обраќање – Вистина.мк

Антониа Гиговска со прво медиумско обраќање по породувањето ексклузивно за Вистина.мк: „Кога го видов тоа носе се заљубив на прв поглед“

Слободанка Илиева — Wed, 20 Sep 2023 08:14:29 +0000

14-ти јули, денот кога пред два месеци за пејачката Антониа Гиговска и за нејзиниот сопруг, музичарот Роберт Спасенцоски се промени се' - на свет дојде нивниот наследник, синчето Киан кој сега е центарот на нивниот универзум. Тазе остварената мама иако е активна на социјалните мрежи, за медиумите остана резервирана за повеќе детали откако се породи, но се досега. Таа во ексклузивно интервју за Вистина.мк откри нешто повеќе за првите денови како мајка, како поминало породувањето, новата најголема улога, враќањето на сцената и сл... Како си Антониа, како е Киан? Опиши ни ги твоите емоции од првите денови како мајка... - Супер сум и јас и Киан. Првите денови како мајка беа исклучително тешки но преубави, сфакаш дека нема нешто поубаво на светот од свое дете. Сега си капетан на брод кој почна да плови по море кое нема константа, ја добиваш ли потребната поддршка? -Поддршката ја добивам и сум неизмерно благодарна на сите кои што се до мене и Киан. Што замислуваше, а што се случи на породувањето, како помина? - Имав страв од породувањето и тој цел процес, меѓутоа се пројде во најдобар ред, се породив со царски рез поради тоа што не можев природно, но во секој случај од моето позитивно искуство кога би се породила пак како за првпат би одбрала повторно царски рез. Сега очекувам да добијам коментари како, јас не знам што е мајчинство и што значи да се породиш природно, но ке се одбранам и јас и сите оние кои се породиле со царски рез, тоа не не' прави помалку мајки од оние што го поминале природно процесот - болките се исти, можеби и посилни. Која беше првата мисла што ти помина низ глава кога првпат го виде бебето кое 9 месеци го носеше во утробата, може ли да се опише тоа чувство? - Чувството не се опишува, не можев да дојдам до збор, бев возбудена и со измешани емоции на страв и возбуда. Кога го видов тоа носе се заљубив на прв поглед. Како дојде до изборот за името Киан? - Имавме многу имиња на листата, меѓутоа се одлучивме за Киан затоа што има убаво значење и не е многу често, а во превод знаци "Крал". Првите месеци се полни со непреспани ноќи, подговтвен ли е сопругот за рамноправна и еднаква обврска? - Ни беше тешко и напорно првите три недели додека се привикнеме на ритамот на Киан и тоа неспиење затоа што претходно бевме некои кои што легнуваа во пет, а сега сме тие што стануваат во пет часот наутро. За среќа Киан е спанко, па станува еднаш или двапати во текот на ноќта. Беше активна трудница, но си даде пауза од кариерата, каков е планот за камбек, се размислува ли на тоа сега? - Секако... Се' е одприлика спремно, па во многу скоро време ќе го најавам моето враќање на сцената. Те споредуваа со Ријана поради храбрите труднички стајлинзи, ти пречеше тоа, негативните коментари на социјалните мрежи или ти беше задоволство таквата компарација? - Нормално дека не ми пречи, за мене е комплимент, Ријана е модна икона. Во секој слуцај никогаш не копирам, и секогаш сум своја, секогаш сум Јас. Коментарите се нешто кое што секогас треба да ги има без разлика дали се позитивни или негативни. Што те опушта во моментот и како се справуваш со непознатото и мајчинските стравови? - Веке немам страв за ништо и ништо не ме плаши, поготово кога е во прашање Киан. За среќа тука е музиката што секогаш ме опушта. Важеа ли за тебе првите 40 дена да се поминат дома со бебето? - Искрено не, си излегувавме и се шеткавме од причина што мислам дека на секое бебе му треба воздух и промена на средина. Не го мешавме со многу луѓе во близок контакт до 40 дена освен најблиските, но излегувавме да свртиме два, три круга во парк или околу зграда. Што би им кажала на мајките кои наскоро треба да се породат за првпат? - Ги чека нешто преубаво во животот, нешто за кое што вреди секој страв што го имаат. Да се има дете е благослов, така што мајки бидете храбри и спремете се за ролеркостер на емоции. Ќе плачете од среќа, ќе плачете без причина, ќе плачете затоа што не знаете што му е и зошто плаче , но се тоа поминува и подоцна веќе знаете кој плач за што е. Само храбро! 12. Порака до твоите фанови... - Едвај чекам да слушнат што спремам, и се надевам дека нема да ги разочарам. фото:Приватна архива

