетес или висок крвен притисок, што се главни фактори на ризик за срцеви заболувања. извор:курир.мк фото:Freepik

Зошто ви игра окото? Не смеете да ги игнорирате овие осум сериозни причини

Слаѓана Атанасова — Tue, 30 Jan 2024 13:37:13 +0000

Речиси секој од нас почувствувал како му „игра“ окото од време на време, што може да биде многу непријатно Ова е неконтролирано движење кое вклучува еден капак. Може да влијае на горниот или долниот дел, но секогаш е еден капак. Очниот капак трепери без контрола и генерално е безболен, но може да биде предизвикан од разни нарушувања во телото. Зошто се случува ова? 1. Пореметени тикови „Играњето“ на окото понекогаш значи дека може да имате нарушување. Туретов синдром е најпознатиот пример, но не е единствениот. Ова значи дека луѓето трепкаат или неконтролирано го поместуваат капакот. „Играњето“ е еден од најчестите симптоми. 2. Дистонија Дистонија е нарушување во кое мускулите се движат без контрола. Ова влијае на голема популација на луѓе и често се јавува во пределот на очите (блефароспазам). Ако не се лекува, можеби нема да можете да ги отворите очите. 3. Невродегенеративен синдром Мултиплекс склероза е најпозната форма на нарушување што влијае на нервниот систем. Луѓето со ова нарушување можат да почувствуваат треперење на очните капаци и други делови од телото, како што се екстремитетите. Меѓутоа, ако го чувствувате само на капакот, може да имате невродегенеративен синдром. 4. Инфекција на очите Ако ве чеша очниот капак, тогаш може да имате инфекција како што е конјунктивитис. Ова предизвикува чешање, црвенило и пецкање. Ако ги забележите овие симптоми, задолжително посетете лекар. 5. Стрес и замор Стресот и исцрпеноста ги заморуваат мускулите и на тој начин предизвикуваат „играње“ на очите. Исто така, се случува кога ќе гледате мониторот долго време. Честопати влијае на долниот очен капак и се случува кога се зголемува нивото на адреналин. 6. Кофеин Кафето е здраво, но голема количина може да предизвика несакани ефекти. Кафето и енергетските пијалоци го спречуваат телото да спие, со што се зголемува нивото на адреналин и мускулите почнуваат да се движат. Пијте помалку кафе. 7.Кафе и цигари Многу луѓе сакаат да се релаксираат со кафе и цигари, но оваа навика воопшто не е здрава. Никотинот е активна хемикалија која влијае на работата на срцето, но и на очите, што доведува до „играње“. Алкохолот ги релаксира мускулите, но и ги заморува. Обидете се да ги поправите овие лоши навики. 8. Мал објект во окото Ако нешто ви падне во очи, телото ќе се обиде да се ослободи од него на сите можни начини. Симптоми како што се солзи и чешање ќе се појават автоматски. Не тријте го окото, туку обидете се да го отстраните со чисти раце и дестилирана вода. Извор: Попара

Фолкерката Анета Наковска направи една промена на себе од која ќе се запрашате дали е таа или не (фото)

Слободанка Илиева — Thu, 14 Sep 2023 07:45:57 +0000

Фолк пејачката Анета Наковска го ужива последниот топол летен бран на море. Ред ребота со микрофонот во рака, ред сончање за совршен летен баланс од крајот на летото. За разлика од порано Наковска не е така активна по социјалните мрежи, но овој пат изненади со серија фотографии каде позира во бикини распослана на морскиот брег. Бујните гради беа во прв план, но една промена која на себе ја направила и дава сосема поинаков визуелен приказ. Многумина сакаат да имаат очи со сина боја, па и Анета која по природа е темноока. Леќите за очи се лесно достапна варијанта за промена до посакуваната боја, а пејачката избра впечатлива небесно сина која со поглед те замрзнува. Леден поглед и чоколаден тен, комбинација која остава силен впечаток кој очигледно на пејачката и се допаѓа. Инаку, неодамна се шпекулираше дека се разведува од бизнисменот Спиро Крлевски, што таа остро демантираше преку социјалните мрежи. фото: Фејсбук/Анета Наковска

