Ако времето надвор не ви е погодено, се надвиле темни облаци, а денот е како да го проголтал мракот, тоа сигурно значи дека Снеже Велков не се фатила за… стапот!? (ФОТО)

Антонио Димитриевски — Fri, 17 Nov 2023 10:32:20 +0000

Македонската ТВ водителка и екс-фитнес инструкторка, Снеже Велков откако се врати на ТВ екраните вежба само за своја душа. Но, колку и да вежба, нејзина здрава навика и секојдневна рутина која никако не ја запоставува е нејзиниот велосипед кој и е при рака во секое време, особено за добро утро. Освен ако по утрото денот се познава дека нема да го бива. Арно ама и за тоа итрата Снеже има решение... Облаците можеби се надвиснале над македонската престолнина, ама водителката има тајна формула како да ги растера. Веднаш да се разбереме, не пука градобијни ракети од балкон, туку Снеже има своја „вуду магија“... Свој ритуал како одново сонцето да го искачи највисоко, на небесниот пиедестал. Старите оддамна кажале дека „стравот лозјето го чува“, па така и Снеже реши облаците да ги исплаши. И водителката наместо да се нервира, да ја боли глава и да пие апче, веднаш се фати за... „волшебното стапче“! Ем и се најде при вежбањето, ем на облаците им наби страв во коски, па за миг фатија „усвит“ и наместо нив... ете ти го сонцето! Или како што би рекла и самата Снеже Велков: „Земав да растерувам облаците со стапов и ете ти сонце“! Арно ама, тоа беше вчера, а денес...? А и секој друг ден, ако видите дека времето надвор не ви е погодено, се надвиле темни облаци, а денот е како да го проголтал мракот, тоа сигурно значи дека Снеже Велков не се фатила... за стапот!? Фото: Инстаграм/velkovsneze

Дунавка „леташе во облаци“ и кога дојде ред да се сврши: Функционерот ја запроси манекенката во авион! (ФОТО)

Антонио Димитриевски — Mon, 17 Aug 2020 13:25:45 +0000

Манекенката Дунавка Трифуновска ќе се мажи! Екс директорот на Агенцијата за спречување перење пари Ване Цветанов ја побарал раката во авион, на враќање од одморот од Турција, објави „ммс.мк“. „Јас проценив дека си жената на мојот живот, дали сакаш да го поминеш животот со мене“ и рекол Ване кога ја запросил.

Јас реков ДА и додадов: Овој прстен да ти биде последен, вели Дунавка.

Таа не сакаше да открие колку чини дијамантскиот прстен, а најави дека по ова следуваат плановите за свадба, која нема да биде вообичаена, туку во фази, открива манекенката. Нејзиниот свршеник вели дека најсилна врска меѓу нив е зрелоста, благодарение на искуството што го имаат во животот и во љубовта.

Зрелоста, тоа што и двајцата знаеме што сакаме. И искреноста. Досега сме искрени сосема и функционираме. Тоа се оние темели кои направија таа почетна хемија, која беше видлива, да прерасне во голема љубов. Бидејки едно е страст и хемија, друго е љубов и длабочина. Премногу бргу ги раздвиживме нештата за да ги најдеме фрекфенциите помеѓу нас. Многу важен беше нашиот поглед на светот и вредносниот систем кој ни е многу сличен, бидејки и двајцата , секој во својата област важиме за контравезни. Но, она кое што го перцепира јавноста за нас е многу различно од она што сме. Тоа не врза силно и овозможи една искрена и длабока љубов, откри Ване. https://arhiva.vistina.com.mk/radio-mileva/dunavka-aptekarka-si-najde-srodna-dusha-vo-vane-cvetanov-kontroverznata-manekenka-i-nadzorniot-revizor-se-vo-ljubov-foto/

Дунавка претходно го отвори срцето за поранешниот директор на финансовата полиција и в.д. претседател на Советот за унапредување и надзор на ревизијата во Македонија, Ване Цветанов! Тие двајцата однеодамна се во љубовна врска и уживаа во нивниот прв заднички одмор на море во Турција, што и едниот и другиот, јавно го обелоденија на социјалните мрежи, по што дојде запросувањето во авионот на 10.000 метри.

облаци – Вистина.мк

Дунавка „леташе во облаци“ и кога дојде ред да се сврши: Функционерот ја запроси манекенката во авион! (ФОТО)