оброци – Вистина.мк

Што се случува во вашето тело кога прескокнувате оброци?

Слаѓана Атанасова — Wed, 19 Jul 2023 12:15:28 +0000

Доколку сакате да изгубите некој килограм пред летувањето тогаш треба да знаете колку е важно да не ги прескокнувате оброците бидејќи тоа колку што е штетно за линијата, толку е и штетно за здравјето на целокупниот организам. Прескокнувањето на оброци стана тренд на денешницата. Некогаш не јадете бидејќи сте на диета, некогаш немате време за оброк, а некогаш едноставно не сте гладни. Доколку често ги прескокнувате оброците од било која причина, морате да бидете запознаени со нештата што се случуваат во вашиот организам поради тоа. Дисбаланс на хормоните Доколку прескокнувате оброци доаѓа до дисбаланс меѓу хормоните, се зголемува кортизолот и ве прави нервозни. Инсулинот исто така расте, а потоа опаѓа што доведува до пореметување на шеќерот во крвта, а со тоа и до зголемување килажата. Проблеми со варењето Вашето тело е навикнато да работи преку целиот ден, па кога ќе прескокнете еден оброк, организамот нема што да преработува па и самиот систем на варење престанува да работи кога имате оддалечени оброци. За добар метаболизам најдобро е да имате три оброци дневно, плус две ужинки. Задржување на мастите Со прескокнување на оброците го збунувате вашето тело. Тоа мисли дека го изгледнувате па започнува да ги складира мастите за да си обезбеди енергија за наредниот период. Го исцрпувате организмот Со прескокнувањето на оброци го успорувате вашиот метаболизам, а вас тоа ве прави уморни. Кога не јадете вашиот метаболизам се успорува, но кога имате редовни оброци вашиот метаболизам постојано работи и се забрзува. Редовните оброци ќе ви обезбедат побрз метаболизам и согорување на калориите. Станувате депресивни Најверојатно сте слушнале досега дека кога луѓето се гладни се речиси исти како и луѓето кои многу силно му се налутени на некого. Тоа се случува поради дисбалансот на хормони кои предизвикуваат да се чувствувате депресивно и вознемирено. Спасете се себе си и сите околу вас така што нема да прескокнувате оброк. Се менува системот на размислување Ќе се изненадите, но прескокнувањето на оброци го менува вашиот систем на размислување за храната. Во вашиот ум се создава лажна слика дека храната не е приоритет – а ова не е добро за вашето здравје. Доаѓа до прејадување Последното, но не и најмалку важно е тоа што како последица од прескокнувањето на оброкот подоцна доаѓа до прејадување. Тоа е нешто што обично оди по прескокнат ручек на пример. Вашето тело за време на вечерата е толку исцрпено и навистина извикува за калории. Тогаш доаѓа до прејадување, што обично резултира со болки во стомакот и натрупување на вишок масти и килограми. Следниот пат размислете колку се исплати прескокнувањето на оброкот… Извор: Курир

„Не ми е важно како изгледам, после настап јадам две плескавици и пијам пиво“ – Исак Шабановиќ мака мачи со килограмите (фото)

Слаѓана Атанасова — Fri, 16 Sep 2022 10:47:43 +0000

Исак Шабановиќ забележа значително слабеење при учеството на натпреварот „Ѕвездите на Гранд“ со помош на специјална диета и суплементација што ја користеше. Меѓутоа, сега се откажа и се врати на стариот начин на живот, па повторно наиде на проблеми со тежината. - Не се мачам само сега, како во последните две години, така е цел живот, варирам горе-долу - изјави пејачот и објасни со кој главен проблем се соочува за да има витка линија. - Мојата работа дефинитивно. Нормалните луѓе спијат на полноќ, а тогаш јас одам на работа, почнувам да работам во 2, завршувам во 4. После концертот пијам пиво, две, тоа е најлошо, па одиме на плескавица, па јадеш едно, па две и така натаму - искрен беше пејачот. На Исак не му требаше многу време за да стане свесен за ситуацијата во која се нашол и реши да им каже „доста“ на старите навики и да се сврти кон новите. - Ги намалив оброците, само за да се подготвам да почнам со тренинзи. Не ми е важно како изгледам, но овој замор, неможноста да застанам на настапи, само ми пречи - изјави Шабановиќ. Фото: Принтскрин/Исак Шабановиќ/Ата Имаџес