Кевин Харт заврши во инвалидска количка: Славниот актер и комичар и се обрати на јавноста за неговата состојба (видео)

Слободанка Илиева — Fri, 25 Aug 2023 11:50:48 +0000

се здобил со сериозни повреди како резултат на тркање со неговиот пријател, поранешниот играч на „НФЛ“ Стивен Ридли. „Дами и господа, 40-тите се вистинска возраст. За сите мажи и жени кои имаат 40 или повеќе години, тоа не е игра. Почитувајте ја таа возраст или таа возраст ќе ве натера да ја почитувате“, објасни Харт на почетокот на видеото. Харт бил убеден дека е способен да се натпреварува на трката на нешто помалку од 40 метри и да биде побрз од својот помлад пријател, но на крајот завршил со повреди.

View this post on Instagram

A post shared by Kevin Hart (@kevinhart4real)

Комичарот решил да сподели дека е во инвалидска количка, за неговите обожаватели да не се грижат кога ќе го видат во јавност. Тој изјавил дека го повредил долниот дел од стомакот и внатрешниот дел на нозете и дека поради тоа не можел да оди.

View this post on Instagram

A post shared by Kevin Hart (@kevinhart4real)

„Зошто се тркам на оваа возраст? Што правам?“ Во коментарите добил пораки од своите колеги и пријатели Двејн Џонсон, Стив Харви, Вил Смит, Џејми Фокс кои му посакале побрзо опоравување, но му упатиле и по некоја шега за неговата ситуација. фото/видео: Инстаграм

Игор Џамбазов со емотивна прошетка по сеќавањата на денот кога татко му – маестро Александар Џамбазов почина: „Медиокритетите и понатаму ни диригираат по сопствени партитури, а ние божем одбиваме да свириме фалш“

Антонио Димитриевски — Wed, 25 Jan 2023 10:52:26 +0000

Македонскиот мултиталент, актер, водител, пејач, писател, шоумен... и што ти уште не, Игор Џамбазов, имаше причина за двојна тага. Онаа љубовната, која никако не минува откако неговата љубена Илина Арсова замина за Америка и ова другата, природна за секој кој изгубил некој свој најблизок... Во случајов, Игор својот татко, маестро Александар Џамбазов, на чија годишнина од неговото заминување во вечноста, тој со емотивна прошетка по сеќавањата се потсети на него и денот кога тој почина. Игор како што го дал Бог, во свој стил, јавно на социјалните мрежи му се обрати на својот татко на денот на годишнината од неговото заминување, со монолог кој колку да е невообичаен за вакви прилики, сепак сурово реален. Во зборовите во кои има многу вистина, Игор со две - три реченици ја опиша годината која помина без неговиот татко, кому му го порача она што за овие 365 дена без него го виде, слушна, доживеа и почувствува: „Помина една година. Цела година. За миг. За час. Помина побргу од која било детска песничка што си ја напишал. Сигурен сум дека си добар таму горе. И нека не ти е мака што не си овде долу, со нас. Да ти кажам искрено стари, ништо не си пропуштил. Медиокритетите и понатаму ни диригираат по сопствени партитури, а ние божем одбиваме да свириме фалш. Она што вредеше во годинава што летна се љубовта и почитта од луѓето за тебе, изразена во малку солзи и уште повеќе насмевки. Нема да ти посакам да бидеш добар, оти таму кај што си, не може да ти е лошо. Чувај ми место до клавирот...“ - му напиша синот на својот покоен татко во пораката која кој знае... Можеби на некој волшебен начин и ќе отпатува таму некаде горе... до вечноста. Фото: Инстаграм принтскрин/igordzambazov

Миа Костова во напад на системот за одбрана на Ламбе: „Пет години не го најдовте тој што ми го запали автомобилот, а го yaпcивте Ламбе додека бугарскиот клуб се’ уште чуреше“ (ФОТО)

