новогодишна програма – Вистина.мк

Гол стомак и деколте до папок: Злата Петровиќ на снимањето на новогодишната емисија им го привлече вниманието на многумина (фото)

Слаѓана Атанасова — Thu, 22 Dec 2022 11:05:59 +0000

Пејачката Злата Петровиќ се појавила на снимањето на новогодишната програма, а нејзиниот стајлинг им го привлечевниманието на многумина. Злата Петровиќ, која со водителот Зоран Пејиќ Пеја го има синот Јован на кој е многу горда, блесна за време на снимањето на новогодишната програма. Откако нејзината колешка Ера Ојданиќ ги остави сите без зборови со автомобил од 80.000 евра, Злата ги распаметисите со својот изглед на прагот на седмата деценија. Пејачката за оваа пригода избра фустан кој повеќе открива отколку што покрива, а сето тоа го искомбинирала со скапа бунда. Станува збор за тесен долг светкав фустан, со шлицови на стомакот, поради што во преден план беа голиот стомак и нејзинато бујно деколте. За разлика од многу нејзини колешки, таа не подлегна на трендот на естетските корекции, а освен забите и веѓите, не смени ништо на себе. Многумина коментираат дека пејачката само со годините изгледа подобро, а ова нејзино издание е само доказ. Злата Петровиќ своевремено излегуваше со Саша Поповиќ, а неодамна и ја поддржа колешката Неда Украден, која во својата автобиографија ја опиша љубовта со поранешниот сопственик на Гранд, поради што тој се потресе бидејќи го нарече ни помалку ни повеќе туку „женкар“. Петровиќ тогаш рече - „Не направи ништо грдо за да го сокрие тоа, но не беше светец, да се разбереме... Се знае чие здолниште го бркаше и кого молеше“. Фото: Принтскрин/Антонио Ахел/Ата Имаџес

Новогодишна програма на МРТ: Сузана Спасовска, Влатко Стефановски, Ѓоко Танески, Дарио… во ,,Преспав”, и нови филмови од 2018 и 2019 година

Антонио Димитриевски — Thu, 31 Dec 2020 10:12:20 +0000

За дочекот на новогодишната ноќ, кога се актуелни препораките да се слави дома, извесно е дека најголемиот дел од граѓаните ќе ја поминат ноќта пред вклучен телевизор. Од националниот сервис МРТ откриваат дека за гледачите е подготвено празнично издание на хумористичната серија ,,Преспав” кое ќе се емитува на 31-ви декември. Останете дома за Нова година и празнувајте одговорно со ,,Преспав” на МРТ, порачаа од продукцијата, чија новогодишна епизода која ќе се емитува од 21 часот, па се до полноќ. Најавија музички гости, помеѓу кои Сузана Спасовска, Влатко Стефановски, Ѓоко Танески, Дарио… -И оваа година ,,Преспав” подготвува тричасовна Новогодишна програма со многу песни проткаени во самите дејствија, налик мјузикл, што ќе се емитува на 31.12.2020 со почеток во 21:00 часот на МРТ1. Во новогодишната епизода, пансионот се соочува со истите предизвици како и угостителскиот сектор во моментов, поради пандемијата, но сепак не се откажува од прославата и позитивниот дух. ,,Преспавци” како вистинска фамилија, самите ќе си приредат забава со многу песни и танцување, а ќе им се придружат и ѕвезди од македонската естрада, но преку лајф стриминг. Дел од музичките гости во новогодишното издание ќе бидат Влатко Стефановски, Дарио, Ѓоко Танески, Сузана Спасовска. – најавуваат од продукцијата. Од МРТ појаснуваат дека и редовните емисии се снимени во новогодишно издание. За децата следи новогодишно издание на 5+ фамилија, Дајте музика, а исто така програмата ќе била збогатена со популарни филмски наслови продуцирани во 2018 и 2019 година.

На Плоштад Македонија: „Улица на радоста“

Антонио Димитриевски — Mon, 18 Dec 2017 14:40:18 +0000

Град Скопје со радост ве поканува на „Улица на радоста“, од 23 до 31 декември, заедно да ја почувствуваме новогодишната магија и да споделиме радосни моменти со Дедо Мраз, Белата и Црната кралица, џуџињата и ангелите и новогодишната музичка парада.

На Плоштад Македонија ве очекуваме и на новогодишниот базар каде ќе можете да најдете необични новогодишни декорации, да вкусите интересна храна или да одберете подарок за најблиските. Не заборавајте да се сликате пред големата новогодишна елка! Повелете на Плоштад Македонија и уживајте во предновогодишната магија. Да ја дочекаме новата 2018 година со песна и радост!