новогодишна еуфорија – Вистина.мк

Познатите Македонки во предновогодишна еуфорија пред претстојните празници: Разиграни, распени, насмеани и дарежливи „дадамразици“ (ФОТО+ВИДЕО)

Антонио Димитриевски — Sat, 30 Dec 2023 08:10:08 +0000

На чекор пред Нова Година, сакале или не, новогодишната еуфорија полека сите ги обзема. Сите нас, а можеби најмногу познатите личности кои ги користат овие денови за што подобро да се претстават себе си, уновчат својот пејачки или водителски талент или инфлуенсерските способности, за што периодот пред претстојните празници нуди најдобри погодности. Македонските јавни личности особено познатите Македонки воопшто не заостануваат зад ова непишано правило, па така и ним расположението пред „најлудата ноќ“ полека им зема залет, пред да ја достигне највисоката точка на еуфорија. Во меѓувреме, разиграни, распени, насмеани или како дарежливи „дадамразици“ ги преплавуваат социјалните мрежи пред претстојните празници! Татјана Лазаревска со сопругот Новица со години живеат во далечната Австралија, а таму Божиќ веќе пристигна, па затоа фолкерката во работна атмосфера и соодветен аутфит - таа како секси дадамразица, а тој како новогодишен ирвас, на сите им посакаа - „Мerry Chtistmas“! Александра Јанева годинава го смени статусот и од г-ца стана г-ѓа, ама го смени и имиџот пареши дпред Нова Година и таа да се престори во секси дадамразица. И тоа пред новогодишната елка за време на снимањето и гостувањето во една ТВ емисија. ТВ водителката Снеже Велков не се облече како дадамразица... Ама затоа новогодишно го украси целото студио, па реши да испозира и пред новогодишната елка, со по некое селфи или манекенска поза... Можеби ќе се најдат за некоја инфлуенсерска реклама, онака како што Снеже тоа знае да го прави на својот Инстаграм дискретно, ама затоа многу поконкретна е во во „Нешто конкретно“...

View this post on Instagram

A post shared by Нешто Конкретно (@nestokonkretno1)

Елена Ристеска ја искористи можноста во црвено фустанче до душа преку него иметната и со шарено џемперче, како дадамразица да ја најави својата новогодишна тезга. Настап со својот бенд ЕРА на плоштадот Македонија, на неколку дена пред Нова Година. Дали во истиот аутфит како распеана дадамразица ќе се појави на сцената, останува да почекаме да ја видиме Елена. Кога сме веќе кај пејачките, Калиопи не е налик на дадамразица, ама затоа го има најголемиот Дедо Мраз покрај себе... Ако не повеќе, барем на слика! Токму со џиновскиата фигура на најпосакуваниот дедо, голема „до небо“, македоската поп дива направи селфи како повод за честитка на сите оние кои го слават Божиќ според Грегоријанскиот календар. Божиќ е и во Словенија каде сега живее и работи некогашната новинарка и ТВ водителка на „ТВ магазинот од зад сцената - Бекстејџ“, Марија Петровска. Годинава Маца и нејзинот партнер, Словенецот Михаел за прв пат се остварија и како родители, па ова е прв Божиќ и на нивниот малечок ангел Домен. Тој незимерно му се радува на Дедо Мраз, а родителите на него... И секако, еден на друг! ТВ водителките разбирливо, секогаш мора да се тип-топ стокмени за пред камери... А кога е во прашање Нова Година, уште и повеќе, па во духот на празниците се облече и Вера Мештеровиќ. Настрана што е бивша мисица и манекенка на која се и прилега, овој пат Вера реши да покаже како изгледа како секси дадамразица од утринската програма, во светкаво црвено фустанче... Белото можеби ќе го чува за Божиќ. Ова црвеното повеќе прилега за Нова Година и рака на срце топ и стои на жената, освен... Да не заборави да ја извади етикетата со цената!

