обрати – Вистина.мк

Јелена Карлеуша „ја закопа“ Дуа Липа: „Душо следниот пат стави ја вистинската карта, не е навистина тешко“ (ФОТО)

Антонио Димитриевски — Wed, 22 Jul 2020 12:34:23 +0000

По бројните реакции и коментари на „вадењето“ на Дуа Липа дека „само сакала нејзинта родна земја да биде прикажана на карта“, а сподели виртуелна карта од Голема Албанија српската пејачка Јелена Карлеуша и возврати на однесувањето на британската музичка ѕвезда, која има косовско потекло и нејзиното промовирање на карти на т.н „Голема Албанија“ на која има територии од Македонија, Србија, Црна Гора и Грција. „Само сакав мојата земја да биде прикажана на картата! Види вака душо, следниот пат стави ја вистинска карта што не вклучува територии на 4 различни држави, не е тешко, навистина“, напиша српската пејачка со што со една реченица „ја закопа“ нејзината славна колешка удирајќи и „културна шлаканица“.

По заминувањето од кралското семејство, се огласи и тој: „Сакам вистината да ја слушнете од мене, не од војводата, не од принцот, туку од Хари“

Христина Ѓоргиевска — Tue, 21 Jan 2020 09:32:27 +0000

Принцот Хари одржа говор истакнувајќи дека чувствува голема тага бидејќи нема повеќе да биде дел од кралското семејство. „Одлуката која ја донесовме не беше ни најмалку лесна. По неколку месечни разговори и многу предизвици, знам дека не се’ беше како треба, но немав друг избор“ изјави Хари. Хари тврди дека не заминува од кралското семејство туку дека повеќе нема да служи. „Велика Британија е мој дом и место кое го сакам. Тоа никогаш нема да се промени. Кога Меган и јас се венчавме, бевме возбудени, полни со надеж, тука бевме да служиме. Не се менувам јас. Се надевам дека ме разбирате поради што морав да отстапам од семејството, од се што ми е познато, да направам чекор понатаму за помирен живот. Сакам од мене да ја слушнете вистината, не од војводата, принцот, туку од Хари“ изјави војводата од Сасекс и додава: „Ни беше задоволство да ве служиме и така ќе продолжиме. Секогаш искрено ќе ја почитувам мојата баба, мојот главен командант, и многу сум благодарен на неа и на семејството кое ме поддржаа мене и Меган. Ќе продолжам да бидам добар човек кој ја сака својата држава и ќе бидам посветен на добрите цели“. „Страв ни е, но ви благодариме што ни давате сила да го направиме следниот чекор. Пораснав со голема поддршка и ве гледав како ја пречекувате Меган со раширени раце. Конечно се ослободивте од вториот син на Дијана, урааа. Кога пред 23 години ја изгубив својата мајка вие ме земавте под заштита“ изјави Хари пред присутните. За потсетување, Меган и Хари пред неколку донесоа одлука да се повлечат од кралските должности, а оваа нивна одлука беше поддржана и од кралицата Елизабета

Натали Грубовиќ ретко открива детали од приватниот живот, но сега со посебна честитка јавно и се обрати на својата сестра

Христина Ѓоргиевска — Fri, 06 Dec 2019 08:13:11 +0000

Поранешната Бинго девојка Натали Грубовиќ пред две години за првпат се реализираше во улогата на мајка и на свет донесе девојче. Кога станува збор за нејзиниот приватен живот, Натали не сака многу да открива детали. По породувањето, таа некој период остана таинствена и не откриваше како ќе се вика нејзината ќерка. Меѓутоа, потоа откри дека нејзиниот сопруг, бизинсменот Дрен Глушац, го имал последниот збор и одлучиле нивната ќерка да се вика Натали, а таа денес има две години. И ден денес, Натали е резервирана за својот приватен живот, па не сака да многу да се експонира. Меѓутоа, Натали не додржа јавно да и се обрати на својата сестра Марија и да го честита роденденот. Имено, во кратките приказни на „Инстаграм“, Натали објави заедничка фотографија од двете, а во описот на фотографијата напиша: „Среќен роденден моја прекрасна драга сестро“ напиша екс водителката. За потсетување, пред две години, сестрите Грубовиќ, Натали, Марија и Радица, направија семеен портрет и позираа покрај ќерките Марија прва доби своја наследничка, потоа Радица, а сега и Натали. Фотографијата екс-манекенката и Бинго девојка ја објави на социјалните мрежи, за сите да го видат нивното најголемо богатство.