Еве што открива вашата боја на очи

Слаѓана Атанасова — Wed, 06 Sep 2023 12:00:01 +0000

Иако бојата на очите се смета за наследна карактеристика, одамна е познато дека токму тие може да го откријат и карактерот на личноста. Каква боја на очи имате? Откријте го нивното значење: Црни очи Иако не постојат потполно црни очи, некои очи имаат толку темно кафена боја што оставаат посебен впечаток. За то со темни, речиси црни очи се вели дека се темпераментни, полни со страст и хиперактивни. Предадени се на она што го прават, постојано се натпреваруваат и сакаат да привлекуваат внимание. Освен тоа, се опишуваат и како таинствени и тешко заљубливи. Сепак, кога ќе се заљубат се предадени, а единствена маана им е потребата за расправии и нестрпливост. Сини очи Сината боја на очи е интензивна и впечатлива, па затоа се поврзува со небото, енергијата и рационалното размислување. Луѓето со сини очи се сметаат за лесно достапни, шармантни и пријателски настроени. Освен тоа се спонтани, подготвени да испробаат нови работи и имаат развиена духовна страна. Одлични се во забележувањето на ситници, а единствена маана им е зборливоста, нетактичноста и брзината на јазикот. Кафени очи Кафените очи се поврзуваат со енергијата на земјата, креативноста, упорноста и плодноста. Луѓето со кафени очи се оние кои се сметаат за емпатични, независни и самоуверени. Исто така кафените очи се симбол на силен сексуален нагон, желба за дружење и екстравагантност. Материјалната страна не им е толку важна колку хармонијата во односите и позицијата во друштвото. Маана им е повремената тишина која ја обожуваат и чувствителното его. Сиви очи Сивата боја на очи е прилично ретка, па затоа симболизира мудрост и цврст карактер. Луѓето со оваа боја на очи се опишуваат како родени лидери кои можат да ги пронајдат решенијата кои никој друг не ги гледа. Лесно се прилагодуваат, смирени се и љубезни по природа. Не се претерано отворени, но често се романтични. Имаат рационален став во животот, верни се и сакаат доли врски. Маана им е претераната емотивност. Зелени очи Зелената боја на очи симболизира харизма, иновативност, младост и здравје. Луѓето со зелени очи се опишуваат како љубители на авантури и сите видови на уживање во животот. Добри се и снаодливи во друштвото и ретко се осамени. Имаат посебна страст, но во љубовта понекогаш не знаат и самите што сакаат, додека на другите полиња во животот имаат цврст став. Маана им е тврдоглавоста, желбата за манипулација и љубомората. Очи кои ја менуваат бојата Оваа прилично ретка комбинација од сини, кафени и зелени тонови е симбол на сила и храброст. Луѓето со очи чија боја се менува се опишуваат како бестрашни и подготвени на сите предизвици. Обично се физички прекрасни и привлечни, иако не сакаат да заведуваат. Способни се, но често пати и мрзеливи. Маана им е што често реагираат бурно и се склони кон делењето памет. Извор: Курир.мк

Која храна е добра за здравјето на нашите очи? Овие три групи на храна ги јадат нутриционистите за да го зачуваат нивниот вид