Водена диета: Изгубете половина килограм дневно

Слободанка Илиева — Wed, 27 Jul 2022 11:37:18 +0000

Со помош на водена диета може да загубите и по половина килограм дневно. Сепак таа смее да се спроведува секој втор ден и тоа не на долги патеки, туку само повремено. Ве советуваме ваквиот режим на исхрана да го применувате еднаш неделно. Појадок Голема чаша вода или чај или пак природен сок. Овошје и сокови можете да јадете и да пиете колку сакате. Попладне Голема чаша вода или чај или пак природен сок. Неколку овошја, по можност комбинирајте различни видови. Во зависност од периодот од годината, најмногу вода содржат: есен/зима- грозје и цитруси – пролет/лето: диња и лубеница. Ручек Голема чаша вода пред или по јадењето. Менито се состои од сиров зеленчук за салата во количина по желба, со додаток на оцет, масло, лимон и зачини по желба. Во салатата може да додадете и маслинки. Смеете да јадете било каков вид сиров и конзервиран зеленчук: шпаргли, целер, артичоки, зелена салата, моркови, пиперки, краставици, кромид, пченка, соја, домати… Ужина Голема чаша вода или чај или пак природен сок. Чаша млеко или јогурт или 30 грама сирење или едно парче овошје. Вечера Испијте чаша вода пред и филџан чај по јадењето, 100 грама месо (пилешко, телешко) или 150 грама риба (ослиќ) или едно јајце со зеленчук и овошје. Внимавајте: Диетата не смеете да ја спроведувате во текот на цела недела, затоа што ќе предизвика дисбаланс на материите во организмот. Смее да се применува најчесто секој втор ден и тоа не долготрајно туку само повремено. Важно: Пијте барем осум чаши вода дневно, а исхраната треба да биде богата со продукти што содржат многу вода како што се овошјето и зеленчукот. И на крај мора да имате на ум дека ниту една диета не е апсолутно добра за вашето здравје. Затоа пред да преминете на нов режим на исхрана, побарајте совет од лекар. извор:курир.мк

Вкусно, а не дебелее – оброци под 200 калории

Слободанка Илиева — Mon, 27 Jul 2020 12:20:19 +0000

Ако се обидувате да слабеете, не е доволно само да се свртите на здрава храна, туку би требало да водите сметка за калориите. Тоа не значи дека треба да бидете опседнати и да ги броите калориите во секој залак, но би било добро да знаете отприлика колку калории внесувате во тек на денот. Затоа погледнете ги овие задрави и вкусни рецепти кои содржат помалку од 200 калории. Овесни снегулки со овошје За здрав појадок, веројатно нема подобра работа од овесни снегулки. Една порција од половина шолја овесни снегулки не се повеќе од 150 калории. Додадете малку млеко или јогурт со намален процент на маснотии и пуштете да отстои.Кога ќе се натопат со млеко, тие ќе набабрат и ќе омекнат. Во тоа додадете овошје по избор, бананата е добра за појадок. Тaa ќе го заблажи појадокот, но ќе додаде и витамини. Зачинет лосос Печената риба е неизбежна во здравата исхрана. Ако ги додадете и вашите омилени зачини, печената риба може да стане вистински деликатес.Измешајте свеж лимонов сок, мајчина душичка, рузмарин, оригано, сол,пипер и таа мешавина втријте ја од двете страни на филетите на лососот. Печете во рерна околу 15 мин. додека месото не се испече, но и да остане меко. Рибата послужете ја со салата и уживајте во здрав и нискокалоричен оброк. Зеленчук и хумус Хумусот е еден од најздравите јадења кои можат да се најдат во продавниците за здрава храна. Полн е со протеини и брзу ќе ве засити. Ако го искомбинирате со зеленчук кое содржи полно влакна и малку калории, како целер и карфиол ќе добиете вистинска ужинка полна со протеини и здрави масти и без непотребни калории. Пилешко полнето со спанаќ За ова вкусно јадење потребно ви е пилешко, најдобро е да биде бело месо. Извадете ги коските, најдобро е биде тенко и доволно широко за да може да се витка. Исечкајте го кромидот ситно и динстајте го. Во тоа додадете ¼ шолја фета сирење и половина шолја свеж млад спанаќ. Со тоа наполнете го пилешкото месо, завиткајте го и закачете чачкалици. Пржете на тефлонско тавче со минимален додаток на масло околу 10.15 мин. додека не поруменат и добијат златно-жолта боја. Салата со спанаќ и јагоди Можеби звучи чудно, но зошто да не? Ако сте љубител на интересни комбинации на вкус, пробајте комбинација на спанаќ, јагоди и бадеми. Измешајте млад спанаќ, неколку исечкани јагоди, 1 лаж. сечкани бадеми и прелијте ги со малку балсамико.Ако не ви се допаѓа оваа салата, можете истите состојки да ги ставите во блендер, додадете малку вода и направете исклучително здрав зелен сок. извор:нетпрес.ком.мк

Зошто е важно да ги планирате оброците?