Тамара Тодевска јавно и се обрати на Елена Ристеска, па и даде до знаење што навистина мисли за неа (фото)

Христина Ѓоргиевска — Fri, 15 Nov 2019 08:01:24 +0000

Како дел од јавниот свет и под будното око на јавноста, се следи секој чекор на познатите, нивниот интерес, ангажмани, приватен живот. Бидејќи во денешно време секој втор станува пејач, водител односно јавна личност конкуренцијата се повеќе расте, а со тоа расте и предизвикот да се изборат да бидат пред објективот. Многумина јавни личности за своите колеги, колешки имаат само позитивни и убави зборови. Меѓутоа, некои тврдат дека кога ќе се исклучат камерите владее љубомора и лицимерие. Кога станува за српската естрада, како можеби единствена личност која нема влакна на јазикот е Јелена Карлеуша. Кога е пак станува збор за македонската естрада, може да се појават разни приказни, шпекулации, коментари. Така, неодамна „Слободен печат“ објави шпекулација дека македонските пејачки Елена Ристеска и Тамара Тодевска не се следат на „Инстаграм“, па се наметнуваше прашањето дали двете колешки и пријателки се скарани. https://arhiva.vistina.com.mk/radio-mileva/otkako-vo-mediumite-se-pojavija-shpekulacii-deka-se-skarale-tamara-i-elena-poznatata-pejachka-se-oglasi-i-ja-otkri-vistinata/ Ристеска ги демантираше овие пишувања истакнувајќи дека тоа е голема лага. Елена и Тамара на македонската сцена не само што важат за добри пејачки, туки и за добри другарки, а често може да ги видиме заедно на некои случувања, а тие заеднички дружби ги овековечувааат со фотографии. Деновиве, Тамара на својот „Инстаграм“ објави фотографија со својата колешка, а во истата го даде следното објаснување: „Колешка и другарка каква секој би посакал. Те сакам“ и порача Тодевска на Ристеска. Дали можеби овие две колешки во блиска иднина ќе ги вкрстат гласовите и ќе излезе некој хит, останува да видиме.

Се огласи Стојан Троицки – легендарниот долгогодишен директор и основач на „Макфест“: „Не бев ни протоколарно повикан на „Макфест 2019“, а камо ли да помогнам“

Антонио Димитриевски — Sat, 19 Oct 2019 09:04:05 +0000

По дузината реакции околу квалитетот на композициите и сите гласини и искажани незадоволства за наводни неправилности и местења на годинешниов „Макфест 2019“ што почнаа да се шират во јавноста, а завршија на социјалните мрежи и во медиумите, се огласи и еден од основачите и долгогодишен директор на штипскиот фестивал, легендарниот Стојан Троицки. Неговото име најпрвин го спомнаа и повикаа дел од некогашните учесници и музички новинари со своите написи од типот: „Да му помогнеме на Макфест“ или „Троицки, врати се...“, алудирајќи дека во негово време „Макфест“ бил со години фестивал за респект и достоен за почит со сите свои предности и маани, ситни и крупни аномалии, за разлика од сега, кога квалитетот на песните е далеку од тоа што бил некогаш, а поединци се колнат дека наводно годинава со свои очи гледале како се местат наградите. https://arhiva.vistina.com.mk/radio-mileva/drugoto-lice-na-festivalite-sonja-aleksoska-nedelkovska-pobara-da-mu-pomogneme-na-makfest/ Поттикнат од овие изјави и написи се јави лично тој - Стојан Троицки, јавно огласувајќи се преку својот Фејсбук профил на социјалните мрежи. Бившиот долгогодишен директор на фестивалот и се обрати на јавноста со свои сеќавања и примери, за тоа како некогаш се справувале со неправилностите на другите реномирани фестивали, каде и како завршувале „местачите“, што слушнал и прочитал за сегашниов „Макфест“ и каков е односот на локалната самоуправа која го финансира и организира фестивалот, кон легендарниот директор и негов основач. Еве што напиша Стојан Троицки во своето јавно обраќање на Фејсбук: „Вчера, некаде околу 21.30 часот на Канал 5 телевизија, во емисијата Бекстјџ беа изречени многу остри критики и обвинувања на адреса на штотуку завршениот Макфест. Двајца млади луѓе директно во камера пренесоа нивни импресии за лошата организација и фрлија сомнеж за некакви можеби коруптивни активности. Како штипјанец и долгогодишен креатор на овој фестивал не можам да останам рамнодушен, па одлучив да споделам неколку информации. Во далечната 1989 година бев на Фестивалот 'Ваш шлагер сезоне' во Сараево. Овде присуствуваа скоро сите директори на тогашните најдобри југословенски фестивали. Бевме гости на Никша Дабовиќ, директор на фестивалот. Победи Сенад из Босне. Но, утредена кога се спремавме да отпатуваме, разбравме дека истиот е уапсен, односно притвроен заради местење-лажирање на Фестивалот. Толку. Вчерашното сведочење на младите учесници ме потсети на таа епизода од Сараево. И овде толку. Не занам кој го контролира штипскиот фестивал и дали некој се грижи за него или тој служи за саморекламирање на нашите локалци. А некогаш Макфест беше меѓунаронда манифестација. Прочитав многу лоши информации за состојбите со него иако веќе со години, лека полека се разградува сето она што го сработивме со голем број соработници. И замислете парадокс. Јас се' уште сум жив и здрав, тука на дофат на локалната самоуправа, а не ни сум протоколарно поканет на Фестивалот ,а камо ли да бидам повикан за да помогнам и да се сопре или спречи понатамошното негово руинирање. Толку. Приказната е многу голема и можеби некогаш некој ќе се позанимава со неговата историја“ - напиша во своето кусо обраќање Троицки.

