очекувања – Вистина.мк

„Мажот мора нешто и да обезбеди, не може само да постои“: Рада Манојловиќ откри какви очекувања има од идниот сопруг (фото)

Слаѓана Атанасова — Fri, 19 May 2023 07:36:08 +0000

Пејачката Радмила Манојловиќ последниве години многу отворено ги искажува своите ставови и идеи, поради што многумина ја критикуваат, но повеќето ја ценат нејзината искреност. Овој пат таа јасно им кажа на мажите што очекува од нив за да се согласи да се омажи. Рада гостувајќи во емисијата на Сања Маринковиќ со колешката Нада Обриќ, новинарката Симонида Милојковиќ и водителката Наташа Павловиќ зборуваше за нејзините очекувања кога е бракот во прашање. Како и секогаш, Рада е на став дека бракот нема да и „побегне“ и дека и таа ќе „застане на лудиот камен“: - И полоши се венчале... Човек треба да ти даде нешто, не може туку така да постои - рекла Рада. Фото: Принтскрин/Новости/Ата Имаџес/Јутјуб РТВ Пинк

Ноне со голо селфи од бањата половично ги исполни очекувањата: Замагленото огледало на „љубопитните погледи“ и покрај очекуваното им го расипа уживањето (ФОТО)

Антонио Димитриевски — Tue, 16 May 2023 09:38:15 +0000

Македонската „џепна венера“, некогашната поп пејачка Нона Неделковска продолжува со своите патешествија по белиот свет. Преку седум мориња и океани, таа со својата работа на прекуокенските крузери и понатаму крстари, спојувајќи го убавото со корисното, уживањето со уносното...Иако работата на овие „морски џинови“ воопшто не е ниту лесна, ниту наивна, сепак е многу попристојно платена од мноштво професии дома, па затоа Ноне повеќе од десет години „не се симнува“ од прекуокенските крузери... Освен кога прави повремени паузи, секако. Во моментов „најпрошетаната велешанка“ е прикотвена некаде во едно од пристаништата на престолнината на еден од најегзотичните острови, Хавана на Куба... Така барем кажува приложеното од нејзина страна.

View this post on Instagram

A post shared by Nona 🌸 (@nona.nedelkovska)

И додека „малечката сирена“ чека бродот одново да заплови, од хотелската соба таа сподели „жешка фотографија“со која одново ја „заскокотка“ јавноста. Поточно голо селфи од бањата со кое половично ги исполни очекувањата. До душа многумина израдува, ама многумина и разочара, зашто очекуваа веројатно малку повеќе од велешанката, која само им ја фрли мамката на која „љубопитните“ загризаа. Не дека прв пат ја гледаме топлес, напротив... Нона неколку пати има споделено вакви фотографии на кои е подразголена, ама никогаш до крај. Секогаш нешто се наѕира, а кога е нејзината раскошно- бујна, природна предница и тоа како има што да се види, ама никогаш експлицитно и до крај. Што е за неа голем плус, зашто Ноне очигледно знае каде е границата на пристојноста и добриот вкус! Прв пат уште како малечко девојченце играјќи си на плажа потпрена на грбот на својот татко Мирко, 1990 и „лева“ година... Последен, пред оваа - најнова сеанса пред огледалото, со сончев топлес поздрав од бродската палуба, кога непосредно по завршувањето на короната, таа веднаш и се врати на работата... И се разбира сега, со голо селфи од бањата, каде замагленото огледало на „љубопитните погледи“ и покрај очекуваното им го расипа уживањето! [video width="1080" height="1920" mp4="https://arhiva.vistina.com.mk/wp-content/uploads/2023/05/167226980_628253272683595_1749838412712210268_n.mp4"][/video] Фото: Инстаграм принтскрин/nona.nedelkovska

