нуларица – Вистина.мк

Не, не е фотошоп… Тијана Дапчевиќ – ќелава: Во знак на револт и немоќ – бричена глава на нула! (ФОТО)

Антонио Димитриевски — Thu, 25 Mar 2021 08:59:12 +0000

На денешен ден 1999 година започна бомбардирањето на Србија. Многумина денес со голема тага се сеќаваат на тој момент и на следните 78 дена, колку што траеше бомбардирањето. Меѓу нив е и македонската пејачка Тијана Дапчевиќ, која живее и работи со години во Белград, која се огласи на својот Инстаграм профил. Имено, Тијана на споменатата социјална мрежа објави фотографија на која е фотографирана ќелава, а потоа на сите им објасни за што станува збор, зашто некои помислија дека се работи за фотошоп или некоја друга компјутерска фото апликација или ефект. „На денешен ден, во 1999 година, започна бомбардирањето, и од револт, од тага и немоќ да му помогнам на моето семејство во Србија, ја истрижав косата нан нула и ја избричив главата... Само гледаш на ТВ како некој фрла бомби на сите ваши… И немоќни сте ништо да направите. Никогаш повеќе да не се повтори“ - напиша Тијана во описот на фотографијата на споменатата социјална мрежа со која шокираше многумина. Фото: Инстаграм принтскрин/tijana.dapcevic

Непрепознатлив: Сергеј Трифуновиќ веќе не изгледа вака (ФОТО)

Антонио Димитриевски — Fri, 06 Jul 2018 13:00:05 +0000

46-годишниот актер Сергеј Трифуновиќ реши од корен да го смени својот изглед, па до корен ја потсрижа својата коса, народски кажано, „на нуларица“!

Со својот нов изглед актерот се пофали на социјалните мрежи, постирајќи фотографија на глисер, на која е во друштво на многу девојки. Дали со тоа сакаше да испрати скриена порака дека ваков, каков што е сега, жените многу повеќе го сакаат или фотографијата му е само заради „добро алиби“ за непромислениот потег?

Или пак Сергеј морал тоа да го направи за да ја згусне ретката коса која му е во се поочигледно опаѓање? Коментарите се различни. Што мислите Вие?

Манасков, Кузмановски и Столе се на фризура „кец“: Како ни тргнало, до крајот сите дома ќе се вратат „лустер“!

Антонио Димитриевски — Fri, 19 Jan 2018 08:10:00 +0000

Македонските ракометари „протрчаа“ низ квалификациската група во која завршивме први. Репрезентацијата со 3 бода оди понатаму, во елиминациската фаза, а во неа некои од нив влегоа со „елиминирана“ коса! Со потстрижана глава до „гола кожа“! Или што би рекле: фризура на „кец“!

„Жртви“ - Дејан Манасков, Филип Кузмановски и Стојанче Стоилов! Причината - меѓусебниот облог на ракометарите. Имено, интерно меѓу нив паднал облог, што би се случило доколку Македонија најпрвин ја победи и Црна Гора, а потоа и доколку го освои првото место во групата Ц!? Договорот бил, ако завршиме први, тројцата мораа да се потстрижат... „лустер“! Бидејќи облог си е облог - ветеното мора да се исполни!

Засега „нуларица“ се само Дејан, Фичо и Столе... Ама затоа има најава и за нови облози! Прашање е само кој е следниот што ќе добие нова фризура доколку Македонија обезбеди полуфинале. Дали тоа ќе биде Раул - „Ел команданте“, Кире или некој трет? Ама, како ни тргнало, лесно може да се случи до крајот сите дома да се вратат „лустер“!!!