Слаѓана Атанасова — Tue, 05 Sep 2023 10:02:27 +0000

Нутриционист советува која храна треба да ја додадете во вашата количка за да спречите проблеми со очите.Можеби сте слушнале за популарната ТВ серија „Портокаловата е новата црна“,но експертите веруваат дека „портокаловата е новата зелена“, барем кога станува збор за ефектите на одредени видови храна врз нашите очи. Храната со портокалова, розова и црвена нијанса е на врвот на листата што треба да ја јадете за да ги заштитите очите. – Добрата исхрана му помага на целото наше тело да функционира во најдобар ред.Здравјето на очите и видот се важен дел од нашето општо здравје,кое често не е приоритет за луѓето – вели нутриционистот Дејл Пинок. Тој препорачува овие три групи на храна да ги вклучите во вашето неделно мени. Лосос Путерниот, богат вкус на лососот нуди многу повеќе од само протеини. Оваа риба е преполна со омега-3 масни киселини и астаксантин што може да помогне да се намали ризикот од некои проблеми со очите, како што се макуларна дегенерација (AMD) поврзана со возраста, глауком, синдром на суво око и катаракта, вели нутриционистот Дејл Пинок. – Со оглед на тоа што лососот буквално изобилува со омега 3 масни киселини и астаксантин, тој е совршен протеин кој добро делува на нашите очи. Ако навистина не го сакате лососот, други одлични извори на астаксантин се пастрмката, додека омега-3 се наоѓаат и во скушата, сардините, оревите и чиа семето – вели Пинок.2. Зеленчук со портокалова боја И портокаловите пиперки и слатките компири го добиваат својот портокалов пигмент од антиоксиданс фитохемикалија наречена бета каротин. Вашето тело го претвора бета каротинот во витамин А, кој е неопходен за одржување на здрав вид. – Покрај тоа, тој е поврзан со помал ризик од AMD, катаракта и дијабетична ретинопатија – вели Пинок. Домат Оваа сочна храна е преполна со уште еден пигмент богат со антиоксиданси наречен ликопен.Доматот,исто така,се покажа дека помага да се намали ризикот од развој на катаракта или AMD. – Сите ги знаеме придобивките од исхраната за нашата општа благосостојба,но многумина од нас не го сфаќаат позитивното влијание што може да го има врз здравјето на нашите очи и долгорочниот добар вид – вели оптометристот Пол Керол. Извор: Курир

Најчестата и најретката боја на очи во светот

Слободанка Илиева — Tue, 30 May 2023 11:45:31 +0000

Инфографика заснована на податоци од Светскиот атлас открива дека најмногу луѓе во светот (70 – 80 отсто) имаат кафени очи. Следуваат оние со сини – 8 – 10 отсто, лешник-бојата и килибарната – пет отсто, па сивата – три отсто… Така, најретки се луѓето со зелени очи – два отсто. Што се однесува до застапеноста, темнокафеавите очи се најчести во Африка и Југоисточна Азија, а светлокафеавата – во Европа, Западна Азија и Северна и Јужна Америка. извор:курир.мк

Очи в очи со Адријана Кеш: Додека „очите зборуваат“, хормоните и адреналинот, заеднички „збудалуваат“! (ФОТО)

Антонио Димитриевски — Sat, 04 Feb 2023 09:11:16 +0000

Фолк пејачката Адријана Ацевска попозната како Адријана Кеш не е од оние јавни личности кои постојано бомбардираат со објави на социјалните мрежи, но кога го прави тоа е толку впечатливо, што го надополнува времето кога ја нема. Атрактивна, стројна, бујна, надарена со раскошни телесни квалитети и атрибути, Адријана кога ќе сподели фотографија, дава се' од себе за да го истакне најдоброто на себе. Она што мајката природа го дала, естетската хирургија го надградила, а козметиката го „исполирала“, па со текот на годините Адријана Кеш станува се' посексапилна и попривлечна, поатрактивна и попровокативна, речиси неодолива... Особено за „гладните“ машките погледи! А кога сме веќе кај погледите, не само атрибутите на фолкерката се нејзиниот најсилен адут. Напротив, убавото лице на кое доминираат крупните сино-зеленкасти очи и влажниот поглед на срна ја прават фолкерката магнет за машките очи уште на прв поглед! Убавата фолкерка долго време е во шоубизнисот и како искусна во работата, добро си го знае редот дека треба да понуди и мерак за очи, а не само за уши, но при тоа погледот е првото нешто кое привлекува. Не попусто се вели: „Пушти очите нека говорат“, ама кога ќе се најдете „очи в очи“ со вакви како нејзините, говорот најчесто занемува! Зборовите исчезнуваат, ама затоа очите почнуваат „магично да зборуваат“... Барем нејзините, како што самата фолк дама напишала покрај една споделена фотографија: „Моите очи се омилениот дел од мене, но не како изгледаат, туку како гледаат“. Како гледаат нејзините, само фолкерката знае, ама како ја гледаат сите останати, особено оние на вистинските мажи, можете само да претпоставите! А како и поинаку би гледале, кога и покрај вакви очи какви што има Адријана Кеш, впечатокот од бујните атрибути е толку силен, впечатлив и свеж, што тешко дека некој може да ја гледа в очи и да одолее погледот да не му падне... малку подолу! Зашто погледот е можеби тој што привлекува, мами, милува и гали, ама телесниот раскош е она што најмногу предизвикува и пали! А кај Адријана - машала, отсекогаш го имало доволно, па дури и вишок, она што на прва „крева“... притисок! Затоа, ако погледите макар и случано ви се сретнат, има нешто што ве „кочи“ Адријана Кеш долго да ја гледате само в очи! Без оглед нејзините колку убаво и да изгледаат или како тие тебе те гледаат! Впрочем неретко се случува додека „очите зборуваат“, хормоните и адреналинот, заеднички „да збудалуваат“! А естрогенот и тестостеронот... да го „пробијат“ плафонот!

