нови фосили – Вистина.мк

Беше омилена пејачка во една од најпопуларните поп групи во екс-Југославија: Почина на 42 години, а зад себе остави богата кариера, сопруг и два сина (ВИДЕО)

Антонио Димитриевски — Thu, 10 Dec 2020 12:23:24 +0000

Првата пејачка на на некогаш мегапопуларната группа „Нови фосили“, Ѓурѓица Барловиќ, беше една од најхаризматичните дами на поранешна Југославија, но нејзината кариера беше прекината со нејзината прерана смрт во 1992 година. Првиот настап го имала на 13-годишна возраст на еден детски фестивал, а нејзиниот прв снимен настап го во белградското забавно шоу „Образ уз образ“ во 1974 година, кога настапи со песната „Кад би би само мој“. Иако се запишала во Средното градежно училиште, Ѓурѓица знаела дека музиката е единственото нешто со што таа сака да се занимава. Пејачката ја напушти групата во 1982 година за да му се посвети на семејството, а нејзиното место ќе го зазеде Сања Долежал. „Ми се допаѓа. Таа е убава, млада, подвижна на сцената“ ќе рече таа за својата наследничка во „Нови фосили“. „Ѓурѓица нè напушти кога сакаше да се грижи за семејниот живот, затоа што работевме со страшно темпо. Нејзиното семејство и беше поважно од нас, од сите пари. Предодередена беше да биде мајка, сопруга, а сепак, од друга страна, беше врвна пејачка. Никогаш не откажавме концерт поради неа, нејзиниот глас никогаш не пукна“ - изјави своевремено неодамна починатиот водач на „Нови фосили“, Рајко Дујмиќ. „Таа беше во солидна и стабилна здравствена состојба. Затоа бев изненаден од тоа предвремено заминување. Дента кога таа почина, верувале или не, сите часовници во мојот стан застанаа. Подоцна, ја слушнав таа страшна и тажна вест“ - рече покојниот Дујмиќ. Ѓурѓица Барловиќ почина на 42-годишна возраст како резултат на акутен срцев удар на Интерната клиника во Задар, оставајќи ги зад себе сопругот и двајцата синови.

View this post on Instagram

A post shared by Dario Liker (@dario.liker)

Вдовицата на Рајко Дујмиќ тврди: „Нови фосили“ го измамија мојот Рајко“

Христина Ѓоргиевска — Fri, 21 Aug 2020 08:58:36 +0000

Снежана Дујмиќ, вдовицата на Рајко Дујмиќ кој почина пред две недели како последица од тешка сообраќајна несреќа, објави соопштение во кое наведува дека се прекинува судскиот спор меѓу нејзиниот сопруг и останатите членови на групата „Нови фосили“. Таа во соопштението објаснува зошто починатиот Дујмиќ ги тужел Сања Долежал, Владимир Кочиш Зек и Маринко Колнаг. „Вие не можете повеќе со мене, јас не можам повеќе со вас. Продолжете да настапувате под името „Нови фосили“ под услов да добивам четвртина од настапите и концертите – тоа беше единствен услов на Рајко кој Сања, Владимир и Маринко не го прифатија. Повеќе од 5 години траеше судскиот процес. Пред година ипол, се сретнаа Сања, Владимир и Маринко со Стева Цвикиќ на кој му ветија дека на Рајко ќе му даваат 500 евра по настап, но тој договор никогаш не го испочитуваа“, напиша Снежана на својот „Фејсбук“ откако дозна дека судскиот процес е прекинат поради смртта на Рајко. Спорот околу тоа кој има право да настапува под името „Нови Фосили“ започна кога Дујмиќ бил исклучен од групата во 2014 година, а другите членови продолжиле да настапуваат под тоа име. Еден од последните настапи им бил во февруари годинава.

Семејството на починатиот лидер на „Нови фосили“, Рајко Дујмиќ, реши да ги донира неговите органи

Антонио Димитриевски — Wed, 05 Aug 2020 11:33:24 +0000

Хрватскиот музичар и поранешен лидер на групата „Нови фосили“, Рајко Дујмиќ (65), почина по сообраќајната несреќа што ја доживеа минатата недела. Композиторот Ненад Нинчевиќ, еден од најблиските пријатели на починатиот Дујмиќ, за хрватските медиуми изјави дека семејството Дујмиќ решило да ги донира неговите органи. Нинчевиќ по сообраќајната несреќа беше со семејството Дујмиќ и најави дека погребот ќе биде следната недела на гробиштата Мирогој во Загреб. „Ми беше многу тешко сите овие денови. Рајко имаше добро срце и мека душа. Ова е далеку од она што се пишуваше за него последниве години. Бевме пријатели 35 години и никогаш не се скаравме. Тој беше апсолутен позитивист и повремено се самоуништуваше и тоа беше единствената негова маана“ - рече Нинчевиќ за „Вечерњи“. Тој истакна дека особено го цени гестот на семејството да ги донира неговите органи. „Семејството направи еден хуман гест и нешто што би го поддржал и самиот Рајко. Тој не може да умре. Тој ќе живее преку неговите песни, а сега и кај некои други луѓе. Можеме да бидеме сигурни дека тој ќе остане со нас засекогаш. Слушајте како ја пееше „Милена“. Тоа не може да го отпее некој што нема душа“ - изјави Нинчевиќ.

Во тешка сообраќајна несреќа повреден е фронтменот на „Нови фосили“: „Ве молам, молете се да се разбуди од кома“

Христина Ѓоргиевска — Thu, 30 Jul 2020 08:08:49 +0000

Музичарот Рајко Дујмиќ се здобил со телесни повреди во тешка сообраќајна несреќа во Равна Гора. Фронтменот на „Нови фосили“, Дујмиќ во среда попладне излетал од патот, потврди полицијата. Како што пишува 24сата.хр, поради силниот удар, Рајко испаднал од автомобилот. Тој се наоѓа во болница на интезивна нега, а според информациите на полицијата тој е во стабилна состојба.

View this post on Instagram

A post shared by Hrvatsko društvo skladatelja (@hds_zamp) on Jul 28, 2015 at 12:34am PDT

Неговата сопруга Снежена се огласи и на социјалните мрежи. „Ве молам, молете се да се разбуди од кома“, напиша таа на својот Фејсбук.