обвинува – Вистина.мк

Мистериозната жена со која се ожени кралот на попот, делумно се обвинува за смртта на Мајкл Џексон (фото)

Слаѓана Атанасова — Mon, 05 Sep 2022 06:51:42 +0000

Поранешната сопруга на Мајкл Џексон откри неколку детали за смртта на кралот на попот. Во американскиот документарен филм „TMZ Investigates: Who Really Killed Michael Jackson“, Деби Роу низ солзи вели дека требало да направи нешто кога видела дека пејачот е зависен од лекови против болки. Во еден клип од документарецот, Деби вели: "Тоа е делумно моја вина. Требаше да направам нешто, а не направив. Има многу луѓе кои умреа од зависност и јас бев дел од тоа на некој начин". Имено, Мајкл Џексон почина од срцев удар во јуни 2009 година, а во телото имаше од моќниот седатив Пропофол доволно за да убие носорог, изјавил во документарецот поранешниот судски вештак, ЛАПД-а Ед Винтер. Роу се омажи за Џексон во 1996 година и беше сурогат мајка на децата Принц и Парис. Таа беше асистент на врвниот дерматолог Арнолд Клајн, кој почина во 2015 година, и кој даваше моќни лекови против болки на Џексон и на други познати личности. Во една прилика Роу призна на ТВ Фокс: „Всушност бев лоша како Клајн и многу ми е жал што бев дел од тоа“. Поранешната сопруга на пејачот одби да зборува конкретно за Џексон во документарецот и избра да се фокусира на Клајн, познат и како татко на ботоксот. Исто така, со децении, таа зборуваше во медиумите дека му била медицинска сестра на Џексон и помошник на Клајн додека тој го лекувал музичарот. За време на судењето за смртта на Џексон во 2013 година, таа го обвини нејзиниот поранешен шеф за хранење на навиката за дрога на Џексон. Клајн, кој исто така беше познат по тоа што лекуваше други ѕвезди како Елизабет Тејлор, почина на 70-годишна возраст во Калифорнија во 2015 година. Нејзината врска со Мајкл беше обвиткана во тајност. Само неколку луѓе присуствуваа на нивната необична венчавка, која се одржа во хотелот Шератон на Парк на 13 ноември 1996 година, додека Џексон беше на неговата турнеја „по повод албумот „HiStory“. Впечатливо е и тоа што Роу носеше нетрадиционална црна венчаница. Тајноста околу венчавката била толку силна што никој не ја потврдил ниту негирал откако се случила. Вработените во Шератон дури се заколнале дека Џексон не ја напуштил својата соба, објави „Ајриш тајмс“. Поранешната двојка наводно се запознала 15 години пред свадбата, кога Мајкл бил на третман за кожна болест. Се шпекулираше дека Роу всушност го тешел Џексон по раскинувањето со ќерката на Елвис Присли, Лиза Мари, а Роу и Џексон од тогаш станале големи пријатели. Фото:Принтскрин/Профимедиа

Анџелина Џоли изнесе страшно обвинение на сметка на Бред Пит (фото)

Слободанка Илиева — Tue, 23 Aug 2022 10:19:16 +0000

Иако пред шест години ставија точка на бракот, проблемите на Анџелина Џоли и Бред Пит не завршија тука. Поранешната најубава двојка на Холивуд со години се бори за старателството над малолетните деца, а покрај тоа, во тек е битката и за луксузни недвижности стекнати за време на бракот. Меѓутоа, за работата да биде уште полоша, се појавија фотографии од модринките на Анџелина на рацете, за кои таа тврди дека и ги нанел поранешниот сопруг. Актерката тврди дека повредите и ги нанел Бред Пит за време на лет со нивниот приватен авион во 2016 година. Имено, Анџелина изјавила дека Бред, кој бил под дејство на алкохол за време на летот, ја однел во тоалетот во задниот дел на авионот, ја фатил за раменици и ја тресел додека викал дека им го уништува семејството, според Извештајот на ФБИ, пренесува „Страница шест“. Нивните две малолетни деца пред тоалетот плачеле и викале „Мамо, добро си?“, тврди Анџелина.

