новогодишна магија – Вистина.мк

Ноне како Карлеуша – цел авион празен само за неа: Велешката „Палешка“ одлета во „земјата на чудата“ (ФОТО)

Антонио Димитриевски — Sat, 24 Dec 2022 08:00:44 +0000

Нова година наближува, насекаде во светот ама не и во Македонија... Или барем така тоа изгледа, односно таква е атмосферата... Тмурна, некако сива, па дури и траорна, како да не е предновогодишна?! Почнувајќи од престолнината , па се до другите градови, со ретки исклучоци... И кога е китењето во прашање, а за сите придружни активности и шопинг манијата и да не зборуваме, зашто неа и да сакаме ја нема, на ваква сиромаштија. Затоа многумина од нас, оние барем кои можат тоа да си го дозволат се решаваат за новогодишен викенд надвор од Македонија, некаде по Европа. Чисто за да ја почувствуваат предновогодишната магија, да ја осетат еуфоријта, расположението, атмосферата, таа неподнослива убавина на предновогодишната и божиќна бајка, бегајќи од уште понеподносливата апатија на сивилото и безнадежноста во која за жал, живееме овде, дома. Така, секој што може, според можностите и длабочината на џебот, „фаќа џаде“ на средба со Дедо Мраз некаде по светот... Некој со автомобил, други со автобус, трети со воз, а некои и со авион... Меѓу сите нив на таков чекор се одлучи и таа, зашто најшетаната велешанка не може долго без авантура. Особено не без ваква, зимска, бајковита, предновогодишна, па затоа Ноне Неделковска се качи во авион и одлета. И тука не би било ништо чудно, да не е фотографијата која пред летот ја споделила... А на неа само таа и стјуердесите во авионот... Целиот празен, само за неа... Небаре е Карлеуша или некоја светска поп ѕвезда на приватен лет! Зошто и како - Ноне не објасни, ама затоа велешката „Палешка“ покажа каде (от)патува(ла)... Во светот на бајките или ако повеќе сакате, во земјата на чудата! Така барем изгледа амбиенот и атмосферата која Ноне ја споделила од Хамбург - Германија и нивниот божиќен маркет, каде центарот на градот е претворен во вистинска новогодишна бајка. Да „се смрзнеш“ од убавина... И Ноне... „се смрзна“! Иако не објасни дали е ова само нејзина предновогодишна викенд проштека заради задоволство или последната копнена дестинација во Европа на чие познато пристаниште „распената морепловка“ одново ќе се качи на еден од големите прекуокеански крузери за да работи и патува низ светот?! Фото: Инстаграм принтскрин/nona.nedelkovska

Ристе Ристески новогодишно ги украси и домот и дворот: Младата „Гранд ѕвезда“ и неговата сестра, направија куќата да блеска (ВИДЕО)

Антонио Димитриевски — Fri, 17 Dec 2021 10:39:38 +0000

Еден од најдобрите и најхаризматичните кандидати и единствениот македонски победник (2017) во „Ѕвездите на Гранд“, охриѓанецот Ристе Ристески по паузата во настапите и јавните појавувања што ја направи заради корона пандемијата, се враќа на сцената. Ристе веќ ги објави своите настапи за наовогодишните празници, а настапот за најлудата ноќ се' уште го чува во тајност иако најави дека наскоро ќе објави каде ќе ја дочека со свој настап Новата 2022 година. А, ако е Нова Година и атмосферата мора да биде новогодишна, па затоа пејачот се погрижи празнично да го украси свој дом и дворот. Елката се подразбира дека мора да биде накитена, особено ако истата е во бела боја, па на неа се' мора беспрекорно да светка, блеска, трепка и сјае... И на крајот најважниот од сите украси, ѕвездата на врвот, која делото го краси! Но Ристе не го украсувал домот сам, туку во китењето и новогодишната декорација му помагале оние од помладата генерација. Неговите две помали сестри Aнастасија и Марија кои со пејачот се партнери во се, па и во украсување и китење. Особено постарата од нив, која му помогна на брат и' новогодишните украси, лампиони и светилки да ги распоредат не само во домот, туку и во дворот. Од божиќното венче на влезната врата, преку сијаличките на оградата што ги дели со нивнит соседи... ...До зимзелените дрвореди од туји, што блеснаа во ноќта, кои ја покажаа сета моќ и магија на предновогодишната и божиќна атмосфера. Откако убаво се' украсија и направија божиќниот дух и празничната магија да влезат во дворот и куќата на младата „Гранд ѕвезда“, Ристе и семејството продолжија да ездат на брановите на нивната семејна хармонија, во која со најубави желби ќе ја дочекаат Новата 2022 година.

