обичај – Вистина.мк

Божиќен обичај: Бакнеж под имела – ова е значењето

Слободанка Илиева — Tue, 02 Jan 2024 12:33:42 +0000

Забележувајќи дека лековитото растение цветало дури и на студ во зима, друидите верувале дека тоа ја симболизира виталноста на животот и може, на пр., да ја врати плодноста. Во светот постојат многу верувања и обичаи коишто се практикуваат на божиќните празници, а еден од нив е и бакнежот под имела како зимско растение и божиќен украс. Обично се верува дека овој празничен обичај потекнува од Велика Британија и САД, па се проширил низ светот, но за благотворноста на имелата се знаело и во древноста. Оваа билка се среќава и во нордиската митологија, келтските верувања и легенди, но и во хеленската, древнобалканската и римската медицина. Хелените и околните народи верувале дека имелата има лековити својства и ја користеле за лекување на, на пр. грчеви и болки кај слезината, но и воопшто – на сè, а Римјаните знаеле оти ова растение е лек за израстоци на кожата, пишува „Ридер’с дајџест“ (Reader’s Digest). Поврзаноста на билката со љубовта и романтиката се среќава кај убедувањата на келтските друиди. Забележувајќи дека лековитото растение цветало дури и на студ во зима, друидите верувале дека тоа ја симболизира виталноста на животот и може, на пр., да ја врати плодноста. Северните народи верувале дека боговите користеле имела за да го подигнат синот на богот Один – Балдур, од мртвите. Во скандинавската митологија, Один се поврзува со мудрост, исцелување, но и војни, битки, победа, па дури и смрт, а Балдур е бог на невиноста, убавината и чистотата. Откако тој воскреснал, мајката на Балдур – божицата на љубовта се заколнала дека ќе го бакне секој што ќе мине под имелата и така растението останало симбол на љубовта. Плодноста и љубовта се поврзуваат со растението и во 18. век, па се вклопило и во божиќните прослави. Се претпоставува дека традицијата на бакнување под имела ја почнале луѓето од пониската класа во Англија, а подоцна ја прифатиле и оние од повисоките класи. Некои велат дека двојката која ќе се бакне под имела треба да земат бобинка од имелата. Исто така, се вели дека одбивањето бакнеж под имела носи лоша среќа. извор: курир.мк фото:Freepik

На Прочка никако не заборавајте да го имате ова на трпезата за радост и добро расположение во домот

Слободанка Илиева — Fri, 24 Feb 2023 13:17:38 +0000

Во недела ни доаѓа големиот празник Прочка. На Прочка, според традицијата, помладиот бара прошка од постариот. Синот приоѓа кај таткото, братот кај брата си, ќерка кај мајка си, снаа кај свекрва, сестра кај сестра си и секој секому му вели: „Прости ми“, а тој одговара: „Простено да ти е од мене и од Бога“. Така прави секој кон секого, и машко и женско, помладиот кон постариот, но и постариот кон помладиот. За Прочка се прави заедничка вечера во семејството на која се запокладува со сирење и јајца. Вечерата завршува со амкање јајца за децата, што претставува детска радост и добро расположение. А вистинската смисла на сето тоа е дека пред постот, на последното јадење, запостуваме и ја затвораме устата со бело јајце и потоа, на Велигден ја отвораме и замрсуваме со црвено јајце. Мрсењето завршува во Белата недела, со бело јајце и пак започнува со јајце, но црвено – велигденско, на Велигден. Утредента, првиот ден по Прочка е чист понеделник кога постот веќе започнал. Тоа е првиот ден од големиот Велигденски пост. Чист понеделник е така именуван затоа што започнува нешето очистување со постот – духовно и телесно. извор:курир.мк

Емина Јаховиќ непрепознатлива: Во вакво издание не сте ја виделе досега- еве за што станува збор (фото)

Слободанка Илиева — Wed, 14 Dec 2022 13:13:50 +0000

Емина Јаховиќ никогаш не го криела своето потекло и секогаш нагласувала дека потекнува од Нови Пазар и дека е од исламска вероисповед, но никогаш јавно не ги почитувала верските обичаи кои ги обврзуваат жените да носат хиџаб, никаб или бурка. Меѓутоа, сега таа ги изненади сите. Имено, Емина објави фотографија на која се гледа како носи хиџаб, односно парче облека што и ја покрива главата, но не и лицето. Пејачката очигледно решила да го следи овој обичај, а имала и причина за тоа. Јаховиќ ја посети Медина, а бидејќи жените во овој дел на Саудиска Арабија се претежно покриени, пејачката очигледно сакала да ги почитува обичаите и да стави хиџаб. фото:Инстаграм принтскрин

Идната принцеза предизвика скандал: Она што го бара за венчавката досега не се случило во кралското семејство!

Слободанка Илиева — Thu, 04 Jan 2018 11:14:53 +0000

Меган Маркл во историјата ќе влезе како еден од најспецифичните членови на кралското семејство. Откако се цврши со принцот Хари, нејзиниот татко Томас Маркл изјави дека ќе му биде чест да ја испрати ќерка си на венчавката закажана на 19-ти мај во Виндзор замокот. Сега се појавија информации дека американската актерка сака да направи отстапка од традицијата и да ја праша својата мајка Дорија Регланд да ја испрати до олтарот.

-Слушнав дека Меган сака мајка и да ја испрати до олтарот, што ќе биде прекрасен момент, вели изворот и нагласува дека Маеган е доста блиска со мајка и, прихотерапевт и јога инструктор. Откога се дозна за врската на Меган и Хари, таа повеќепати е видена во јавност со Дорија, додека со татка си не е видена ниеднаш досега.

Ова е сигурно најбизарниот обичај: Погледнете на што се подготвени Индијците за среќа и напредок!

Слободанка Илиева — Wed, 25 Oct 2017 10:29:46 +0000

Неодамна на интернет каналот Јутјуб се појави видео со незамислива сцена од Индија. Во прилогот се прикажува бизарен обичај кој е снимен во еден индиски град, а кој запрепасти сите што го видоа. Десетина мажи доброволно се прегазени од стампедо крави кои минуваат врз нив. На овој начин се обидуваат да и причестат на светата крава, а за возврат принесуваат жртва со тоа што легнуваат, и со тоа очекуваат напредок и среќа. Овој дел од обредот се случува на Хинду фестивалот. Иако се свесни дека животот им е загрозен, стотина мажи патуваат до местото за да учествуваат на овој обичај. Животните пред самиот ритуал се украсуваат со боја, ѓердани и к’на, а тогаш ги пуштаат слободно да трчаат низ улицата. https://www.youtube.com/watch?time_continue=43&v=WLZQqeIvZjQ