Антонио Димитриевски — Thu, 09 Jun 2022 07:54:27 +0000

Реакциите по опожарувањето на влезната врата на бугарскиот културен клуб „Иван Михајлов“ во Битола, приведувањето и притворот за според МВР, осомничениот сторител, пејачот Ламбе Алабакоски не стивнуваат. Не заради тоа што некој го оправдува чинот или заради тоа што починителот, ако е тој, е медиумски позната личност, туку заради нешто што се нарекува селективност на системот, кој функционира само тогаш кога нему и на актуелните властодршци така им чини. Се' друго завршува пред воопшто и да почне... Или поточно, зацршува со делото, кое е починето или од „непознат сторител“ или „виновникот“ е колатерална штета кој платил со сопственот живот, па нема кому да му се суди или е во прашање „виша сила“. А всушност виновник секогаш има, кој од позиција на сила и моќ „диригира“ со доказите како што нему му одговара. Дека на сите им е дојдено преку, знаете веќе што, па и повеќе од тоа, доказ се бројните реакции на социјалните мрежи. Од оние на обичните греаѓани, до оние на познатите личност. Така екс водителката и позната инфлуенсерка Миа Костова, која ионака е позната по тоа дека има „остар јазик без влакна на него“, и овој пат не им го премолче перчењето на министерот за внатрешни работи и неговата полициска свита за „брзата и успешна акција“ при откривањето на сторителот за опожарената влезна врата на клубот на Бугарите во Битола. Таа со свој Фејсбук му порача на „Сир Оливер“: „ Откако сме Северна, најважно за било каква разрешница е да така им одговара или во друг случај услов за пронаоѓање на виновникот е да си пејач. Немам друго објаснување“. При тоа потсети на ннејзиниот случај кога намерно беше запален автомобилот на паркингот прд загара во 20217 година, а починителот никогаш не беше пронајден. како и во стотици, илјадници други случаи. „Ова е мојата кола, запалена пред зграда 2017 (ако не се лажам) на ист начин како и палењето на бугарскиот клуб во Битола. Увидна имаше и камери и дечко со капуљача кој замислете 5 години подоцна не се пронајде. Или, никој не мрдна со прст ниту некој некогаш после записникот ми се јави да ми даде било каква инфомација или да ме праша било што во врска со случајот. Да се потсетиме на Тетовската болница за која е осомничен кабел. За фабриките (Треска-н.з) на чии места ќе се кренат згради и се самопалат од мака или од жешко време, за сега. Е ама, бугарскиот центар си доби осомничен, па реално, уште чуреше кога Ламбе беше приведен. Наравоучение: Откако сме Северна, најважно за било каква разрешница е да така им одговара или во друг случај услов за пронаоѓање на виновникот е да си пејач. Немам друго објаснување. *Она мало главче кај ретровизорот е 5 годишниот Андрија кој до ден денес има трауми иако мајка му не беше ни крива ни должна да добие запалена кола ничим изазвано. И секако, никогаш никој да не одговара за делото. Мислам дека толку гнев направивте помеѓу народот што треба да сме среќни што оние на кои им е преку глава, палат само објекти. Ќе почнеме да се палиме и меѓу себе, прашање на време е кога. А сега одете кај овие од партија и читајте како е Ламбе психопат“ - порача Костова во својата јавна порака. На неа се надоврза и пејачката Ребека, поточно нејзиниот сопруг др. Милан Ристески, кој потсети и на палењето на автомобилот на пејчката и ТВ водителка Сузана Туринџиева, чиј тукушто купен автомобил пво 2020 година исто така беше запален на паркинг, а покрај него од пожарот беше зафатен и автомобилот на Ребека и нејзиниот сопруг. [embed]https://arhiva.vistina.com.mk/namerno-zapaleni-avtomobilite-na-pejachkite-suzana-turundzieva-i-rebeka/[/embed] „Се разбира“, виновниците никогаш, до ден денес не беа пронајдени! Впрочем како во многу други случаи... Освен во овој со клубот на Бугарите во Битола и Ламбе - „пироманот“, како што го нарекоа режимските медиуми во своите наслови! Фото: Фејсбук принтскрин