View this post on Instagram

A post shared by 🎼𝐴.𝐴𝑐𝑒𝑣𝑠𝑘𝑎🎵🎶 (@adrijana_acevska)

Фото: Инстаграм принтскрин/adrijana_acevska

„Како успеа да ги зголеми очите“- се појави стара фотографија од Софија Милошевиќ на која никој не ја препознава(фото)

Слаѓана Атанасова — Wed, 09 Nov 2022 11:38:22 +0000

Софија Милошевиќ е една од најубавите и најпопуларните српски манекенки, која во текот на кариерата беше мета на негативни коментари поради пластичните операции. Атрактивната манекенка Софија Милошевиќ последните месеци е во центарот на вниманието на тамошните медиуми поради совршената фигура која ја врати за кратко време по вториот пораѓај. Медиуми пишуваат се најдобро за сопругата на Лука Јовиќ со која има два сина, што не би можело да се каже за социјалните мрежи. На една страница на Инстаграм се појави стара слика од српската манекенка, во тинејџерските години кога правела ревии и едиторијали, каде косата и е потемна, шминката не е како онаа што ја носи денес, а усните и се многу потенки. Следбениците во коментарите се запрашаа „дали е ова воопшто Софија Милошевиќ“, но и „како успеа да ги зголеми очите“. Исто така, некои „експерти“ изјавија дека, судејќи по сликите, може да се заклучи „дека и ги средила носот, усните, очните капаци и брадата“, а своевремено манекенката го кажа следново за овие наводи: „Интересно ми е кога луѓето масовно ме прашуваат кај кој доктор сум ги стегнала очите, што е целосно апсурдно. Имам малку коси очи, а всушност сум многу асиметрична и ја знам мојата добра страна“, вели Софија. „Секој има свој добар агол и мојата работа е да се фотографирам добро. Многу ми е смешно кога ќе објават стара фотографија од моја ревија на која не се препознавам. Нормално е дека сите сме помалку убави во пубертетот отколку подоцна“. Ова е сликата за која сите зборуваат: Фото:Принтскрин/Инстаграм/Твое лице звучи познато

