обложување – Вистина.мк

АСОМ со писмо до пратениците: Заштитете го сопствениот народ, не работете во корист на скриени владини интереси

Дејан Донев — Tue, 31 Oct 2023 09:55:08 +0000

Кажете СТОП на неевропскиот и неуставен предлог Закон за игри на среќа и заштитете го сопствениот народ, порача Асоцијацијата на спортски обложувалници на Македонија (АСОМ), во писмото кое го упати до пратениците од Комисијата за европски прашања.

„Предупредуваме дека овој закон ќе донесе катастрофални последици за целото општество со тоа што повеќе од 10.000 директно вработени и 54.000 индиректни работници ќе останат без приход и работа. Станува збор за ваши сограѓани чија поддршка во изборниот процес сите ја баравте ветувајќи подобри услови за живот во нашата земја. Сега овие луѓе кои плаќаат кредити, ја планираат својата иднина и иднината на своите деца, ќе бидат оставени без приходи во време на инфлација и економска криза.“- истакнува АСОМ.

Во писмото Асоцијацијата посочува дека новите предлог- измени ќе предизвикаат непоправливи економски штети за целата држава бидејќи ќе придонесат за затворање на една важна индустрија, која во буџетот годишно носи прилив од над 280 милиони евра. Се истакнува дека апсолутно се неприфатливи предлог измените кои предвидуваат дислокација на објектите, забрана за приредување игри на среќа на интернет за лиценцираните приредувачи, како и зголемување на давачките и надоместоците.

„Веруваме дека и самите вие сте свесни дека местото на овој закон не е во Комисијата за европски прашања и дека се прави сѐ овој неевропски закон насила да се избутка. Дека нашиот став е издржан и правилен укажува и фактот што вие како Комисија за европски прашања при Собранието на РСМ во заклучокот од одржаната седница по предлог текстот на законот му укажувате на Собранието посебно да го оцени аспектот за усогласеноста со ЕУ легислативата.“- потенцираат од АСОМ.

Од АСОМ посочуваат дека Собранието на РСМ нема преземено обврска за усогласување со препораките на ЕУ, па од таа причина означувањето на предлог текстот на законот со ЕУ знаменце е со целосна спротивност и со усвоените акти на Собранието за преземената обврската за усогласување со ЕУ легислативата.

„Ве повикуваме вас како Комисија за европски прашања да ги заштитите граѓаните на оваа земја и да го отфрлите овој закон кој е фатален, ја стимулира сивата економија и поттикнува криминални активности, што се покажа како пример во нашето соседство. Живееме во демократска земја во која на недемократски начин насилно се турка предлог законот кој е создаден без дебата и без консултација со претставниците на игри на среќа, далеку од очите на јавноста без да се земе во предвид мислењето на експертите и познавачите на индустријата. Немојте да бидете дел од овој заговор и немојте да поднесете одговорност за донесувањето на закон кој не е во корист на нашата земја.“- велат од АСОМ.

Во писмото Асоцијацијата предупредува дека овој закон веднаш штом ќе стапи на сила ќе донесе катастрофални последици за вработените во индустријата на игри на среќа, и ги повикува пратениците да не бидат заложници на нечии интереси, да реагираат на време и да ги заштитат граѓаните кои им ја доделиле сопствената доверба.

„Во повеќе наврати повторивме дека бараме итно повлекување на законот, формирање на заедничка работна група од експерти, претставници на индустријата и Владата за носење на нов европски и функционален закон, но наидовме на молк.“- истакнуваат од АСОМ.

АСОМ во писмото јасно посочува дека нивен интерес е самата индустрија да напредува, играчите и малолетниците да се заштитени и едуцирани, а легислативата да се европеизира.

„Апелираме до вас да имате слух за нашите барања и вашата одлука во врска со овој закон да ја донесете врз база на факти, раководејќи се од поривот да направите добро за граѓаните кои ги претставувате, а не да работите во корист на скриени владини интереси.“

Асоцијацијата во писмото потсети на нивниот предупредувачки собир пред Собранието преку кој покажува колку се сериозни во своите намери да се спречи носењето на штетниот предлог закон.

АСОМ: Подготвени сме за масовни протести и борба за нашите права и егзистенција

Дејан Донев — Thu, 05 Oct 2023 12:34:45 +0000

Доколку Владата остане глува на нашите апели подготвени сме да излеземе на масовни протести со цел да се бориме за нашите права и егзистенција, порачаа од Асоцијацијата на спортски обложувалници (АСОМ) на денешната прес-конференција пред Владата на РСМ. Асоцијацијата пред Владата уште еднаш јавно го повтори својот став дека владината одлука за отпочнување на постапка за основање на три нови друштва за приредување интернет игри на среќа е незаконска и дискриминирачка за домашните лиценцирани компании и ги истакна своите барања.