Принцот Хари за првпат се обрати во јавноста по драмата во кралското семејство – еве што порача (видео)

Слободанка Илиева — Thu, 16 Jan 2020 09:03:33 +0000

Принцот Хари се обрати пред јавноста за првпат по драмата која ја тресе Велика Британија и кралското семејство, откако тој и неговата сопруга Меган Маркл одлучија да се одвојат и да се откажат од кралските задолженија. Имено, на официјалниот Инстаграм профил на војводата и војвотката од Сасекс е објавено видео од обраќањето на принцот Хари, а темата е спортски игри. Иако се наоѓаат во екот на драма, Хари продолжил со своите обврски, а на социјалните мрежи зборува за игрите “Инвиктус” кои претставуваат меѓународен адаптивен мултиспортски настан чиј основач е токму принцот. Тој изјави дека “приказната продолжува” откако го најави продолжението на “Инвиктус Гејмс”, спортски игри за повредени воени ветерани кои принцот Хари ги основал во 2014 година. Војводата од Сасекс исто така зборува за силата на игрите во лекувањето, неколку дена откако тој и Меган објавија дека се откажуваат од своите улоги кои ги имаат како членови на кралското семејство.

View this post on Instagram

Here we come Düsseldorf ??! The new home for the 2022 and sixth Invictus Games. Having previously been held in London, Orlando, Toronto, Sydney, and upcoming The Hague this year in May - Düsseldorf will welcome over 500 competitors as they showcase their talents, determination and camaraderie to the world! The #InvictusGames is an international adaptive multi-sport event, created by The Duke of Sussex, in which wounded, injured or sick (WIS) armed services personnel and veterans show the world what they’re capable of in a series of adaptive sports, ranging from wheelchair basketball to indoor rowing. The Duke, having spent 10 years serving in the Armed Forces, set up the @WeAreInvictusGames to celebrate the power of sport rehabilitation (both physically and mentally) and to generate a wider appreciation for those who served their country beyond their time in uniform. Participating in the Games plays a significant part in the recovery journey of WIS Servicemen and women. It doesn’t just heal the individual, it heals the whole family. • “I hope everyone in Germany is ready for what will be an incredible week of sport! I have no doubt that the German public will get right behind these Games and that every single competitor can expect a warm welcome and an amazing atmosphere.” – The Duke of Sussex For more information of the announcement, visit https://invictusgamesfoundation.org/ig2022-announcement/ Video © @WeAreInvictusGames

A post shared by The Duke and Duchess of Sussex (@sussexroyal) on Jan 15, 2020 at 10:03am PST

Преку игрите, ранетите, повредените или болни припадници на вооружените служби и ветераните, му покажуваат на светот за што се способни преку низа адаптивни спортови, во распон од кошарка во инвалидски колички до веслање во затворено. Принцот Хари служел 10 години во вооружените сили, а овој пат имал и јасна порака. “Се надевам дека сите во Германија се спремни за неверојатната недела на спортот. Не се сомневам дека германската јавност ќе се најде зад овие игри и секој натпреварувач може да очекува срчедно добредојде”, рекол Хари во обраќањето. Видеото за само половина час го погледнале половина милион луѓе. Принцот најави дека следните спортски игри за воени ветерани ќе бидат одржани во 2022 година во Дизелдорф, Германија.

Тамара Тодевска на социјалните мрежи се огласи за настапот на „Евровизија“: „На 16- ти мај ќе пеам за мојата ќерка“

Христина Ѓоргиевска — Tue, 19 Feb 2019 08:06:46 +0000

Оваа година Изборот за најдобра песна на „Евровизија“ ќе се одржи во Тел Авив, Израел. Македонски претставник на годинешното издание на „Евровизија“ ќе биде Тамара Тодевска која ќе не претстави со песната „Proud“ на авторскиот тим Роберт Билбилов, Дарко Димитров и Лазар Цветкоски. Тодевска се уште ја нема претставено песната, но заедно со својот тим вредно работи и веруваме дека наскоро ќе ја објави.

По повод нејзиниот настап на „Еврововизија“; Тодевска се огласи на својот „Фесјбук“ истакнувајќи дека за неа „Евровизија“ не е да победи или да биде во првите 10, туку нешто повеќе од тоа.