Научете што е правилото 80-20 кое ќе ја подобри вашата врска

Слободанка Илиева — Wed, 05 Oct 2022 11:52:04 +0000

Можеби сте чуле за правилото 80/20, кое многумина го применуваат… Повремената трка со килограмите е неизбежна одвреме-навреме, дури и кога целта не е да се направи „тело за на плажа“ (не заборавајте дека всушност не постои тело што не е за на плажа!). Па, така, и јас паднав во таа замка на броење калории, секојдневно вежбање и информирање за тоа кој е најдобриот режим, најздравиот појадок и најбезгрешниот десерт. Сето тоа само затоа што си ставив во глава дека мојата идеална тежина е пет килограми полесна од моменталната. Сè уште не сум ја достигнала таа замисла, можеби и никогаш нема, но тоа е сосема во ред. Поважно ми е што дознав многу корисни работи, научив што е најдобро за моето тело и која храна му годи. Исполнив 80 отсто од целта, преостанатите 20 ќе ги компензирам со стекнатото знаење. Можеби сте чуле за правилото 80/20, кое го применуваат многу познати личности за да ја одржуваат својата линија, меѓу кои и манекенката Миранда Кер. Тоа подразбира дека 80 отсто од храната што ја консумирате треба да биде здрава, додека преостанатите 20 отсто од храната може да бидат нешто покалорично или нездраво. Главната идеја е да не се претерува, но и да не се откажувате целосно од омилената храна. Звучи изводливо и прифатливо, нели? (Добро, освен за екстремистите што функционираат по принципот „сè или ништо“.) Како функционира правилото 80/20 во љубовните врски? Интересно е тоа што ова правило може да се примени и во партнерските односи. Притоа, не мислам на принципот 80/20 на Парето, според кој 80 отсто од резултатите произлегуваат од само 20 отсто од сите наши активности (побарајте го на Гугл за повеќе информации – и ова правило може многу да ви се најде). Овој пат мислам на тоа дека не можеме да добиеме 100 отсто од една здрава љубовна врска, туку максимум 80 отсто. Преостанатите 20 отсто мора да ги обезбедиме самите. Тоа би значело дека не можеме да очекуваме од еден човек сè што бараме. извор:popara.mk

Важни совети за луѓето кои страдаат од депресија

Слободанка Илиева — Wed, 25 May 2022 12:48:57 +0000

Терапевтот Меган Бруно споделил пет корисни совети за оние што поминуваат низ депресивен период и се обидуваат нешто да променат. 1. Излезете надвор Иако контактот со другите луѓе може да ви се чини напорен и тежок, излегувањето од дома може да го излаже таквото чувство затоа што ќе се чувствувате попродуктивни. „Депресијата сака да нè лаже. Таа обично сугерира: Се чувствуваш лошо, никој не сака да биде во твоето присуство. Заштеди енергија и работи денес од дома.“ Кога е во прашање продуктивноста, работата од дома може да биде огромен предизвик. 2. Намалете ги очекувањата Не очекувате брзо да се движите со скршена нога, исто така не треба да се очекува да сјаете во моментите на депресија. Бруно советува да си ги намалите очекувањата. „Ако сте во состојба да дадете 30% од себе, тогаш и очекувајте 30% резултати од она што би го постигнале во нормални околности. Задајте си специфични цели, работете во овој момент, каде и да се наоѓате.“ 3. Бидете одговорни Нормално, ова е тешко да се постигне кога сте депресивни, но поставувањето на целите во пар, односно со уште едно лице, би требало дополнително да ве мотивира, истакнуваат експертите. „Иако на прв поглед може да изгледа контрапродуктивно, важно е да се помине време со другите, особено кога се во прашање луѓе на кои им значите и се грижат за вас, пред кои можете да бидете такви какви што сте“. 4. Покажете самодоверба и сочувство Многу е важно одреден период од денот да го посветите исклучиво на себе, без разлика дали се работи за тренинг или за некое хоби. Вежбите го подобруваат расположението. Истражувањата исто така покажале дека самокритичноста често може да демотивира. 5. Размислете за терапија Објективната и сигурна помош секогаш може да ви помогне во вашата борба. Не одложувајте го моментот да побарате стручна помош. извор:курир.мк

10 неправедни очекувања што може да го нарушат вашиот брак

Христина Ѓоргиевска — Thu, 05 Nov 2020 13:30:43 +0000

Природно е да пораснете со одредени очекувања во врска со тоа што ќе прави и каков ќе биде вашиот партнер. Но, многу од овие работи не постојат во реалноста. Најдоброто нешто што можете да го направите е да бидете свесни за вашите очекувања и да разговарате за нив за да дојдете до компромис. Прочитајте кои очекувања може да ја уништат врската.