View this post on Instagram

A post shared by Body Line (@bodylineskopje)

Елена „Живот со стил“ Најдовски новогодишно променета дедомразовски. Во црвени светкави панталони и костум како и најпосакуваниот дедо на светот, а комлетот и оди со дарежливоста, зашто екс водителката ги сподели и своите новогодишни подароци. До душа во име на своите спонзори кои сега како инфлуенсерка ги рекламира, ама ако... Секогаш кога со нешто се наградува има и некој што ќе се радува... Седната во златната санка, во елегантен светкав фустан со длабок шлиц, со високи штикли и црни мрежести чорапи, оваа русокоса убавица одново покажа колку може да биде секси дадамразица, по која ќе се вртите и по стопати! Кога сме кај екс ТВ водителките, инфлуенсерството и новогодишните подароци, Миа Костова е секако неизоставна. Можеби не е класична дадамразица, но секако секси и тоа за обата пола. Кога сме веќе кај половите, русокосата овој пат е дарежлива како дедото кој доаѓа од северниот пол. Полни раце подароци за најбрзите прсти кои кликаат... А, потоа радоста и возбудата бликаат од добиениот подарок од дада Миа и телеком-операторот кој го рекламира најпознатата македонска инфлуенсерка, како на Дедо Мраз да му е несудена ќерка! И конечно колку за денес, уште една од најпознатите македонски ТВ водителки и инфлуенсерки, а дефинитивно најпознатата меѓу сите лото девојки. Секси секако, распеана и разиграна, русокосата убавица Марјана Станојковска во предновогодишно расположение ви праќа заводливи погледи, шармантни насмевки и сочни бакнежи во студените зимски денови од снежниот Копаоник. Налик на руска грофица со шубара на главата во мини фустанче, Марјана е дефинитивно секси мармаладно зимско девојче...

View this post on Instagram

A post shared by MARJANA STANOJKOVSKA (@marjanamay)

Фото: Социјални мрежи/ Инстаграм/ Фејсбук

Празници се ближат: Вака изгледа новогодишниот амбиент во домот на Милена Антовска, а еве по што ќе ја памети 2021 година

Христина Ѓоргиевска — Thu, 23 Dec 2021 07:49:44 +0000

Ситно броиме до крајот на 2021 и почетокот на 2022 година. Наближуваат Новогодишните и Божиќните празници, период кога се украсуваат домовите во новогодишно руво, кога семејствата се собираат, се купуваат подароци, се замислуваат желби.... Некои од познатите веќе го покажаа новогодишниот амбиент во домот. Македонската водителка Милена Антовска на својот „Инстаграм“ објави видео и ја покажа новогодишната елка. Имено, на снимката се гледа како сопругот на водителката Гордан и нивната ќеркичка Лана Марија ја китат елката на која преволадуваат бели бои, а на врвот има и ѕвездичка. Во интервју за „Женски магазин“, Антовска откри по што ќе ја памети 2021 година. - Годинава што изминува ќе ја паметам навистина по многу нешта. За жал и по лоши, но, за среќа и убави работи. Јас сум човек што секогаш ги дава и последните сили за се да биде добро и позитивно, така што веќе се обидувам да ги заборавам негативните моменти и сакам во меморијата да ми останат само позитивните ситуации. Секако оваа година за мене ја одбележа информацијата дека по втор пат сум бремена. Во новата година сакам само да се породам лесно, да ми се живи и здрави децата и секако сите мои блиски луѓе. Инаку, водителката е повторно бремена и наскоро ќе се реализира во улогата на мајка, а токму и поради тоа се повлече од ТВ екраните и ужива во трудничките денови. Во видеото подолу погледнете како изгледа празничната атмосфера во домот на Милена.

View this post on Instagram

A post shared by MILENA ANTOVSKA STANKOVSKA♑ (@milena_antovska)

фото: принтскрин/инстаграм/милена антовска

Во резиденциите на кралицата пристигна новогодишната декорација: Ѕирнете во познатите палати кои зрачат со празнична еуфорија (фото + видео)

Христина Ѓоргиевска — Thu, 09 Dec 2021 10:41:55 +0000

Кралицата Елизабета е воодушевена од празничниот дух кој владее уште од почетокот на декември. Палатата „ "Holyroodhouse" е една од резиденциите на кралицата Елизабета и нејзиното семејство во Шкотска воодушевија со празничната декорација која потсетува на најубавата новогодишна бајка, а тим од експерти и дизајнери на ентериер, со недели размислувале на кој начин тие да ја дочекаат 2022-ра година.

