Новогодишен концерт – Вистина.мк

Предновогодишен концерт на Ацо Пејовиќ во Скопје и големо изненадување за фановите

Антонио Димитриевски — Tue, 12 Sep 2023 07:16:37 +0000

Ацо Пејовиќ има специфична животна приказна. Таа приказна претставува остварување на големиот сон, но дури по долгиот и тежок пат низ кој морал да помине, за денес тоа да биде искуство кое се чувствува во неговите песни. Неговиот живот е далеку од совршен, но тој успева работите да ги прифати на вистински начин. Не е еден од оние кои себе си во медиумите ќе се претставува како голема ѕвезда чиј што живот е идеален. Не. Тој со себе носи порази и тага, разделби и болка, но и огромни успеси за кои отворено зборува. Го помина патот од дно, до голема популарност. И тоа е печат на неговиот живот, кариера и песни кои во последните неколку години го отсликаа неговиот живот, неговото срце и се она што во себе го носи. А да го отсликате портретот на Ацо Пејовиќ претставува вистински предизвик, особено кога тоа треба да го направите со зборови, емоција и анализа. Да успеете да го “отворите” човекот кој не е отворена книга, кој ги чува своите вредности на вистински начин, криејќи го својот живот далеку од очите на јавноста. Предизвик е и од причина што мора добро да се потрудите за да дојдете до вистинската нијанса на неговата личност и највпечатливата музичка боја. Не затоа што тој ги крие, напротив, затоа што неговата личност, карактер и талент постојано отвораат нови страници на неговата приказна, на кои читате нешто поинакво, можеби неочекувано, но со сигурност важно. Препознатлив, а свој. Тој е човек кој го сакате или не. Трето нема. Помеѓу тие факти стои неговиот успех. Неоспорен и докажан. А успеа уште многу одамна. И тој успех никој не може да му го земе, иако многумина се обидувале. Ацо Пејовиќ не се дава, ниту на годините, ниту пак на новите времиња, ниту солзите, ниту пак животот на кој многу му се радува. Неговото име и презиме се поим за успех, пример за остварување на својот сон, но и доказ дека оние 5 минути во животот не чекаат сите нас, доказ дека среќата трае исто толку, а ако успееме да ја препознаеме и задржиме, доаѓаме до она кон што сите копнееме – задоволство и мир. Ацо Пејовиќ тоа на време го сфати. Години подоцна и понатаму со насмевка на лицето, но со големо искуство, драгоцени вредности и приоритети во животот, повторно накратко прелета преку некои спомени со желба повторно да ја собере публиката и да ја потсети на некои времиња, емоции и песни. А тоа ќе го направи на 23-ти декември во „Арена Борис Трајковски“. Да, добро прочитавте. Ацо Пејовиќ доаѓа повторно во Скопје, традиционално, со голем предновогодишен концерт. Картите ќе бидат пуштени во продажба од утре и истите ќе имате можност да ги купите преку продажната мрежа на www.kupikarta.com Југотон и Розе Веро 2, а организаторите од „Balkan Media Production“ имаат изненадување за фановите. Најбрзите, односно првите 50 од вас кои ќе купат онлајн карта, ќе имаат можност да се дружат и фотографираат со Ацо Пејовиќ. Фото: Иван Наунов

Новогодишен концерт на „ЗЏМ Биг бенд“ и Луис Бонила во Македонската филхармонија

Антонио Димитриевски — Tue, 27 Dec 2022 13:35:11 +0000

На 28 декември (среда) во 20 часот во Македонска филхармонија ќе се одржи новогодишен концерт на ЗЏМ Биг бенд и Луис Бонила. Вистинско празнично уживање за љубителите на латино џез призвукот и познавачите на добриот џез вети Гоце Стевковски од Здружението на џез музичари на денешната прес-конференција и најави дека на концертот ќе има дополнително уште двајца гости, уметниците Дарко Бенчиќ од Хрватска, редовен член на Љубљанскиот биг бенд и Бојан Цветковиќ од Србија.

Сметаме дека ќе имаме фантастична можност да уживаме во една квалителна музика која вреди да се слушне, а изведбата ќе биде на врвно ниво. Бонила има навистина импресивна биографија позади него, доибитник е на награди, има свирено во бендови кои се навистина легендарни. Воопшто не е наивна целата ова случка околу концертот, најмногу поради тоа што е еден од малкуте сериозни тромбонисти на планетава во моментов, рече Стевковски.

Како што додаде тој, музиката што ќе биде изведена на концерот е по сите стандарди и е нешто што вреди да се чуе. Луис Бонила е реномиран американски џез тромбонист, по потекло од Костарика. Тој е повеќекратен добитник на Греми награди, продуцент, композитор, аранжер и професор. Низ плодната кариера на бројни изданија остварува соработки со некои од најголемите имиња во историјата на џезот: Вангард џез оркестра, Мингус биг бенд, Мекој Тајнер, Дизи Гилеспи, Лестер Боуви, Том Харел, Фреди Хабард, Аструд Гилберто, Вили Колон и Тошико Акијоши. Бонила напомена дека на програмата на концертот ќе има селекција од сите негови свирки, со фокус на латинската страна на џезот.