1. Очекувате секс секоја вечер

Ова е важно прашање. Луѓето имаат различни очекувања за тоа како ќе изгледа нивниот сексуален живот откако ќе се венчаат. Ако имате секс секоја вечер на почетокот на врската, но откако ќе стапите во брак не сте толку заинтересирани, некој може да се чувствува измамен и така започнува незадоволството во бракот.

2. Мислите дека вашиот сопружник ќе ја изразува љубовта на ист начин како и вие

Можеби имате очекувања за тоа како треба да изгледа љубовта, што може многу да се разликуваат од оние на вашиот партнер. Ако вашиот сопруг очекува да му подадете рака, да го прегрнете или да го бакнувате во текот на целиот ден, но вие не сакате допири, како ќе се чувствува тој? А што ако вие очекувате подароци секој ден? Треба да дефинирате што значи љубовта за вас двајцата и да бидете сигурни дека и двајцата разбирате што му е потребно на другиот за да се чувствува сакано.

3. Им давате приоритет на пријателите и на семејството, а не на вашата врска

Ако сакате да ги поминувате сите празници во куќата на вашето семејство затоа што тоа е традиција, но и вашиот сопружник размислува исто за неговата страна, што треба да направите? Ако вашиот сопруг секогаш ги вклучувал пријателите во донесувањето важни одлуки, но вие навистина не сакате да се мешаат во тоа, обидете се да најдете заеднички јазик.

4. Претпоставувате дека сопругот ќе се грижи за „машките“ работи

Можеби додека растел вашиот сопруг, тој секогаш ја гледал својата мајка како чисти и мие садови, па мисли дека така ќе изгледа и вашиот брак. Дали очекувате тој да ги плаќа сметките или да го поправи покривот што протекува затоа што тоа го правеше вашиот татко? Обидете се подеднакво да ги поделите обврските и одговорностите.

5. Очекувате вашиот план за слободно време да се совпаѓа со неговиот

Ако во петок навечер сакате да одите во караоке бар со вашите пријателки, но вашиот сопруг смета дека треба да биде вечер за парови, може да дојде до несогласување. Што е со секојдневното слободно време? Дали во недела сакате да одите со вашите деца во музеј или во друга авантура, но вашата сопруга сака да се одмори? Мора да разјасните што ви треба за себе, но и да му дозволите на вашиот партнер да има време и простор за себе.

6. Верувате дека вашите навики за трошење се беспрекорни

Парите се чувствителна тема речиси за сите. Сигурно ви било потребно многу време за да сфатите колку си дозволувате да трошите пари за забава, колку мислите дека ви требаат за најважните работи и што би сториле ако наследите пари. Но, дали некогаш сте седнале и сте размислиле за вашите навики за трошење и зошто мислите дека се добри? Можеби ќе ви треба време за да откриете кои се вашите очекувања во животот, но би било добро да одвоите време и да разговарате со сопругот за да откриете што мислите двајцата.

7. Очекувате дека жената ќе се справи со сè во врска со децата

Дали очекувате и двајцата родители да го споделат товарот на воспитувањето деца? Ако двајцата родители одат на работа, очигледно е дека ќе треба да ги поделите обврските. Можеби вашиот сопруг има скриени очекувања дека вие ќе правите сè што е поврзано со децата затоа што сте мајка. Но, работите не функционираат така во денешно време.

8. Очекувате да се пензионирате на вашето место од соништата

Ова е тема за која паровите не сакаат да размислуваат. Дали планирате да се пензионирате покрај плажа, додека сопругата планира да ги следи вашите деца низ целата земја каде и да се движат? Ако вашиот партнер има долгорочен пензионерски сон со кој вие не се согласувате, подобро да се справите со тоа порано отколку подоцна.