Слободанка Илиева — Mon, 23 Sep 2019 13:00:34 +0000

Понекогаш ви се чини дека пробавте сè, но килограмите не исчезнуваат, а тоа е затоа што не успеавте да го постигнете калорискиот дефицит, што е предуслов за ефикасно топење на маснотиите. За постигнување на калориски дефицит може да ви помогне вашето секојдневно планирање на оброците . Планирајте го секој оброк така што ќе се состои од здрави намирници, потребните хранливи материи, но исто така ќе содржи помалку калории отколку што навистина му е потребно на организмот. Покрај тоа, на дневна основа, планирањето на оброците ќе ви заштеди дополнително време. Еве неколку совети, кои ќе ви помогнат правилно да го испланирате секој оброк и да постигнете калориски дефицит. 1. Вклучете хранливи намирници во вашите оброци За да изгубите тежина, едноставно мора да внесувате помалку калории отколку што трошите, сепак, за да ги изгубите килограмите на здрав начин, покрај калорискиот дефицит, навистина е важно што и колку јадете. Важно е секој од вашите оброци да биде богат со витамини и протеини, исхраната нека се заснова на свежо овошје и зеленчук и обидете се што е можно повеќе да ги елиминирате преработените јадења и шеќери. 2. Обрнете внимание на комбинацијата на храна Половина од вашиот оброк треба да биде не-скробен зеленчук, кој има малку калории, но е богат со витамини и минерали, неопходни за организмот. Една четвртина од оброкот е резервиран за протеини во форма на месо, или риба, а остатокот е исполнет со житарици, или зеленчук со скроб, што ќе му обезбеди на организмот протеини и растителни влакна. За ужинка секогаш јадете овошје, ореви или грчки јогурт. Оваа храна е богата со протеини и растителни влакна кои ќе ве заситат до следниот оброк. 3. Обидете се да се придржувате до планот Сите сме решени да успееме додека сè друго е засновано на планирање, сепак, кога ќе се соочиме со првата пречка, најчесто се откажуваме. За успешно да се придржувате до планот, мора да го вклопите во вашата рутина. Планирајте го целодневниот оброк за време на викендот за да ги набавите потребните намирници. Во текот на викендот подгответе оброци за неколку дена во неделата, поделете ги во посебни садови и ставете ги во замрзнувач, така што секогаш ќе имате здрава алтернатива, дури и кога ќе бидете во трка со времето. Со здравите и добро испланирани оброци, во својата рутина воведете половина час тренинг секој ден, а во рок од еден месец ќе ги видите првите резултати. извор:попара.мк

Оброци кои ќе ве држат подолго време сити

Љупчо Најчевски — Sun, 11 Nov 2018 14:20:12 +0000

Изедете кроасан или мала порција помфрит со диетален газиран сок и нема да мине долго време пред да почувствувате нескротлив глад, и покрај тоа што сте го нахраниле телото со голем број калории. Причината е едноставна – одредени јадења го стимулираат апетитот и налеваат бензин во огнот наречен глад.

Од друга страна, многубројни се намирниците кои го полнат желудникот и заситуваат долго време. Со вистинскиот избор на храна ќе внесувате помалку калории и ќе губите килограми без да се измачувате со строга диета. За да бидете сити подолго време, збогатете ја исхраната со:

Овесна каша

Овесната каша е одлична за енергичен почеток на денот. Бавно се вари во желудникот, давајќи му на телото енергија подолго време. Присуството на диетални влакна помага за одржување на здрав дигестивен систем, а постојат докази дека овесната каша влијае на нивото на хормоните кои го регулираат гладот. Освен за регулирање на шеќерот во крвта, овесната каша помага за намалување на нивото на „лош“ холестерол и во превенирањето на кардиоваскуларни болести.

Јајца

Вклучете во појадокот две варени јајца и без проблеми ќе останете сити до ручекот. Полни со протеини, јајцата се добри сојузници во контролирањето на апетитот. Многубројни истражувања покажуваат дека лицата кои за појадок консумираат јајца слабеат побрзо од лицата кои го започнуваат денот со бели печива.

Јаболка

Јаболката содржат многу вода и растителни влакна, кои подаруваат чувство на ситост. Одлични се за контролирање на гладот помеѓу големите оброци. Во јаболкото има и пектин, кој го спречува драстичното покачување на шеќерот во крвта кое го активира гладот.

Лосос

Рибата е во основата на здравата исхрана. Лососот е фантастичен избор, бидејќи содржи здрави масти кои го спречуваат кркорењето на цревата до следниот оброк. Истражувањата покажале дека лицата кои јаделе риба се чувствувале посити од лицата кои консумирале говедско место, а освен тоа и внесувале во просек 75 калории помалку во текот на наредниот оброк.

Грав, грашок, леќа

Мешунките не само што го полнат стомакот, туку и го забрзуваат метаболизмот. Богати со влакна, витамини и минерали, тие се задолжителен елемент на здравата и балансирана исхрана.

Ленено семе

Лененото семе е одличен извор на омега-3 масни киселини и растителни влакна. Доволно е да консумирате една лажичка дневно, како додаток на свежа салата или овесна каша.

Авокадо

Авокадото ретко присуствува на македонските трпези, но ако сакате здрави масти и микс од неопходни витамини и минерали, треба да му дадете шанса на овој плод. Најдоброто е што авокадото брзо заситува, па доволно е да изедете малку за да го избркате чувството на глад подолго време.

Бадеми, ореви, лешници

Здравото трио од протеини, масти и влакна ги прави јаткастите овошни плодови одлична ужина која заситува. Попладневното опаѓање на енергијата најлесно можете да го спречите со еден грст сирови бадеми.

Дополнително, свежите салати од зелен зеленчук и бистрите супи помагаат за намалување на внесените калории од главниот оброк и стимулирање на чувството на ситост.