облачно – Вистина.мк

Велешанката животот го живее со полни гради: Времето облачно, небото намуртено, ама вас „сонце ќе ве огрее“ кога ќе видите колку е секси Ноне (ВИДЕО)

Антонио Димитриевски — Tue, 26 Sep 2023 07:55:02 +0000

Македонската „џепна венера“, некогашната поп пејачка Нона Неделковска продолжува со своите патешествија по белиот свет. Преку седум мориња и океани, таа со својата работа на прекуокенските крузери и понатаму крстари, спојувајќи го убавото со корисното, уживањето со уносното…Иако работата на овие „морски џинови“ воопшто не е ниту лесна, ниту наивна, сепак е многу попристојно платена од мноштво професии дома. Особено сега, кога по години прекуокеанско искуство Ноне има титула менаџер на луксузните крузери. Така, по паузата и престојот во родниот Велес, најшетаната велешанка одново е на вода... Или барем на пат да биде, зашто Велес виа Скопје, па од македонската престолнина до Шпанија и југот на Италија... Токму таму во моментов е „закотвенаа“ нашата „малечка сирена“ која чекајќи да го продолжи своето ново патешествие најде време малку да здивне и проба да ужива во летните задоволства. Арно ама, летото и календарски туку што замина, па септември зане да биде прилично променлив и непредвидлив, па така овој пат времето на Ноне баш и не и се погоди за плажа. Дождливата Сицилија, поточно Катанија, вториот град по големина во Сицилија по Палермо и меѓу десетте најголеми градови во Италија не беше баш гостопримлив за велешката морепловка, која дождливиот ден ја спречи да види било што од убавиот стар град на југот на Италија. Арно ама цицлестата велешанка уште оддамна решила животот да го живее со полни гради, па затоа утредента одлучила дека ништо и не може да ја спречи да ја проба песочната плажа, овој пат во само навидум сончевата Малага, во Шпанија. Времето за жал и таму облачно, сонцето никаде го нема ниту оддалеку да пече, но тоа не ја поколеба Ноне да се соблече. Небото темно и намуртено, ама вас „сонце ќе ве огрее“ кога ќе видите колку е секси Ноне. А како да не е, онака испружена на лежелка во едноделен костим за капење од чие деколте извираат бујните природни облини, телесна дарба која на неа буквално доминира, додека со нејзината слатка, дискретна насмевка таа ве шармира! Иако можеби нема манекенски пропорции, факт е дека изгледа многу привлечно и неодоливо додека заводливо ги ниша колковите... А пред фактите - молчат и боговите!

View this post on Instagram

A post shared by Nona 🌸 (@nona.nedelkovska)

Фото: Инстаграм/nona.nedelkovska

Време: Облачно со сончеви периоди и јужен ветер

Антонио Димитриевски — Fri, 29 Jan 2021 08:40:50 +0000

Времето во Македонија ќе биде облачно со повеќе сончеви периоди во источните делови. Ќе дува слаб до умерен ветер од јужен правец. Во вечерните и ноќните часови ќе има повремени врнежи од дожд, а на планините и на некои повисоки места од снег. Во западните делови врнежите повремено ќе бидат поинтензивни и проследени со засилен југозападен ветер. Минималната температура ќе биде во интервал од -7 до -1, а максималната ќе достигне од 5 до 11 степени. Во Скопје прoменливо облачно со сончеви периоди и со слаб до умерен ветер од јужен правец. Во ноќните часови ќе има повремени врнежи од дожд. Минималната температура ќе се спушти до -3, а максималната ќе достигне до 7 степени. Во сабота претпладне ќе има повремени врнежи од дожд, а на планините и на некои повисоки места од снег. Во текот на денот ќе биде сончево со мала до умерена облачност и со слаб до умерен, а вдолж Повардарието засилен северозападен ветер. Потоа во следните денови времето ќе биде променливо облачно со повремени врнежи претежно од дожд, пообилни во недела попладне.

Променливо облачно со слаби врнежи од дожд и снег и засилен северен ветер

Антонио Димитриевски — Sat, 26 Jan 2019 09:05:40 +0000

Времето денеска ќе биде променливо облачно наместа со слаби врнежи од снег, а само во крајните југоисточни делови ќе бидат од дожд. Ќе дува умерен до засилен северен ветер. Утринската температура се движи од минус шест до два, а дневната од минус два до три степени. Во Скопје слично време, променливо облачно со слаби врнежи од сне и засилен северен ветер. Утринската температура се спушти до минус два, а дневната ќе достигне до нула степени.

Сообраќајот на државните патишта утринава се одвива по влажни коловози, со остатоци од кашест снег на коловозот. Дел од забраните за сообраќај на тешки товарни возила кои без воведени ноќеска се укинати, дел остануваат на сила, информираат од Македонија Пат. Снегот што врнеше сношти и ноќеска предизвика проблеми во сообраќајот, особено на планиниските превои, каде беа воведени забрани за движење на тешки товарни возила. Утрово од 06:40 часот е укината забраната на патниот правец Велес-Катланово, од 07:15 часот на патниот правец Крива Паланка – Деве Баир , а од 07:10 часот е укината и забраната за сообраќај на тешки товарни возила и на планинските превои Ѓавато и Буково.

Забрани за тешки товарни возила има на патот Маврово – Дебар, Дебар – Струга, Кичево – Охрид преку планинскиот премин Пресека, крак Стража-Кичево, Македонски Брод – Прилеп преку планискиот премин Барбарас, Прилеп-Градско преку планнискиот премин Плетвар и Тетово-П.Шапка каде има забрана и за автобуси. На одредени патни правци кои поминуваат низ клисури и усеци можна е појава на поситни одрони. Од ЈП Македонија пат апелира на внимателно возење и прилагодување на брзината спрема условите на патот.