View this post on Instagram

A post shared by Riste Risteski (@riste_risteski)

Фото: Инстаграм принтскрин/riste_risteski

Новогодишна магија: Ѕирнете во празничниот амбиент во домот на Лила (фото)

Христина Ѓоргиевска — Mon, 21 Dec 2020 08:27:38 +0000

Ситно броиме до крајот на 2020-та година, а познатите ширум регионот и светот покажаа како изгледа нивниот дом во новогодишно руво. Иако, 2021-та ќе ја дочекаме без големи помпи и новогодишни прослави, сите се радуваме дека годината на коронавирусот кончено ќе заврши... Барем календарски! Познатите преку социјалните мрежи ги покажаа новогодишните елки, покажаа како изгледаат нивните домови за време на престојаните празници. https://arhiva.vistina.com.mk/radio-mileva/i-taa-se-prikluchi-vo-nizata-poznati-koi-ja-pokazaa-novogodishnata-elka-praznichno-i-svetkavo-vo-domot-na-karolina-gocheva-foto/ Meѓу нив и водителката Лила Филиповска. Имено, во нејзината последна објава на Инстаграм, таа ја покажа новогодишната елка украсена со лампиони и сајлички, ги покажа и останатите новогодишни декорации и украси кои прават нејзиниот дом да наликува на новогодишна бајка. Главна ѕвезда е и нејзиниот мачор Рагнер кој на видеото позира елката.

View this post on Instagram

A post shared by Lila (@lilafilipovska)

Нема сомнеж дека кога станува збор за Лила, се мора да изгледа фино, убаво и со вкус.

Пејачките го украсија својот дом: Беквалац и Илда накитија елки со розови лампиони, а дома кај Вики е како во шопинг мол (ФОТО)

Антонио Димитриевски — Thu, 17 Dec 2020 10:23:08 +0000

До Нова Годинао станаа само две недели и иако нема да има големи прослави, многумина со нетрпение ги очекуваат празниците кои ќе ги дочекаат дома, со своите семејства. Јавните личности, особено оние кои имаат мали деца, не се помалку возбудени, па затоа го искористија недостатокот на работа за да ја украсат елката со своите најмили, а заедно да го украсат и домот. Една од првите што го подготви својот дом за новогодишните празници е Наташа Беквалац, која уште во ноември ги извади украсите и започна да украсува. Во тоа и помогнаа нејзините ќерки, а со сигурност може да се каже дека елката на Ната е една од најубавите. Преовладуваат розови и сребрени лампиони и речиси да нема гранка на која нема украси. Фотографијата ја сподели на Инстаграм со порака. „Добро утро и среќна Нова 2021 година. Ви посакувам на сите да бидеме здрави. Би сакала повторно да ги гушнам мама и тато. Научивме многу, драга 2020 година, додека траеше, благодарам“ - напиша пејачката. Илда Шаулиќ оваа година играше со слични тонови, украсувајќи го својот дом на почетокот на декември, а то го стори порано заради нејзината наследничка, која како и секое дете, со нетрпение ги очекува новогодишните празници. Елката на пејачката изгледа како оние што ги гледаме на филм, а на неа доминираат розовите и бронзените тонови. Вики Миљковиќ, се обиде својот стан во „Белград на вода“ да го накити како шопинг мол - полн со украси и Дедо Мразовци... На нејзината елка доминираат црвената и златната боја, како и безброј шарени сијалички.