Во Македонија се чувствувам како дома. Ова е едно невообичаено место и уживам во посетата на оваа држава. Убаво е повторно да се биде тука. Овој концерт е важен чекор за креативноста и за музиката, бидејќи во оваа држава има многу талентирани музичари. После концертот најверојатно нема да ја паметите многу музиката, но ќе го запаметите чувството кое што сте го имале додека сте присуствувале на концертот, рече Бонила на прес-конференцијата.

На концерт на Нина Бадриќ беше запросена Нина (ФОТО)

Антонио Димитриевски — Wed, 05 Jan 2022 12:01:08 +0000

Хрватската поп ѕвезда Нина Бадриќ одржа концерт во Брчко за новогодишната ноќ. „Плоштадот на млади“ беше преполн со луѓе кои дојдоа со Нина да го прослават дочекот, а дел од атмосферата од настапот пејачката сподели на Инстаграм. Во еден момент, додека ја пееше песната „Денови и години“, на сцената и се придружи пар од публиката.Нина во прегратка со девојката ги пееше стиховите од својата песна, на сцената одеднаш се појави момче кое клекна зад девојката со кутувче врака, во кое имаше веренички прстен. Тогаш Нина полека ја сврти девојката кон него, а момчето ја запроси својата сакана.Кога публиката сфати што се случува, моментот го поздрави со силен аплауз и френетични овации. „Сношти е запросена една Нина. Кажа - ДА“ - напиша пејачката во описот на својата објава од овој романтичен чин кој се случи на нејзиниот новогодишан концерт.

View this post on Instagram

A post shared by Nina Badrić (@badrich)

Фото: Инстаграм принтскрин/badrich

Се бара влезници повеќе за новогодишниот концерт на Лозано во Битола!

Антонио Димитриевски — Wed, 29 Dec 2021 07:08:05 +0000

Како што повеќето од вас знаат, нашата најголема машка музичка ѕвезда, Влатко Лозаноски - Лозано за дочекот на најлудата ноќ ќе ги забавува битолчани. Популарниот Лозано ќе одржи тричасовен концерт во хотелот „Епинал“, еден од симболите на градот на конзулите. Покрај неговите најголеми хитови, пејачот ќе пее познати песни и од неговите најпопуларни колеги од регионот. Инаку, Влатко во Битола ќе настапи со неговиот бенд, а она што е важно да се спомене е тоа дека влезниците за овој настап се распродадоа за само неколку дена по објавувањето. Фото: Инстаграм принтскрин/vlatkolozanoski

Секси во црвено: Сара Мејс изгледаше магично на новогодишниот концерт со Македонска филхармонија (фото+видео)

Слободанка Илиева — Mon, 28 Dec 2020 10:02:06 +0000

На 24-ти декември, изминатиот четврток во големата сала на Македонската филхармонија се одржа новогодишен концерт под наслов „Нова Година, нов почеток“. Со оглед на ситуацијата со коронавирусот и мерките за безбедност и заштита од истиот, бројот на посетители беше ограничен. Концертот беше под диригентската палка на Џијан Емин, а како солисти настапија: Џон Илија Апелгрин, Сара мејс, Дејан Бобиќ, Полина Тасева и Калина Велковска. Дамите кои настапија на сцената изгледаа магично во избраните тоалети, а Сара Мејс со изборот на црвениот фустан и белата крзнена наметка, едноставно се издвои во фокусот. За секси нота на фустанот придонесе високиот шлиц и голиот грб кој дополнително го нагласи нејзиниот сексапил и женственот. Моделот го потпишува долгогодишната соработничка, дизајнерка и стилистка Фран. Уживајте во музиката за новиот почеток на Новата 2021 година.

Новогодишен концерт на „Градскиот дувачки оркестар“ во МКЦ

Антонио Димитриевски — Wed, 11 Dec 2019 14:12:03 +0000

Tрадиционалниот новогодишен концерт на „Градскиот дувачки оркестар“ ќе се одржи на 16 декември (понеделник), во 19 часот, во сала Фросина. Влезот е слободен.

Програма:

Marcsh – Миле Поп Јорданов – Х. Еминовиќ Dobs Boogie – W.Dobschin – arr.W.Tuschla Cant take my eyes - arr. Х. Еминовиќ Feelings - arr. Х. Еминовиќ Proud Mary - arr. Х. Еминовиќ Strangers in the night – B.Kaemfert arr. Х. Еминовиќ Final count down – J.Tempest It don’t mean a thing - arr. M.Sweeney Fevar – E.Cooley – arr. Х. Еминовиќ Brazil Samba – arr. Х. Еминовиќ Girl from Ipanema – A.C.Jobim arr. Х. Еминовиќ Gipsy Song – Влатко Стефановски Bamboleo – S.Diaz Maljiciki - arr. Х. Еминовиќ

БИС

Radetzky Marcsh – J.Strauss