Пред еден месец, кога добив покана да ја претставувам мојата земја на Изборот за песна на Евровизија во Тел Авив (покрај моето ентузијастично и радосно ,,Да!"), првото нешто што ми падна на ум беше: „Која ќе биде целта на моето учество на натпреварот? Што е тоа што сакам да го кажам? Што е тоа што сакам да го споделам со светот?“ За мене учеството на Евровизија никогаш не било да се влезе во финале, да се биде меѓу првите 10 или да се победи. Евровизија за мене отсекогаш била многу повеќе од тоа. За мене Евровизија отсекогаш претставувала прифаќање на различното, пркосење на правилата и прифаќање на себеси, баш онаков каков што си. Евровизија е таа една вечер во годината кога публиката во целиот континент се собира на едно место за да ја прослави посебноста, храброста и вербата во себе! Тоа е местото кадешто да се биде различен значи да се биде ГОРД на себеси. Јас сум мајка на две деца, имам тригодишна ќерка и тримесечен син. Знам дека звучи како клише, но тие навистина го променија мојот живот и јас како мајка и како родител чувствувам дека е моја и наша обврска да донесеме позитивни промени во животите на нашите деца. Целиот мој живот ми кажуваа дека не се однесувам женствено, дека не сум доволно добра, дека се движам и се однесувам како машко. Наведни ја главата, облечи нешто секси и на никој нема да му биде гајле што зборуваш, ми велеа. За нив јас бев само уште една изгубена девојка. Денес, кога ќе ја погледнам ќерка ми, сакам да има можност да расне во свет во кој никој нема да ѝ суди, нема да ѝ кажува како да се однесува, како да постапува или како да се движи. Сакам да знае дека не мора да ги следи правилата за да биде прифатена. Сакам да биде онаква каква што таа сака да биде и најважно, да биде горда на себе. Тоа е најмалку што можам да направам за неа.

Таа исто така истакна дека на 16ти мај ќе во чест на нејзината ќерка Хана и за сите оние на кои им било кажено да ги наведнат главите и да ги следат правилата.

Затоа, на 16-ти мај, ќе пеам за мојата ќерка. Ќе пеам за сите на кои им било кажано да ги наведнат главите и да ги следат правилата. На 16-ти мај, ќе ги прекршиме правилата и барем една вечер во годината ќе му кажеме на светот дека СЕ ГОРДЕАМ СО СЕБЕ е секогаш посилно од нивното НИКОГАШ НЕМА ДА БИДЕШ ДОВОЛНО ДОБАР/А! СЕКОГАШ ќе бидете доволно добри! Се гледаме во Тел Авив

За потсетување, во 2008 година, Тамара заедно со Врчак и Адријан Гаџа ја претставуваше Македонија на Евровозија во Белград, во 2004 година беше придружен вокал на Тоше Проески во Истанбул, а во 2014 придружен вокал на нејзината сестра Тијана Дапчевиќ во Данска.

По трагичната сообраќајна несреќа, Жељко Самарџиќ со видео и се обрати на Македонија: „Боже, дај им сила на семејствата на жртвите“ (ВИДЕО)

Антонио Димитриевски — Thu, 14 Feb 2019 12:09:23 +0000

По вчерашната сообраќана несреќа што вчера попладне се случи на автопатот Скопје - Тетово кај Карпалак, Владата на премиерот Зоран Заев прогласи дводневна жалост. Во тој контекст се откажани или поместени и сите спортски, забавни и културни активности, концерти, фестивали и манифестации што претстојниве денови требаше да се одржат, меѓу кои и концертот на српскиот пејач Жељко Самарџиќ, кој е презакажан за 23-ти февруари.

Во меѓувреме се огласи и самиот Жељко на социјалните мрежи со пост и видео на својот Инстаграм профил, во кое искажува големо жалење до семејствата на починатите за огромната загуба и изразува сочувство до нив, молејќи го Бога да им даде сила на семејствата на сите настрадани за да минат низ оваој кошмар.

Еве го неговото видеообраќање:

View this post on Instagram

A post shared by Željko Samardžić (@zeljko_samardzic) on Feb 14, 2019 at 1:52am PST