обложувалници – Вистина.мк

Кој според обложувалниците има најголема шанса за победа на годинешниот Евросонг?

Слободанка Илиева — Thu, 04 May 2023 11:46:36 +0000

Овогодишното издание на Евросонг ќе се одржи од 9-ти до 13-ти мај во Ливерпул, а многу фанови на овој музички натпревар се обложуваат кој ќе победи. Според моменталната состојба на обложувалниците, шведската пејачка Лорин со песната „Tattoo“ има најголема шанса за победа (46 отсто). Таа во 2012 година победи на тогашната Евровизија која се одржа во Баку, со песната „Euphoria“. Лорин беше тогаш единствената учесничка која ги поддржа азербејџанските активисти за човекови права и изјави пред новинарите дека човековите права во Азербејџан се кршат секој ден и дека за таквите нешта не треба да се молчи. Портпаролот на владата на Азербејџан наведе дека натпреварот не треба да се политизира и од организаторите на Евросонг побара да се спречат такви состаноци. Шведските дипломати одговорија дека Лорин не постапила против правилата на Евросонг. Лорин во 2017 година во една емисија откри дека е бисексуална, а во меѓувреме стана и миленичка на ЛГБТ заедницата. Во една прилика, пејачката раскажа дека тие се главните „виновници“ за нејзиниот голем успех во музичката индустрија. На второ место, како што пишува „Eurovision World“, е финскиот рапер Каарија и песната „Cha Cha Cha“. Тој има 15 отсто шанси за победа. Самостојно издава своја музика до 2017 година, кога потпишал договор со издавачката куќа „Monsp Records“. По тоа, го објави двојниот сингл „Koppi Tules/Nou Roblem’“, EP со наслов „Pelia“, а деби албумот „Fantastista“ го сними во 2020 година. На третото место според обложувалниците, се наоѓа украинското дуо „Tvorchi“ со песната „Heart of Steel“. Тие имаат 6 отсто шанси за победа. Пејачот Андриј Хутсулијак порача претходно дека ќе даде сè од себе за да ја претстават Украина на достоинствен начин. фото: Eurovision Song Contest 2023 – first stage renders BBC/eurovision.tv

Украина и годинава најсериозен кандидат за победа на „Евровизија“: Дуото „Творчи“ и нивното „Челично срце“ убедливо водат на обложувалниците

Антонио Димитриевски — Tue, 31 Jan 2023 13:36:20 +0000

Украина пред повеќе од еден месец го избра својот претставник на Евровизија 2023, а оваа година натпреварот се одржа во засолниште во метро станицата во Киев, а се натпреваруваа десет песни. Електронското дуо – Творчи ќе се натпреварува во името на оваа земја во Ливерпул со песната „Heart of Steel“.

View this post on Instagram

A post shared by TVORCHI (@tvorchi_official)

Во текот на февруари повеќето европски земји ќе избираат свои претставници за Евровизија. Досега само Холандија, Израел, Белгија, Албанија и Украина избраа песни кои ќе ги претставуваат, а Словенија и Кипар го избран само претставникот кој ќе ги претставува, а допрва се работи на изборот на песна. Но и покрај тоа, на четири месеци пред почетокот на Евровизија, обложувалниците се веќе отворени, а Украина на нив и годинава убедливо води. Обложувалниците на украинсите претставници „Тврочи“ и песната „Челично срце“ им даваат дури 16% шанси за победа, иако повеќето од песните сè уште не се познати. Шведска, која сè уште нема избрано свој претставник и песна, има импресивни 10% шанси за победа. Евровизија ќе се одржи во Ливерпул во мај. Вака звучат Украинците „Творчи“ и нивното „Челично срце“ (КЛИКНИ ТУКА):

Високи 10% е уделот на спортските обложувалници во вкупно собраниот данок на личен доход во државата