Валбурга, сопругата на пејачот Момо Николоски со емотивно обраќање во јавноста: „Ни треба помош, не сакам да го дадам“ (ФОТО)

Антонио Димитриевски — Mon, 28 Jan 2019 13:50:03 +0000

Валбурга Батева, сопругата на Момо Николовски, со емотивно обраќање на социјалните мрежи побара помош за докажаниот фолк-уметник кој е сериозно болен. На еден од доајените на македонската народна песна му е дијагностициран абдоминален канцер и потребни се средства за негово лекување во странство. – Момо е мојата љубов. Човекот на мојот живот. Моето вечно момче и мојата рајска музика во срцето. Цел живот со неговата песна развеселуваше, но и безброј пати помагаше на луѓе кои беа соочени со животни предизвици. Сега е неговиот ред. Сега е нашиот ред. Ни треба помош, оти звуците на љубовта не смеат да згаснат, сега, кога најмногу си требаме еден на друг. Не сакам да го дадам, нема да го дадам! Неговата топла душа е моето скришно, безбедно место, таму не живее темнината, таму има доволно светлина за сто животи и уште еден. Секогаш бев тука за вас и вие за мене. Барајте ме, вие кои знаете колку го љубам, но и вие другите, кои сакат некого и некој ве сака. Овој филм мора да заврши со среќен крај, со ваша и Божја помош, а во моја режија. Мече мое, судбино моја, продолжи да танцуваш со мене! Јас, ти и музиката – напиша Батева на „Фејсбук“.

Веста за болеста на Николовски прв ја објави музичарот, професорот Сашо Ливрински, кој со Момо николоски се во кумовска врска. – Почитувани колеги музичари и пријатели на македонската музика,ви се обраќам како долгогодишен соработник на мојот почитуван колега и кум Момо Николовски, на кого во моментов му е потребна нашата несебична помош и поддршка. Потребни се финансиски средства за негово итно лекување, затоа ве замолувам секој според можностите да помогне донирајќи на следната ж-сметка: 300007032927321-Комерцијална банка АД Скопје. За повеќе информации слободно контактирајте ме на телефонот 070 279 769 – напиша Ливрински. Извор: Курир.мк

Карлеуша жестоко ги нападна медиумите преку Инстаграм, па набргу го избриша постот!

Антонио Димитриевски — Wed, 23 Jan 2019 11:31:19 +0000

Карлеуша вчера доцна попладне за прв пат и се обрати на нацијата, поточно на новинарите и медиумите, откако беше во медиумската тишина претходната недела. „Болната медиумска хајка не престанува. Злото што на моето семејство и на мене ми го направивте со вашите болни лаги е немерливо. Никого не сум убила, украла или направил нешто лошо, напротив - го посветив целиот мој живот на помагање на луѓето и животните. Нека целиот Балкан, целиот свет го гледа медиумското, психолошко, глупаво касапење на една жена, нејзиното семејство, на името, честа, основното човечко достоинство - и нека молчи“ - напишала Јелена и додадла:

„За крај ќе упатам апел. Не ставајте ги моите деца на насловните страници. Не користете ги моите деца во вашите болни намери да ми наштетите и повредите. Дали во вас има барем нешто човечко или едноставно сте чудовишта кои уживаат во употреба на насилство, лаги и омраза ... “ - напишала Карлеуша на својот Инстаграм профил.

Но, по некое време, пејачката ја избришала објавата од Инстаграм од непознати причини!