Се повеќе деца имаат проблем со очите карактеристичен за постари лица

Слободанка Илиева — Wed, 26 Oct 2022 11:50:20 +0000

Меѓу децата владее нова епидемија, тврдат експертите. Шестгодишни деца се соочуваат со очни болести кои досега биле карактеристични за лица во поодминати години. Станува збор за болеста суво око, која се јавува кај децата кои минуваат премногу време гледајќи во екрани, од телевизија, преку паметни телефони до таблети и компјутери. Последиците од болеста суво око се јавуваат кога солзите не можат да обезбедат соодветно „подмачкување“ на очите. Болеста обично го погодува лицата на возраст од 50 до 60 години, а ако не се третира, може да биде многу болна со симптоми како што се умор, црвени и чувствителни очи. Заболените го споредуваат чувството со тоа кога сечат кромид, односно, со постојано чувство на печење. Инженерката за очна оптика Сара Фарант која е експерт за суво око, вели дека се почесто се среќава со деца од основни училишта кои во таква состојба доаѓаат во нејзината ординација во Сомерсет. За тоа делумно го обвинува времето кое го минуваат пред екран, бидејќи гледањето во екран драматично ја намалува стапката на трепкање. „Кога ја отворив клиниката пред 15 години немаше ниедно дете кое доаѓаше во таква состојба. Меѓутоа, во последните пет или шест години гледам се повеќе деца со болест на суво око. Мојот најмлад пациент има шест години, што некогаш беше незамисливо“, објаснува Фарант. Ако болеста на суво око не се лекува, може да доведе до неповратно оштетување на жлездите во капаците кои произведуваат солзи. извор:точка.ком.мк

Мени: Што треба да јадете за да ги заштитите своите очи?

Слаѓана Атанасова — Wed, 17 Aug 2022 11:41:39 +0000

Факт е дека храната може да помогне да ги заштитиме очите од различните болести и да го зачуваме видот. Тоа што е исто така е важно да се напомене, дека храната е еден дел од сложувалката за грижата за очите. Освен правилната исхрана, има и одредени вежби за очите, потребен е и квалитетен сон, масажа. Кога е храната во прашање ова е најдобриот избор Моркови Морковите се најпопуларната храна за здрави очи. Тие изобилуваат со витамин А кој е неопходен за здравјето на ретината. Крцкавите моркови во себе содржат антиоксиданси, бета-каротен, ликопен и лутеин и поради тоа го намалуваат ризикот од макуларна дегенерација и катаракта (перде). Лосос и сардини Јадете почесто риба ако сакате да го зачувате добриот вид. Рибата е особено добра за очите бидејќи има богат извор на омега-3 масни киселини. Редовната консумација на омега-3 масните киселини ги заштитува малите крвни садови кои се наоѓаат во очите. Најдобро е да се консумира риба (лосос, харинга или сардина) барем 2 пати неделно. Брокули Не изненадува фактот дека брокулите се вбројуваат меѓу најчесто препорачуваните намирници за здрав вид. Тие се богат извор на антиоксиданси и витамини и со нив на најлесен начин се внесуваат толку многу хранливи материи со еден залак. Со консумирањето на брокули едновремено се внесуваат: витамин А, витамин Е и витамин Ц кои заедно се борат за зачувување на добриот вид. Спанаќ Ова зелено растение содржи каротеноиди како бета-каротен, лутеин и зеаксантин, а плус и витамин Ц и витамин Е. Спанаќот неспорно помага во заштитата од макуларна дегенерација и ноќно слепило. Јајца Витаминот А кој го има во јајцата го подобрува здравјето на ретината на окото. Освен тоа, јајцата содржат витамини од групата Б, есенцијални масни киселини и цинк. Затоа јајцата треба често да бидат во менито за појадок. Така се подобрува видот и се зачувува линијата. Јагоди, боровинки, малинки Овие слатки мали овошја се неверојатен извор на антиоксиданси за кои истражувањата покажале дека го намалуваат ризикот од појава на очни болести. Тие содржат многу витамин Ц и со тоа формираат идеална комбинација за одржување на здравјето на очите. Бадеми, лешници, сончогледово семе Тие се богати со витамин Е, кој помага при запирање во развој на катаракта и возрасна дегенерација на макулата. Магдонос Магдоносот е одличен природен тоник за чистење на очите. Во оваа билка има големи количини на лутеолин, кој им помага на очите во заштитата од штетното УВ зрачење. Друга храна којашто е полезна за вашите очи: тиква, домати, зелка, лук, млеко, авокадо, папаја, кајсии, лимони, портокали, темно чоколадо, остриги, зелен чај, зелени јаболка, кељ.