Photos of Angelina Jolie's alleged bruises from Brad Pitt during horror flight revealed https://t.co/nFIV9ZAtgU pic.twitter.com/6zizQcUxmy
— Page Six (@PageSix) August 18, 2022

Како што се наведува во извештајот, на крајот двете страни се договориле дека нема да се покрене обвинение, но Анџелина сега повторно ја започнала старата приказна, а се претпоставува дека се обидуваат сите можни средства да го добие старателството над децата, наведува весникот. Бред Пит ги негираше сите обвинувања, а каков е епилогот ќе видиме.

Васил Гарванлиев самиот комплетно ја „закашка“ работата, а сега одново иритира, „плаче“ по Европа, напаѓа и обвинува за наводен „организиран напад“ врз него: Демек, го фатиле Васила, го… насила?!“

Антонио Димитриевски — Fri, 16 Apr 2021 07:49:38 +0000

Годинешниот македонски преставник на „Избор на песна за Евровизија“ никако да „исплива“ од морето скандали во кое сам се нурна. Заглавен во калта од недоветни изјави и гестови, се' подлабоко тонеше, а сега сакајќи да прета во „живиот песок“ во кој самиот си скокна, му се заканува опасност до крај да потне и да се „удави“! Имено, Гарванлиев во интервју за „eurovisionworld.com“ „плачејќи и кукајќи“ врз својата несреќна судбина обвини дека бил цел на наводен „организиран криминален напад“, поради тоа што има бугарски пасош! „Ова беше организиран криминал- напад против мене, врз кој немав контрола. Работите беа извадени од контекст и беа презентирани лажни информации кои завршија со многу негативен одговор со сајбер малтретирање и јавно линчување. Не посакувам такво нешто никому, но гледајќи ја светлината во мракот, многу сум благодарен затоа што на мојата песна и ’даде уште подлабоко значење и уште поголема желба да бидам уште поуспешна“ - вели Македонецот со бугарски корени и бугарска патна исправа. Неговата изјава да не e трагична, би било смешна... Вака, трагикомичните изјави на струмичанецот кој самиот ги исполитизира и својот случај и музиката, не се ништо друго туку смешен обид да се извади од нешто, во што беспотребно си се вплетка без никој да го „тепа по уши“. Патем, за истото сега одново ја иритира јавноста со ваквите недокажани изјави, „плаче“ по Европа, напаѓа и обвинува за наводен „организиран напад“ врз него?! Тврди дека ова го направило посилен како човечко суштество и како уметник и му дало поголема одговорност: „Да бидам глас за безгласните, особено за уметниците ширум светот, кои немаат уметничка слобода да бидат свои“ - додава Гарванлиев. А, се запрашал, имаа ли македонаските уметници слобода и право да бидат во трката за избор на песна и изведувач од страна на националниот сервис, која патем сите го плаќаме, или само тој „од Струмица црпнат“ беше предодреден па без право на натпревар на останатите, нему му беше овозможено да биде и годинава преставникот на земјата на која ниту името не скаше да и го изговори, велејќи дека живее таму некаде, „од другата страна на границата“? А, при тоа „протежираше“ бугарско знаме во видеото, „мафташе“ со бугарски пасош, се фалеше со бугарските корени, на раката носи симболи во боите не на македонското, туку на бугарското знаме, „леташе орли“ на фотографиите при евровизиското дружење со претставничката на Албанија, Јонида Малиќи, го доведе МРТ во „незавидна“ ситуација да размислува и да си ја преиспитува одлуката за неговиот избор, па да мораа „да замижат“ и „да го вадат од калта“... Многу извесно, заради себе или заради „некој над нив“, а никако заради него самиот и неговите непромислени „будалаштини“, со кои одново продолжува да ја иритира нацијата во изјавите и интервјуата по Европа! И после имало „организиран криминален напад“ врз него!!? Демек... „Го фатиле Васила, го... (знате веќе што), на сила“?! А всушност ТОЈ беспотребно „не силува“ сите нас!