Валентина Стојановска — Fri, 12 Feb 2021 17:20:39 +0000

Уделот на спортските обложувалници во земјава во вкупно собраниот данок на личен доход во државната каса изнесува речиси 10%. Високите 10% се заради фактот што данокот во спортските обложувалници се наплатува од секоја остварена добивка на играчите. Останатите приредувачи на игри на среќа, овој данок го плаќаат само за одредени категории на добивки, како на пример џекпот. Приредувачите на игрите на среќа се единствените кои не беа опфатени со измените на Законот за данок на личен доход кога беше направена и корекција во висината на износот. За сите останати дејности данокот беше намален на 10%, единствено кај добивките од игрите на среќа остана непроменет и се задржа на 15%. Игрите на среќа во кои влегуваат и спортските обложувалници во земјава имаат значаен социо-економски придонес по сите основи на своето работење. Република Северна Македонија и во моментов има највисоки даноци за игрите на среќа во Европа. Преку даноците кои ги плаќаат, приредувачите на игрите на среќа придонесуваат со вкупно 4% удел во бруто-домашниот производ или повеќе од 250 милиони евра по сите основи. Целата стопанска гранка вработува повеќе од 8.000 луѓе, кои одржуваат уште речиси 54.000 работни места во други дејности. Оваа стопанска гранка, влијае и врз развојот и зголемување на обемот на производство на своите добавувачи, по основ на набавки на роба и услуги. Овие средства воглавно се слеваат во компаниите за производство и продажба на мебел, компјутерска и телекомуникациска опрема, развој на софтвер, набавка и одржување на возниот парк и слично.

Sport Life воведе и онлајн обложување

Дејан Донев — Mon, 18 May 2020 11:39:36 +0000

Од 15 мај стартуваше онлајн обложувањето на Sport Life обложувалниците. Играчите кои ќе се регистрираат ќе можат да се обложуваат преку интернет платформата на Sport Life. Овозможен е едноставен, лесен и што е најважно сигурен пристап на сајтот на Sport Life обложувалници, кој што и досега беше репер за број еден сајт за спортско обложување во Македонија. Љубителите на спортското обложување ќе можат да ги користат предностите на онлајн обложувањето, со тоа што сега ќе имаат можност да ги уплаќаат своите тикети кога сакаат, директно од своите домови, преку своите телефонски, компјутерски или другите слични уреди. Правилата на игра се целосно усогласени и прилагодени, со што на играчите им се понудени и овозможени поедноставни чекори за игра, како и начин на уплата и исплата на своите средства. Потребно е само да се регистрирате на сајтот на Sport Life и да уплатите средства на својата корисничка сметка. Принципот на работа во прво време ќе се одвива со уплата на средствата преку e–banking, директно во банка или пошта, а истите во зависност од времето на уплата на средствата, односно направената трансакција, ќе може да се користат истиот или наредниот ден за обложување преку корисничкиот профил на интернет платформата на Sport Life. Плаќањето со платежни картички се очекува да започне во периодот што следи, со што уплатените средства ќе им бидат веднаш достапни на играчите за обложување. Сите потребни информации и детали за онлајн обложувањето и начинот на регистрирање можете да ги најдете на www.sportlife.com.mk Следете нè за повеќе изненадувања и можности.

Обложувалниците веќе го имаат победникот на претстојната Евровизија во Ротердам (видео)

Слободанка Илиева — Sun, 01 Mar 2020 07:14:25 +0000

Иако се уште не се познати натпреварувачите на сите земји кои учествуваат на Евровизија, обложувањата се веќе отворени и започна нагодувањето за победникот на 65-от по ред музички натпревар. Според веб-страницата „Еurosvisionworld“, која ги собира сите квоти од обложувалниците,веќе има понуда кој ќе победни на Евровизија. Победува Литванија! Актуелен фаворит за победникот на Евровизија е Литванија, земја која никогаш не постигнала значаен резултат на ова натпреварување. Литванија во Ротердам оваа година ќе ја претставува групата „The Roop“ од Вилнус, а ќе ја изведе песната „On Fire“, која веќе има повеќе од два милиони прегледи на официјалниот канал Евровизија. Преслушајте:

Обложувалниците вријат- еве кои имиња се во игра за новиот британски принц

Ивана Стојанова — Wed, 25 Apr 2018 11:34:02 +0000

Веднаш по раѓањето на вториот син на Вилијам и Кејт, британските обложувалници почнаа да прифаќаат облози во врска со името на бебето. Меѓу најспомнуваните имиња се: Артур, Алберт и Филип. Како што пренесуваат лондонските медиуми, најверојатно престолонаследникот и неговата сопруга ќе ја испочитуваат традицијата, и за своето трето дете ќе одберат име од историјата на кралското семејство. Познавачи и извори блиски до кралската куќа, сепак, тврдат дека детето многу веројатно може да биде крстено на некој од семејството на Кејт Мидлтон. Синот првенец на кралската двојка се вика Џорџ, а помалата ќерка – Шарлот – имиња поврзани со кралското семејство. Најпопуларни машки имиња годинава во Велика Британија, се Лијам, Ноа, Логан и Оливер.