9. Претпоставувате дека вашиот начин на комуникација е најдобар

Ова е клучно за истражување на вашите очекувања, но понекогаш, луѓето не можат да се договорат како да разговараат. Некои луѓе сакаат да се држат до една тема и да прават структурирани пресврти, додека други сакаат тоа да биде послободно. Мора да бидете јасни со тоа како очекувате да течат дискусиите; во спротивно, можеби ќе ги исфрлите од колосек сите ваши разговори со аргумент за тоа кој ги следи или не ги следи „правилата“ за разговор.

10. Не правите компромис

Преиспитајте ги вашите очекувања. Дали е праведно да имате такви очекувања во реалната ситуација во која се наоѓате? Разговарајте со вашиот партнер за вашите и за неговите очекувања. Ова ќе ви помогне да разберете што можете, а што не можете да менувате. Иако во многу случаи може да бидете разочарани од очекувањата што не се исполнети, погледнете на начинот на кои вашиот партнер ги исполнува другите очекувања, дури и повеќе од она што сте посакувале. Извор: Kaфепауза

Нереални очекувања кои ја убиваат секоја врска

Христина Ѓоргиевска — Mon, 30 Mar 2020 12:30:34 +0000

Јас морам да му бидам центар на светот

На почетокот навистина сè ќе се врти околу вас, бидејќи партнерот на сите начини ќе се обидува да ве заведе и освои, но подоцна, кога подобро ќе го запознаете и ќе се навикнете еден на друг, ќе постојат и други работи за размислување. Тоа не значи дека повеќе не му е грижа за вас, па наместо постојано да се жалите дека не ве забележува, сетете се дека сите имаме обврски кои мора да ги исполниме. Пронајдете нешто што ќе го окупира вашето внимание и прифатете дека реалноста е таква што сепак не може цел свет да се врти околу вас. Ако ме сака, секогаш ќе знае што ми треба – дури и кога нема да му/ѝ кажам Да, понекогаш партнерот може да претпостави што му треба на другиот во одреден момент, но многу ретко. Многу е подобро и порелно да не очекувате партнерот да ви ги чита мислител туку научете да кажете што ви е потребно – тоа значајно ќе ја подобри вашата врска.

Секогаш мора да се согласуваме

Преголемо романтизирање е ако очекувате дека секогаш во сè ќе се согласувате 100%. Впрочем, сосема е здраво да имате различни размислувања за нешто, различни ставови. Исто така, би било паметно да не се обидувате секогаш да го убедите партнерот дека сте во право и да го “насочите“ на вашата страна. Се разбира, за врската да ви опстојува, важно е да се согласувате за некои работи – дали сакате брак, деца, како го замилсувате заедничкиот живот… Но воопшто не е важно дали делите исто мислење за некои неважни работи.

Лесно е да се биде во врска

Можеби е глупаво да се каже дека е тешко да се биде во врска, бидејќи не е, но всушност не е ниту едноставно. Тоа подразбира доста прилагодувања, прифаќања, труд… ако сакате да успее. Најпрвин, важно е, покрај љубовта, почитта и довербата, да имате постојана и добра комуникација, да бидете подготвени на компромис и да не ги ставате секогаш вашите потреби на прво место. Треба да се промени поради вас Многумина го мислат тоа, и многумина се плашат да бидат во врска, бидејќи сметаат дека партнерот ќе се обиде да ги промени. Но, да бидеме реални, ситуација во која некој треба да биде нешто што не е, нема никого да направи среќен, ниту ќе трае долго. Затоа, ако започнувате врска, не очекувајте дека партнерот ќе се промени, бидејќи луѓето созреваат и го менуваат своето мислење, со суштински не се менуваат. Здравите врски не се совршени. Но, ако ги немате овие нереални очекувања, ќе ја зголемите шансата да бидете во реална врска која ќе трае подолго. извор: Курир.мк

