обвинет – Вистина.мк

Синот на кралицата Елизабета осомничен за сексуална злоупотреба

Христина Ѓоргиевска — Tue, 10 Aug 2021 11:59:31 +0000

На британскиот принц Ендрју ќе му се суди во Њујорк за наводна сексуална злоупотреба на жена која тврди дека била „најмена“ за секс кога била малолетничка, со посредство на починатиот американски финансиер Џефри Епстин. Во обвинението поднесено до Окружниот суд во Менхетн, се наведува дека Вирџинија Џуфре е тужителка во случајот против обвинетиот, „Принцот Ендрју, војводата од Јорк“. Џуфре тврди дека била „редовно злоупотребувана од Епстин и ангажирана за други моќни мажи, заради сексуална експлоатација. – Еден таков моќен човек беше обвинетиот, принцот Ендрју, изјави Џуфре. Според жалбата, Ендрју сексуално ја злоупотребил во стан во Лондон – сопственост на девојката на Епстин, Гислејн Максвел. Тоа се случило пред повеќе од 20 години, кога наводната жртва имала под 17 години. „Епстин, Максвел и принцот Ендрју ја принудиле тужителката, која во тоа време била малолетна, да има секс со принцот Ендрју против нејзина волја“, се наведува во обвинението. Принцот Ендрју (61) категорично ги отфрли обвинувањата дека имал секс со Џуфре и рече дека не се сеќава дека ја сретнал. Но, овие тврдења го нарушија угледот на британското кралско семејство. Ендрју, вториот син на кралицата Елизабета Втора се повлече од кралските должности во 2019 година поради неговото претходно пријателство со Епстин. фото: Профимедиа

Ја претепа љубовницата на која и должи над 100.000 евра, а таа сега Халид Муслимовиќ го обвини и за фалсификување документи за кредит од 685.000 евра (ФОТО)

Антонио Димитриевски — Thu, 15 Oct 2020 09:06:23 +0000

До крајот на месецот треба да бидат завршени две судски постапки против Халид Муслимовиќ - за претепување на неговата поранешна љубовница Соња Башиќ и за тоа што и должел над 100.000 евра. Но се чини дека проблемите на фолк пејачот тука не завршуваат. Како што пишува српски Курир, против него е поднесена нова кривична пријава пред два дена во полициската станица во Бања Лука за фалсификување на документацијата за кредитот од пред три години, па доколку обвинителството ја преземе истрагата, Халид може да се соочи со измама во износ од над шестотини илјади евра, за што му се заканува дебела затворска казна. - Во периодот од 2016 до 2017 година од Гоменица, Приједор, Халид Муслимовиќ при добивање на кредит од банка, доставил фалсификувани биланси, бизнис план и проценка на хотел во Приједор, со што незаконски подигнал средства во износ од 1.370.000 конвертабилни марки. (685.000 евра). Имам докази за горенаведеното (реални биланси од агенцијата за деловни регистри и сведоци). Ќе ви ги презентирам сите подетални податоци и докази што ги имам кога ќе давам изјава во полиција“ - пишува во кривичната пријава што Соња Башиќ ја достави до Полициската управа на Бања Лука, одделот за економски криминал.

Сопругата на Шабан Шаулиќ се огласи по повод исчезнувањето на обвинетиот за смртта на Шабан Шаулиќ

Христина Ѓоргиевска — Wed, 15 Jan 2020 08:48:17 +0000

Гордана Шаулиќ, сопругата на починатиот пејач Шабан Шаулиќ се огласи по повод исчезнување на Турчинот кој беше обвинет за предизвикување на сообраќајната несреќа во која почина музичката легенда. Гоца тврди дека судот во Германија знае каде се наоѓа Алсин Левент, обвинетиот за сообраќајката. „Верувам во правосудниот систем на Германија. Правосудните органи знаат каде се наоѓа“ вели Шаулиќ. Таа откри и дека нејзиното семејство постојано е во контакт со тамошното обвинителство и дека се надеваат дека судењето наскоро ќе започне. „Во контакт сме со обвинителството и имаме информација дека судењето наскоро ќе започне. Процедурата требаше одамна да започне, но тоа ќе се случи. Според тамошните закони, очекувам да ја добие максималната казна“ вели Гордана за „Информер“. За потсетување, Шабан Шаулиќ почина претходната година во февруари во тешка сообраќајна несреќа во Германија.