„Без исклучок бараме: да се донесат подзаконските акти кои цела деценија се држат во фиока за домашните компании согласно актуелниот закон да може да приредуваат игри на среќа и реално да се либерализира пазарот, да се поништи незаконската владина одлука која претставува сериозна закана за домашните лиценцирани приредувачи на игри на среќа и итно да се вклучат сите засегнати страни во креирање на сите следни одлуки поврзани со индустријата.“- порача претседателот на АСОМ Васко Илијевски.

АСОМ информираше дека поседува информација дека на Комисијата за европски прашања во Собранието насила ќе се обиде да се истурка новиот предлог Закон за игри на среќа, кој значи крај на легалната индустрија на игри на среќа, што во никој случај нема да го дозволи.

„Нема да стоиме мирно и да гледаме како Владата врши упад во бизнисот со игрите на среќа свесно ставајќи клуч на врата на една легална индустрија, која во буџетот годишно носи прилив од 280 милиони евра и вработува над 10.000 лица.“- истакна Илијевски.

Стоејќи пред Владата од Асоцијацијата јавно потврдија дека ниту една членка на АСОМ, Асоцијација во која членуваат над 95 проценти од претставниците на обложувалниците во земјава нема да учествува на незаконскиот однапред договорен тендер кој го објави Државна лотарија за избор на правни лица заради доделување договор за заедничко вложување во интернет игрите на среќа во коишто доминантно учество со 51 % ќе има Државна лотарија.

„Пежо 3008“ за најдобрите двајца типувачи на Sport Life!

Дејан Донев — Wed, 14 Jul 2021 09:47:53 +0000

Натпреварот на Sport Life –„Двојна шанса за Peugeot 3008” траеше нешто повеќе од 2 месеци, а на најуспешните првопласирани типувачи им донесе по еден СУВ од марката „пежо 3008“. Лојалноста и редовноста во игрите му се исплатеше на Трајан Јордановски од Струга кој го оствари највисокиот вкупен погоден коефициент на тикет, за главната премија – „пежо 3008“. Вториот победник и освојувач на другото пежо од „Двојна шанса“ е Сашко Јанковски од Делчево, кој исто така погоди највисок вкупен коефициент, но во конкуренција на тикетите со еден промашен натпревар. Со само 20 денари влог, добитникот од Струга успеа да освои добивка од 281.314 денари, најголема досега за него, и да оствари највисока добитна квота од 14.065,69 за главната премија „пежо 3008“.

„На уплатното место каде што го креирав добитниот тикет кој ми го донесе „џипот“, го имав уплатено второто ливче воопшто. Беше тоа во летото 2005 година кога првпат се отвори локалот, што значи дека сум еден од најредовните обложувачи, ако не и најредовен. Претходно бев во игра со тикет со добивка од 1,5 милион денари, но паднав на „кец“ во дербито меѓу Барселона и Атлетико. Не изгубив надеж, па среќата ми се насмевна кога ставив минимален влог.“, ни раскажа Трајан.

Како редовен играч, тој учествувал и во типстер купот од минатата сезона кога се доделуваше стан на Водно. Тогаш бил многу блиску до целта, но без успех. Сепак, не се откажал и продолжил да учествува во игрите на Sport Life. Оваа сезона, лојалноста му се исплати двојно. Покрај паричната добивка од околу 4500 евра си понесе и клуч од пежото 3008. Вториот добитник, Сашко Јанковски од Делчево беше најдобар во категоријата на тикети со еден промашен пар. Toj, уште на почеток од натпреварот составил тикет со коефициент од 635.212,05, но добивката од неверојатни 2,5 милиони денари му избегала поради еден гол. Имено, дуелот меѓу Баер Леверкузен и Келн, на кој типувал ГГ3+, завршил со резултат 3:0 и го оставил нашиот играч без рекордна добивка, но сепак со адекватна замена.

„Ќе ми беше тоа најголема добивка, бидејќи досега сум немал добитен тикет со повеќе од 60.000 денари. Но, и вака е добро“, вели Сашко, кој учествувал во сите досегашни акции на Sport Life. Неговата порака до останатите обложувачи е: „кој игра тој и добива“, што значи дека треба да се биде упорен, но воедно и да се игра одговорно.