Нереални очекувања кои ја убиваат секоја врска

Слободанка Илиева — Thu, 26 Mar 2020 14:30:54 +0000

Кога се заљубуваме, обично имаме некаква замисла како би требало да изгледа врската, а тие замисли често се проткаени со нереални очекувања, кои всушност нѝ ја уништуваат врската. Еве најчесто кои нереални очекувања ги имаат луѓето, па проверете дали тоа е случај и во вашата врска. Јас морам да му бидам центар на светот На почетокот навистина сè ќе се врти околу вас, бидејќи партнерот на сите начини ќе се обидува да ве заведе и освои, но подоцна, кога подобро ќе го запознаете и ќе се навикнете еден на друг, ќе постојат и други работи за размислување. Тоа не значи дека повеќе не му е грижа за вас, па наместо постојано да се жалите дека не ве забележува, сетете се дека сите имаме обврски кои мора да ги исполниме. Пронајдете нешто што ќе го окупира вашето внимание и прифатете дека реалноста е таква што сепак не може цел свет да се врти околу вас. Ако ме сака, секогаш ќе знае што ми треба - дури и кога нема да му/ѝ кажам Да, понекогаш партнерот може да претпостави што му треба на другиот во одреден момент, но многу ретко. Многу е подобро и порелно да не очекувате партнерот да ви ги чита мислител туку научете да кажете што ви е потребно - тоа значајно ќе ја подобри вашата врска. Секогаш мора да се согласуваме Преголемо романтизирање е ако очекувате дека секогаш во сè ќе се согласувате 100%. Впрочем, сосема е здраво да имате различни размислувања за нешто, различни ставови. Исто така, би било паметно да не се обидувате секогаш да го убедите партнерот дека сте во право и да го “насочите“ на вашата страна. Се разбира, за врската да ви опстојува, важно е да се согласувате за некои работи - дали сакате брак, деца, како го замилсувате заедничкиот живот... Но воопшто не е важно дали делите исто мислење за некои неважни работи. Лесно е да се биде во врска Можеби е глупаво да се каже дека е тешко да се биде во врска, бидејќи не е, но всушност не е ниту едноставно. Тоа подразбира доста прилагодувања, прифаќања, труд... ако сакате да успее. Најпрвин, важно е, покрај љубовта, почитта и довербата, да имате постојана и добра комуникација, да бидете подготвени на компромис и да не ги ставате секогаш вашите потреби на прво место. Треба да се промени поради вас Многумина го мислат тоа, и многумина се плашат да бидат во врска, бидејќи сметаат дека партнерот ќе се обиде да ги промени. Но, да бидеме реални, ситуација во која некој треба да биде нешто што не е, нема никого да направи среќен, ниту ќе трае долго. Затоа, ако започнувате врска, не очекувајте дека партнерот ќе се промени, бидејќи луѓето созреваат и го менуваат своето мислење, со суштински не се менуваат. извор:точка.ком.мк

Зошто треба да имаме помали очекувања од партнерот?

Слободанка Илиева — Thu, 02 May 2019 11:31:49 +0000

Очекувањето дека романтичниот партнер треба да одговори на сите наши барања, потреби и интереси можеби звучи многу убаво, но ваквиот идеализам во реалноста може да биде прилично контрапродуктивен. Ако партнерот не одговори на начин што ние го очекуваме, се јавува нетрпеливост, гнев, а на крај и огорченост. Многу е важно, во секоја врска, вклучувајќи ја и романтичната, да се задржи нивото на индивидуалност, а со тоа да се овозможи флексибилност и да се тргне еден огромен наметнат товар на партнерот – да нѐ придружува секаде, секогаш, во сѐ што правиме. Значи, треба да очекуваме помалку од партнерите во една љубовна врска. Треба да се напомене дека кога се зборува за помали очекувања, се мисли во однос на нас и не се занемарува потребата партнерот да биде генерално заинтересиран за она што ние го правиме како индивидуа. Одлично е што имате заеднички интереси и сакате некои работи да ги правите заедно, но не мора и не треба да правите баш сѐ заедно. Ова видео на The School of Life ќе ви покаже каде и какви отстапки од вашите очекувања може да направите за поздрава, посреќна и подолга врска. https://www.youtube.com/watch?v=tgBIPZSwi20 извор:курир.мк