View this post on Instagram

A post shared by The Royal Family (@theroyalfamily)

Палатата е осветлена со свечени венци, украси, машни, сијалички, вклучително и новогодишна елка висока 15 метри во Големата галерија. Во трепезаријата може да се забележи маса исткаена со цвеќиња, венци и захаросани плодови. Палатата „Виндзор“ во која кралицата поминува најголем дел од времето исто така е украсена бајковито. Во видео е прикажана новогодишната еуфорија .

View this post on Instagram

A post shared by Royal Collection Trust (@royalcollectiontrust)

фото: Профимедиа

Кои хороскопски знаци не ја сакаат новогодишната еуфорија?

Христина Ѓоргиевска — Mon, 06 Dec 2021 13:45:46 +0000

Повеќето луѓе уживаат во новогодишната еуфорија и божикните празници, а некои луѓе по секоја цена би сакале да ги одбегнат. Ако погледнеме што ни кажуваат астролозите, и хороскопските знаци се некаков показател за тоа дали си имате работа со класичен Гринч.

Овен

Бидејќи Овенот сака да работи, празниците се пречка за него затоа што тогаш е принуден да земе слободни денови. Тој повеќе би сакал да ги искористи празниците правејќи нешто отколку да седи дома или да пече колачи. Ова може да го направи многу напнат кога е во друштво бидејќи, иако сите со нетрпение го очекуваат славјето, тој на сите им става јасно на знаење дека едвај чека да помине сезоната на празници.

Девица

Девиците се премногу критични кон себе и кон другите. Наместо да бидат возбудени за давањето и примањето подароци, тие постојано се грижат дали нивните подароци ќе бидат доволно добри. Исто така, тие сакаат да внимаваат на исхраната, па не можат да поднесат да ги гледаат членовите на нивното семејство како се прејадуваат за време на празниците. Нова година и Божик им создаваат премногу стрес, па повеќе би сакале да ги преспијат.

Вага

Празниците значат премногу бучава, што е неподносливо за Вагите. Бидејќи тие се стремат кон мир и хармонија во секојдневниот живот, тие не се чувствуваат добро кога премногу луѓе се заедно и затоа не ја сакаат новогодишната еуфорија.

Скорпија

Скорпиите ја мразат таинственоста, а во сезоната на празници често се случува да испливаат долго чувани семејни тајни. Кога тоа ќе се случи, Скорпиите можат да направат вистинска сцена и да им ја уништат празничната атмосфера на сите. Понекогаш дури одат дотаму што одбиваат да разговараат со членовите на семејството и постојано се за нешто налутени.

Водолија

Водолијата навистина ужива да биде сама. Повеќе би сакала да го поминува времето правејќи работи што ги сака отколку во друштво на семејството и роднините. Кога ќе дојде сезоната на празници, Водолијата ќе најде секаков изговор за да не мора да дојде на семејниот ручек или на канцелариската новогодишна забава. извор: Кајгана

Има се, може се: Аделина Тахири се подготви за Нова Година ама едвај се изнесе со украсите од продавницата – касиерките шашардисани!(фото)

Христина Ѓоргиевска — Fri, 22 Nov 2019 07:43:44 +0000

Oстанува нешто повеќе од еден месец до крајот на оваа и почетокот на следната година, а веќе започна да владее новогодишната атмосфера. Главниот град веќе е украсен, а во големите маркети и продавници веќе се продаваат новогодишни украси, елки, декорации. Оние кои ја слават Нова година веќе размислуваат каде ќе бидат за најлудата ноќ, а познатите јавни личности од светот на музика со месеци однапред го имаат закажано настапот за 31 декември. Новогодишна еуфорија и треска ја фати и албанската пејачка Аделина Тахири која наполни неколку колички со новогодишни украси. Имено, пејачката посети една специјализирана продавница каде купи се што и е потребно за Нова година, а во описот на својот „Инстаграм“ напиша: „подготвена“. За нејзиното подготвување, касиерките веројатно беа шашардисани од глетката бидејќи има полни раце работа. Исто така, Тахири во кратките пирказни на „Инстаграм“сподели фотографија од својата елка која веќе е накитена со разни лампиони, сијалички и новогодишни декорации, а под елката се и подароците. И македонската пејачка и придружниот вокал на Калиопи, Маја Саздановска се пофали дека веќе ја отворила новогодишната сезона. Кој е следниот кој ќе ја покаже елката останува да видиме.