Покрај честитките, на двајцата најуспешни типувачи, Sport Life им посакува многу среќа и добивки и во иднина, бидејќи Sport Life постојано воведува нови акции, со интересни игри и атрактивни добивки. Најновите информации следете ги на www.sportlife.com.mk

Две главни премии – Пежо 3008 од Sport Life

Дејан Донев — Fri, 02 Apr 2021 13:12:40 +0000

Новиот натпревар на Sport Life –„Двојна шанса за Peugeot 3008”, на типувачите ќе им донесе две главни премии. Кои ќе бидат играчите коишто ќе ги возат двете СУВ возила од марката Пежо 3008, ќе видиме на крајот од натпреварот кој ќе се одвива од 26-ти март до 29-ти мај. Главните премии се наменети за двајцата најдобри типувачи. Едното возило ќе го освои играчот со погоден најголем вкупен коефициент на тикет со натпревари од посебната акциска понуда, а другото возило е за играчот кој исто така ќе има најголем погоден вкупен коефициент, но од тикетите со еден промашен пар. Оттука, играчите на Sport Life сега имаат двојна шанса за освојување на главната премија. Со погоден или со „промашен“ тикет можат да се натпреваруваат и да освојат нов СУВ – Пежо 3008. Сè што е потребно е да се зачленети во СЛ клубот и да одиграат најмалку 4 натпревари од акциската понуда која ќе биде посебно означена под „Двојна шанса“ во билтенот и на вебсајтот на Sport Life . Минималната уплата на тикет е 20 денари, а максималната исплата на тикет е 10.000.000 денари. Притоа, важат само несистемските тикети, односно тикетите со една комбинација. Со тикетите од овој натпревар (со натпреварите од посебната акциска понуда) се добиваат и поени за Типстер купот и право на другите програми на СЛ клубот, како Втора кеш шанса, Поени за СЛ Маркет и Поени за лојалност. За сите подетални информации за натпреварот може да се информирате на следниот ЛИНК и на вебсајтот на Sport Life, каде што ќе биде истакната редовно ранг-листата на најдобрите натпреварувачи.

Сo пет пара си „фати“ милионче! Нов милионер на Sport Life во Тетово

Дејан Донев — Wed, 03 Mar 2021 13:45:01 +0000

Одличен викенд за играчот на Sport Life во Тетово. Со само 5 погодени пара на тикетот и тој се запиша во клубот на „милионери“ на Sport Life. За оваа атрактивна и висока седумцифрена добивка, петте пара на тикетот биле со вкупен коефициент 257, а влогот изнесувал 3.900 денари. Сите пет натпревари на кои се обложил биле одиграни во саботата, во термини од 14 и од 16 часот, а комбинацијата била по два меча од Германија и од Англија и еден од Суперлигата на Турција. Првиот пар - Динамо Дрезден со два брзи гола во последните шест минути од првиот дел најавил победа против Инголштад, на крајот и убедлива со 4:0, за фатен тип 1-1, со квота од 4.75 во Sport Life. Вториот германски меч на добитниот тикет е од пониските лиги во Германија, а се чекало двојка на дуелот меѓу втората екипа на Борусија Менхенгладбах против Алеманија Ахен. Двоен стрелец за гостите бил Огузан Ајдоган, по еден во двете полувремиња за триумф на гостите од 1:2 и фатена двојка со коефициент од 2.60. Врв на добитниот тикет е мајсторски одиграниот тип Х-Х на дуелот во Турција меѓу Анталијаспор и шампионот Башакшехир, кој меч завршил без голови. Двата преостанати натпревари во Англија од 16 часот, биле одиграни со единици на Барнсли против Милвол (2,18 коефициент) и на Мансфилд со Моркамб (2,30 коефициент). И двата нашиот играч ги погодил-Барнсли прослави против Милвол со 2:1 и Мансфилд со триумф од 1:0 против Моркамб ги освои бодовите и воедно ја запечати добивката од еден милион денари во Тетово.

Зачлени се во СЛ клубот на Спорт Лајф и играј за два автомобили

Дејан Донев — Wed, 26 Sep 2018 11:44:10 +0000

Со стартот на Типстер купот, најуспешните типувачи, членови на Спорт Лајф клубот, секој месец, сè до јуни наредната година ќе се натпреваруваат и освојуваат подароци, а за најдобрите обезбедени се 2 автомобила. Новина оваа сезона е воведувањето на 2 етапи – есенска и пролетна, а на крајот од секоја етапа следува финале со првопласираните од сите обложувалници на Спорт Лајф од претходните месеци. Во зависност од рангирањето и освоените поени, обезбедени се подароци за првопласираните играчи на месечно ниво, а за секоја од финалните фази обезбеден е автомобил Peugeot 308. Есенската етапа, која започна на 1-ви септември, ќе трае до крајот на оваа година, а финалето ќе се одвива од 10-ти јануари до 31-ви јануари 2019 година. Пролетната етапа продолжува од 1-ви февруари до 30-ти мај 2019 година, со финале од 10-ти јуни до 30-ти јуни 2019 година. Ова е веќе 8-ма сезона на овој натпревар, во кој сите оние кои ќе се зачленат или се членови во Спорт Лајф Клубот се натпреваруваат со своите веќе уплатени тикети, без разлика дали се погодени или промашени, т.е. оној кој е поуспешен во типувањето, се рангира повисоко. Членовите на СЛ клубот навистина добиваат најмногу.